*ईश्वर उवाच अथातः सम्प्रवक्ष्यामि सर्वपापप्रणाशिनीम् । सर्वकामप्रदां रम्यां नाम्ना मन्दारसप्तमीम्
*īśvara uvāca athātaḥ sampravakṣyāmi sarvapāpapraṇāśinīm / sarvakāmapradāṃ ramyāṃ nāmnā mandārasaptamīm
Sanskrit only: no published translation is held for this verse.
माघस्यामलपक्षे तु पञ्चम्यां लघुभुङ्नरः । दन्तकाष्ठं ततः कृत्वा षष्ठीमुपवसेद्बुधः
māghasyāmalapakṣe tu pañcamyāṃ laghubhuṅnaraḥ / dantakāṣṭhaṃ tataḥ kṛtvā ṣaṣṭhīmupavasedbudhaḥ
Sanskrit only: no published translation is held for this verse.
विप्रान् सम्पूजयित्वा तु मन्दारं प्राशयेन्निशि । ततः प्रभात उत्थाय कृत्वा स्नानं पुनर्द्विजान्
viprān sampūjayitvā tu mandāraṃ prāśayenniśi / tataḥ prabhāta utthāya kṛtvā snānaṃ punardvijān
Sanskrit only: no published translation is held for this verse.
भोजयेच्छक्तितः कृत्वा मन्दारकुसुमाष्टकम् । सौवर्णं पुरुषं तद्वत् पद्महस्तं सुशोभनम्
bhojayecchaktitaḥ kṛtvā mandārakusumāṣṭakam / sauvarṇaṃ puruṣaṃ tadvat padmahastaṃ suśobhanam
Sanskrit only: no published translation is held for this verse.
पद्मं कृष्णतिलैः कृत्वा ताम्रपात्रे ऽष्टपत्त्रकम् । हैममन्दारकुसुमैर् भास्करायेति पूर्वतः
padmaṃ kṛṣṇatilaiḥ kṛtvā tāmrapātre 'ṣṭapattrakam / haimamandārakusumair bhāskarāyeti pūrvataḥ
Sanskrit only: no published translation is held for this verse.
नमस्कारेण तद्वच्च सूर्यायेत्यानले दले । दक्षिणे तद्वदर्काय तथार्यम्णे च नैरृते
namaskāreṇa tadvacca sūryāyetyānale dale / dakṣiṇe tadvadarkāya tathāryamṇe ca nairṛte
Sanskrit only: no published translation is held for this verse.
पश्चिमे वेदधाम्ने च वायव्ये चण्डभानवे । पूष्णेत्युत्तरतः पूज्यम् आनन्दायेत्यतः परम्
paścime vedadhāmne ca vāyavye caṇḍabhānave / pūṣṇetyuttarataḥ pūjyam ānandāyetyataḥ param
Sanskrit only: no published translation is held for this verse.
कर्णिकायां च पुरुषं सर्वात्मन इति न्यसेत् । शुक्लवस्त्रैः समावेष्ट्य भक्ष्यैर्माल्यफलादिभिः
karṇikāyāṃ ca puruṣaṃ sarvātmana iti nyaset / śuklavastraiḥ samāveṣṭya bhakṣyairmālyaphalādibhiḥ
Sanskrit only: no published translation is held for this verse.
एवमभ्यर्च्य तत्सर्वं दद्याद्वेदविदे पुनः । भुञ्जीतातैललवणं वाग्यतः प्राङ्मुखो गृही
evamabhyarcya tatsarvaṃ dadyādvedavide punaḥ / bhuñjītātailalavaṇaṃ vāgyataḥ prāṅmukho gṛhī
Sanskrit only: no published translation is held for this verse.
अनेन विधिना सर्वं सप्तम्यां मासि मासि च । कुर्यात्संवत्सरं यावद् वित्तशाठ्यविवर्जितः
anena vidhinā sarvaṃ saptamyāṃ māsi māsi ca / kuryātsaṃvatsaraṃ yāvad vittaśāṭhyavivarjitaḥ
Sanskrit only: no published translation is held for this verse.
एतदेव व्रतान्ते तु निधाय कलशोपरि । गोभिर्विभवतः सार्धं दातव्यं भूतिमिच्छता
etadeva vratānte tu nidhāya kalaśopari / gobhirvibhavataḥ sārdhaṃ dātavyaṃ bhūtimicchatā
Sanskrit only: no published translation is held for this verse.
नमो मन्दारनाथाय मन्दारभवनाय च । त्वं रवे तारयस्वास्मान् संसारभयसागरात्
namo mandāranāthāya mandārabhavanāya ca / tvaṃ rave tārayasvāsmān saṃsārabhayasāgarāt
Sanskrit only: no published translation is held for this verse.
अनेन विधिना यस्तु कुर्यान्मन्दारसप्तमीम् । विपाप्मा स सुखी मर्त्यः कल्पं च दिवि मोदते
anena vidhinā yastu kuryānmandārasaptamīm / vipāpmā sa sukhī martyaḥ kalpaṃ ca divi modate
Sanskrit only: no published translation is held for this verse.
इमामघौघपटल-भीषणध्वान्तदीपिकाम् । गच्छन्प्रगृह्य संसारे सर्वार्थांश्च लभेन्नरः
imāmaghaughapaṭala-bhīṣaṇadhvāntadīpikām / gacchanpragṛhya saṃsāre sarvārthāṃśca labhennaraḥ
Sanskrit only: no published translation is held for this verse.
मन्दारसप्तमीम् एताम् ईप्सितार्थफलप्रदाम् । यः पठेच्छृणुयाद्वापि सर्वपापैः प्रमुच्यते
mandārasaptamīm etām īpsitārthaphalapradām / yaḥ paṭhecchṛṇuyādvāpi sarvapāpaiḥ pramucyate
Sanskrit only: no published translation is held for this verse.