*ईश्वर उवाच अथ पापहरं वक्ष्ये सुवर्णाचलमुत्तमम् । यस्य प्रदानाद्भवनं वैरिञ्चं याति मानवः
*īśvara uvāca atha pāpaharaṃ vakṣye suvarṇācalamuttamam / yasya pradānādbhavanaṃ vairiñcaṃ yāti mānavaḥ
Sanskrit only: no published translation is held for this verse.
उत्तमः पलसाहस्रो मध्यमः पञ्चभिः शतैः । तदर्धेनाधमस्तद्वद् अल्पवित्तो ऽपि शक्तितः । दद्यादेकपलादूर्ध्वं यथाशक्त्या विमत्सरः
uttamaḥ palasāhasro madhyamaḥ pañcabhiḥ śataiḥ / tadardhenādhamastadvad alpavitto 'pi śaktitaḥ / dadyādekapalādūrdhvaṃ yathāśaktyā vimatsaraḥ
Sanskrit only: no published translation is held for this verse.
धान्यपर्वतवत्सर्वं विदध्यान्मुनिपुंगव । विष्कम्भशैलास्तद्वच्च ऋत्विग्भ्यः प्रतिपादयेत्
dhānyaparvatavatsarvaṃ vidadhyānmunipuṃgava / viṣkambhaśailāstadvacca ṛtvigbhyaḥ pratipādayet
Sanskrit only: no published translation is held for this verse.
नमस्ते ब्रह्मबीजाय ब्रह्मगर्भाय ते नमः । यस्मादनन्तफलदस् तस्मात्पाहि शिलोच्चय
namaste brahmabījāya brahmagarbhāya te namaḥ / yasmādanantaphaladas tasmātpāhi śiloccaya
Sanskrit only: no published translation is held for this verse.
यस्मादग्नेरपत्यं त्वं यस्मात्पुण्यं जगत्पते । हेमपर्वतरूपेण तस्मात्पाहि नगोत्तम
yasmādagnerapatyaṃ tvaṃ yasmātpuṇyaṃ jagatpate / hemaparvatarūpeṇa tasmātpāhi nagottama
Sanskrit only: no published translation is held for this verse.
अनेन विधिना यस्तु दद्यात्कनकपर्वतम् । स याति परमं ब्रह्म-लोकमानन्दकारकम् । तत्र कल्पशतं तिष्ठेत् ततो याति परां गतिम्
anena vidhinā yastu dadyātkanakaparvatam / sa yāti paramaṃ brahma-lokamānandakārakam / tatra kalpaśataṃ tiṣṭhet tato yāti parāṃ gatim
Sanskrit only: no published translation is held for this verse.