*पिप्पलाद उवाच अथातः शृणु भूपाल प्रतिशुक्रं प्रशान्तये । यात्रारम्भे ऽवसाने च तथा शुक्रोदये त्विह
*pippalāda uvāca athātaḥ śṛṇu bhūpāla pratiśukraṃ praśāntaye / yātrārambhe 'vasāne ca tathā śukrodaye tviha
Sanskrit only: no published translation is held for this verse.
राजते वाथ सौवर्णे कांस्यपात्रे ऽथवा पुनः । शुक्लपुष्पाम्बरयुते सिततण्डुलपूरिते
rājate vātha sauvarṇe kāṃsyapātre 'thavā punaḥ / śuklapuṣpāmbarayute sitataṇḍulapūrite
Sanskrit only: no published translation is held for this verse.
विधाय राजतं शुक्रं शुचिमुक्ताफलान्वितम् । मन्त्रेणानेन तत्सर्वं सामगाय निवेदयेत्
vidhāya rājataṃ śukraṃ śucimuktāphalānvitam / mantreṇānena tatsarvaṃ sāmagāya nivedayet
Sanskrit only: no published translation is held for this verse.
नमस्ते सर्वलोकेश नमस्ते भृगुनन्दन । कवे सर्वार्थसिद्ध्यर्थं गृहाणार्घ्यं नमो ऽस्तु ते
namaste sarvalokeśa namaste bhṛgunandana / kave sarvārthasiddhyarthaṃ gṛhāṇārghyaṃ namo 'stu te
Sanskrit only: no published translation is held for this verse.
एवमस्योदये कुर्वन् यात्रादिषु च भारत । सर्वान्कामानवाप्नोति विष्णुलोके महीयते
evamasyodaye kurvan yātrādiṣu ca bhārata / sarvānkāmānavāpnoti viṣṇuloke mahīyate
Sanskrit only: no published translation is held for this verse.
यावच्छुक्रस्य न हृता पूजा सा माल्यकैः शुभैः । वटकैः पूरिकाभिश्च गोधूमैश्चणकैरपि । तावदन्नं न चाश्नीयात् त्रिभिः कामार्थसिद्धये
yāvacchukrasya na hṛtā pūjā sā mālyakaiḥ śubhaiḥ / vaṭakaiḥ pūrikābhiśca godhūmaiścaṇakairapi / tāvadannaṃ na cāśnīyāt tribhiḥ kāmārthasiddhaye
Sanskrit only: no published translation is held for this verse.
तद्वद्वाचस्पतेः पूजां प्रवक्ष्यामि युधिष्ठिर । सुवर्णपात्रे सौवर्णम् अमरेशपुरोहितम्
tadvadvācaspateḥ pūjāṃ pravakṣyāmi yudhiṣṭhira / suvarṇapātre sauvarṇam amareśapurohitam
Sanskrit only: no published translation is held for this verse.
पीतपुष्पाम्बरयुतं कृत्वा स्नात्वाथ सर्षपैः । पलाशाश्वत्थयोगेन पञ्चगव्यजलेन च
pītapuṣpāmbarayutaṃ kṛtvā snātvātha sarṣapaiḥ / palāśāśvatthayogena pañcagavyajalena ca
Sanskrit only: no published translation is held for this verse.
पीताङ्गरागवसनो घृतहोमं तु कारयेत् । प्रणम्य च गवा सार्धं ब्राह्मणाय निवेदयेत्
pītāṅgarāgavasano ghṛtahomaṃ tu kārayet / praṇamya ca gavā sārdhaṃ brāhmaṇāya nivedayet
Sanskrit only: no published translation is held for this verse.
नमस्ते ऽङ्गिरसां नाथ वाक्पते च बृहस्पते । क्रूरग्रहैः पीडितानाम् अमृताय नमो नमः
namaste 'ṅgirasāṃ nātha vākpate ca bṛhaspate / krūragrahaiḥ pīḍitānām amṛtāya namo namaḥ
Sanskrit only: no published translation is held for this verse.
संक्रान्तावस्य कौन्तेय यात्रास्वभ्युदयेषु च । कुर्वन्बृहस्पतेः पूजां सर्वान्कामान्समश्नुते
saṃkrāntāvasya kaunteya yātrāsvabhyudayeṣu ca / kurvanbṛhaspateḥ pūjāṃ sarvānkāmānsamaśnute
Sanskrit only: no published translation is held for this verse.