*श्रीभगवानुवाच कृष्णाष्टमीमथो वक्ष्ये सर्वपापप्रणाशिनीम् । शान्तिर्मुक्तिश्च भवति जयः पुंसां विशेषतः
*śrībhagavānuvāca kṛṣṇāṣṭamīmatho vakṣye sarvapāpapraṇāśinīm / śāntirmuktiśca bhavati jayaḥ puṃsāṃ viśeṣataḥ
Sanskrit only: no published translation is held for this verse.
शंकरं मार्गशिरसि शम्भुं पौषे ऽभिपूजयेत् । माघे महेश्वरं देवं महादेवं च फाल्गुने
śaṃkaraṃ mārgaśirasi śambhuṃ pauṣe 'bhipūjayet / māghe maheśvaraṃ devaṃ mahādevaṃ ca phālgune
Sanskrit only: no published translation is held for this verse.
स्थाणुं चैत्रे शिवं तद्वद् वैशाखे त्वर्चयेन्नरः । ज्येष्ठे पशुपतिं चार्चेद् आषाढे उग्रमर्चयेत्
sthāṇuṃ caitre śivaṃ tadvad vaiśākhe tvarcayennaraḥ / jyeṣṭhe paśupatiṃ cārced āṣāḍhe ugramarcayet
Sanskrit only: no published translation is held for this verse.
पूजयेच्छ्रावणे शर्वं नभस्ये त्र्यम्बकं तथा । हरमाश्वयुजे मासि तथेशानं च कार्त्तिके
pūjayecchrāvaṇe śarvaṃ nabhasye tryambakaṃ tathā / haramāśvayuje māsi tatheśānaṃ ca kārttike
Sanskrit only: no published translation is held for this verse.
कृष्णाष्टमीषु सर्वासु शक्तः सम्पूजयेद्द्विजान् । गोभूहिरण्यवासोभिः शिवभक्तानुपोषितः
kṛṣṇāṣṭamīṣu sarvāsu śaktaḥ sampūjayeddvijān / gobhūhiraṇyavāsobhiḥ śivabhaktānupoṣitaḥ
Sanskrit only: no published translation is held for this verse.
गोमूत्रघृतगोक्षीर-तिलान् यवकुशोदकम् । गोशृङ्गोदशिरीषार्क-बिल्वपत्त्रदधीनि च । पञ्चगव्यं च संप्राश्य शंकरं पूजयेन्निशि
gomūtraghṛtagokṣīra-tilān yavakuśodakam / gośṛṅgodaśirīṣārka-bilvapattradadhīni ca / pañcagavyaṃ ca saṃprāśya śaṃkaraṃ pūjayenniśi
Sanskrit only: no published translation is held for this verse.
अश्वत्थं च वटं चैवो-दुम्बरं प्लक्षमेव च । पलाशं जम्बुवृक्षं च विदुः षष्ठं महर्षयः
aśvatthaṃ ca vaṭaṃ caivo-dumbaraṃ plakṣameva ca / palāśaṃ jambuvṛkṣaṃ ca viduḥ ṣaṣṭhaṃ maharṣayaḥ
Sanskrit only: no published translation is held for this verse.
मार्गशीर्षाषाढमासाभ्यां द्वाभ्यां द्वाभ्यामितिक्रमात् । एकैकं दन्तपवनं वृक्षेष्वेतेषु भक्षयेत्
mārgaśīrṣāṣāḍhamāsābhyāṃ dvābhyāṃ dvābhyāmitikramāt / ekaikaṃ dantapavanaṃ vṛkṣeṣveteṣu bhakṣayet
Sanskrit only: no published translation is held for this verse.
देवाय दद्यादर्घ्यं च कृष्णां गां कृष्णवाससम् । दद्यात्समाप्ते दध्यन्नं वितानध्वजचामरम्
devāya dadyādarghyaṃ ca kṛṣṇāṃ gāṃ kṛṣṇavāsasam / dadyātsamāpte dadhyannaṃ vitānadhvajacāmaram
Sanskrit only: no published translation is held for this verse.
द्विजानामुदकुम्भांश्च पञ्चरत्नसमन्वितान् । गावः कृष्णाः सुवर्णं च वासांसि विविधानि च । अशक्तस्तु पुनर्दद्याद् गामेकामपि शक्तितः
dvijānāmudakumbhāṃśca pañcaratnasamanvitān / gāvaḥ kṛṣṇāḥ suvarṇaṃ ca vāsāṃsi vividhāni ca / aśaktastu punardadyād gāmekāmapi śaktitaḥ
Sanskrit only: no published translation is held for this verse.
न वित्तशाठ्यं कुर्वीत कुर्वन्दोषमवाप्नुयात् । कृष्णाष्टमीमुपोष्यैव सप्तकल्पशतत्रयम् । पुमान्सम्पूजितो देवैः शिवलोके महीयते
na vittaśāṭhyaṃ kurvīta kurvandoṣamavāpnuyāt / kṛṣṇāṣṭamīmupoṣyaiva saptakalpaśatatrayam / pumānsampūjito devaiḥ śivaloke mahīyate
Sanskrit only: no published translation is held for this verse.