कश्यपस्य प्रवक्ष्यामि पत्नीभ्यः पुत्रपौत्रकान् । अदितिर्दितिर्दनुश्चैव अरिष्टा सुरसा तथा
kaśyapasya pravakṣyāmi patnībhyaḥ putrapautrakān / aditirditirdanuścaiva ariṣṭā surasā tathā
Sanskrit only: no published translation is held for this verse.
Matsya Purāṇa 6
सुरभिर् विनता तद्वत् ताम्रा क्रोधवशा इरा । कद्रूर्विश्वा मुनिस् तद्वत् तासां पुत्रान् निबोधत
surabhir vinatā tadvat tāmrā krodhavaśā irā / kadrūrviśvā munis tadvat tāsāṃ putrān nibodhata
Sanskrit only: no published translation is held for this verse.
तुषिता नाम ये देवाश् चाक्षुषस्यान्तरे मनोः । वैवस्वते ऽन्तरे चैते आदित्या द्वादश स्मृताः
tuṣitā nāma ye devāś cākṣuṣasyāntare manoḥ / vaivasvate 'ntare caite ādityā dvādaśa smṛtāḥ
Sanskrit only: no published translation is held for this verse.
इन्द्रो धाता भगस् त्वष्टा मित्रो ऽथ वरुणो यमः । विवस्वान्सविता पूषा अंशुमान् विष्णुर् एव च
indro dhātā bhagas tvaṣṭā mitro 'tha varuṇo yamaḥ / vivasvānsavitā pūṣā aṃśumān viṣṇur eva ca
Sanskrit only: no published translation is held for this verse.
एते सहस्रकिरणा आदित्या द्वादश स्मृताः । मारीचात्कश्यपादाप पुत्रानदितिरुत्तमान्
ete sahasrakiraṇā ādityā dvādaśa smṛtāḥ / mārīcātkaśyapādāpa putrānaditiruttamān
Sanskrit only: no published translation is held for this verse.
भृशाश्वस्य ऋषेः पुत्रा देवप्रहरणाः स्मृताः । एते देवगणा विप्राः प्रतिमन्वन्तरेषु च
bhṛśāśvasya ṛṣeḥ putrā devapraharaṇāḥ smṛtāḥ / ete devagaṇā viprāḥ pratimanvantareṣu ca
Sanskrit only: no published translation is held for this verse.
उत्पद्यन्ते प्रलीयन्ते कल्पे कल्पे तथैव च । दितिः पुत्रद्वयं लेभे कश्यपाद् इति नः श्रुतम्
utpadyante pralīyante kalpe kalpe tathaiva ca / ditiḥ putradvayaṃ lebhe kaśyapād iti naḥ śrutam
Sanskrit only: no published translation is held for this verse.
हिरण्यकशिपुं चैव हिरण्याक्षं तथैव च । हिरण्यकशिपोस्तद्वज् जातं पुत्रचतुष्टयम्
hiraṇyakaśipuṃ caiva hiraṇyākṣaṃ tathaiva ca / hiraṇyakaśipostadvaj jātaṃ putracatuṣṭayam
Sanskrit only: no published translation is held for this verse.
प्रह्लादश् चानुह्लादश्च संह्लादो ह्लाद एव च । प्रह्लादपुत्र आयुष्मान् शिबिर् बाष्कल एव च
prahlādaś cānuhlādaśca saṃhlādo hlāda eva ca / prahlādaputra āyuṣmān śibir bāṣkala eva ca
Sanskrit only: no published translation is held for this verse.
विरोचनश् चतुर्थश्च स बलिं पुत्रमाप्तवान् । बलेः पुत्रशतं त्व् आसीद् बाणज्येष्ठं ततो द्विजाः
virocanaś caturthaśca sa baliṃ putramāptavān / baleḥ putraśataṃ tv āsīd bāṇajyeṣṭhaṃ tato dvijāḥ
Sanskrit only: no published translation is held for this verse.
धृतराष्ट्रस् तथा सूर्यश् चन्द्रश्चन्द्रांशुतापनः । निकुम्भनाभो गुर्वक्षः कुक्षिभीमो विभीषणः
dhṛtarāṣṭras tathā sūryaś candraścandrāṃśutāpanaḥ / nikumbhanābho gurvakṣaḥ kukṣibhīmo vibhīṣaṇaḥ
Sanskrit only: no published translation is held for this verse.
एवमाद्यास् तु बहवो बाणज्येष्ठा गुणाधिकाः । बाणः सहस्रबाहुश् च सर्वास्त्रगणसंयुतः
evamādyās tu bahavo bāṇajyeṣṭhā guṇādhikāḥ / bāṇaḥ sahasrabāhuś ca sarvāstragaṇasaṃyutaḥ
Sanskrit only: no published translation is held for this verse.
तपसा तोषितो यस्य पुरे वसति शूलभृत् । महाकालत्वम् अगमत् साम्यं यश्च पिनाकिनः
tapasā toṣito yasya pure vasati śūlabhṛt / mahākālatvam agamat sāmyaṃ yaśca pinākinaḥ
Sanskrit only: no published translation is held for this verse.
हिरण्याक्षस्य पुत्रो ऽभूद् उलूकः शकुनिस्तथा । भूतसंतापनश् चैव महानाभस्तथैव च
hiraṇyākṣasya putro 'bhūd ulūkaḥ śakunistathā / bhūtasaṃtāpanaś caiva mahānābhastathaiva ca
Sanskrit only: no published translation is held for this verse.
एतेभ्यः पुत्रपौत्राणां कोटयः सप्तसप्ततिः । महाबला महाकाया नानारूपा महौजसः
etebhyaḥ putrapautrāṇāṃ koṭayaḥ saptasaptatiḥ / mahābalā mahākāyā nānārūpā mahaujasaḥ
Sanskrit only: no published translation is held for this verse.
दनुः पुत्रशतं लेभे कश्यपाद् बलदर्पितम् । विप्रचित्तिः प्रधानो ऽभूद् येषां मध्ये महाबलः
danuḥ putraśataṃ lebhe kaśyapād baladarpitam / vipracittiḥ pradhāno 'bhūd yeṣāṃ madhye mahābalaḥ
Sanskrit only: no published translation is held for this verse.
द्विमूर्धा शकुनिश्चैव तथा शङ्कुशिरोधरः । अयोमुखः शम्बरश् च कपिशो नामतस्तथा
dvimūrdhā śakuniścaiva tathā śaṅkuśirodharaḥ / ayomukhaḥ śambaraś ca kapiśo nāmatastathā
Sanskrit only: no published translation is held for this verse.
मारीचिर् मेघवांश्चैव इरा गर्भशिरास् तथा । विद्रावणश्च केतुश्च केतुवीर्यः शतह्रदः
mārīcir meghavāṃścaiva irā garbhaśirās tathā / vidrāvaṇaśca ketuśca ketuvīryaḥ śatahradaḥ
Sanskrit only: no published translation is held for this verse.
इन्द्रजित् सप्तजिच्चैव वज्रनाभस्तथैव च । एकचक्रो महाबाहुर् वज्राक्षस् तारकस् तथा
indrajit saptajiccaiva vajranābhastathaiva ca / ekacakro mahābāhur vajrākṣas tārakas tathā
Sanskrit only: no published translation is held for this verse.
असिलोमा पुलोमा च बिन्दुर्बाणो महासुरः । स्वर्भानुर्वृषपर्वा च एवमाद्या दनोः सुताः
asilomā pulomā ca bindurbāṇo mahāsuraḥ / svarbhānurvṛṣaparvā ca evamādyā danoḥ sutāḥ
Sanskrit only: no published translation is held for this verse.
स्वर्भानोस्तु प्रभा कन्या शची चैव पुलोमजा । उपदानवी मयस्यासीत् तथा मन्दोदरी कुहूः
svarbhānostu prabhā kanyā śacī caiva pulomajā / upadānavī mayasyāsīt tathā mandodarī kuhūḥ
Sanskrit only: no published translation is held for this verse.
शर्मिष्ठा सुन्दरी चैव चन्द्रा च वृषपर्वणः । पुलोमा कालका चैव वैश्वानरसुते हि ते
śarmiṣṭhā sundarī caiva candrā ca vṛṣaparvaṇaḥ / pulomā kālakā caiva vaiśvānarasute hi te
Sanskrit only: no published translation is held for this verse.
बह्वपत्ये महासत्त्वे मारीचस्य परिग्रहे । तयोः षष्टिसहस्राणि दानवानामभूत्पुरा
bahvapatye mahāsattve mārīcasya parigrahe / tayoḥ ṣaṣṭisahasrāṇi dānavānāmabhūtpurā
Sanskrit only: no published translation is held for this verse.
पौलोमान्कालकेयांश्च मारीचो ऽजनयत्पुरा । अवध्या ये ऽमराणां वै हिरण्यपुरवासिनः
paulomānkālakeyāṃśca mārīco 'janayatpurā / avadhyā ye 'marāṇāṃ vai hiraṇyapuravāsinaḥ
Sanskrit only: no published translation is held for this verse.
चतुर्मुखाल्लब्धवरास् ते हता विजयेन तु । विप्रचित्तिः सैंहिकेयान् सिंहिकायाम् अजीजनत्
caturmukhāllabdhavarās te hatā vijayena tu / vipracittiḥ saiṃhikeyān siṃhikāyām ajījanat
Sanskrit only: no published translation is held for this verse.
हिरण्यकशिपोर्ये वै भागिनेयास् त्रयोदश । व्यंसः कल्पश्च राजेन्द्र नलो वातापिरेव च
hiraṇyakaśiporye vai bhāgineyās trayodaśa / vyaṃsaḥ kalpaśca rājendra nalo vātāpireva ca
Sanskrit only: no published translation is held for this verse.
इल्वलो नमुचिश्चैव श्वसृपश् चाजनस् तथा । नरकः कालनाभश्च सरमाणस् तथैव च
ilvalo namuciścaiva śvasṛpaś cājanas tathā / narakaḥ kālanābhaśca saramāṇas tathaiva ca
Sanskrit only: no published translation is held for this verse.
कालवीयेश् च विख्यातो दनुवंशविवर्धनाः । संह्रादस्य तु दैत्यस्य निवातकवचाः स्मृताः
kālavīyeś ca vikhyāto danuvaṃśavivardhanāḥ / saṃhrādasya tu daityasya nivātakavacāḥ smṛtāḥ
Sanskrit only: no published translation is held for this verse.
अवध्याः सर्वदेवानां गन्धर्वोरगरक्षसाम् । ये हता भर्गम् आश्रित्य त्व् अर्जुनेन रणाजिरे
avadhyāḥ sarvadevānāṃ gandharvoragarakṣasām / ye hatā bhargam āśritya tv arjunena raṇājire
Sanskrit only: no published translation is held for this verse.
षट्कन्या जनयामास ताम्रा मारीचबीजतः । शुकी श्येनी च भासी च सुग्रीवी गृध्रिका शुचिः
ṣaṭkanyā janayāmāsa tāmrā mārīcabījataḥ / śukī śyenī ca bhāsī ca sugrīvī gṛdhrikā śuciḥ
Sanskrit only: no published translation is held for this verse.
शुकी शुकानुलूकांश्च जनयामास धर्मतः । श्येनी श्येनांस्तथा भासी कुररानप्यजीजनत्
śukī śukānulūkāṃśca janayāmāsa dharmataḥ / śyenī śyenāṃstathā bhāsī kurarānapyajījanat
Sanskrit only: no published translation is held for this verse.
गृध्री गृध्रान्कपोतांश्च पारावतविहंगमान् । हंससारसक्रौञ्चांश् च प्लवाञ्छुचिरजीजनत्
gṛdhrī gṛdhrānkapotāṃśca pārāvatavihaṃgamān / haṃsasārasakrauñcāṃś ca plavāñchucirajījanat
Sanskrit only: no published translation is held for this verse.
अजाश्वमेषोष्ट्रखरान् सुग्रीवी चाप्यजीजनत् । एष ताम्रान्वयः प्रोक्तो विनतायां निबोधत
ajāśvameṣoṣṭrakharān sugrīvī cāpyajījanat / eṣa tāmrānvayaḥ prokto vinatāyāṃ nibodhata
Sanskrit only: no published translation is held for this verse.
गरुडः पततां नाथः अरुणश्च पतत्रिणाम् । सौदामनी तथा कन्या येयं नभसि विश्रुता ॥ मत्स्प् ६।३४ ॥। सम्पातिश् च जटायुश्च अरुणस्य सुताव् उभौ । सम्पातिपुत्रो बभ्रुश्च शीघ्रगश्चापि विश्रुतः
garuḍaḥ patatāṃ nāthaḥ aruṇaśca patatriṇām / saudāmanī tathā kanyā yeyaṃ nabhasi viśrutā // MatsP 6.34 /// sampātiś ca jaṭāyuśca aruṇasya sutāv ubhau / sampātiputro babhruśca śīghragaścāpi viśrutaḥ
Sanskrit only: no published translation is held for this verse.
जटायुषः कर्णिकारः शतगामी च विश्रुतौ । सारसो रज्जुवालश्च भेरुण्डश्चापि तत्सुताः
jaṭāyuṣaḥ karṇikāraḥ śatagāmī ca viśrutau / sāraso rajjuvālaśca bheruṇḍaścāpi tatsutāḥ
Sanskrit only: no published translation is held for this verse.
तेषामनन्तमभवत् पक्षिणां पुत्रपौत्रकम् । सुरसायाः सहस्रं तु सर्पाणाम् अभवत्पुरा
teṣāmanantamabhavat pakṣiṇāṃ putrapautrakam / surasāyāḥ sahasraṃ tu sarpāṇām abhavatpurā
Sanskrit only: no published translation is held for this verse.
सहस्रशिरसां कद्रूः सहस्रं चापि सुव्रत । प्रधानास्तेषु विख्याताः षड्विंशतिर् अरिंदम
sahasraśirasāṃ kadrūḥ sahasraṃ cāpi suvrata / pradhānāsteṣu vikhyātāḥ ṣaḍviṃśatir ariṃdama
Sanskrit only: no published translation is held for this verse.
शेषवासुकिकर्कोट-शङ्खैरावतकम्बलाः । धनंजयमहानील-पद्माश्वतरतक्षकाः
śeṣavāsukikarkoṭa-śaṅkhairāvatakambalāḥ / dhanaṃjayamahānīla-padmāśvataratakṣakāḥ
Sanskrit only: no published translation is held for this verse.
एलापत्त्रमहापद्म-धृतराष्ट्रबलाहकाः । शङ्खपालमहाशङ्ख-पुष्पदंष्ट्रशुभाननाः
elāpattramahāpadma-dhṛtarāṣṭrabalāhakāḥ / śaṅkhapālamahāśaṅkha-puṣpadaṃṣṭraśubhānanāḥ
Sanskrit only: no published translation is held for this verse.
शङ्कुरोमा च बहुलो वामनः पाणिनस्तथा । कपिलो दुर्मुखश्चापि पतञ्जलिरिति स्मृताः
śaṅkuromā ca bahulo vāmanaḥ pāṇinastathā / kapilo durmukhaścāpi patañjaliriti smṛtāḥ
Sanskrit only: no published translation is held for this verse.
एषामनन्तमभवत् सर्वेषां पुत्रपौत्रकम् । प्रायशो यत्पुरा दग्धं जनमेजयमन्दिरे
eṣāmanantamabhavat sarveṣāṃ putrapautrakam / prāyaśo yatpurā dagdhaṃ janamejayamandire
Sanskrit only: no published translation is held for this verse.
रक्षोगणं क्रोधवशा स्वनामानम् अजीजनत् । दंष्ट्रिणां नियुतं तेषां भीमसेनादगात्क्षयम्
rakṣogaṇaṃ krodhavaśā svanāmānam ajījanat / daṃṣṭriṇāṃ niyutaṃ teṣāṃ bhīmasenādagātkṣayam
Sanskrit only: no published translation is held for this verse.
रुद्राणां च गणं तद्वद् गोमहिष्यो वराङ्गनाः । सुरभिर्जनयामास कश्यपात्संयतव्रता
rudrāṇāṃ ca gaṇaṃ tadvad gomahiṣyo varāṅganāḥ / surabhirjanayāmāsa kaśyapātsaṃyatavratā
Sanskrit only: no published translation is held for this verse.
मुनिर्मुनीनां च गणं गणमप्सरसां तथा । तथा किंनरगन्धर्वान् अरिष्टाजनयद् बहून्
munirmunīnāṃ ca gaṇaṃ gaṇamapsarasāṃ tathā / tathā kiṃnaragandharvān ariṣṭājanayad bahūn
Sanskrit only: no published translation is held for this verse.
तृणवृक्षलतागुल्मम् इरा सर्वम् अजीजनत् । विश्वा तु यक्षरक्षांसि जनयामास कोटिशः
tṛṇavṛkṣalatāgulmam irā sarvam ajījanat / viśvā tu yakṣarakṣāṃsi janayāmāsa koṭiśaḥ
Sanskrit only: no published translation is held for this verse.
तत एकोनपञ्चाशन् मरुतः कश्यपाद्दितिः । जनयामास धर्मज्ञान् सर्वानमरवल्लभान्
tata ekonapañcāśan marutaḥ kaśyapādditiḥ / janayāmāsa dharmajñān sarvānamaravallabhān
Sanskrit only: no published translation is held for this verse.