*नारद उवाच दीर्घायुरारोग्यकुलाभिवृद्धि-युक्तः पुमान्भूपकुलायुतः स्यात् । मुहुर्मुहुर्जन्मनि येन सम्यग् व्रतं समाचक्ष्व तदिन्दुमौले
*nārada uvāca dīrghāyurārogyakulābhivṛddhi-yuktaḥ pumānbhūpakulāyutaḥ syāt / muhurmuhurjanmani yena samyag vrataṃ samācakṣva tadindumaule
Sanskrit only: no published translation is held for this verse.
*श्रीभगवानुवाच त्वया पृष्टमिदं सम्यग् उक्तं चाक्षय्यकारकम् । रहस्यं तव वक्ष्यामि यत्पुराणविदो विदुः
*śrībhagavānuvāca tvayā pṛṣṭamidaṃ samyag uktaṃ cākṣayyakārakam / rahasyaṃ tava vakṣyāmi yatpurāṇavido viduḥ
Sanskrit only: no published translation is held for this verse.
रोहिणीचन्द्रशयनं नाम व्रतमिहोत्तमम् । तस्मिन्नारायणस्यार्चाम् अर्चयद् इन्दुनामभिः
rohiṇīcandraśayanaṃ nāma vratamihottamam / tasminnārāyaṇasyārcām arcayad indunāmabhiḥ
Sanskrit only: no published translation is held for this verse.
यदा सोमदिने शुक्ला भवेत्पञ्चदशी क्वचित् । अथवा ब्रह्मनक्षत्रं पौर्णमास्यां प्रजायते
yadā somadine śuklā bhavetpañcadaśī kvacit / athavā brahmanakṣatraṃ paurṇamāsyāṃ prajāyate
Sanskrit only: no published translation is held for this verse.
तदा स्नानं नरः कुर्यात् पञ्चगव्येन सर्षपैः । आप्यायस्वेति तु जपेद् विद्वानष्टशतं पुनः
tadā snānaṃ naraḥ kuryāt pañcagavyena sarṣapaiḥ / āpyāyasveti tu japed vidvānaṣṭaśataṃ punaḥ
Sanskrit only: no published translation is held for this verse.
शूद्रो ऽपि परया भक्त्या पाषण्डालापवर्जितः । सोमाय वरदायाथ विष्णवे च नमो नमः
śūdro 'pi parayā bhaktyā pāṣaṇḍālāpavarjitaḥ / somāya varadāyātha viṣṇave ca namo namaḥ
Sanskrit only: no published translation is held for this verse.
कृतजप्यः स्वभवनम् आगत्य मधुसूदनम् । पूजयेत्फलपुष्पैश्च सोमनामानि कीर्तयन्
kṛtajapyaḥ svabhavanam āgatya madhusūdanam / pūjayetphalapuṣpaiśca somanāmāni kīrtayan
Sanskrit only: no published translation is held for this verse.
सोमाय शान्ताय नमो ऽस्तु पादाव् अनन्तधाम्नेति च जानुजङ्घे । ऊरुद्वयं चापि जलोदराय सम्पूजयेन्मेढ्रमनन्तबाहवे
somāya śāntāya namo 'stu pādāv anantadhāmneti ca jānujaṅghe / ūrudvayaṃ cāpi jalodarāya sampūjayenmeḍhramanantabāhave
Sanskrit only: no published translation is held for this verse.
नमो नमः कामसुखप्रदाय कटिः शशाङ्कस्य सदार्चनीया । तथोदरं चाप्यमृतोदराय नाभिः शशाङ्काय नमो ऽभिपूज्या
namo namaḥ kāmasukhapradāya kaṭiḥ śaśāṅkasya sadārcanīyā / tathodaraṃ cāpyamṛtodarāya nābhiḥ śaśāṅkāya namo 'bhipūjyā
Sanskrit only: no published translation is held for this verse.
नमो ऽस्तु चन्द्राय मुखं च पूज्यं दन्ता द्विजानामधिपाय पूज्याः । हास्यं नमश्चन्द्रमसे ऽभिपूज्यम् ओष्ठौ कुमुद्वन्तवनप्रियाय
namo 'stu candrāya mukhaṃ ca pūjyaṃ dantā dvijānāmadhipāya pūjyāḥ / hāsyaṃ namaścandramase 'bhipūjyam oṣṭhau kumudvantavanapriyāya
Sanskrit only: no published translation is held for this verse.
नासा च नाथाय वनौषधीनाम् आनन्दभूताय पुनर्भ्रुवौ च । नेत्रद्वयं पद्मनिभं तथेन्दोर् इन्दीवरश्यामकराय शौरेः
nāsā ca nāthāya vanauṣadhīnām ānandabhūtāya punarbhruvau ca / netradvayaṃ padmanibhaṃ tathendor indīvaraśyāmakarāya śaureḥ
Sanskrit only: no published translation is held for this verse.
नमः समस्ताध्वरवन्दिताय कर्णद्वयं दैत्यनिषूदनाय । ललाटमिन्दोरुदधिप्रियाय केशाः सुषुम्नाधिपतेः प्रपूज्याः
namaḥ samastādhvaravanditāya karṇadvayaṃ daityaniṣūdanāya / lalāṭamindorudadhipriyāya keśāḥ suṣumnādhipateḥ prapūjyāḥ
Sanskrit only: no published translation is held for this verse.
शिरः शशाङ्काय नमो मुरारेर् विश्वेश्वरायेति नमः किरीटिने । पद्मप्रिये रोहिणि नाम लक्ष्मीः सौभाग्यसौख्यामृतचारुकाये
śiraḥ śaśāṅkāya namo murārer viśveśvarāyeti namaḥ kirīṭine / padmapriye rohiṇi nāma lakṣmīḥ saubhāgyasaukhyāmṛtacārukāye
Sanskrit only: no published translation is held for this verse.
देवीं च संपूज्य सुगन्धपुष्पैर् नैवेद्यधूपादिभिरिन्दुपत्नीम् । सुप्त्वाथ भूमौ पुनरुत्थितेन स्नात्वा च विप्राय हविष्ययुक्तः
devīṃ ca saṃpūjya sugandhapuṣpair naivedyadhūpādibhirindupatnīm / suptvātha bhūmau punarutthitena snātvā ca viprāya haviṣyayuktaḥ
Sanskrit only: no published translation is held for this verse.
देयः प्रभाते सहिरण्यवारि-कुम्भो नमः पापविनाशनाय । संप्राश्य गोमूत्रममांसमन्नम् अक्षारमष्टावथ विंशतिं च । ग्रासान्पयःसर्पिर्युतानुपोष्य भुक्त्वेतिहासं शृणुयान्मुहूर्तम्
deyaḥ prabhāte sahiraṇyavāri-kumbho namaḥ pāpavināśanāya / saṃprāśya gomūtramamāṃsamannam akṣāramaṣṭāvatha viṃśatiṃ ca / grāsānpayaḥsarpiryutānupoṣya bhuktvetihāsaṃ śṛṇuyānmuhūrtam
Sanskrit only: no published translation is held for this verse.
कदम्बनीलोत्पलकेतकानि जाती सरोजं शतपत्त्रिका च । अम्लानकुब्जान्यथ सिन्दुवारं पुष्पं पुनर्नारद मल्लिकायाः । शुभ्रं च विष्णोः करवीरपुष्पं श्रीचम्पकं चन्द्रमसः प्रदेयम्
kadambanīlotpalaketakāni jātī sarojaṃ śatapattrikā ca / amlānakubjānyatha sinduvāraṃ puṣpaṃ punarnārada mallikāyāḥ / śubhraṃ ca viṣṇoḥ karavīrapuṣpaṃ śrīcampakaṃ candramasaḥ pradeyam
Sanskrit only: no published translation is held for this verse.
श्रावणादिषु मासेषु क्रमादेतानि सर्वदा । यस्मिन्मासे व्रतादिः स्यात् तत्पुष्पैरर्चयेद्धरिम्
śrāvaṇādiṣu māseṣu kramādetāni sarvadā / yasminmāse vratādiḥ syāt tatpuṣpairarcayeddharim
Sanskrit only: no published translation is held for this verse.
एवं संवत्सरं यावद् उपास्य विधिवन्नरः । व्रतान्ते शयनं दद्याद् दर्पणोपस्करान्वितम्
evaṃ saṃvatsaraṃ yāvad upāsya vidhivannaraḥ / vratānte śayanaṃ dadyād darpaṇopaskarānvitam
Sanskrit only: no published translation is held for this verse.
रोहिणीचन्द्रमिथुनं कारयित्वाथ काञ्चनम् । चन्द्रः षडङ्गुलः कार्यो रोहिणी चतुरङ्गुला
rohiṇīcandramithunaṃ kārayitvātha kāñcanam / candraḥ ṣaḍaṅgulaḥ kāryo rohiṇī caturaṅgulā
Sanskrit only: no published translation is held for this verse.
मुक्ताफलाष्टकयुतं सितनेत्रपटावृतम् । क्षीरकुम्भोपरि पुनः कांस्यपात्राक्षतान्वितम् । दद्यान्मन्त्रेण पूर्वाह्णे शालीक्षुफलसंयुतम्
muktāphalāṣṭakayutaṃ sitanetrapaṭāvṛtam / kṣīrakumbhopari punaḥ kāṃsyapātrākṣatānvitam / dadyānmantreṇa pūrvāhṇe śālīkṣuphalasaṃyutam
Sanskrit only: no published translation is held for this verse.
श्वेतामथ सुवर्णास्यां खुरै रौप्यैः समन्विताम् । सवस्त्रभाजनां धेनुं तथा शङ्खं च शोभनम्
śvetāmatha suvarṇāsyāṃ khurai raupyaiḥ samanvitām / savastrabhājanāṃ dhenuṃ tathā śaṅkhaṃ ca śobhanam
Sanskrit only: no published translation is held for this verse.
भूषणैर्द्विजदाम्पत्यम् अलंकृत्य गुणान्वितम् । चन्द्रो ऽयं द्विजरूपेण सभार्य इति कल्पयेत्
bhūṣaṇairdvijadāmpatyam alaṃkṛtya guṇānvitam / candro 'yaṃ dvijarūpeṇa sabhārya iti kalpayet
Sanskrit only: no published translation is held for this verse.
यथा न रोहिणी कृष्ण शय्यां संत्यज्य गच्छति । सोमरूपस्य ते तद्वन् ममाभेदो ऽस्तु भूतिभिः
yathā na rohiṇī kṛṣṇa śayyāṃ saṃtyajya gacchati / somarūpasya te tadvan mamābhedo 'stu bhūtibhiḥ
Sanskrit only: no published translation is held for this verse.
यथा त्वमेव सर्वेषां परमानन्दमुक्तिदः । भुक्तिर्मुक्तिस्तथा भक्तिस् त्वयि चन्द्रास्तु मे सदा
yathā tvameva sarveṣāṃ paramānandamuktidaḥ / bhuktirmuktistathā bhaktis tvayi candrāstu me sadā
Sanskrit only: no published translation is held for this verse.
इति संसारभीतस्य मुक्तिकामस्य चानघ । रूपारोग्यायुषामेतद् विधायकमनुत्तमम्
iti saṃsārabhītasya muktikāmasya cānagha / rūpārogyāyuṣāmetad vidhāyakamanuttamam
Sanskrit only: no published translation is held for this verse.
इदमेव पितॄणां च सर्वदा वल्लभं मुने । त्रैलोक्याधिपतिर्भूत्वा सप्तकल्पशतत्रयम् । चन्द्रलोकमवाप्नोति विद्युद्भूत्वा तु मुच्यते
idameva pitṝṇāṃ ca sarvadā vallabhaṃ mune / trailokyādhipatirbhūtvā saptakalpaśatatrayam / candralokamavāpnoti vidyudbhūtvā tu mucyate
Sanskrit only: no published translation is held for this verse.
नारी वा रोहिणी चन्द्र-शयनं या समाचरेत् । सापि तत्फलमाप्नोति पुनरावृत्तिदुर्लभम्
nārī vā rohiṇī candra-śayanaṃ yā samācaret / sāpi tatphalamāpnoti punarāvṛttidurlabham
Sanskrit only: no published translation is held for this verse.
इति पठति शृणोति वा य इत्थं मधुमथनार्चनम् इन्दुकीर्तनेन । मतिमपि च ददाति सो ऽपि शौरेर् भवनगतः परिपूज्यते ऽमरौघैः
iti paṭhati śṛṇoti vā ya itthaṃ madhumathanārcanam indukīrtanena / matimapi ca dadāti so 'pi śaurer bhavanagataḥ paripūjyate 'maraughaiḥ
Sanskrit only: no published translation is held for this verse.