*सूत उवाच पूरोः पुत्रो महातेजा राजा स जनमेजयः । प्राचीत्वतः सुतस्तस्य यः प्राचीमकरोद्दिशम्
*sūta uvāca pūroḥ putro mahātejā rājā sa janamejayaḥ / prācītvataḥ sutastasya yaḥ prācīmakaroddiśam
Sanskrit only: no published translation is held for this verse.
प्राचीत्वतस्य तनयो मनस्युश्च तथाभवत् । राजा पीतायुधो नाम मनस्योरभवत्सुतः
prācītvatasya tanayo manasyuśca tathābhavat / rājā pītāyudho nāma manasyorabhavatsutaḥ
Sanskrit only: no published translation is held for this verse.
दायादस्तस्य चाप्यासीद् धुन्धुर्नाम महीपतिः । धुन्धोर्बहुविधः पुत्रः सम्पातिस्तस्य चात्मजः
dāyādastasya cāpyāsīd dhundhurnāma mahīpatiḥ / dhundhorbahuvidhaḥ putraḥ sampātistasya cātmajaḥ
Sanskrit only: no published translation is held for this verse.
सम्पातेस्तु रंहवर्चा भद्राश्वस्तस्य चात्मजः । भद्राश्वस्य धृतायां तु दशाप्सरसि सूनवः
sampātestu raṃhavarcā bhadrāśvastasya cātmajaḥ / bhadrāśvasya dhṛtāyāṃ tu daśāpsarasi sūnavaḥ
Sanskrit only: no published translation is held for this verse.
औचेयुश्च हृषेयुश्च कक्षेयुश्च सनेयुकः । धृतेयुश्च विनेयुश्च स्थलेयुश्चैव सत्तमः
auceyuśca hṛṣeyuśca kakṣeyuśca saneyukaḥ / dhṛteyuśca vineyuśca sthaleyuścaiva sattamaḥ
Sanskrit only: no published translation is held for this verse.
धर्मेयुः संनतेयुश्च पुण्येयुश्चेति ते दश । औचेयोर्ज्वलना नाम भार्या वै तक्षकात्मजा
dharmeyuḥ saṃnateyuśca puṇyeyuśceti te daśa / auceyorjvalanā nāma bhāryā vai takṣakātmajā
Sanskrit only: no published translation is held for this verse.
तस्यां स जनयामास अन्तिनारं महीपतिम् । अन्तिनारो मनस्विन्यां पुत्राञ्जज्ञे पराञ्छुभान्
tasyāṃ sa janayāmāsa antināraṃ mahīpatim / antināro manasvinyāṃ putrāñjajñe parāñchubhān
Sanskrit only: no published translation is held for this verse.
अमूर्तरयसं वीरं त्रिवनं चैव धार्मिकम् । गौरी कन्या तृतीया च मान्धातुर्जननी शुभा
amūrtarayasaṃ vīraṃ trivanaṃ caiva dhārmikam / gaurī kanyā tṛtīyā ca māndhāturjananī śubhā
Sanskrit only: no published translation is held for this verse.
इलिना तु यमस्यासीत् कन्या याजनयत्सुतान् । ब्रह्मवादपराक्रान्ताञ् छुभदा त्व् इलिना ह्य् अभूत्
ilinā tu yamasyāsīt kanyā yājanayatsutān / brahmavādaparākrāntāñ chubhadā tv ilinā hy abhūt
Sanskrit only: no published translation is held for this verse.
उपदानवी सुतांल्लेभे चतुरस्त्विलिनात्मजात् । ऋष्यन्तमथ दुष्यन्तं प्रवीरम् अनधं तथा
upadānavī sutāṃllebhe caturastvilinātmajāt / ṛṣyantamatha duṣyantaṃ pravīram anadhaṃ tathā
Sanskrit only: no published translation is held for this verse.
चक्रवर्ती ततो यज्ञे दुष्यन्तात्समितिंजयः । शकुन्तलायां भरतो यस्य नाम्ना च भारताः
cakravartī tato yajñe duṣyantātsamitiṃjayaḥ / śakuntalāyāṃ bharato yasya nāmnā ca bhāratāḥ
Sanskrit only: no published translation is held for this verse.
दौष्यन्तीं प्रति राजानं वागूचे चाशरीरिणी । माता भस्त्रा पितुः पुत्रो येन जातः स एव सः
dauṣyantīṃ prati rājānaṃ vāgūce cāśarīriṇī / mātā bhastrā pituḥ putro yena jātaḥ sa eva saḥ
Sanskrit only: no published translation is held for this verse.
भरस्व पुत्रं दुष्यन्त मावमंस्थाः शकुन्तलाम् । रेतोधां नयते पुत्रः परेतं यमसादनात् । त्वं चास्य धाता गर्भस्य सत्यमाह शकुन्तला
bharasva putraṃ duṣyanta māvamaṃsthāḥ śakuntalām / retodhāṃ nayate putraḥ paretaṃ yamasādanāt / tvaṃ cāsya dhātā garbhasya satyamāha śakuntalā
Sanskrit only: no published translation is held for this verse.
भरतस्य विनष्टेषु तनयेषु पुरा किल । पुत्राणां मातृकात् कोपात् सुमहान्संक्षयः कृतः
bharatasya vinaṣṭeṣu tanayeṣu purā kila / putrāṇāṃ mātṛkāt kopāt sumahānsaṃkṣayaḥ kṛtaḥ
Sanskrit only: no published translation is held for this verse.
ततो मरुद्भिरानीय पुत्रः स तु बृहस्पतेः । संक्रामितो भरद्वाजो मरुद्भिर्भरतस्य तु
tato marudbhirānīya putraḥ sa tu bṛhaspateḥ / saṃkrāmito bharadvājo marudbhirbharatasya tu
Sanskrit only: no published translation is held for this verse.
*ऋषय ऊचुः भरतस्य भरद्वाजः पुत्रार्थं मारुतैः कथम् । संक्रामितो महातेजास् तन्नो ब्रूहि यथातथम्
*ṛṣaya ūcuḥ bharatasya bharadvājaḥ putrārthaṃ mārutaiḥ katham / saṃkrāmito mahātejās tanno brūhi yathātatham
Sanskrit only: no published translation is held for this verse.
*सूत उवाच पत्न्यामापन्नसत्त्वायाम् उशिजः स स्थितो भुवि । भ्रातुर्भार्यां स दृष्ट्वा तु बृहस्पतिरुवाच ह
*sūta uvāca patnyāmāpannasattvāyām uśijaḥ sa sthito bhuvi / bhrāturbhāryāṃ sa dṛṣṭvā tu bṛhaspatiruvāca ha
Sanskrit only: no published translation is held for this verse.
उपतिष्ठ स्वलंकृत्य मैथुनाय च मां शुभे । एवमुक्ताब्रवीदेनं स्वयमेव बृहस्पतिम्
upatiṣṭha svalaṃkṛtya maithunāya ca māṃ śubhe / evamuktābravīdenaṃ svayameva bṛhaspatim
Sanskrit only: no published translation is held for this verse.
गर्भः परिणतश्चायं ब्रह्म व्याहरते गिरा । अमोघरेतास्त्वं चापि धर्मं चैवं विगर्हितम्
garbhaḥ pariṇataścāyaṃ brahma vyāharate girā / amogharetāstvaṃ cāpi dharmaṃ caivaṃ vigarhitam
Sanskrit only: no published translation is held for this verse.
एवमुक्तो ऽब्रवीदेनां स्वयमेव बृहस्पतिः । नोपदेष्टव्यो विनयस् त्वया मे वरवर्णिनि
evamukto 'bravīdenāṃ svayameva bṛhaspatiḥ / nopadeṣṭavyo vinayas tvayā me varavarṇini
Sanskrit only: no published translation is held for this verse.
धर्षमाणः प्रसह्यैनां मैथुनायोपचक्रमे । ततो बृहस्पतिं गर्भो धर्षमाणमुवाच ह
dharṣamāṇaḥ prasahyaināṃ maithunāyopacakrame / tato bṛhaspatiṃ garbho dharṣamāṇamuvāca ha
Sanskrit only: no published translation is held for this verse.
संनिविष्टो ह्य् अहं पूर्वम् इह नाम बृहस्पते । अमोघरेताश्च भवान् नावकाश इह द्वयोः
saṃniviṣṭo hy ahaṃ pūrvam iha nāma bṛhaspate / amogharetāśca bhavān nāvakāśa iha dvayoḥ
Sanskrit only: no published translation is held for this verse.
एवमुक्तः स गर्भेण कुपितः प्रत्युवाच ह । यस्मात्त्वमीदृशे काले सर्वभूतेप्सिते सति । अभिषेधसि तस्मात्त्वं तमो दीर्घं प्रवेक्ष्यसि
evamuktaḥ sa garbheṇa kupitaḥ pratyuvāca ha / yasmāttvamīdṛśe kāle sarvabhūtepsite sati / abhiṣedhasi tasmāttvaṃ tamo dīrghaṃ pravekṣyasi
Sanskrit only: no published translation is held for this verse.
ततः कामं संनिवर्त्य तस्यानन्दाद्बृहस्पतेः । तद्रेतस्त्वपतद्भूमौ निवृत्तं शिशुको ऽभवत्
tataḥ kāmaṃ saṃnivartya tasyānandādbṛhaspateḥ / tadretastvapatadbhūmau nivṛttaṃ śiśuko 'bhavat
Sanskrit only: no published translation is held for this verse.
सद्योजातं कुमारं तु दृष्ट्वा तं ममताब्रवीत् । गमिष्यामि गृहं स्वं वै भरस्वैनं बृहस्पते
sadyojātaṃ kumāraṃ tu dṛṣṭvā taṃ mamatābravīt / gamiṣyāmi gṛhaṃ svaṃ vai bharasvainaṃ bṛhaspate
Sanskrit only: no published translation is held for this verse.
एवमुक्त्वा गता सा तु गतायां सो ऽपि तं त्यजत् । मातापितृभ्यां त्यक्तं तु दृष्ट्वा तं मरुतः शिशुम् । जगृहुस्तं भरद्वाजं मरुतः कृपया स्थिताः
evamuktvā gatā sā tu gatāyāṃ so 'pi taṃ tyajat / mātāpitṛbhyāṃ tyaktaṃ tu dṛṣṭvā taṃ marutaḥ śiśum / jagṛhustaṃ bharadvājaṃ marutaḥ kṛpayā sthitāḥ
Sanskrit only: no published translation is held for this verse.
तस्मिन्काले तु भरतो बहुभिर् ऋतुभिर्विभुः । पुत्रनैमित्तिकैर्यज्ञैर् अयजत्पुत्रलिप्सया
tasminkāle tu bharato bahubhir ṛtubhirvibhuḥ / putranaimittikairyajñair ayajatputralipsayā
Sanskrit only: no published translation is held for this verse.
यदा स यजमानस्तु पुत्रं नासादयत्प्रभुः । ततः क्रतुं मरुत्सोमं पुत्रार्थे समुपाहरत्
yadā sa yajamānastu putraṃ nāsādayatprabhuḥ / tataḥ kratuṃ marutsomaṃ putrārthe samupāharat
Sanskrit only: no published translation is held for this verse.
तेन ते मरुतस्तस्य मरुत्सोमेन तुष्टुवुः । उपनिन्युर्भरद्वाजं पुत्रार्थं भरताय वै
tena te marutastasya marutsomena tuṣṭuvuḥ / upaninyurbharadvājaṃ putrārthaṃ bharatāya vai
Sanskrit only: no published translation is held for this verse.
दायादो ऽङ्गिरसः सूनोर् औरसस्तु बृहस्पतेः । संक्रामितो भरद्वाजो मरुद्भिर्भरतं प्रति
dāyādo 'ṅgirasaḥ sūnor aurasastu bṛhaspateḥ / saṃkrāmito bharadvājo marudbhirbharataṃ prati
Sanskrit only: no published translation is held for this verse.
भरतस्तु भरद्वाजं पुत्रं प्राप्य विभुर् ब्रवीत् । आदाव् आत्महिताय त्वं कृतार्थो ऽहं त्वया विभो
bharatastu bharadvājaṃ putraṃ prāpya vibhur bravīt / ādāv ātmahitāya tvaṃ kṛtārtho 'haṃ tvayā vibho
Sanskrit only: no published translation is held for this verse.
पूर्वं तु वितथे तस्मिन् कृते वै पुत्रजन्मनि । ततस्तु वितथो नाम भरद्वाजो नृपो ऽभवत्
pūrvaṃ tu vitathe tasmin kṛte vai putrajanmani / tatastu vitatho nāma bharadvājo nṛpo 'bhavat
Sanskrit only: no published translation is held for this verse.
तस्मादपि भरद्वाजाद् ब्राह्मणाः क्षत्रिया भुवि । द्व्यामुष्यायणकौलीनाः स्मृतास्ते द्विविधेन च
tasmādapi bharadvājād brāhmaṇāḥ kṣatriyā bhuvi / dvyāmuṣyāyaṇakaulīnāḥ smṛtāste dvividhena ca
Sanskrit only: no published translation is held for this verse.
ततो जाते हि वितथे भरतश्च दिवं ययौ । भरद्वाजो दिवं यातो ह्य् अभिषिच्य सुतमृषिः
tato jāte hi vitathe bharataśca divaṃ yayau / bharadvājo divaṃ yāto hy abhiṣicya sutamṛṣiḥ
Sanskrit only: no published translation is held for this verse.
दायादो वितथस्यासीद् भुवमन्युर् महायशाः । महाभूतोपमाः पुत्राश् चत्वारो भुवमन्यवः
dāyādo vitathasyāsīd bhuvamanyur mahāyaśāḥ / mahābhūtopamāḥ putrāś catvāro bhuvamanyavaḥ
Sanskrit only: no published translation is held for this verse.
बृहत्क्षत्रो महावीर्यो नरो गर्गश्च वीर्यवान् । नरस्य संकृतिः पुत्रस् तस्य पुत्रो महायशाः
bṛhatkṣatro mahāvīryo naro gargaśca vīryavān / narasya saṃkṛtiḥ putras tasya putro mahāyaśāḥ
Sanskrit only: no published translation is held for this verse.
गुरुधी रन्तिदेवश्च सत्कृत्यां ताव् उभौ स्मृतौ । गर्गस्य चैव दायादः शिबिर्विद्वानजायत
gurudhī rantidevaśca satkṛtyāṃ tāv ubhau smṛtau / gargasya caiva dāyādaḥ śibirvidvānajāyata
Sanskrit only: no published translation is held for this verse.
स्मृताः शैब्यास्ततो गर्गाः क्षत्रोपेता द्विजातयः । आहार्यतनयश्चैव धीमानासीद् उरुक्षवः
smṛtāḥ śaibyāstato gargāḥ kṣatropetā dvijātayaḥ / āhāryatanayaścaiva dhīmānāsīd urukṣavaḥ
Sanskrit only: no published translation is held for this verse.
तस्य भार्या विशाला तु सुषुवे पुत्रकत्रयम् । त्र्युषणं पुष्करिं चैव कविं चैव महायशाः
tasya bhāryā viśālā tu suṣuve putrakatrayam / tryuṣaṇaṃ puṣkariṃ caiva kaviṃ caiva mahāyaśāḥ
Sanskrit only: no published translation is held for this verse.
उरुक्षवाः स्मृता ह्य् एते सर्वे ब्राह्मणतां गताः । काव्यानां तु वरा ह्य् एते त्रयः प्रोक्ता महर्षयः
urukṣavāḥ smṛtā hy ete sarve brāhmaṇatāṃ gatāḥ / kāvyānāṃ tu varā hy ete trayaḥ proktā maharṣayaḥ
Sanskrit only: no published translation is held for this verse.
गर्गाः संकृतयः काव्याः क्षत्रोपेता द्विजातयः । संभृताङ्गिरसो दक्षा बृहत्क्षत्रस्य च क्षितिः
gargāḥ saṃkṛtayaḥ kāvyāḥ kṣatropetā dvijātayaḥ / saṃbhṛtāṅgiraso dakṣā bṛhatkṣatrasya ca kṣitiḥ
Sanskrit only: no published translation is held for this verse.
बृहत्क्षत्रस्य दायादो हस्तिनामा बभूव ह । तेनेदं निर्मितं पूर्वं पुरं तु गजसाह्वयम्
bṛhatkṣatrasya dāyādo hastināmā babhūva ha / tenedaṃ nirmitaṃ pūrvaṃ puraṃ tu gajasāhvayam
Sanskrit only: no published translation is held for this verse.
हस्तिनश्चैव दायादास् त्रयः परमकीर्तयः । अजमीढो द्विमीढश्च पुरुमीढस्तथैव च
hastinaścaiva dāyādās trayaḥ paramakīrtayaḥ / ajamīḍho dvimīḍhaśca purumīḍhastathaiva ca
Sanskrit only: no published translation is held for this verse.
अजमीढस्य पत्न्यस्तु तिस्रः कुरुकुलोद्वहाः । नीलिनी धूमिनी चैव केशिनी चैव विश्रुता
ajamīḍhasya patnyastu tisraḥ kurukulodvahāḥ / nīlinī dhūminī caiva keśinī caiva viśrutā
Sanskrit only: no published translation is held for this verse.
स तासु जनयामास पुत्रान्वै देववर्चसः । तपसो ऽन्ते महातेजा जाता वृद्धस्य धार्मिकाः
sa tāsu janayāmāsa putrānvai devavarcasaḥ / tapaso 'nte mahātejā jātā vṛddhasya dhārmikāḥ
Sanskrit only: no published translation is held for this verse.
भारद्वाजप्रसादेन विस्तरं तेषु मे शृणु । आजमीढस्य केशिन्यां कण्वः समभवत्किल
bhāradvājaprasādena vistaraṃ teṣu me śṛṇu / ājamīḍhasya keśinyāṃ kaṇvaḥ samabhavatkila
Sanskrit only: no published translation is held for this verse.
मेधातिथिः सुतस्तस्य तस्मात्काण्वायना द्विजाः । अजमीढस्य भूमिन्यां जज्ञे बृहदनुर् नृपः
medhātithiḥ sutastasya tasmātkāṇvāyanā dvijāḥ / ajamīḍhasya bhūminyāṃ jajñe bṛhadanur nṛpaḥ
Sanskrit only: no published translation is held for this verse.
बृहदनोर् बृहन्तो ऽथ बृहन्तस्य बृहन्मनाः । बृहन्मनःसुतश्चापि बृहद्धनुरिति श्रुतः
bṛhadanor bṛhanto 'tha bṛhantasya bṛhanmanāḥ / bṛhanmanaḥsutaścāpi bṛhaddhanuriti śrutaḥ
Sanskrit only: no published translation is held for this verse.
बृहद्धनोर् बृहदिषुः पुत्रस्तस्य जयद्रथः । अश्वजित्तनयस्तस्य सेनजित् तस्य चात्मजः
bṛhaddhanor bṛhadiṣuḥ putrastasya jayadrathaḥ / aśvajittanayastasya senajit tasya cātmajaḥ
Sanskrit only: no published translation is held for this verse.
अथ सेनजितः पुत्राश् चत्वारो लोकविश्रुताः । रुचिराश्वश्च काव्यश्च राजा दृढरथस्तथा
atha senajitaḥ putrāś catvāro lokaviśrutāḥ / rucirāśvaśca kāvyaśca rājā dṛḍharathastathā
Sanskrit only: no published translation is held for this verse.
वत्सश्चावर्तको राजा यस्यैते परिवत्सकाः । रुचिराश्वस्य दायादः पृथुसेनो महायशाः
vatsaścāvartako rājā yasyaite parivatsakāḥ / rucirāśvasya dāyādaḥ pṛthuseno mahāyaśāḥ
Sanskrit only: no published translation is held for this verse.
पृथुसेनस्य पौरस्तु पौरान्नीपो ऽथ जज्ञिवान् । नीपस्यैकशतं त्व् आसीत् पुत्राणाम् अमितौजसाम्
pṛthusenasya paurastu paurānnīpo 'tha jajñivān / nīpasyaikaśataṃ tv āsīt putrāṇām amitaujasām
Sanskrit only: no published translation is held for this verse.
नीपा इति समाख्याता राजानः सर्व एव ते । तेषां वंशकरः श्रीमान् नीपानां कीर्तिवर्धनः
nīpā iti samākhyātā rājānaḥ sarva eva te / teṣāṃ vaṃśakaraḥ śrīmān nīpānāṃ kīrtivardhanaḥ
Sanskrit only: no published translation is held for this verse.
काव्याच्च समरो नाम सदेष्टसमरो ऽभवत् । समरस्य पारसम्पारौ सदश्व इति ते त्रयः
kāvyācca samaro nāma sadeṣṭasamaro 'bhavat / samarasya pārasampārau sadaśva iti te trayaḥ
Sanskrit only: no published translation is held for this verse.
पुत्राः सर्वगुणोपेता जाता वै विश्रुता भुवि । पारपुत्रः पृथुर्जातः पृथोस्तु सुकृतो ऽभवत्
putrāḥ sarvaguṇopetā jātā vai viśrutā bhuvi / pāraputraḥ pṛthurjātaḥ pṛthostu sukṛto 'bhavat
Sanskrit only: no published translation is held for this verse.
जज्ञे सर्वगुणोपेतो विभ्राजस्तस्य चात्मजः । विभ्राजस्य तु दायादस् त्व् अणुहो नाम वीर्यवान्
jajñe sarvaguṇopeto vibhrājastasya cātmajaḥ / vibhrājasya tu dāyādas tv aṇuho nāma vīryavān
Sanskrit only: no published translation is held for this verse.
बभूव शुकजामाता कृत्वीभर्ता महायशाः । अणुहस्य तु दायादो ब्रह्मदत्तो महीपतिः
babhūva śukajāmātā kṛtvībhartā mahāyaśāḥ / aṇuhasya tu dāyādo brahmadatto mahīpatiḥ
Sanskrit only: no published translation is held for this verse.
युगदत्तः सुतस्तस्य विष्वक्सेनो महायशाः । विभ्राजः पुनर् आजातः सुकृतेनेह कर्मणा
yugadattaḥ sutastasya viṣvakseno mahāyaśāḥ / vibhrājaḥ punar ājātaḥ sukṛteneha karmaṇā
Sanskrit only: no published translation is held for this verse.
विष्वक्सेनस्य पुत्रस्तु उदक्सेनो बभूव ह । भल्लाटस्तस्य पुत्रस्तु तस्यासीज्जनमेजयः । उग्रायुधेन तस्यार्थे सर्वे नीपाः प्रणाशिताः
viṣvaksenasya putrastu udakseno babhūva ha / bhallāṭastasya putrastu tasyāsījjanamejayaḥ / ugrāyudhena tasyārthe sarve nīpāḥ praṇāśitāḥ
Sanskrit only: no published translation is held for this verse.
*ऋषय ऊचुः उग्रायुधः कस्य सुतः कस्य वंशे स कथ्यते । किमर्थं तेन ते नीपाः सर्वे चैव प्रणाशिताः
*ṛṣaya ūcuḥ ugrāyudhaḥ kasya sutaḥ kasya vaṃśe sa kathyate / kimarthaṃ tena te nīpāḥ sarve caiva praṇāśitāḥ
Sanskrit only: no published translation is held for this verse.
*सूत उवाच उग्रायुधः सूर्यवंश्यस् तपस्तेपे वराश्रमे । स्थाणुभूतो ऽष्टसाहस्रं तं भेजे जनमेजयः
*sūta uvāca ugrāyudhaḥ sūryavaṃśyas tapastepe varāśrame / sthāṇubhūto 'ṣṭasāhasraṃ taṃ bheje janamejayaḥ
Sanskrit only: no published translation is held for this verse.
तस्य राज्यं प्रतिश्रुत्य नीपान् आजघ्निवान् प्रभुः । उवाच सान्त्वं विविधं जघ्नुस्ते वै ह्य् उभाव् अपि
tasya rājyaṃ pratiśrutya nīpān ājaghnivān prabhuḥ / uvāca sāntvaṃ vividhaṃ jaghnuste vai hy ubhāv api
Sanskrit only: no published translation is held for this verse.
हन्यमानागतान् ऊचे यस्माद्धेतोर्न मे वचः । शरणागतरक्षार्थं तस्मादेवं शपामि वः
hanyamānāgatān ūce yasmāddhetorna me vacaḥ / śaraṇāgatarakṣārthaṃ tasmādevaṃ śapāmi vaḥ
Sanskrit only: no published translation is held for this verse.
यदि मे ऽस्ति तपस्तप्तं सर्वान्नयतु वो यमः । ततस्तान् कृप्यमाणांस्तु यमेन पुरतः स तु
yadi me 'sti tapastaptaṃ sarvānnayatu vo yamaḥ / tatastān kṛpyamāṇāṃstu yamena purataḥ sa tu
Sanskrit only: no published translation is held for this verse.
कृपया परयाविष्टो जनमेजयम् ऊचिवान् । गतानेतानिमान्वीरांस् त्वं मे रक्षितुमर्हसि
kṛpayā parayāviṣṭo janamejayam ūcivān / gatānetānimānvīrāṃs tvaṃ me rakṣitumarhasi
Sanskrit only: no published translation is held for this verse.
*जनमेजय उवाच अरे पापा दुराचारा भवितारो ऽस्य किंकराः । तथेत्युक्तस्ततो राजा यमेन युयुधे चिरम्
*janamejaya uvāca are pāpā durācārā bhavitāro 'sya kiṃkarāḥ / tathetyuktastato rājā yamena yuyudhe ciram
Sanskrit only: no published translation is held for this verse.
व्याधिभिर्नारकैर्घोरैर् यमेन सह तान्बलात् । विजित्य मुनये प्रादात् तदद्भुतमिवाभवत्
vyādhibhirnārakairghorair yamena saha tānbalāt / vijitya munaye prādāt tadadbhutamivābhavat
Sanskrit only: no published translation is held for this verse.
यमस्तुष्टस्ततस्तस्मै मुक्तिज्ञानं ददौ परम् । सर्वे यथोचितं कृत्वा जग्मुस्ते कृष्णमव्ययम्
yamastuṣṭastatastasmai muktijñānaṃ dadau param / sarve yathocitaṃ kṛtvā jagmuste kṛṣṇamavyayam
Sanskrit only: no published translation is held for this verse.
येषां तु चरितं गृह्य हन्यते नापमृत्युभिः । इह लोके परे चैव सुखमक्षय्यमश्नुते
yeṣāṃ tu caritaṃ gṛhya hanyate nāpamṛtyubhiḥ / iha loke pare caiva sukhamakṣayyamaśnute
Sanskrit only: no published translation is held for this verse.
अजमीढस्य धूमिन्यां विद्वाञ्जज्ञे यवीनरः । धृतिमांस्तस्य पुत्रस्तु तस्य सत्यधृतिः स्मृतः । अथ सत्यधृतेः पुत्रो दृढनेमिः प्रतापवान्
ajamīḍhasya dhūminyāṃ vidvāñjajñe yavīnaraḥ / dhṛtimāṃstasya putrastu tasya satyadhṛtiḥ smṛtaḥ / atha satyadhṛteḥ putro dṛḍhanemiḥ pratāpavān
Sanskrit only: no published translation is held for this verse.
दृढनेमिसुतश्चापि सुधर्मा नाम पार्थिवः । आसीत्सुधर्मतनयः सार्वभौमः प्रतापवान्
dṛḍhanemisutaścāpi sudharmā nāma pārthivaḥ / āsītsudharmatanayaḥ sārvabhaumaḥ pratāpavān
Sanskrit only: no published translation is held for this verse.
सार्वभौमेति विख्यातः पृथिव्याम् एकराड् बभौ । तस्यान्ववाये महति महापौरवनन्दनः
sārvabhaumeti vikhyātaḥ pṛthivyām ekarāḍ babhau / tasyānvavāye mahati mahāpauravanandanaḥ
Sanskrit only: no published translation is held for this verse.
महापौरवपुत्रस्तु राजा रुक्मरथः स्मृतः । अथ रुक्मरथस्यासीत् सुपार्श्वो नाम पार्थिवः
mahāpauravaputrastu rājā rukmarathaḥ smṛtaḥ / atha rukmarathasyāsīt supārśvo nāma pārthivaḥ
Sanskrit only: no published translation is held for this verse.
सुपार्श्वतनयश्चापि सुमतिर्नाम धार्मिकः । सुमतेरपि धर्मात्मा राजा संनतिमानपि
supārśvatanayaścāpi sumatirnāma dhārmikaḥ / sumaterapi dharmātmā rājā saṃnatimānapi
Sanskrit only: no published translation is held for this verse.
तस्यासीत्संनतिमतः कृतो नाम सुतो महान् । हिरण्यनाभिनः शिष्यः कौशल्यस्य महात्मनः
tasyāsītsaṃnatimataḥ kṛto nāma suto mahān / hiraṇyanābhinaḥ śiṣyaḥ kauśalyasya mahātmanaḥ
Sanskrit only: no published translation is held for this verse.
चतुर्विंशतिधा येन प्रोक्ता वै सामसंहिताः । स्मृतास्ते प्राच्यसामानः कार्ता नामेह सामगाः
caturviṃśatidhā yena proktā vai sāmasaṃhitāḥ / smṛtāste prācyasāmānaḥ kārtā nāmeha sāmagāḥ
Sanskrit only: no published translation is held for this verse.
कार्तिरुग्रायुधो ऽसौ वै महापौरववर्धनः । बभूव येन विक्रम्य पृथुकस्य पिता हतः
kārtirugrāyudho 'sau vai mahāpauravavardhanaḥ / babhūva yena vikramya pṛthukasya pitā hataḥ
Sanskrit only: no published translation is held for this verse.
नीलो नाम महाराजः पाञ्चालाधिपतिर्वशी । उग्रायुधस्य दायादः क्षेमो नाम महायशाः
nīlo nāma mahārājaḥ pāñcālādhipatirvaśī / ugrāyudhasya dāyādaḥ kṣemo nāma mahāyaśāḥ
Sanskrit only: no published translation is held for this verse.
क्षेमात्सुनीथः संजज्ञे सुनीथस्य नृपंजयः । नृपंजयाच्च विरथ इत्येते पौरवाः स्तुताः
kṣemātsunīthaḥ saṃjajñe sunīthasya nṛpaṃjayaḥ / nṛpaṃjayācca viratha ityete pauravāḥ stutāḥ
Sanskrit only: no published translation is held for this verse.