*ईश्वर उवाच अथान्यामपि वक्ष्यामि तृतीयां सर्वकामदाम् । यस्यां दत्तं हुतं जप्तं सर्वं भवति चाक्षयम्
*īśvara uvāca athānyāmapi vakṣyāmi tṛtīyāṃ sarvakāmadām / yasyāṃ dattaṃ hutaṃ japtaṃ sarvaṃ bhavati cākṣayam
Sanskrit only: no published translation is held for this verse.
वैशाखशुक्लपक्षे तु तृतीया यैरुपोषिता । अक्षयं फलमाप्नोति सर्वस्य सुकृतस्य च
vaiśākhaśuklapakṣe tu tṛtīyā yairupoṣitā / akṣayaṃ phalamāpnoti sarvasya sukṛtasya ca
Sanskrit only: no published translation is held for this verse.
सा तथा कृत्तिकोपेता विशेषेण सुपूजिता । तत्र दत्तं हुतं जप्तं सर्वमक्षयमुच्यते
sā tathā kṛttikopetā viśeṣeṇa supūjitā / tatra dattaṃ hutaṃ japtaṃ sarvamakṣayamucyate
Sanskrit only: no published translation is held for this verse.
अक्षया संततिस्तस्यास् तस्यां सुकृतमक्षयम् । अक्षतैः पूज्यते विष्णुस् तेन साप्यक्षया स्मृता । अक्षतैस्तु नराः स्नाता विष्णोर्दत्त्वा तथाक्षतान्
akṣayā saṃtatistasyās tasyāṃ sukṛtamakṣayam / akṣataiḥ pūjyate viṣṇus tena sāpyakṣayā smṛtā / akṣataistu narāḥ snātā viṣṇordattvā tathākṣatān
Sanskrit only: no published translation is held for this verse.
विप्रेषु दत्त्वा तानेव तथा सक्तून् सुसंकृतान् । यथान्नभुङ्महाभागः फलमक्षय्यमश्नुते
vipreṣu dattvā tāneva tathā saktūn susaṃkṛtān / yathānnabhuṅmahābhāgaḥ phalamakṣayyamaśnute
Sanskrit only: no published translation is held for this verse.
एकामप्युक्तवत्कृत्वा तृतीयां विधिवन्नरः । एतासामपि सर्वासां तृतीयानां फलं भवेत्
ekāmapyuktavatkṛtvā tṛtīyāṃ vidhivannaraḥ / etāsāmapi sarvāsāṃ tṛtīyānāṃ phalaṃ bhavet
Sanskrit only: no published translation is held for this verse.
तृतीयायां समभ्यर्च्य सोपवासो जनार्दनम् । राजसूयफलं प्राप्य गतिमग्र्यां च विन्दति
tṛtīyāyāṃ samabhyarcya sopavāso janārdanam / rājasūyaphalaṃ prāpya gatimagryāṃ ca vindati
Sanskrit only: no published translation is held for this verse.