*सूत उवाच ऐक्ष्वाकी सुषुवे शूरं ख्यातमद्भुतमीढुषम् । पौरुषाज्जज्ञिरे शूराद् भोजायां पुत्रका दश
*sūta uvāca aikṣvākī suṣuve śūraṃ khyātamadbhutamīḍhuṣam / pauruṣājjajñire śūrād bhojāyāṃ putrakā daśa
Sanskrit only: no published translation is held for this verse.
वसुदेवो महाबाहुः पूर्वमानकदुन्दुभिः । देवमार्गस्ततो जज्ञे ततो देवश्रवाः पुनः
vasudevo mahābāhuḥ pūrvamānakadundubhiḥ / devamārgastato jajñe tato devaśravāḥ punaḥ
Sanskrit only: no published translation is held for this verse.
अनाधृष्टिः शिनिश्चैव नन्दश्चैव ससृञ्जयः । श्यामः शमीकः संयूपः पञ्च चास्य वराङ्गनाः
anādhṛṣṭiḥ śiniścaiva nandaścaiva sasṛñjayaḥ / śyāmaḥ śamīkaḥ saṃyūpaḥ pañca cāsya varāṅganāḥ
Sanskrit only: no published translation is held for this verse.
श्रुतकीर्तिः पृथा चैव श्रुतादेवी श्रुतश्रवाः । राजाधिदेवी च तथा पञ्चैता वीरमातरः
śrutakīrtiḥ pṛthā caiva śrutādevī śrutaśravāḥ / rājādhidevī ca tathā pañcaitā vīramātaraḥ
Sanskrit only: no published translation is held for this verse.
कृतस्य तु श्रुतादेवी सुग्रीवं सुषुवे सुतम् । कैकेय्यां श्रुतकीर्त्यां तु जज्ञे सो ऽनुव्रतो नृपः
kṛtasya tu śrutādevī sugrīvaṃ suṣuve sutam / kaikeyyāṃ śrutakīrtyāṃ tu jajñe so 'nuvrato nṛpaḥ
Sanskrit only: no published translation is held for this verse.
श्रुतश्रवसि चैद्यस्य सुनीथः समपद्यत । बहुशो धर्मचारी स संबभूवारिमर्दनः
śrutaśravasi caidyasya sunīthaḥ samapadyata / bahuśo dharmacārī sa saṃbabhūvārimardanaḥ
Sanskrit only: no published translation is held for this verse.
अथ सख्येन वृद्धे ऽसौ कुन्तिभोजे सुतां ददौ । एवं कुन्ती समाख्याता वसुदेवस्वसा पृथा
atha sakhyena vṛddhe 'sau kuntibhoje sutāṃ dadau / evaṃ kuntī samākhyātā vasudevasvasā pṛthā
Sanskrit only: no published translation is held for this verse.
वसुदेवेन सा दत्ता पाण्डोर्भार्या ह्य् अनिन्दिता । पाण्डोरर्थेन सा जज्ञे देवपुत्रान् महारथान्
vasudevena sā dattā pāṇḍorbhāryā hy aninditā / pāṇḍorarthena sā jajñe devaputrān mahārathān
Sanskrit only: no published translation is held for this verse.
धर्माद्युधिष्ठिरो जज्ञे वायोर्जज्ञे वृकादेरः । इन्द्राद्धनंजयश् चैव शक्रतुल्यपराक्रमः
dharmādyudhiṣṭhiro jajñe vāyorjajñe vṛkāderaḥ / indrāddhanaṃjayaś caiva śakratulyaparākramaḥ
Sanskrit only: no published translation is held for this verse.
माद्रवत्यां तु जनिताव् अश्विभ्याभिति शुश्रुम । नकुलः सहदेवश्च रूपशीलगुणान्वितौ
mādravatyāṃ tu janitāv aśvibhyābhiti śuśruma / nakulaḥ sahadevaśca rūpaśīlaguṇānvitau
Sanskrit only: no published translation is held for this verse.
रोहिणी पौरवी नाम भार्या ह्य् आनकदुन्दुभेः । लेभे ज्येष्ठं सुतं रामं सारणं च सुतं प्रियम्
rohiṇī pauravī nāma bhāryā hy ānakadundubheḥ / lebhe jyeṣṭhaṃ sutaṃ rāmaṃ sāraṇaṃ ca sutaṃ priyam
Sanskrit only: no published translation is held for this verse.
दुर्दमं दमनं सुभ्रुं पिण्डारकमहाहनू । चित्राक्ष्यौ द्वे कुमार्यौ तु रोहिण्यां जज्ञिरे तदा
durdamaṃ damanaṃ subhruṃ piṇḍārakamahāhanū / citrākṣyau dve kumāryau tu rohiṇyāṃ jajñire tadā
Sanskrit only: no published translation is held for this verse.
देवक्यां जज्ञिरे शौरेः सुषेणः कीर्तिमानपि । उदासी भद्रसेनश्च ऋषिवासस्तथैव च । षष्ठो भद्रविदेहश्च कंसः सर्वानघातयत्
devakyāṃ jajñire śaureḥ suṣeṇaḥ kīrtimānapi / udāsī bhadrasenaśca ṛṣivāsastathaiva ca / ṣaṣṭho bhadravidehaśca kaṃsaḥ sarvānaghātayat
Sanskrit only: no published translation is held for this verse.
प्रथमा या अमावास्या वार्षिकी तु भविष्यति । तस्यां जज्ञे महाबाहुः पूर्वं कृष्णः प्रजापतिः
prathamā yā amāvāsyā vārṣikī tu bhaviṣyati / tasyāṃ jajñe mahābāhuḥ pūrvaṃ kṛṣṇaḥ prajāpatiḥ
Sanskrit only: no published translation is held for this verse.
अनुजा त्व् अभवत्कृष्णा सुभद्रा भद्रभाषिणी । देवक्यां तु महातेजा जज्ञे शूरो महायशाः
anujā tv abhavatkṛṣṇā subhadrā bhadrabhāṣiṇī / devakyāṃ tu mahātejā jajñe śūro mahāyaśāḥ
Sanskrit only: no published translation is held for this verse.
सहदेवस्तु ताम्रायां जज्ञे शौरिः कुलोद्वहः । उपासङ्गधरं लेभे तनयं देवरक्षिता । एकां कन्यां च सुभगां कंसस्ताम् अभ्यघातयत्
sahadevastu tāmrāyāṃ jajñe śauriḥ kulodvahaḥ / upāsaṅgadharaṃ lebhe tanayaṃ devarakṣitā / ekāṃ kanyāṃ ca subhagāṃ kaṃsastām abhyaghātayat
Sanskrit only: no published translation is held for this verse.
विजयं रोचमानं च वर्धमानं तु देवलम् । एते सर्वे महात्मानो ह्य् उपदेव्यां प्रजज्ञिरे
vijayaṃ rocamānaṃ ca vardhamānaṃ tu devalam / ete sarve mahātmāno hy upadevyāṃ prajajñire
Sanskrit only: no published translation is held for this verse.
अवगाहो महात्मा च वृकदेव्यामजायत । वृकदेव्यां स्वयं जज्ञे नन्दको नाम नामतः
avagāho mahātmā ca vṛkadevyāmajāyata / vṛkadevyāṃ svayaṃ jajñe nandako nāma nāmataḥ
Sanskrit only: no published translation is held for this verse.
सप्तमं देवकीपुत्रं मदनं सुषुवे नृप । गवेषणं महाभागं संग्रामेष्वपराजितम्
saptamaṃ devakīputraṃ madanaṃ suṣuve nṛpa / gaveṣaṇaṃ mahābhāgaṃ saṃgrāmeṣvaparājitam
Sanskrit only: no published translation is held for this verse.
श्रद्धादेव्या विहारे तु वने हि विचरन्पुरा । वैश्यायामदधाच्छौरिः पुत्रं कौशिकमग्रजम्
śraddhādevyā vihāre tu vane hi vicaranpurā / vaiśyāyāmadadhācchauriḥ putraṃ kauśikamagrajam
Sanskrit only: no published translation is held for this verse.
सुतनू रथराजी च शौरेरास्तां परिग्रहौ । पुण्ड्रश्च कपिलश्चैव वसुदेवात्मजौ बलौ
sutanū ratharājī ca śaurerāstāṃ parigrahau / puṇḍraśca kapilaścaiva vasudevātmajau balau
Sanskrit only: no published translation is held for this verse.
जरा नाम निषादो ऽभूत् प्रथमः स धनुर्धरः । सौभद्रश्च भवश्चैव महासत्त्वौ बभूवतुः
jarā nāma niṣādo 'bhūt prathamaḥ sa dhanurdharaḥ / saubhadraśca bhavaścaiva mahāsattvau babhūvatuḥ
Sanskrit only: no published translation is held for this verse.
देवभागसुतश्चापि नाम्नासाव् उद्धवः स्मृतः । पण्डितं प्रथमं प्राहुर् देवश्रवःसमुद्भवम्
devabhāgasutaścāpi nāmnāsāv uddhavaḥ smṛtaḥ / paṇḍitaṃ prathamaṃ prāhur devaśravaḥsamudbhavam
Sanskrit only: no published translation is held for this verse.
ऐक्ष्वाक्यलभतापत्यम् अनाधृष्टेर्यशस्विनी । निधूतसत्त्वं शत्रुघ्नं श्राद्धस्तस्मादजायत
aikṣvākyalabhatāpatyam anādhṛṣṭeryaśasvinī / nidhūtasattvaṃ śatrughnaṃ śrāddhastasmādajāyata
Sanskrit only: no published translation is held for this verse.
करूषायानपत्याय कृष्णस्तुष्टः सुतं ददौ । सुचन्द्रं तु महाभागं वीर्यवन्तं महाबलम्
karūṣāyānapatyāya kṛṣṇastuṣṭaḥ sutaṃ dadau / sucandraṃ tu mahābhāgaṃ vīryavantaṃ mahābalam
Sanskrit only: no published translation is held for this verse.
जाम्बवत्याः सुताव् एतौ द्वौ च सत्कृतलक्षणौ । चारुदेष्णश्च साम्बश्च वीर्यवन्तौ महाबलौ
jāmbavatyāḥ sutāv etau dvau ca satkṛtalakṣaṇau / cārudeṣṇaśca sāmbaśca vīryavantau mahābalau
Sanskrit only: no published translation is held for this verse.
तन्तिपालश्च तन्तिश्च नन्दनस्य सुताव् उभौ । शमीकपुत्राश् चत्वारो विक्रान्ताः सुमहाबलाः । विराजश्च धनुश्चैव श्यामश्च सृञ्जयस्तथा
tantipālaśca tantiśca nandanasya sutāv ubhau / śamīkaputrāś catvāro vikrāntāḥ sumahābalāḥ / virājaśca dhanuścaiva śyāmaśca sṛñjayastathā
Sanskrit only: no published translation is held for this verse.
अनपत्यो ऽभवच्छ्यामः शमीकस्तु वनं ययौ । जुगुप्समानो भोजत्वं राजर्षित्वमवाप्तवान्
anapatyo 'bhavacchyāmaḥ śamīkastu vanaṃ yayau / jugupsamāno bhojatvaṃ rājarṣitvamavāptavān
Sanskrit only: no published translation is held for this verse.
कृष्णस्य जन्माभ्युदयं यः कीर्तयति नित्यशः । शृणोति मानवो नित्यं सर्वपापैः प्रमुच्यते
kṛṣṇasya janmābhyudayaṃ yaḥ kīrtayati nityaśaḥ / śṛṇoti mānavo nityaṃ sarvapāpaiḥ pramucyate
Sanskrit only: no published translation is held for this verse.