Matsya Purāṇa 67

चन्द्रादित्योपरागे तु यत्स्नानमभिधीयते । तदहं श्रोतुमिच्छामि द्रव्यमन्त्रविधानवित्

candrādityoparāge tu yatsnānamabhidhīyate / tadahaṃ śrotumicchāmi dravyamantravidhānavit

Sanskrit only: no published translation is held for this verse.

*मत्स्य उवाच यस्य राशिं समासाद्य भवेद्ग्रहणसम्प्लवः । तस्य स्नानं प्रवक्ष्यामि मन्त्रौषधविधानतः

*matsya uvāca yasya rāśiṃ samāsādya bhavedgrahaṇasamplavaḥ / tasya snānaṃ pravakṣyāmi mantrauṣadhavidhānataḥ

Sanskrit only: no published translation is held for this verse.

चन्द्रोपरागं सम्प्राप्य कृत्वा ब्राह्मणवाचनम् । सम्पूज्य चतुरो विप्राञ् शुक्लमाल्यानुलेपनैः

candroparāgaṃ samprāpya kṛtvā brāhmaṇavācanam / sampūjya caturo viprāñ śuklamālyānulepanaiḥ

Sanskrit only: no published translation is held for this verse.

पूर्वमेवोपरागस्य समासाद्यौषधादिकम् । स्थापयेच् चतुरः कुम्भान् अव्रणान्सागरानिति

pūrvamevoparāgasya samāsādyauṣadhādikam / sthāpayec caturaḥ kumbhān avraṇānsāgarāniti

Sanskrit only: no published translation is held for this verse.

गजाश्वरथ्यावल्मीक-संगमाद्ध्रदगोकुलात् । राजद्वारप्रदेशाच्च मृदमानीय चाक्षिपेत्

gajāśvarathyāvalmīka-saṃgamāddhradagokulāt / rājadvārapradeśācca mṛdamānīya cākṣipet

Sanskrit only: no published translation is held for this verse.

पञ्चगव्यं च कुम्भेषु शुद्धमुक्ताफलानि च । रोचनां पद्मशङ्खौ च पञ्चरत्नसमन्वितम्

pañcagavyaṃ ca kumbheṣu śuddhamuktāphalāni ca / rocanāṃ padmaśaṅkhau ca pañcaratnasamanvitam

Sanskrit only: no published translation is held for this verse.

स्फटिकं चन्दनं श्वेतं तीर्थवारि ससर्षपम् । राजदन्तं सकुमुदं तथैवोशीरगुग्गुलम् । एतत्सर्वं विनिक्षिप्य कुम्भेष्वावाहयेत्सुरान्

sphaṭikaṃ candanaṃ śvetaṃ tīrthavāri sasarṣapam / rājadantaṃ sakumudaṃ tathaivośīraguggulam / etatsarvaṃ vinikṣipya kumbheṣvāvāhayetsurān

Sanskrit only: no published translation is held for this verse.

सर्वे समुद्राः सरितस् तीर्थानि जलदा नदाः । आयान्तु यजमानस्य दुरितक्षयकारकाः

sarve samudrāḥ saritas tīrthāni jaladā nadāḥ / āyāntu yajamānasya duritakṣayakārakāḥ

Sanskrit only: no published translation is held for this verse.

यो ऽसौ वज्रधरो देव आदित्यानां प्रभुर्मतः । सहस्रनयनश्चेन्द्रो ग्रहपीडां व्यपोहतु

yo 'sau vajradharo deva ādityānāṃ prabhurmataḥ / sahasranayanaścendro grahapīḍāṃ vyapohatu

Sanskrit only: no published translation is held for this verse.

मुखं यः सर्वदेवानां सप्तार्चिरमितद्युतिः । चन्द्रोपरागसम्भूताम् अग्निः पीडां व्यपोहतु

mukhaṃ yaḥ sarvadevānāṃ saptārciramitadyutiḥ / candroparāgasambhūtām agniḥ pīḍāṃ vyapohatu

Sanskrit only: no published translation is held for this verse.

यः कर्मसाक्षी भूतानां धर्मो महिषवाहनः । यमश्चन्द्रोपरागोत्थां मम पीडां व्यपोहतु

yaḥ karmasākṣī bhūtānāṃ dharmo mahiṣavāhanaḥ / yamaścandroparāgotthāṃ mama pīḍāṃ vyapohatu

Sanskrit only: no published translation is held for this verse.

रक्षोगणाधिपः साक्षात् प्रलयानलसंनिभः । खड्गव्यग्रो ऽतिभीमश्च रक्षःपीडां व्यपोहतु

rakṣogaṇādhipaḥ sākṣāt pralayānalasaṃnibhaḥ / khaḍgavyagro 'tibhīmaśca rakṣaḥpīḍāṃ vyapohatu

Sanskrit only: no published translation is held for this verse.

नागपाशधरो देवः साक्षान्मकरवाहनः । स जलाधिपतिश् चन्द्र-ग्रहपीडां व्यपोहतु

nāgapāśadharo devaḥ sākṣānmakaravāhanaḥ / sa jalādhipatiś candra-grahapīḍāṃ vyapohatu

Sanskrit only: no published translation is held for this verse.

प्राणरूपेण यो लोकान् पाति कृष्णमृगप्रियः । वायुश्चन्द्रोपरागोत्थां पीडामत्र व्यपोहतु

prāṇarūpeṇa yo lokān pāti kṛṣṇamṛgapriyaḥ / vāyuścandroparāgotthāṃ pīḍāmatra vyapohatu

Sanskrit only: no published translation is held for this verse.

यो ऽसौ निधिपतिर्देवः खड्गशूलगदाधरः । चन्द्रोपरागकलुषं धनदो मे व्यपोहतु

yo 'sau nidhipatirdevaḥ khaḍgaśūlagadādharaḥ / candroparāgakaluṣaṃ dhanado me vyapohatu

Sanskrit only: no published translation is held for this verse.

यो ऽसाविन्दुधरो देवः पिनाकी वृषवाहनः । चन्द्रोपरागजां पीडां विनाशयतु शंकरः

yo 'sāvindudharo devaḥ pinākī vṛṣavāhanaḥ / candroparāgajāṃ pīḍāṃ vināśayatu śaṃkaraḥ

Sanskrit only: no published translation is held for this verse.

त्रैलोक्ये यानि भूतानि स्थावराणि चराणि च । ब्रह्मविष्ण्वर्कयुक्तानि तानि पापं दहन्तु वै

trailokye yāni bhūtāni sthāvarāṇi carāṇi ca / brahmaviṣṇvarkayuktāni tāni pāpaṃ dahantu vai

Sanskrit only: no published translation is held for this verse.

एवमामन्त्र्य तैः कुम्भैर् अभिषिक्तो गुणान्वितैः । ऋग्यजुःसाममन्त्रैश्च शुक्लमाल्यानुलेपनैः । पूजयेद्वस्त्रगोदानैर् ब्राह्मणानिष्टदेवताः

evamāmantrya taiḥ kumbhair abhiṣikto guṇānvitaiḥ / ṛgyajuḥsāmamantraiśca śuklamālyānulepanaiḥ / pūjayedvastragodānair brāhmaṇāniṣṭadevatāḥ

Sanskrit only: no published translation is held for this verse.

एतानेव ततो मन्त्रान् विलिखेत् करकान्वितान् । वस्त्रपट्टे ऽथवा पद्मे पञ्चरत्नसमन्वितान्

etāneva tato mantrān vilikhet karakānvitān / vastrapaṭṭe 'thavā padme pañcaratnasamanvitān

Sanskrit only: no published translation is held for this verse.

यजमानस्य शिरसि निदध्युस्ते द्विजोत्तमाः । ततो ऽतिवाहयेद्वेलाम् उपरागानुगामिनीम्

yajamānasya śirasi nidadhyuste dvijottamāḥ / tato 'tivāhayedvelām uparāgānugāminīm

Sanskrit only: no published translation is held for this verse.

प्राङ्मुखः पूजयित्वा तु नमस्यन्निष्टदेवताम् । चन्द्रग्रहे विनिर्वृत्ते कृतगोदानमङ्गलः । कृतस्नानाय तं पट्टं ब्राह्मणाय निवेदयेत्

prāṅmukhaḥ pūjayitvā tu namasyanniṣṭadevatām / candragrahe vinirvṛtte kṛtagodānamaṅgalaḥ / kṛtasnānāya taṃ paṭṭaṃ brāhmaṇāya nivedayet

Sanskrit only: no published translation is held for this verse.

अनेन विधिना यस्तु ग्रहस्नानं समाचरेत् । न तस्य ग्रहपीडा स्यान् न च बन्धुजनक्षयः

anena vidhinā yastu grahasnānaṃ samācaret / na tasya grahapīḍā syān na ca bandhujanakṣayaḥ

Sanskrit only: no published translation is held for this verse.

परमां सिद्धिमाप्नोति पुनरावृत्तिदुर्लभाम् । सूर्यग्रहे सूर्यनाम सदा मन्त्रेषु कीर्तयेत्

paramāṃ siddhimāpnoti punarāvṛttidurlabhām / sūryagrahe sūryanāma sadā mantreṣu kīrtayet

Sanskrit only: no published translation is held for this verse.

अधिकाः पद्मरागाः स्युः कपिलां च सुशोभनाम् । प्रयच्छेच्च निशां पत्ये चन्द्रसूर्योपरागयोः

adhikāḥ padmarāgāḥ syuḥ kapilāṃ ca suśobhanām / prayacchecca niśāṃ patye candrasūryoparāgayoḥ

Sanskrit only: no published translation is held for this verse.

य इदं शृणुयान्नित्यं श्रावयेद्वापि मानवः । सर्वपापविनिर्मुक्तः शक्रलोके महीयते

ya idaṃ śṛṇuyānnityaṃ śrāvayedvāpi mānavaḥ / sarvapāpavinirmuktaḥ śakraloke mahīyate

Sanskrit only: no published translation is held for this verse.