यदि तु नास्तीति बुद्धिर् एव लिङ्गम् इत्य् उच्यते तन् न। फलं हि सा, प्रत्यक्षाद्यनुत्पादस्य कथं तल्लिङ्गम्, तत्सिद्ध्यर्थम् एव हि लिङ्गम् इष्यते। ३,२०९ सिद्धायां तु बुद्धौ किं लिङ्गेन। तद् एतद् आह -- नेति। यदि सा फलं किं तर्हि प्रमाणम् अत आह -- तस्यैवेति। यस्यैव सा फलं तद् एव प्रत्यक्षाद्यनुत्पत्तेः फलानन्तर्यात् प्रमाणम् इति
yadi tu nāstīti buddhir eva liṅgam ity ucyate tan na. phalaṃ hi sā, pratyakṣādyanutpādasya kathaṃ talliṅgam, tatsiddhyartham eva hi liṅgam iṣyate. 3,209 siddhāyāṃ tu buddhau kiṃ liṅgena. tad etad āha -- neti. yadi sā phalaṃ kiṃ tarhi pramāṇam ata āha -- tasyaiveti. yasyaiva sā phalaṃ tad eva pratyakṣādyanutpatteḥ phalānantaryāt pramāṇam iti
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.