Matsya Purāṇa 89

*ईश्वर उवाच अतः परं प्रवक्ष्यामि घृताचलमनुत्तमम् । तेजो ऽमृतमयं दिव्यं महापातकनाशनम्

*īśvara uvāca ataḥ paraṃ pravakṣyāmi ghṛtācalamanuttamam / tejo 'mṛtamayaṃ divyaṃ mahāpātakanāśanam

Sanskrit only: no published translation is held for this verse.

विंशत्या घृतकुम्भानाम् उत्तमः स्याद्घृताचलः । दशभिर्मध्यमः प्रोक्तः पञ्चभिस्त्वधमः स्मृतः

viṃśatyā ghṛtakumbhānām uttamaḥ syādghṛtācalaḥ / daśabhirmadhyamaḥ proktaḥ pañcabhistvadhamaḥ smṛtaḥ

Sanskrit only: no published translation is held for this verse.

अल्पवित्तो ऽपि यः कुर्याद् द्वाभ्यामिह विधानतः । विष्कम्भपर्वतांस्तद्वच् चतुर्भागेण कल्पयेत्

alpavitto 'pi yaḥ kuryād dvābhyāmiha vidhānataḥ / viṣkambhaparvatāṃstadvac caturbhāgeṇa kalpayet

Sanskrit only: no published translation is held for this verse.

शालितण्डुलपात्राणि कुम्भोपरि निवेशयेत् । कारयेत्संहतानुच्चान् यथाशोभं विधानतः

śālitaṇḍulapātrāṇi kumbhopari niveśayet / kārayetsaṃhatānuccān yathāśobhaṃ vidhānataḥ

Sanskrit only: no published translation is held for this verse.

वेष्टयेच्छुक्लवासोभिर् इक्षुदण्डफलादिकैः । धान्यपर्वतवच्छेषं विधानमिह पठ्यते

veṣṭayecchuklavāsobhir ikṣudaṇḍaphalādikaiḥ / dhānyaparvatavaccheṣaṃ vidhānamiha paṭhyate

Sanskrit only: no published translation is held for this verse.

अधिवासनपूर्वं च तद्वद्धोमसुरार्चनम् । प्रभातायां तु शर्वर्यां गुरवे तं निवेदयेत् । विष्कम्भपर्वतांस्तद्वद् ऋत्विग्भ्यः शान्तमानसः

adhivāsanapūrvaṃ ca tadvaddhomasurārcanam / prabhātāyāṃ tu śarvaryāṃ gurave taṃ nivedayet / viṣkambhaparvatāṃstadvad ṛtvigbhyaḥ śāntamānasaḥ

Sanskrit only: no published translation is held for this verse.

संयोगाद्घृतमुत्पन्नं यस्मादमृततेजसोः । तस्माद्धृतार्चिर्विश्वात्मा प्रीयतामत्र शंकरः

saṃyogādghṛtamutpannaṃ yasmādamṛtatejasoḥ / tasmāddhṛtārcirviśvātmā prīyatāmatra śaṃkaraḥ

Sanskrit only: no published translation is held for this verse.

यस्मात्तेजोमयं ब्रह्म घृते तद्विद्ध्यवस्थितम् । घृतपर्वतरूपेण तस्मात्त्वं पाहि नो ऽनिशम्

yasmāttejomayaṃ brahma ghṛte tadviddhyavasthitam / ghṛtaparvatarūpeṇa tasmāttvaṃ pāhi no 'niśam

Sanskrit only: no published translation is held for this verse.

अनेन विधिना दद्याद् घृताचलमनुत्तमम् । महापातकयुक्तो ऽपि लोकमाप्नोति शांकरम्

anena vidhinā dadyād ghṛtācalamanuttamam / mahāpātakayukto 'pi lokamāpnoti śāṃkaram

Sanskrit only: no published translation is held for this verse.

हंससारसयुक्तेन किङ्किणीजालमालिना । विमानेनाप्सरोभिश्च सिद्धविद्याधरैर् वृतः । विहरेत्पितृभिः सार्धं यावदाभूतसंप्लवम्

haṃsasārasayuktena kiṅkiṇījālamālinā / vimānenāpsarobhiśca siddhavidyādharair vṛtaḥ / viharetpitṛbhiḥ sārdhaṃ yāvadābhūtasaṃplavam

Sanskrit only: no published translation is held for this verse.