*ईश्वर उवाच अतः परं प्रवक्ष्यामि रत्नाचलमनुत्तमम् । मुक्ताफलसहस्रेण पर्वतः स्यादनुत्तमः
*īśvara uvāca ataḥ paraṃ pravakṣyāmi ratnācalamanuttamam / muktāphalasahasreṇa parvataḥ syādanuttamaḥ
Sanskrit only: no published translation is held for this verse.
मध्यमः पञ्चशतिकस् त्रिशतेनाधमः स्मृतः । चतुर्थांशेन विष्कम्भ-पर्वताः स्युः समन्ततः
madhyamaḥ pañcaśatikas triśatenādhamaḥ smṛtaḥ / caturthāṃśena viṣkambha-parvatāḥ syuḥ samantataḥ
Sanskrit only: no published translation is held for this verse.
पूर्वेण वज्रगोमेदैर् दक्षिणेनेन्द्रनीलकैः । पद्मरागयुतः कार्यो विद्वद्भिर्गन्धमादनः
pūrveṇa vajragomedair dakṣiṇenendranīlakaiḥ / padmarāgayutaḥ kāryo vidvadbhirgandhamādanaḥ
Sanskrit only: no published translation is held for this verse.
वैदूर्यविद्रुमैः पश्चात् सम्मिश्रो विमलाचलः । पद्मरागैः ससौवर्णैर् उत्तरेण च विन्यसेत्
vaidūryavidrumaiḥ paścāt sammiśro vimalācalaḥ / padmarāgaiḥ sasauvarṇair uttareṇa ca vinyaset
Sanskrit only: no published translation is held for this verse.
धान्यपर्वतवत्सर्वम् अत्रापि परिकल्पयेत् । तद्वदावाहनं कुर्याद् वृक्षान्देवांश्च काञ्चनान्
dhānyaparvatavatsarvam atrāpi parikalpayet / tadvadāvāhanaṃ kuryād vṛkṣāndevāṃśca kāñcanān
Sanskrit only: no published translation is held for this verse.
पूजयेत्पुष्पगन्धाद्यैः प्रभाते च विमत्सरः । पूर्ववद्गुरुऋत्विग्भ्य इमान्मन्त्रानुदीरयेत्
pūjayetpuṣpagandhādyaiḥ prabhāte ca vimatsaraḥ / pūrvavadguruṛtvigbhya imānmantrānudīrayet
Sanskrit only: no published translation is held for this verse.
यदा देवगणाः सर्वे सर्वरत्नेष्ववस्थिताः । त्वं च रत्नमयो नित्यं नमस्ते ऽस्तु सदाचल
yadā devagaṇāḥ sarve sarvaratneṣvavasthitāḥ / tvaṃ ca ratnamayo nityaṃ namaste 'stu sadācala
Sanskrit only: no published translation is held for this verse.
यस्माद्रत्नप्रदानेन तुष्टिं प्रकुरुते हरिः । सदा रत्नप्रदानेन तस्मान्नः पाहि पर्वत
yasmādratnapradānena tuṣṭiṃ prakurute hariḥ / sadā ratnapradānena tasmānnaḥ pāhi parvata
Sanskrit only: no published translation is held for this verse.
अनेन विधिना यस्तु दद्याद्रत्नमयं गिरिम् । स याति विष्णुसालोक्यम् अमरेश्वरपूजितः
anena vidhinā yastu dadyādratnamayaṃ girim / sa yāti viṣṇusālokyam amareśvarapūjitaḥ
Sanskrit only: no published translation is held for this verse.
यावत्कल्पशतं साग्रं वसेच्चेह नराधिप । रूपारोग्यगुणोपेतः सप्तद्वीपाधिपो भवेत्
yāvatkalpaśataṃ sāgraṃ vasecceha narādhipa / rūpārogyaguṇopetaḥ saptadvīpādhipo bhavet
Sanskrit only: no published translation is held for this verse.
ब्रह्महत्यादिकं किंचिद् यदत्रामुत्र वा कृतम् । तत्सर्वं नाशमायाति गिरिर्वज्रहतो यथा
brahmahatyādikaṃ kiṃcid yadatrāmutra vā kṛtam / tatsarvaṃ nāśamāyāti girirvajrahato yathā
Sanskrit only: no published translation is held for this verse.