*ईश्वर उवाच अतः परं प्रवक्ष्यामि तिलशैलं विधानतः । यत्प्रदानान्नरो याति विष्णुलोकं सनातनम्
*īśvara uvāca ataḥ paraṃ pravakṣyāmi tilaśailaṃ vidhānataḥ / yatpradānānnaro yāti viṣṇulokaṃ sanātanam
Sanskrit only: no published translation is held for this verse.
उत्तमो दशभिर् द्रोणैर् मध्यमः पञ्चभिः स्मृतः । त्रिभिः कनिष्ठो विप्रेन्द्र तिलशैलः प्रकीर्तितः
uttamo daśabhir droṇair madhyamaḥ pañcabhiḥ smṛtaḥ / tribhiḥ kaniṣṭho viprendra tilaśailaḥ prakīrtitaḥ
Sanskrit only: no published translation is held for this verse.
पूर्ववच्चापरान्सर्वान् विष्कम्भानभितो गिरीन् । दानमन्त्रान् प्रवक्ष्यामि यथावन्मुनिपुंगव
pūrvavaccāparānsarvān viṣkambhānabhito girīn / dānamantrān pravakṣyāmi yathāvanmunipuṃgava
Sanskrit only: no published translation is held for this verse.
यस्मान्मधुवधे विष्णोर् देहस्वेदसमुद्भवाः । तिलाः कुशाश्च माषाश्च तस्माच्छान्त्यै भवत्विह
yasmānmadhuvadhe viṣṇor dehasvedasamudbhavāḥ / tilāḥ kuśāśca māṣāśca tasmācchāntyai bhavatviha
Sanskrit only: no published translation is held for this verse.
हव्ये कव्ये च यस्माच्च तिला एवाभिरक्षणम् । भवादुद्धर शैलेन्द्र तिलाचल नमो ऽस्तु ते
havye kavye ca yasmācca tilā evābhirakṣaṇam / bhavāduddhara śailendra tilācala namo 'stu te
Sanskrit only: no published translation is held for this verse.
इत्यामन्त्र्य च यो दद्यात् तिलाचलमनुत्तमम् । स वैष्णवं पदं याति पुनरावृत्तिदुर्लभम्
ityāmantrya ca yo dadyāt tilācalamanuttamam / sa vaiṣṇavaṃ padaṃ yāti punarāvṛttidurlabham
Sanskrit only: no published translation is held for this verse.
दीर्घायुष्यं समाप्नोति पुत्रपौत्रैश्च मोदते । पितृभिर्देवगन्धर्वैः पूज्यमानो दिवं व्रजेत्
dīrghāyuṣyaṃ samāpnoti putrapautraiśca modate / pitṛbhirdevagandharvaiḥ pūjyamāno divaṃ vrajet
Sanskrit only: no published translation is held for this verse.