*ईश्वर उवाच अतः परं प्रवक्ष्यामि तद्वत्कमलसप्तमीम् । यस्याः संकीर्तनादेव तुष्यतीह दिवाकरः
*īśvara uvāca ataḥ paraṃ pravakṣyāmi tadvatkamalasaptamīm / yasyāḥ saṃkīrtanādeva tuṣyatīha divākaraḥ
Sanskrit only: no published translation is held for this verse.
वसन्तामलसप्तम्यां स्नातः सन्गौरसर्षपैः । तिलपात्रे च सौवर्णे विधाय कमलं शुभम्
vasantāmalasaptamyāṃ snātaḥ sangaurasarṣapaiḥ / tilapātre ca sauvarṇe vidhāya kamalaṃ śubham
Sanskrit only: no published translation is held for this verse.
वस्त्रयुग्मावृतं कृत्वा गन्धपुष्पैः समर्चयेत् । नमः कमलहस्ताय नमस्ते विश्वधारिणे
vastrayugmāvṛtaṃ kṛtvā gandhapuṣpaiḥ samarcayet / namaḥ kamalahastāya namaste viśvadhāriṇe
Sanskrit only: no published translation is held for this verse.
दिवाकर नमस्तुभ्यं प्रभाकर नमो ऽस्तु ते । ततो द्विकालवेलायाम् उदकुम्भसमन्विताम्
divākara namastubhyaṃ prabhākara namo 'stu te / tato dvikālavelāyām udakumbhasamanvitām
Sanskrit only: no published translation is held for this verse.
विप्राय दद्यात्सम्पूज्य वस्त्रमाल्यविभूषणैः । शक्त्या च कपिलां दद्याद् अलंकृत्य विधानतः
viprāya dadyātsampūjya vastramālyavibhūṣaṇaiḥ / śaktyā ca kapilāṃ dadyād alaṃkṛtya vidhānataḥ
Sanskrit only: no published translation is held for this verse.
अहोरात्रे गते पश्चाद् अष्टम्यां भोजयेद्द्विजान् । यथाशक्त्यथ भुञ्जीत मांसतैलविवर्जितम्
ahorātre gate paścād aṣṭamyāṃ bhojayeddvijān / yathāśaktyatha bhuñjīta māṃsatailavivarjitam
Sanskrit only: no published translation is held for this verse.
अनेन विधिना शुक्ल-सप्तम्यां मासि मासि च । सर्वं समाचरेद्भक्त्या वित्तशाठ्यविवर्जितः
anena vidhinā śukla-saptamyāṃ māsi māsi ca / sarvaṃ samācaredbhaktyā vittaśāṭhyavivarjitaḥ
Sanskrit only: no published translation is held for this verse.
व्रतान्ते शयनं दद्यात् सुवर्णकमलान्वितम् । गां च दद्यात्स्वशक्त्या तु सुवर्णाढ्यां पयस्विनीम्
vratānte śayanaṃ dadyāt suvarṇakamalānvitam / gāṃ ca dadyātsvaśaktyā tu suvarṇāḍhyāṃ payasvinīm
Sanskrit only: no published translation is held for this verse.
भाजनासनदीपादीन् दद्याद् इष्टानुपस्करान् । अनेन विधिना यस्तु कुर्यात्कमलसप्तमीम् । लक्ष्मीमनन्तामभ्येति सूर्यलोके महीयते
bhājanāsanadīpādīn dadyād iṣṭānupaskarān / anena vidhinā yastu kuryātkamalasaptamīm / lakṣmīmanantāmabhyeti sūryaloke mahīyate
Sanskrit only: no published translation is held for this verse.
कल्पे कल्पे ततो लोकान् सप्तगत्वा पृथक्पृथक् । अप्सरोभिः परिवृतस् ततो याति परां गतिम्
kalpe kalpe tato lokān saptagatvā pṛthakpṛthak / apsarobhiḥ parivṛtas tato yāti parāṃ gatim
Sanskrit only: no published translation is held for this verse.
यः पश्यतीदं शृणुयाच्च मर्त्यः पठेच्च भक्त्याथ मतिं ददाति । सो ऽप्यत्र लक्ष्मीमचलामवाप्य गन्धर्वविद्याधरलोकभाक्स्यात्
yaḥ paśyatīdaṃ śṛṇuyācca martyaḥ paṭhecca bhaktyātha matiṃ dadāti / so 'pyatra lakṣmīmacalāmavāpya gandharvavidyādharalokabhāksyāt
Sanskrit only: no published translation is held for this verse.