*शिव उवाच पद्मासनः पद्मकरः पद्मगर्भसमद्युतिः । सप्ताश्वः सप्तरज्जुश्च द्विभुजः स्यात्सदा रविः
*śiva uvāca padmāsanaḥ padmakaraḥ padmagarbhasamadyutiḥ / saptāśvaḥ saptarajjuśca dvibhujaḥ syātsadā raviḥ
Sanskrit only: no published translation is held for this verse.
श्वेतः श्वेताम्बरधरः श्वेताश्वः श्वेतवाहनः । गदापाणिर्द्विबाहुश्च कर्तव्यो वरदः शशी
śvetaḥ śvetāmbaradharaḥ śvetāśvaḥ śvetavāhanaḥ / gadāpāṇirdvibāhuśca kartavyo varadaḥ śaśī
Sanskrit only: no published translation is held for this verse.
रक्तमाल्याम्बरधरः शक्तिशूलगदाधरः । चतुर्भुजः श्वेतरोमा वरदः स्याद् धरासुतः
raktamālyāmbaradharaḥ śaktiśūlagadādharaḥ / caturbhujaḥ śvetaromā varadaḥ syād dharāsutaḥ
Sanskrit only: no published translation is held for this verse.
पीतमाल्याम्बरधरः कर्णिकारसमद्युतिः । खड्गचर्मगदापाणिः सिंहस्थो वरदो बुधः
pītamālyāmbaradharaḥ karṇikārasamadyutiḥ / khaḍgacarmagadāpāṇiḥ siṃhastho varado budhaḥ
Sanskrit only: no published translation is held for this verse.
देवदैत्यगुरू तद्वत् पीतश्वेतौ चतुर्भुजौ । दण्डिनौ वरदौ कार्यौ साक्षसूत्रकमण्डलू
devadaityagurū tadvat pītaśvetau caturbhujau / daṇḍinau varadau kāryau sākṣasūtrakamaṇḍalū
Sanskrit only: no published translation is held for this verse.
इन्द्रनीलद्युतिः शूली वरदो गृध्रवाहनः । बाणबाणासनधरः कर्तव्यो ऽर्कसुतस् तथा
indranīladyutiḥ śūlī varado gṛdhravāhanaḥ / bāṇabāṇāsanadharaḥ kartavyo 'rkasutas tathā
Sanskrit only: no published translation is held for this verse.
करालवदनः खड्ग-चर्मशूली वरप्रदः । नीलसिंहासनस्थश्च राहुरत्र प्रशस्यते
karālavadanaḥ khaḍga-carmaśūlī varapradaḥ / nīlasiṃhāsanasthaśca rāhuratra praśasyate
Sanskrit only: no published translation is held for this verse.
धूम्रा द्विबाहवः सर्वे गदिनो विकृताननाः । गृध्रासनगता नित्यं केतवः स्युर्वरप्रदाः
dhūmrā dvibāhavaḥ sarve gadino vikṛtānanāḥ / gṛdhrāsanagatā nityaṃ ketavaḥ syurvarapradāḥ
Sanskrit only: no published translation is held for this verse.
सर्वे किरीटिनः कार्या ग्रहा लोकहितावहाः । स्वाङ्गुलेनोच्छ्रिताः सर्वे शतमष्टोत्तरं सदा
sarve kirīṭinaḥ kāryā grahā lokahitāvahāḥ / svāṅgulenocchritāḥ sarve śatamaṣṭottaraṃ sadā
Sanskrit only: no published translation is held for this verse.