*मनुरुवाच मधुरा भारती केन व्रतेन मधुसूदन । तथैव जनसौभाग्यम् अतिविद्यासु कौशलम्
*manuruvāca madhurā bhāratī kena vratena madhusūdana / tathaiva janasaubhāgyam atividyāsu kauśalam
Sanskrit only: no published translation is held for this verse.
Matsya Purāṇa 66
अभेदश्चापि दम्पत्योस् तथा बन्धुजनेन च । आयुश्च विपुलं पुंसां तन्मे कथय माधव
abhedaścāpi dampatyos tathā bandhujanena ca / āyuśca vipulaṃ puṃsāṃ tanme kathaya mādhava
Sanskrit only: no published translation is held for this verse.
*मत्स्य उवाच सम्यक्पृष्टं त्वया राजञ् छृणु सारस्वतं व्रतम् । यस्य संकीर्तनादेव तुष्यतीह सरस्वती
*matsya uvāca samyakpṛṣṭaṃ tvayā rājañ chṛṇu sārasvataṃ vratam / yasya saṃkīrtanādeva tuṣyatīha sarasvatī
Sanskrit only: no published translation is held for this verse.
यो यद्भक्तः पुमान्कुर्याद् एतद्व्रतमनुत्तमम् । तद्वासरादौ सम्पूज्य विप्रानेतान्समाचरेत्
yo yadbhaktaḥ pumānkuryād etadvratamanuttamam / tadvāsarādau sampūjya viprānetānsamācaret
Sanskrit only: no published translation is held for this verse.
अथवादित्यवारेण ग्रहताराबलेन च । पायसं भोजयेद्विप्रान् कृत्वा ब्राह्मणवाचनम्
athavādityavāreṇa grahatārābalena ca / pāyasaṃ bhojayedviprān kṛtvā brāhmaṇavācanam
Sanskrit only: no published translation is held for this verse.
शुक्लवस्त्राणि दत्त्वा च सहिरण्यानि शक्तितः । गायत्रीं पूजयेद्भक्त्या शुक्लमाल्यानुलेपनैः
śuklavastrāṇi dattvā ca sahiraṇyāni śaktitaḥ / gāyatrīṃ pūjayedbhaktyā śuklamālyānulepanaiḥ
Sanskrit only: no published translation is held for this verse.
यथा न देवि भगवान् ब्रह्मलोके पितामहः । त्वां परित्यज्य संतिष्ठेत् तथा भव वरप्रदा
yathā na devi bhagavān brahmaloke pitāmahaḥ / tvāṃ parityajya saṃtiṣṭhet tathā bhava varapradā
Sanskrit only: no published translation is held for this verse.
वेदाः शास्त्राणि सर्वाणि गीतनृत्यादिकं च यत् । न विहीनं त्वया देवि तथा मे सन्तु सिद्धयः
vedāḥ śāstrāṇi sarvāṇi gītanṛtyādikaṃ ca yat / na vihīnaṃ tvayā devi tathā me santu siddhayaḥ
Sanskrit only: no published translation is held for this verse.
लक्ष्मीर्मेधा धरा पुष्टिर् गौरी तुष्टिः प्रभा मतिः । एताभिः पाहि चाष्टाभिस् तनुभिर्मां सरस्वति
lakṣmīrmedhā dharā puṣṭir gaurī tuṣṭiḥ prabhā matiḥ / etābhiḥ pāhi cāṣṭābhis tanubhirmāṃ sarasvati
Sanskrit only: no published translation is held for this verse.
एवं सम्पूज्य गायत्रीं वीणाक्षमणिधारिणीम् । शुक्लपुष्पाक्षतैर् भक्त्या सकमण्डलुपुस्तकाम् । मौनव्रतेन भुञ्जीत सायं प्रातस्तु धर्मवित्
evaṃ sampūjya gāyatrīṃ vīṇākṣamaṇidhāriṇīm / śuklapuṣpākṣatair bhaktyā sakamaṇḍalupustakām / maunavratena bhuñjīta sāyaṃ prātastu dharmavit
Sanskrit only: no published translation is held for this verse.
पञ्चम्यां प्रतिपक्षं च पूजयेद्ब्रह्मवासिनीम् । तथैव तण्डुलप्रस्थं घृतपात्रेण संयुतम् । क्षीरं दद्याद्धिरण्यं च गायत्री प्रीयतामिति
pañcamyāṃ pratipakṣaṃ ca pūjayedbrahmavāsinīm / tathaiva taṇḍulaprasthaṃ ghṛtapātreṇa saṃyutam / kṣīraṃ dadyāddhiraṇyaṃ ca gāyatrī prīyatāmiti
Sanskrit only: no published translation is held for this verse.
संध्यायां च तथा मौनम् एतत्कुर्वन्समाचरेत् । नान्तरा भोजनं कुर्याद् यावन्मासास्त्रयोदश
saṃdhyāyāṃ ca tathā maunam etatkurvansamācaret / nāntarā bhojanaṃ kuryād yāvanmāsāstrayodaśa
Sanskrit only: no published translation is held for this verse.
समाप्ते तु व्रते कुर्याद् भोजनं शुक्लतण्डुलैः । पूर्वं सवस्त्रयुग्मं च दद्याद्विप्राय भोजनम्
samāpte tu vrate kuryād bhojanaṃ śuklataṇḍulaiḥ / pūrvaṃ savastrayugmaṃ ca dadyādviprāya bhojanam
Sanskrit only: no published translation is held for this verse.
देव्या वितानं घण्टां च सितनेत्रे पयस्विनीम् । चन्दनं वस्त्रयुग्मं च दद्याच्च शिखरं पुनः
devyā vitānaṃ ghaṇṭāṃ ca sitanetre payasvinīm / candanaṃ vastrayugmaṃ ca dadyācca śikharaṃ punaḥ
Sanskrit only: no published translation is held for this verse.
तथोपदेष्टारमपि भक्त्या सम्पूजयेद्गुरुम् । वित्तशाठ्येन रहितो वस्त्रमाल्यानुलेपनैः
tathopadeṣṭāramapi bhaktyā sampūjayedgurum / vittaśāṭhyena rahito vastramālyānulepanaiḥ
Sanskrit only: no published translation is held for this verse.
अनेन विधिना यस्तु कुर्यात्सारस्वतं व्रतम् । विद्यावानर्थसंयुक्तो रक्तकण्ठश्च जायते
anena vidhinā yastu kuryātsārasvataṃ vratam / vidyāvānarthasaṃyukto raktakaṇṭhaśca jāyate
Sanskrit only: no published translation is held for this verse.
सरस्वत्याः प्रसादेन ब्रह्मलोके महीयते । नारी वा कुरुते या तु सापि तत्फलगामिनी
sarasvatyāḥ prasādena brahmaloke mahīyate / nārī vā kurute yā tu sāpi tatphalagāminī
Sanskrit only: no published translation is held for this verse.
ब्रह्मलोके वसेद् राजन् यावत् कल्पायुतत्रयम्
brahmaloke vased rājan yāvat kalpāyutatrayam
Sanskrit only: no published translation is held for this verse.
सारस्वतं व्रतं यस्तु शृणुयादपि यः पठेत् । विद्याधरपुरे सो ऽपि वसेत्कल्पायुतत्रयम्
sārasvataṃ vrataṃ yastu śṛṇuyādapi yaḥ paṭhet / vidyādharapure so 'pi vasetkalpāyutatrayam
Sanskrit only: no published translation is held for this verse.