*सूत उवाच एवं श्रुत्वा मनुः प्राह पुनरेव जनार्दनम् । पूर्वेषां चरितं ब्रूहि मनूनां मधुसूदन
*sūta uvāca evaṃ śrutvā manuḥ prāha punareva janārdanam / pūrveṣāṃ caritaṃ brūhi manūnāṃ madhusūdana
Sanskrit only: no published translation is held for this verse.
*मत्स्य उवाच मन्वन्तराणि राजेन्द्र मनूनां चरितं च यत् । प्रमाणं चैव कालस्य तां सृष्टिं च समासतः
*matsya uvāca manvantarāṇi rājendra manūnāṃ caritaṃ ca yat / pramāṇaṃ caiva kālasya tāṃ sṛṣṭiṃ ca samāsataḥ
Sanskrit only: no published translation is held for this verse.
एकचित्तः प्रशान्तात्मा शृणु मार्तण्डनन्दन । यामा नाम पुरा देवा आसन् स्वायम्भुवान्तरे
ekacittaḥ praśāntātmā śṛṇu mārtaṇḍanandana / yāmā nāma purā devā āsan svāyambhuvāntare
Sanskrit only: no published translation is held for this verse.
सप्तैव ऋषयः पूर्वे ये मरीच्यादयः स्मृताः । आग्नीध्रश्चाग्निबाहुश्च सहः सवन एव च
saptaiva ṛṣayaḥ pūrve ye marīcyādayaḥ smṛtāḥ / āgnīdhraścāgnibāhuśca sahaḥ savana eva ca
Sanskrit only: no published translation is held for this verse.
ज्योतिष्मान् द्युतिमान् हव्यो मेधा मेधातिथिर् वसुः । स्वायम्भुवस्यास्य मनोर् दशैते वंशवर्धनाः
jyotiṣmān dyutimān havyo medhā medhātithir vasuḥ / svāyambhuvasyāsya manor daśaite vaṃśavardhanāḥ
Sanskrit only: no published translation is held for this verse.
प्रतिसर्गमिमे कृत्वा जग्मुर्यत्परमंपदम् । एतत् स्वायम्भुवं प्रोक्तं स्वारोचिषमतः परम्
pratisargamime kṛtvā jagmuryatparamaṃpadam / etat svāyambhuvaṃ proktaṃ svārociṣamataḥ param
Sanskrit only: no published translation is held for this verse.
स्वारोचिषस्य तनयाश् चत्वारो देववर्चसः । नभोनभस्यप्रसृति-भानवः कीर्तिवर्धनाः
svārociṣasya tanayāś catvāro devavarcasaḥ / nabhonabhasyaprasṛti-bhānavaḥ kīrtivardhanāḥ
Sanskrit only: no published translation is held for this verse.
दत्तो निश्च्यवनस्तम्बः प्राणः कश्यप एव च । और्वो बृहस्पतिश्चैव सप्तैते ऋषयः स्मृताः
datto niścyavanastambaḥ prāṇaḥ kaśyapa eva ca / aurvo bṛhaspatiścaiva saptaite ṛṣayaḥ smṛtāḥ
Sanskrit only: no published translation is held for this verse.
देवाश्च तुषिता नाम स्मृताः स्वारोचिषे ऽन्तरे । हस्तीन्द्रः सुकृतो मूर्तिर् आपो ज्योतिरयः स्मयः
devāśca tuṣitā nāma smṛtāḥ svārociṣe 'ntare / hastīndraḥ sukṛto mūrtir āpo jyotirayaḥ smayaḥ
Sanskrit only: no published translation is held for this verse.
वसिष्ठस्य सुताः सप्त ये प्रजापतयः स्मृताः । द्वितीयमेतत्कथितं मन्वन्तरमतः परम्
vasiṣṭhasya sutāḥ sapta ye prajāpatayaḥ smṛtāḥ / dvitīyametatkathitaṃ manvantaramataḥ param
Sanskrit only: no published translation is held for this verse.
औत्तमीयं प्रवक्ष्यामि तथा मन्वन्तरं शुभम् । मनुर्नामौत्तमिर्यत्र दश पुत्रानजीजनत्
auttamīyaṃ pravakṣyāmi tathā manvantaraṃ śubham / manurnāmauttamiryatra daśa putrānajījanat
Sanskrit only: no published translation is held for this verse.
ईष ऊर्जश्च तर्जश् च शुचिः शुक्रस्तथैव च । मधुश् च माधवश्चैव नभस्यो ऽथ नभास्तथा
īṣa ūrjaśca tarjaś ca śuciḥ śukrastathaiva ca / madhuś ca mādhavaścaiva nabhasyo 'tha nabhāstathā
Sanskrit only: no published translation is held for this verse.
सहः कनीयानेतेषाम् उदारः कीर्तिवर्धनः । भावनास् तत्र देवाः स्युर् ऊर्जाः सप्तर्षयः स्मृताः
sahaḥ kanīyāneteṣām udāraḥ kīrtivardhanaḥ / bhāvanās tatra devāḥ syur ūrjāḥ saptarṣayaḥ smṛtāḥ
Sanskrit only: no published translation is held for this verse.
कौकुरुण्डिश्च दाल्भ्यश्च शङ्गः प्रवहणः शिवः । सितश्च सस्मितश्चैव सप्तैते योगवर्धनाः
kaukuruṇḍiśca dālbhyaśca śaṅgaḥ pravahaṇaḥ śivaḥ / sitaśca sasmitaścaiva saptaite yogavardhanāḥ
Sanskrit only: no published translation is held for this verse.
मन्वन्तरं चतुर्थं तु तामसं नाम विश्रुतम् । कविः पृथुस् तथैवाग्निर् अकपिः कपिरेव च
manvantaraṃ caturthaṃ tu tāmasaṃ nāma viśrutam / kaviḥ pṛthus tathaivāgnir akapiḥ kapireva ca
Sanskrit only: no published translation is held for this verse.
तथैव जल्पधीमानौ मुनयः सप्त तामसे । साध्या देवगणा यत्र कथितास्तामसे ऽन्तरे
tathaiva jalpadhīmānau munayaḥ sapta tāmase / sādhyā devagaṇā yatra kathitāstāmase 'ntare
Sanskrit only: no published translation is held for this verse.
अकल्मषस् तथा धन्वी तपोमूलस्तपोधनः । तपोरतिस्तपस्यश्च तपोद्युतिपरंतपौ
akalmaṣas tathā dhanvī tapomūlastapodhanaḥ / taporatistapasyaśca tapodyutiparaṃtapau
Sanskrit only: no published translation is held for this verse.
तपोभागी तपोयोगी धर्माचाररताः सदा । तामसस्य सुताः सर्वे दश वंशविवर्धनाः
tapobhāgī tapoyogī dharmācāraratāḥ sadā / tāmasasya sutāḥ sarve daśa vaṃśavivardhanāḥ
Sanskrit only: no published translation is held for this verse.
पञ्चमस्य मनोस् तद्वद् रैवतस्यान्तरं शृणु । देवबाहुः सुबाहुश्च पर्जन्यः सोमपो मुनिः
pañcamasya manos tadvad raivatasyāntaraṃ śṛṇu / devabāhuḥ subāhuśca parjanyaḥ somapo muniḥ
Sanskrit only: no published translation is held for this verse.
हिरण्यरोमा सप्ताश्वः सप्तैते ऋषयः स्मृताः । देवाश्चाभूतरजसस् तथा प्रकृतयः शुभाः
hiraṇyaromā saptāśvaḥ saptaite ṛṣayaḥ smṛtāḥ / devāścābhūtarajasas tathā prakṛtayaḥ śubhāḥ
Sanskrit only: no published translation is held for this verse.
अरुणस् तत्त्वदर्शी च वित्तवान्हव्यपः कपिः । युक्तो निरुत्सुकः सत्त्वो निर्मोहो ऽथ प्रकाशकः
aruṇas tattvadarśī ca vittavānhavyapaḥ kapiḥ / yukto nirutsukaḥ sattvo nirmoho 'tha prakāśakaḥ
Sanskrit only: no published translation is held for this verse.
धर्मवीर्यबलोपेता दशैते रैवतात्मजाः । भृगुः सुधामा विरजाः सहिष्णुर्नाद एव च
dharmavīryabalopetā daśaite raivatātmajāḥ / bhṛguḥ sudhāmā virajāḥ sahiṣṇurnāda eva ca
Sanskrit only: no published translation is held for this verse.
विवस्वानतिनामा च षष्ठे सप्तर्षयो ऽपरे । चाक्षुषस्यान्तरे देवा लेखा नाम परिश्रुताः
vivasvānatināmā ca ṣaṣṭhe saptarṣayo 'pare / cākṣuṣasyāntare devā lekhā nāma pariśrutāḥ
Sanskrit only: no published translation is held for this verse.
ऋभवो ऽथ ऋभाद्याश् च वारिमूला दिवौकसः । चाक्षुषस्यान्तरे प्रोक्ता देवानां पञ्च योनयः
ṛbhavo 'tha ṛbhādyāś ca vārimūlā divaukasaḥ / cākṣuṣasyāntare proktā devānāṃ pañca yonayaḥ
Sanskrit only: no published translation is held for this verse.
रुरुप्रभृतयस्तद्वच् चाक्षुषस्य सुता दश । प्रोक्ताः स्वायम्भुवे वंशे ये मया पूर्वमेव तु
ruruprabhṛtayastadvac cākṣuṣasya sutā daśa / proktāḥ svāyambhuve vaṃśe ye mayā pūrvameva tu
Sanskrit only: no published translation is held for this verse.
अन्तरं चाक्षुषं चैतन् मया ते परिकीर्तितम् । सप्तमं तत्प्रवक्ष्यामि यद्वैवस्वतमुच्यते
antaraṃ cākṣuṣaṃ caitan mayā te parikīrtitam / saptamaṃ tatpravakṣyāmi yadvaivasvatamucyate
Sanskrit only: no published translation is held for this verse.
अत्रिश् चैव वसिष्ठश्च कश्यपो गौतमस्तथा । भरद्वाजस्तथा योगी विश्वामित्रः प्रतापवान्
atriś caiva vasiṣṭhaśca kaśyapo gautamastathā / bharadvājastathā yogī viśvāmitraḥ pratāpavān
Sanskrit only: no published translation is held for this verse.
जमदग्निश्च सप्तैते साम्प्रतं ये महर्षयः । कृत्वा धर्मव्यवस्थानं प्रयान्ति परमं पदम्
jamadagniśca saptaite sāmprataṃ ye maharṣayaḥ / kṛtvā dharmavyavasthānaṃ prayānti paramaṃ padam
Sanskrit only: no published translation is held for this verse.
साध्या विश्वे च रुद्राश्च मरुतो वसवो ऽश्विनौ । आदित्याश्च सुरास्तद्वत् सप्त देवगणाः स्मृताः
sādhyā viśve ca rudrāśca maruto vasavo 'śvinau / ādityāśca surāstadvat sapta devagaṇāḥ smṛtāḥ
Sanskrit only: no published translation is held for this verse.
इक्ष्वाकुप्रमुखाश्चास्य दश पुत्राः स्मृता भुवि । मन्वन्तरेषु सर्वेषु सप्त सप्त महर्षयः
ikṣvākupramukhāścāsya daśa putrāḥ smṛtā bhuvi / manvantareṣu sarveṣu sapta sapta maharṣayaḥ
Sanskrit only: no published translation is held for this verse.
कृत्वा धर्मव्यवस्थानं प्रयान्ति परमं पदम् । सावर्ण्यस्य प्रवक्ष्यामि मनोर्भावि तथान्तरम्
kṛtvā dharmavyavasthānaṃ prayānti paramaṃ padam / sāvarṇyasya pravakṣyāmi manorbhāvi tathāntaram
Sanskrit only: no published translation is held for this verse.
अश्वत्थामा शरद्वांश्च कौशिको गालवस्तथा । शतानन्दः काश्यपश्च रामश्च ऋषयः स्मृताः
aśvatthāmā śaradvāṃśca kauśiko gālavastathā / śatānandaḥ kāśyapaśca rāmaśca ṛṣayaḥ smṛtāḥ
Sanskrit only: no published translation is held for this verse.
धृतिर् वरीयान् यवसः सुवर्णो वष्टिरेव च । चरिष्णुर् ईड्यः सुमतिर् वसुः शुक्रश्च वीर्यवान्
dhṛtir varīyān yavasaḥ suvarṇo vaṣṭireva ca / cariṣṇur īḍyaḥ sumatir vasuḥ śukraśca vīryavān
Sanskrit only: no published translation is held for this verse.
भविष्या दश सावर्णेर् मनोः पुत्राः प्रकीर्तिताः । रौच्यादयस्तथान्ये ऽपि मनवः संप्रकीर्तिताः
bhaviṣyā daśa sāvarṇer manoḥ putrāḥ prakīrtitāḥ / raucyādayastathānye 'pi manavaḥ saṃprakīrtitāḥ
Sanskrit only: no published translation is held for this verse.
रुचेः प्रजापतेः पुत्रो रौच्यो नाम भविष्यति । मनुर् भूतिसुतस् तद्वद् भौत्यो नाम भविष्यति
ruceḥ prajāpateḥ putro raucyo nāma bhaviṣyati / manur bhūtisutas tadvad bhautyo nāma bhaviṣyati
Sanskrit only: no published translation is held for this verse.
ततस्तु मेरुसावर्णिर् ब्रह्मसूनुर् मनुः स्मृतः । ऋतश्च ऋतधामा च विष्वक्सेनो मनुस् तथा
tatastu merusāvarṇir brahmasūnur manuḥ smṛtaḥ / ṛtaśca ṛtadhāmā ca viṣvakseno manus tathā
Sanskrit only: no published translation is held for this verse.
अतीतानागताश्चैते मनवः परिकीर्तिताः । षडूनं युगसाहस्रम् एभिर् व्याप्तं नराधिप
atītānāgatāścaite manavaḥ parikīrtitāḥ / ṣaḍūnaṃ yugasāhasram ebhir vyāptaṃ narādhipa
Sanskrit only: no published translation is held for this verse.
स्वे स्वे ऽन्तरे सर्वमिदम् उत्पाद्य सचराचरम् । कल्पक्षये विनिर्वृत्ते मुच्यन्ते ब्रह्मणा सहा
sve sve 'ntare sarvamidam utpādya sacarācaram / kalpakṣaye vinirvṛtte mucyante brahmaṇā sahā
Sanskrit only: no published translation is held for this verse.