*ब्रह्मोवाच भगवन् भवसंसार-सागरोत्तारकारक । किंचिद्व्रतं समाचक्ष्व स्वर्गारोग्यसुखप्रदम्
*brahmovāca bhagavan bhavasaṃsāra-sāgarottārakāraka / kiṃcidvrataṃ samācakṣva svargārogyasukhapradam
Sanskrit only: no published translation is held for this verse.
*ईश्वर उवाच सौरं धर्मं प्रवक्ष्यामि नाम्ना कल्याणसप्तमीम् । विशोकसप्तमीं तद्वत् फलाढ्यां पापनाशिनीम्
*īśvara uvāca sauraṃ dharmaṃ pravakṣyāmi nāmnā kalyāṇasaptamīm / viśokasaptamīṃ tadvat phalāḍhyāṃ pāpanāśinīm
Sanskrit only: no published translation is held for this verse.
शर्करासप्तमीं पुण्यां तथा कमलसप्तमीम् । मन्दारसप्तमीं तद्वच् छुभदां शुभसप्तमीम्
śarkarāsaptamīṃ puṇyāṃ tathā kamalasaptamīm / mandārasaptamīṃ tadvac chubhadāṃ śubhasaptamīm
Sanskrit only: no published translation is held for this verse.
सर्वानन्तफलाः प्रोक्ताः सर्वा देवर्षिपूजिताः । विधानमासां वक्ष्यामि यथावदनुपूर्वशः
sarvānantaphalāḥ proktāḥ sarvā devarṣipūjitāḥ / vidhānamāsāṃ vakṣyāmi yathāvadanupūrvaśaḥ
Sanskrit only: no published translation is held for this verse.
यदा तु शुक्लसप्तम्याम् आदित्यस्य दिनं भवेत् । सा तु कल्याणिनी नाम विजया च निगद्यते
yadā tu śuklasaptamyām ādityasya dinaṃ bhavet / sā tu kalyāṇinī nāma vijayā ca nigadyate
Sanskrit only: no published translation is held for this verse.
प्रातर्गव्येन पयसा स्नानमस्यां समाचरेत् । ततः शुक्लाम्बरः पद्मम् अक्षताभिः प्रकल्पयेत्
prātargavyena payasā snānamasyāṃ samācaret / tataḥ śuklāmbaraḥ padmam akṣatābhiḥ prakalpayet
Sanskrit only: no published translation is held for this verse.
प्राङ्मुखो ऽष्टदलं मध्ये तद्वद्वृत्तां च कर्णिकाम् । पुष्पाक्षताभिर्देवेशं विन्यसेत्सर्वतः क्रमात्
prāṅmukho 'ṣṭadalaṃ madhye tadvadvṛttāṃ ca karṇikām / puṣpākṣatābhirdeveśaṃ vinyasetsarvataḥ kramāt
Sanskrit only: no published translation is held for this verse.
पूर्वेण तपनायेति मार्तण्डायेति चानले । याम्ये दिवाकरायेति विधात्र इति नैरृते
pūrveṇa tapanāyeti mārtaṇḍāyeti cānale / yāmye divākarāyeti vidhātra iti nairṛte
Sanskrit only: no published translation is held for this verse.
पश्चिमे वरुणायेति भास्करायेति चानिले । सौम्ये विकर्तनायेति रवये चाष्टमे दले
paścime varuṇāyeti bhāskarāyeti cānile / saumye vikartanāyeti ravaye cāṣṭame dale
Sanskrit only: no published translation is held for this verse.
आदावन्ते च मध्ये च नमो ऽस्तु परमात्मने । मन्त्रैरेभिः समभ्यर्च्य नमस्कारान्तदीपितैः
ādāvante ca madhye ca namo 'stu paramātmane / mantrairebhiḥ samabhyarcya namaskārāntadīpitaiḥ
Sanskrit only: no published translation is held for this verse.
शुक्लवस्त्रैः फलैर्भक्ष्यैर् धूपमाल्यानुलेपनैः । स्थण्डिले पूजयेद्भक्त्या गुडेन लवणेन च
śuklavastraiḥ phalairbhakṣyair dhūpamālyānulepanaiḥ / sthaṇḍile pūjayedbhaktyā guḍena lavaṇena ca
Sanskrit only: no published translation is held for this verse.
ततो व्याहृतिमन्त्रेण विसृजेद्द्विजपुंगवान् । शक्तितः पूजयेद्भक्त्या गुडक्षीरघृतादिभिः । तिलपात्रं हिरण्यं च ब्राह्मणाय निवेदयेत्
tato vyāhṛtimantreṇa visṛjeddvijapuṃgavān / śaktitaḥ pūjayedbhaktyā guḍakṣīraghṛtādibhiḥ / tilapātraṃ hiraṇyaṃ ca brāhmaṇāya nivedayet
Sanskrit only: no published translation is held for this verse.
एवं नियमकृत्सुप्त्वा प्रातरुत्थाय मानवः । कृतस्नानजपो विप्रैः सहैव घृतपायसम्
evaṃ niyamakṛtsuptvā prātarutthāya mānavaḥ / kṛtasnānajapo vipraiḥ sahaiva ghṛtapāyasam
Sanskrit only: no published translation is held for this verse.
भुक्त्वा च वेदविदुषे बिडालव्रतवर्जिते । घृतपात्रं सकनकं सोदकुम्भं निवेदयेत्
bhuktvā ca vedaviduṣe biḍālavratavarjite / ghṛtapātraṃ sakanakaṃ sodakumbhaṃ nivedayet
Sanskrit only: no published translation is held for this verse.
प्रीयतामत्र भगवान् परमात्मा दिवाकरः । अनेन विधिना सर्वं मासि मासि व्रतं चरेत्
prīyatāmatra bhagavān paramātmā divākaraḥ / anena vidhinā sarvaṃ māsi māsi vrataṃ caret
Sanskrit only: no published translation is held for this verse.
ततस्त्रयोदशे मासि गा वै दद्यात्त्रयोदश । वस्त्रालंकारसंयुक्ताः सुवर्णास्याः पयस्विनीः
tatastrayodaśe māsi gā vai dadyāttrayodaśa / vastrālaṃkārasaṃyuktāḥ suvarṇāsyāḥ payasvinīḥ
Sanskrit only: no published translation is held for this verse.
एकामपि प्रदद्याद्वा वित्तहीनो विमत्सरः । न वित्तशाठ्यं कुर्वीत यतो मोहात्पतत्यधः
ekāmapi pradadyādvā vittahīno vimatsaraḥ / na vittaśāṭhyaṃ kurvīta yato mohātpatatyadhaḥ
Sanskrit only: no published translation is held for this verse.
अनेन विधिना यस्तु कुर्यात्कल्याणसप्तमीम् । सर्वपापविनिर्मुक्तः सूर्यलोके महीयते । आयुरारोग्यमैश्वर्यम् अनन्तमिह जायते
anena vidhinā yastu kuryātkalyāṇasaptamīm / sarvapāpavinirmuktaḥ sūryaloke mahīyate / āyurārogyamaiśvaryam anantamiha jāyate
Sanskrit only: no published translation is held for this verse.
सर्वपापहरा नित्यं सर्वदैवतपूजिता । सर्वदुष्टोपशमनी सदा कल्याणसप्तमी
sarvapāpaharā nityaṃ sarvadaivatapūjitā / sarvaduṣṭopaśamanī sadā kalyāṇasaptamī
Sanskrit only: no published translation is held for this verse.
इमामनन्तफलदां यस्तु कल्याणसप्तमीम् । शृणोति पठते चेह सर्वपापैः प्रमुच्यते
imāmanantaphaladāṃ yastu kalyāṇasaptamīm / śṛṇoti paṭhate ceha sarvapāpaiḥ pramucyate
Sanskrit only: no published translation is held for this verse.