*ईश्वर उवाच अन्यामपि प्रवक्ष्यामि नाम्ना तु फलसप्तमीम् । यामुपोष्य नरः पापाद् विमुक्तः स्वर्गभाग्भवेत्
*īśvara uvāca anyāmapi pravakṣyāmi nāmnā tu phalasaptamīm / yāmupoṣya naraḥ pāpād vimuktaḥ svargabhāgbhavet
Sanskrit only: no published translation is held for this verse.
मार्गशीर्षे शुभे मासि सप्तम्यां नियतव्रतः । तामुपोष्याथ कमलं कारयित्वा तु काञ्चनम्
mārgaśīrṣe śubhe māsi saptamyāṃ niyatavrataḥ / tāmupoṣyātha kamalaṃ kārayitvā tu kāñcanam
Sanskrit only: no published translation is held for this verse.
शर्करासंयुतं दद्याद् ब्राह्मणाय कुटुम्बिने । रविं काञ्चनकं कृत्वा पलस्यैकस्य धर्मवित् । दद्याद्द्विकालवेलायां भानुर्मे प्रीयतामिति
śarkarāsaṃyutaṃ dadyād brāhmaṇāya kuṭumbine / raviṃ kāñcanakaṃ kṛtvā palasyaikasya dharmavit / dadyāddvikālavelāyāṃ bhānurme prīyatāmiti
Sanskrit only: no published translation is held for this verse.
भक्त्या तु विप्रान्सम्पूज्य चाष्टम्यां क्षीरभोजनम् । दत्त्वा कुर्यात्फलयुतं यावत्स्यात्कृष्णेसप्तमी
bhaktyā tu viprānsampūjya cāṣṭamyāṃ kṣīrabhojanam / dattvā kuryātphalayutaṃ yāvatsyātkṛṣṇesaptamī
Sanskrit only: no published translation is held for this verse.
तामप्युपोष्य विधिवद् अनेनैव क्रमेण तु । तद्वद्धैमफलं दत्त्वा सुवर्णकमलान्वितम्
tāmapyupoṣya vidhivad anenaiva krameṇa tu / tadvaddhaimaphalaṃ dattvā suvarṇakamalānvitam
Sanskrit only: no published translation is held for this verse.
शर्करापात्रसंयुक्तं वस्त्रमाल्यसमन्वितम् । संवत्सरं च तेनैव विधिनोभयसप्तमीम्
śarkarāpātrasaṃyuktaṃ vastramālyasamanvitam / saṃvatsaraṃ ca tenaiva vidhinobhayasaptamīm
Sanskrit only: no published translation is held for this verse.
उपोष्य दत्त्वा क्रमशः सूर्यमन्त्रमुदीरयेत् । भानुरर्को रविर्ब्रह्मा सूर्यः शक्रो हरिः शिवः । श्रीमान्विभावसुस्त्वष्टा वरुणः प्रीयतामिति
upoṣya dattvā kramaśaḥ sūryamantramudīrayet / bhānurarko ravirbrahmā sūryaḥ śakro hariḥ śivaḥ / śrīmānvibhāvasustvaṣṭā varuṇaḥ prīyatāmiti
Sanskrit only: no published translation is held for this verse.
प्रतिमासं च सप्तम्याम् एकैकं नाम कीर्तयेत् । प्रतिपक्षं फलत्यागम् एतत्कुर्वन्समाचरेत्
pratimāsaṃ ca saptamyām ekaikaṃ nāma kīrtayet / pratipakṣaṃ phalatyāgam etatkurvansamācaret
Sanskrit only: no published translation is held for this verse.
व्रतान्ते विप्रमिथुनं पूजयेद्वस्त्रभूषणैः । शर्कराकलशं दद्याद् धेमपद्मदलान्वितम्
vratānte vipramithunaṃ pūjayedvastrabhūṣaṇaiḥ / śarkarākalaśaṃ dadyād dhemapadmadalānvitam
Sanskrit only: no published translation is held for this verse.
यथा न विफलाः कामास् त्वद्भक्तानां सदा रवे । तथानन्तफलावाप्तिर् अस्तु मे सप्तजन्मसु
yathā na viphalāḥ kāmās tvadbhaktānāṃ sadā rave / tathānantaphalāvāptir astu me saptajanmasu
Sanskrit only: no published translation is held for this verse.
इमामनन्तफलदां यः कुर्यात्फलसप्तमीम् । सर्वपापविशुद्धात्मा सूर्यलोके महीयते
imāmanantaphaladāṃ yaḥ kuryātphalasaptamīm / sarvapāpaviśuddhātmā sūryaloke mahīyate
Sanskrit only: no published translation is held for this verse.
सुरापानादिकं किंचिद् यदत्रामुत्र वा कृतम् । तत्सर्वं नाशमायाति यः कुर्यात्फलसप्तमीम्
surāpānādikaṃ kiṃcid yadatrāmutra vā kṛtam / tatsarvaṃ nāśamāyāti yaḥ kuryātphalasaptamīm
Sanskrit only: no published translation is held for this verse.
कुर्वाणः सप्तमीं चेमां सततं रोगवर्जितः । भूतान्भव्यांश्च पुरुषांस् तारयेदेकविंशतिम् । यः शृणोति पठेद्वापि सो ऽपि कल्याणभाग्भवेत्
kurvāṇaḥ saptamīṃ cemāṃ satataṃ rogavarjitaḥ / bhūtānbhavyāṃśca puruṣāṃs tārayedekaviṃśatim / yaḥ śṛṇoti paṭhedvāpi so 'pi kalyāṇabhāgbhavet
Sanskrit only: no published translation is held for this verse.