*ईश्वर उवाच अतः परं प्रवक्ष्यामि गुडपर्वतमुत्तमम् । यत्प्रदानान्नरः स्वर्गम् आप्नोति सुरपूजितम्
*īśvara uvāca ataḥ paraṃ pravakṣyāmi guḍaparvatamuttamam / yatpradānānnaraḥ svargam āpnoti surapūjitam
Sanskrit only: no published translation is held for this verse.
उत्तमो दशभिर्भारैर् मध्यमः पञ्चभिर्मतः । त्रिभिर्भारैः कनिष्ठः स्यात् तदर्धेनाल्पवित्तवान्
uttamo daśabhirbhārair madhyamaḥ pañcabhirmataḥ / tribhirbhāraiḥ kaniṣṭhaḥ syāt tadardhenālpavittavān
Sanskrit only: no published translation is held for this verse.
तद्वदामन्त्रणं पूजां हेमवृक्षसुरार्चनम् । विष्कम्भपर्वतांस्तद्वत् सरांसि वनदेवताः
tadvadāmantraṇaṃ pūjāṃ hemavṛkṣasurārcanam / viṣkambhaparvatāṃstadvat sarāṃsi vanadevatāḥ
Sanskrit only: no published translation is held for this verse.
होमजागरणं तद्वल् लोकपालाधिवासनम् । धान्यपर्वतवत् कुर्याद् इमं मन्त्रमुदीरयेत्
homajāgaraṇaṃ tadval lokapālādhivāsanam / dhānyaparvatavat kuryād imaṃ mantramudīrayet
Sanskrit only: no published translation is held for this verse.
यथा देवेषु विश्वात्मा प्रवरो ऽयं जनार्दनः । सामवेदस्तु वेदानां महादेवस्तु योगिनाम्
yathā deveṣu viśvātmā pravaro 'yaṃ janārdanaḥ / sāmavedastu vedānāṃ mahādevastu yoginām
Sanskrit only: no published translation is held for this verse.
प्रणवः सर्वमन्त्राणां नारीणां पार्वती यथा । तथा रसानां प्रवरः सदैवेक्षुरसो मतः
praṇavaḥ sarvamantrāṇāṃ nārīṇāṃ pārvatī yathā / tathā rasānāṃ pravaraḥ sadaivekṣuraso mataḥ
Sanskrit only: no published translation is held for this verse.
मम तस्मात्परां लक्ष्मीं गुडपर्वत देहि वै । यस्मात्सौभाग्यदायिन्या भ्राता त्वं गुडपर्वत । निवासश्चापि पार्वत्यास् तस्माच्छान्तिं प्रयच्छ मे
mama tasmātparāṃ lakṣmīṃ guḍaparvata dehi vai / yasmātsaubhāgyadāyinyā bhrātā tvaṃ guḍaparvata / nivāsaścāpi pārvatyās tasmācchāntiṃ prayaccha me
Sanskrit only: no published translation is held for this verse.
अनेन विधिना यस्तु दद्याद्गुडमयं गिरिम् । पूज्यमानः स गन्धर्वैर् गौरीलोके महीयते
anena vidhinā yastu dadyādguḍamayaṃ girim / pūjyamānaḥ sa gandharvair gaurīloke mahīyate
Sanskrit only: no published translation is held for this verse.
ततः कल्पशतान्ते तु सप्तद्वीपाधिपो भवेत् । आयुरारोग्यसम्पन्नः शत्रुभिश्चापराजितः
tataḥ kalpaśatānte tu saptadvīpādhipo bhavet / āyurārogyasampannaḥ śatrubhiścāparājitaḥ
Sanskrit only: no published translation is held for this verse.