*ईश्वर उवाच अथातः सम्प्रवक्ष्यामि लवणाचलमुत्तमम् । यत्प्रदानान्नरो लोकान् आप्नोति शिवसंयुतान्
*īśvara uvāca athātaḥ sampravakṣyāmi lavaṇācalamuttamam / yatpradānānnaro lokān āpnoti śivasaṃyutān
Sanskrit only: no published translation is held for this verse.
उत्तमः षोडशद्रोणैः कर्तव्यो लवणाचलः । मध्यमः स्यात्तदर्धेन चतुर्भिरधमः स्मृतः
uttamaḥ ṣoḍaśadroṇaiḥ kartavyo lavaṇācalaḥ / madhyamaḥ syāttadardhena caturbhiradhamaḥ smṛtaḥ
Sanskrit only: no published translation is held for this verse.
वित्तहीनो यथाशक्त्या द्रोणादूर्ध्वं तु कारयेत् । चतुर्थांशेन विष्कम्भ-पर्वतान्कारयेत्पृथक्
vittahīno yathāśaktyā droṇādūrdhvaṃ tu kārayet / caturthāṃśena viṣkambha-parvatānkārayetpṛthak
Sanskrit only: no published translation is held for this verse.
विधानं पूर्ववत्कुर्याद् ब्रह्मादीनां च सर्वदा । तद्वद्धेममयान्सर्वांल् लोकपालान्निवेशयेत्
vidhānaṃ pūrvavatkuryād brahmādīnāṃ ca sarvadā / tadvaddhemamayānsarvāṃl lokapālānniveśayet
Sanskrit only: no published translation is held for this verse.
सरांसि कामदेवादींस् तद्वदत्रापि कारयेत् । कुर्याज्जागरणं चापि दानमन्त्रान्निबोधत
sarāṃsi kāmadevādīṃs tadvadatrāpi kārayet / kuryājjāgaraṇaṃ cāpi dānamantrānnibodhata
Sanskrit only: no published translation is held for this verse.
सौभाग्यसरः सम्भूतो यतो ऽयं लवणो रसः । तद्दानकर्तृकत्वेन त्वं मां पाहि नगोत्तम
saubhāgyasaraḥ sambhūto yato 'yaṃ lavaṇo rasaḥ / taddānakartṛkatvena tvaṃ māṃ pāhi nagottama
Sanskrit only: no published translation is held for this verse.
यस्मादन्नरसाः सर्वे नोत्कटा लवणं विना । प्रियं च शिवयोर्नित्यं तस्माच्छान्तिं प्रयच्छ मे
yasmādannarasāḥ sarve notkaṭā lavaṇaṃ vinā / priyaṃ ca śivayornityaṃ tasmācchāntiṃ prayaccha me
Sanskrit only: no published translation is held for this verse.
विष्णुदेहसमुद्भूतं यस्मादारोग्यवर्धनम् । तस्मात्पर्वतरूपेण पाहि संसारसागरात्
viṣṇudehasamudbhūtaṃ yasmādārogyavardhanam / tasmātparvatarūpeṇa pāhi saṃsārasāgarāt
Sanskrit only: no published translation is held for this verse.
अनेन विधिना यस्तु दद्याल्लवणपर्वतम् । उमालोके वसेत्कल्पं ततो याति परां गतिम्
anena vidhinā yastu dadyāllavaṇaparvatam / umāloke vasetkalpaṃ tato yāti parāṃ gatim
Sanskrit only: no published translation is held for this verse.