*ईश्वर उवाच विशोकसप्तमीं तद्वद् वक्ष्यामि मुनिपुंगव । यामुपोष्य नरः शोकं न कदाचिदिहाश्नुते
*īśvara uvāca viśokasaptamīṃ tadvad vakṣyāmi munipuṃgava / yāmupoṣya naraḥ śokaṃ na kadācidihāśnute
Sanskrit only: no published translation is held for this verse.
माघे कृष्णतिलैः स्नात्वा षष्ठ्यां वै शुक्लपक्षतः । कृताहारः कृसरया दन्तधावनपूर्वकम् । उपवासव्रतं कृत्वा ब्रह्मचारी भवेन्निशि
māghe kṛṣṇatilaiḥ snātvā ṣaṣṭhyāṃ vai śuklapakṣataḥ / kṛtāhāraḥ kṛsarayā dantadhāvanapūrvakam / upavāsavrataṃ kṛtvā brahmacārī bhavenniśi
Sanskrit only: no published translation is held for this verse.
ततः प्रभात उत्थाय कृतस्नानजपः शुचिः । कृत्वा तु काञ्चनं पद्मम् अर्कायेति च पूजयेत् । करवीरेण रक्तेन रक्तवस्त्रयुगेन च
tataḥ prabhāta utthāya kṛtasnānajapaḥ śuciḥ / kṛtvā tu kāñcanaṃ padmam arkāyeti ca pūjayet / karavīreṇa raktena raktavastrayugena ca
Sanskrit only: no published translation is held for this verse.
यथा विशोकं भुवनं त्वयैवादित्य सर्वदा । तथा विशोकता मे ऽस्तु त्वद्भक्तिः प्रतिजन्म च
yathā viśokaṃ bhuvanaṃ tvayaivāditya sarvadā / tathā viśokatā me 'stu tvadbhaktiḥ pratijanma ca
Sanskrit only: no published translation is held for this verse.
एवं सम्पूज्य षष्ठ्यां तु भक्त्या सम्पूजयेद्द्विजान् । सुप्त्वा संप्राश्य गोमूत्रम् उत्थाय कृतनैत्यकः
evaṃ sampūjya ṣaṣṭhyāṃ tu bhaktyā sampūjayeddvijān / suptvā saṃprāśya gomūtram utthāya kṛtanaityakaḥ
Sanskrit only: no published translation is held for this verse.
सम्पूज्य विप्रानन्नेन गुडपात्रसमन्वितम् । तद्वस्त्रयुग्मं पद्मं च ब्राह्मणाय निवेदयेत्
sampūjya viprānannena guḍapātrasamanvitam / tadvastrayugmaṃ padmaṃ ca brāhmaṇāya nivedayet
Sanskrit only: no published translation is held for this verse.
अतैललवणं भुक्त्वा सप्तम्यां मौनसंयुतः । ततः पुराणश्रवणं कर्तव्यं भूतिमिच्छता
atailalavaṇaṃ bhuktvā saptamyāṃ maunasaṃyutaḥ / tataḥ purāṇaśravaṇaṃ kartavyaṃ bhūtimicchatā
Sanskrit only: no published translation is held for this verse.
अनेन विधिना सर्वम् उभयोरपि पक्षयोः । कृत्वा यावत्पुनर्माघ-शुक्लपक्षस्य सप्तमी
anena vidhinā sarvam ubhayorapi pakṣayoḥ / kṛtvā yāvatpunarmāgha-śuklapakṣasya saptamī
Sanskrit only: no published translation is held for this verse.
व्रतान्ते कलशं दद्यात् सुवर्णकमलान्वितम् । शय्यां सोपस्करां दद्यात् कपिलां च पयस्विनीम्
vratānte kalaśaṃ dadyāt suvarṇakamalānvitam / śayyāṃ sopaskarāṃ dadyāt kapilāṃ ca payasvinīm
Sanskrit only: no published translation is held for this verse.
अनेन विधिना यस्तु वित्तशाठ्यविवर्जितः । विशोकसप्तमीं कुर्यात् स याति परमां गतिम्
anena vidhinā yastu vittaśāṭhyavivarjitaḥ / viśokasaptamīṃ kuryāt sa yāti paramāṃ gatim
Sanskrit only: no published translation is held for this verse.
यावज्जन्मसहस्राणां साग्रं कोटिशतं भवेत् । तावन्न शोकमभ्येति रोगदौर्गत्यवर्जितः
yāvajjanmasahasrāṇāṃ sāgraṃ koṭiśataṃ bhavet / tāvanna śokamabhyeti rogadaurgatyavarjitaḥ
Sanskrit only: no published translation is held for this verse.
यं यं प्रार्थयते कामं तं तमाप्नोति पुष्कलम् । निष्कामः कुरुते यस्तु स परं ब्रह्म गच्छति
yaṃ yaṃ prārthayate kāmaṃ taṃ tamāpnoti puṣkalam / niṣkāmaḥ kurute yastu sa paraṃ brahma gacchati
Sanskrit only: no published translation is held for this verse.
यः पठेच्छृणुयाद्वापि विशोकाख्यां च सप्तमीम् । सो ऽपीन्द्रलोकमाप्नोति न दुःखी जायते क्वचित्
yaḥ paṭhecchṛṇuyādvāpi viśokākhyāṃ ca saptamīm / so 'pīndralokamāpnoti na duḥkhī jāyate kvacit
Sanskrit only: no published translation is held for this verse.