*ईश्वर उवाच अतः परं प्रवक्ष्यामि रौप्याचलमनुत्तमम् । यत्प्रदानान्नरो याति सोमलोकमनुत्तमम्
*īśvara uvāca ataḥ paraṃ pravakṣyāmi raupyācalamanuttamam / yatpradānānnaro yāti somalokamanuttamam
Sanskrit only: no published translation is held for this verse.
दशभिः पलसाहस्रैर् उत्तमो रजताचलः । पञ्चभिर्मध्यमः प्रोक्तस् तदर्धेनाधमः स्मृतः
daśabhiḥ palasāhasrair uttamo rajatācalaḥ / pañcabhirmadhyamaḥ proktas tadardhenādhamaḥ smṛtaḥ
Sanskrit only: no published translation is held for this verse.
अशक्तो विंशतेरूर्ध्वं कारयेच्छक्तितस्तदा । विष्कम्भपर्वतांस्तद्वत् तुरीयांशेन कल्पयेत्
aśakto viṃśaterūrdhvaṃ kārayecchaktitastadā / viṣkambhaparvatāṃstadvat turīyāṃśena kalpayet
Sanskrit only: no published translation is held for this verse.
पूर्ववद्राजतान्कुर्वन् मन्दरादीन्विधानतः । कलधौतमयांस्तद्वल् लोकेशानर्चयेद्बुधः
pūrvavadrājatānkurvan mandarādīnvidhānataḥ / kaladhautamayāṃstadval lokeśānarcayedbudhaḥ
Sanskrit only: no published translation is held for this verse.
ब्रह्मविष्ण्वर्कवान्कार्यो नितम्बो ऽत्र हिरण्मयः । राजतं स्याद्यदन्येषां सर्वं तदिह काञ्चनम्
brahmaviṣṇvarkavānkāryo nitambo 'tra hiraṇmayaḥ / rājataṃ syādyadanyeṣāṃ sarvaṃ tadiha kāñcanam
Sanskrit only: no published translation is held for this verse.
शेषं तु पूर्ववत्कुर्याद् धोमजागरणादिकम् । दद्यात्ततः प्रभाते तु गुरवे रौप्यपर्वतम्
śeṣaṃ tu pūrvavatkuryād dhomajāgaraṇādikam / dadyāttataḥ prabhāte tu gurave raupyaparvatam
Sanskrit only: no published translation is held for this verse.
विष्कम्भशैलानृत्विग्भ्यः पूज्यवस्त्रविभूषणैः । इमं मन्त्रं पठन्दद्याद् दर्भपाणिर्विमत्सरः
viṣkambhaśailānṛtvigbhyaḥ pūjyavastravibhūṣaṇaiḥ / imaṃ mantraṃ paṭhandadyād darbhapāṇirvimatsaraḥ
Sanskrit only: no published translation is held for this verse.
पितॄणां वल्लभो यस्माद् धरीन्द्राणां शिवस्य च । पाहि राजत तस्मात्त्वं शोकसंसारसागरात्
pitṝṇāṃ vallabho yasmād dharīndrāṇāṃ śivasya ca / pāhi rājata tasmāttvaṃ śokasaṃsārasāgarāt
Sanskrit only: no published translation is held for this verse.
इत्थं निवेद्य यो दद्याद् रजताचलमुत्तमम् । गवामयुतदानस्य फलं प्राप्नोति मानवः
itthaṃ nivedya yo dadyād rajatācalamuttamam / gavāmayutadānasya phalaṃ prāpnoti mānavaḥ
Sanskrit only: no published translation is held for this verse.
सोमलोके स गन्धर्वैः किंनराप्सरसां गणैः । पूज्यमानो वसेद्विद्वान् यावदाभूतसंप्लवम्
somaloke sa gandharvaiḥ kiṃnarāpsarasāṃ gaṇaiḥ / pūjyamāno vasedvidvān yāvadābhūtasaṃplavam
Sanskrit only: no published translation is held for this verse.