*ऋषय ऊचुः आदिसर्गश्च यः सूत कथितो विस्तरेण तु । प्रतिसर्गश्च ये येषाम् अधिपास् तान्वदस्व नः
*ṛṣaya ūcuḥ ādisargaśca yaḥ sūta kathito vistareṇa tu / pratisargaśca ye yeṣām adhipās tānvadasva naḥ
Sanskrit only: no published translation is held for this verse.
*सूत उवाच यदाभिषिक्तः सकलाधिराज्ये पृथुर्धरित्र्यामधिपो बभूव । तदौषधीनामधिपं चकार यज्ञव्रतानां तपसां च चन्द्रम्
*sūta uvāca yadābhiṣiktaḥ sakalādhirājye pṛthurdharitryāmadhipo babhūva / tadauṣadhīnāmadhipaṃ cakāra yajñavratānāṃ tapasāṃ ca candram
Sanskrit only: no published translation is held for this verse.
नक्षत्रताराद्विजवृक्षगुल्म-लतावितानस्य च रुक्मगर्भः । अपामधीशं वरुणं धनानां राज्ञां प्रभुं वैश्रवणं च तद्वत्
nakṣatratārādvijavṛkṣagulma-latāvitānasya ca rukmagarbhaḥ / apāmadhīśaṃ varuṇaṃ dhanānāṃ rājñāṃ prabhuṃ vaiśravaṇaṃ ca tadvat
Sanskrit only: no published translation is held for this verse.
विष्णुं रवीणामधिपं वसूनाम् अग्निं च लोकाधिपतिश्चकार । प्रजापतीनामधिपं च दक्षं चकार शक्रं मरुतामधीशम्
viṣṇuṃ ravīṇāmadhipaṃ vasūnām agniṃ ca lokādhipatiścakāra / prajāpatīnāmadhipaṃ ca dakṣaṃ cakāra śakraṃ marutāmadhīśam
Sanskrit only: no published translation is held for this verse.
दैत्याधिपानामथ दानवानां प्रह्लादमीशं च यमं पितॄणाम् । पिशाचरक्षःपशुभूतयक्ष-वेतालराजं त्व् अथ शूलपाणिम्
daityādhipānāmatha dānavānāṃ prahlādamīśaṃ ca yamaṃ pitṝṇām / piśācarakṣaḥpaśubhūtayakṣa-vetālarājaṃ tv atha śūlapāṇim
Sanskrit only: no published translation is held for this verse.
प्रालेयशैलं च पतिं गिरीणाम् ईशं समुद्रं ससरिन्नदानाम् । गन्धर्वविद्याधरकिंनराणाम् ईशं पुनश्चित्ररथं चकार
prāleyaśailaṃ ca patiṃ girīṇām īśaṃ samudraṃ sasarinnadānām / gandharvavidyādharakiṃnarāṇām īśaṃ punaścitrarathaṃ cakāra
Sanskrit only: no published translation is held for this verse.
नागाधिपं वासुकिमुग्रवीर्यं सर्पाधिपं तक्षकमादिदेश । दिशां गजानामधिपं चकार गजेन्द्रमैरावतनामधेयम्
nāgādhipaṃ vāsukimugravīryaṃ sarpādhipaṃ takṣakamādideśa / diśāṃ gajānāmadhipaṃ cakāra gajendramairāvatanāmadheyam
Sanskrit only: no published translation is held for this verse.
सुपर्णमीशं पततामथाश्व-राजानमुच्चैःश्रवसं चकार । सिंहं मृगाणां वृषभं गवां च प्लक्षं पुनः सर्ववनस्पतीनाम्
suparṇamīśaṃ patatāmathāśva-rājānamuccaiḥśravasaṃ cakāra / siṃhaṃ mṛgāṇāṃ vṛṣabhaṃ gavāṃ ca plakṣaṃ punaḥ sarvavanaspatīnām
Sanskrit only: no published translation is held for this verse.
पितामहः पूर्वमथाभ्यषिञ्चच् चैतान्पुनः सर्वदिशाधिनाथान् । पूर्वेण दिक्पालम् अथाभ्यषिञ्चन् नाम्ना सुधर्माणम् अरातिकेतुम्
pitāmahaḥ pūrvamathābhyaṣiñcac caitānpunaḥ sarvadiśādhināthān / pūrveṇa dikpālam athābhyaṣiñcan nāmnā sudharmāṇam arātiketum
Sanskrit only: no published translation is held for this verse.
ततो ऽधिपं दक्षिणतश्चकार सर्वेश्वरं शङ्खपदाभिधानम् । स केतुमन्तं च दिगीशमीशश् चकार पश्चाद् भुवनाण्डगर्भः
tato 'dhipaṃ dakṣiṇataścakāra sarveśvaraṃ śaṅkhapadābhidhānam / sa ketumantaṃ ca digīśamīśaś cakāra paścād bhuvanāṇḍagarbhaḥ
Sanskrit only: no published translation is held for this verse.
हिरण्यरोमाणम् उदग्दिगीशं प्रजापतिर् देवसुतं चकार । अद्यापि कुर्वन्ति दिशाम् अधीशाः शत्रून् दहन्तस्तु भुवो ऽभिरक्षाम्
hiraṇyaromāṇam udagdigīśaṃ prajāpatir devasutaṃ cakāra / adyāpi kurvanti diśām adhīśāḥ śatrūn dahantastu bhuvo 'bhirakṣām
Sanskrit only: no published translation is held for this verse.
चतुर्भिर् एभिः पृथुनामधेयो नृपो ऽभिषिक्तः प्रथमं पृथिव्याम् । गते ऽन्तरे चाक्षुषनामधेये वैवस्वताख्ये च पुनः प्रवृत्ते । प्रजापतिः सो ऽस्य चराचरस्य बभूव सूर्यान्वयवंशचिह्नः
caturbhir ebhiḥ pṛthunāmadheyo nṛpo 'bhiṣiktaḥ prathamaṃ pṛthivyām / gate 'ntare cākṣuṣanāmadheye vaivasvatākhye ca punaḥ pravṛtte / prajāpatiḥ so 'sya carācarasya babhūva sūryānvayavaṃśacihnaḥ
Sanskrit only: no published translation is held for this verse.