अथ खलु भगवान् शाक्यमुनिः पुनरपि कर्मसाधनोत्तमं भाषते स्म । इह कल्पराजे अन्यतमं मन्त्रं गृहीत्वा गङ्गामहानदीमवतीर्य नौयानसंस्थितः गङ्गायाः मध्ये क्षीरोदनाहारः त्रिंशल्लक्षाणि जपेत् यथेष्टदिवसैः । ततो जपान्ते सर्वान् नागां पश्यति । ततः साधनमारभे तत्रैव नौमध्ये अग्निकुण्डं कारयेत् पद्माकारम् । ततो नागकेसरपुष्पैः पटस्य महतीं पूजां कृत्वा ज्येष्ठं पटं पश्चान्मुखं प्रतिष्ठाप्य आत्मनश्च पूर्वाभिमुखं कुशविण्डकोपविष्टः नागकेसरपुष्पं एकैकं सप्ताभिमन्त्रितं कृत्वा खदिरकाष्ठेन्धनाग्निप्रज्वालिते जुहुयात् । यावत् त्रिंशसहस्राणि श्वेतचन्दनकुङ्कुमपूतानां नागकेसरपुष्पां नान्येषां नागानां दर्शनमवेक्ष्यं सिद्धद्रव्यैश्च प्रलोभयन्ति । न ग्रहीतव्यानि ॥ ततो होमान्ते नौयानेन सार्द्धमुत्पतति । विद्याधरचक्रवर्ती भवति । सर्वनागेन्द्रराजाश्चास्यानुचरा भवन्ति । भृत्या इव तिष्ठन्ते । त्रिंशत्यन्तरकल्पां जीवति । स्वच्छन्दचारी चास्य भवति । अप्रतिहतगतिः आर्यमञ्जुश्रियं साक्षात् पश्यति । स मूर्ध्नि स्पृशति स्पृष्टमात्रश्च पञ्चाभिज्ञो भवति । नियतं बुद्धत्वमधिगच्छति । अपरमपि उत्तमकर्मोपयिकसाधनं भवति । गङ्गामहानदीमवतीर्य एककाष्ठेनैव विल्ववृक्षमयेन नौयानं कृत्वा सुदृष्टं सुकृतं तत्र समाभिरूह्य बिल्वकाष्ठकमयं वाहनं तेनैव तां नौ अनुसाधकेनैव व्यक्तेन निपुणतरेण वाहये गङ्गामहानदीमपरित्यज्य बाहयेत् समन्तात् । तिर्यग् दीर्घं वा । अतो ऽन्यतरं मन्त्रं गृहीत्वा मूलमन्त्रषडक्षरसकृत् अष्टाक्षर एकाक्षरं वा क्रोधदूतीदूत अपरा वा अन्यतरं वा मन्त्रं गृहीत्वा ज्येष्ठं पटं तत्रैव अश्चान्मुखं प्रतिष्ठाप्य आत्मनश्च पूर्वामुखं प्रथमतः पश्चाद् यथेष्टं भवति क्षीरयावकफलाहारो वा उदककन्दमूलफलाहारो वा मौनी त्रिः कालस्नायी त्रिचेलपरिवर्ती शुक्लकर्मसमाचारी सुशुक्लबुद्धिः । प्रथमं तावत् पटस्याग्रतः यथोपदिष्टपूर्वदृष्टविधिः विद्यां षष्टिलक्षाणि जपेत् । ततो जपान्ते नौर्महासमुद्राभिगामिनी भवति ॥ ततो साधकेनोपकरणानि सङ्गृह्य पूर्वस्थापितकानि कुर्यात् तत्रैव नौयाने । ततो महासमुद्रं गच्छता न भेतव्यम् । नापि निवारयितव्या । न च शक्यन्ते निवर्त्तापयितुं वर्जयित्वा साधकशात् ॥ ततो मुहूर्तमात्रेणैव महासमुद्रं प्रविशति योजनसहस्रस्थितापि, किं पुनः स्वल्पमध्वानम् । तत्र प्रविष्टः सरितालये साधनकर्ममारभेत् । खदिरकाष्ठैरग्निं प्रज्वाल्य पूर्वकारिताग्निकुण्डे कुम्भकारकारिते वा मृद्भाण्डे नागकेसरकिञ्जल्काहुतीनां श्वेतचन्दनकर्पूरव्यामिश्राणां स्वल्पतराणां प्रभूततरप्रमाणानां वा षष्टिलक्षाणि जुहुयात् ॥ जुह्वतश्च लङ्कापुरिवासिनो राक्षसा बहुरूपधारिणः हाहाकारं कुर्वन्ताः नागपुरिभोगवतीवासिनाश्च नागराजानः उत्तिष्ठन्ते विविधरूपधारिणो क्रूरतराः सौम्यतराश्च । ते नागराक्षसाश्च एवमाहुः - उत्तिष्ठतु भगवानुत्तिष्ठतु भगवानिति । अस्माकं स्वामी भवत् । एवं असुराः यक्षाः देवाः महोरगाः सिद्धाः सर्वमानुषाश्च प्रलोभयन्ति । नोत्थातव्यं (वैद्य ६१) न भेतव्यं च । ततो विद्याधरेण मन्त्रं जपता वामहस्ते तर्जन्या तर्जयितव्या । ततो विद्रवन्ति इतश्चामुतश्च प्रपलायन्ते नश्यन्ति च । ततो होमावसाने सा नौतं साधकं गृहीत्वा क्षणेनाकनिष्ठभवनं गच्छन्ति । अपराण्यपि लोकधातुं गच्छत्यागच्छति च बोधिसत्त्वचित्तविदो भवति पञ्चाभिज्ञः महर्द्धिको भवति महानुभावः । आर्यमञ्जुश्रियं चास्य सततं पश्यति । सर्वनागाः सर्वराक्षसाः सर्वदेवाः सर्वासुराः सर्वसत्त्वा चास्य वश्या भवन्ति । आज्ञाकराः स्थापयित्वा सर्वबुद्धबोधिसत्त्व प्रत्येकबुद्धार्यश्रावकानामिह मन्त्रसिद्धानां च । ते चास्य मैत्रात्मका भवन्ति अनुमन्तारः यावत्सर्वसत्त्वानामधृष्यो भवति ॥ अपरमपि कर्मोपयिकोत्तमसाधनं भवति । बिल्वकाष्ठैर्महता नौयानं कारापये । एककाष्ठदारुसङ्घातैर्वा महतावस्थानं च कुर्यात् । गङ्गामध्यस्थे द्वीपकं तत्रस्थं नौयानं कुर्या । तस्मिंश्च नौयाने विंशोत्तरशतं पुष्पाणां प्रदीपव्यग्रहस्तानां नौयानमभिरूढानां शुक्लाम्बरवसनानां कृतरक्षाणां ज्येष्ठपटपूर्वविधिसंस्थापितकस्याग्रतः संस्थापयेत् । ततो पटस्य महतीं पूजां कृत्वा नागकेसरचूर्णानां कुङ्कुमश्वेतचन्दनकर्पूरव्यामिश्राणां खदिरानले आहूतीसहस्राणि षट्त्रिंश जुहुयात् ॥ ततो होमावसाने सा नौ क्षणमात्रेण ब्रह्मलोकं गच्छति । आगच्छति च । यथेष्टं विचरते । आर्यमञ्जुश्रियं साक्षात् पश्यति । दृष्टमात्रश्च भूमिप्राप्तो भवति पञ्चाभिज्ञः चिरकालजीवी महाकल्पस्थायी महाविद्याधरचक्रवर्तिराजा भवति । ते चास्य प्रदीपधरा सिद्धविद्याधरा भवन्ति । सहायका तैः सार्द्धं यथेष्टं विचरते स्वच्छन्दगामी भवति । बुद्धान्यं भगवतां पूजाभिरतो भवति । अन्ते च बुद्धत्वं नियतं भवति । अपरमपि कर्मोपयिकसाधनोत्तमो भवति ॥ नदीकूले समुद्रकूले वा हिमवन्तगिरौ तथा । पर्वते विन्घ्यराजे ऽस्मिं साधयेत् कर्ममुत्तमम्
atha khalu bhagavān śākyamuniḥ punarapi karmasādhanottamaṃ bhāṣate sma / iha kalparāje anyatamaṃ mantraṃ gṛhītvā gaṅgāmahānadīmavatīrya nauyānasaṃsthitaḥ gaṅgāyāḥ madhye kṣīrodanāhāraḥ triṃśallakṣāṇi japet yatheṣṭadivasaiḥ / tato japānte sarvān nāgāṃ paśyati / tataḥ sādhanamārabhe tatraiva naumadhye agnikuṇḍaṃ kārayet padmākāram / tato nāgakesarapuṣpaiḥ paṭasya mahatīṃ pūjāṃ kṛtvā jyeṣṭhaṃ paṭaṃ paścānmukhaṃ pratiṣṭhāpya ātmanaśca pūrvābhimukhaṃ kuśaviṇḍakopaviṣṭaḥ nāgakesarapuṣpaṃ ekaikaṃ saptābhimantritaṃ kṛtvā khadirakāṣṭhendhanāgniprajvālite juhuyāt / yāvat triṃśasahasrāṇi śvetacandanakuṅkumapūtānāṃ nāgakesarapuṣpāṃ nānyeṣāṃ nāgānāṃ darśanamavekṣyaṃ siddhadravyaiśca pralobhayanti / na grahītavyāni // tato homānte nauyānena sārddhamutpatati / vidyādharacakravartī bhavati / sarvanāgendrarājāścāsyānucarā bhavanti / bhṛtyā iva tiṣṭhante / triṃśatyantarakalpāṃ jīvati / svacchandacārī cāsya bhavati / apratihatagatiḥ āryamañjuśriyaṃ sākṣāt paśyati / sa mūrdhni spṛśati spṛṣṭamātraśca pañcābhijño bhavati / niyataṃ buddhatvamadhigacchati / aparamapi uttamakarmopayikasādhanaṃ bhavati / gaṅgāmahānadīmavatīrya ekakāṣṭhenaiva vilvavṛkṣamayena nauyānaṃ kṛtvā sudṛṣṭaṃ sukṛtaṃ tatra samābhirūhya bilvakāṣṭhakamayaṃ vāhanaṃ tenaiva tāṃ nau anusādhakenaiva vyaktena nipuṇatareṇa vāhaye gaṅgāmahānadīmaparityajya bāhayet samantāt / tiryag dīrghaṃ vā / ato 'nyataraṃ mantraṃ gṛhītvā mūlamantraṣaḍakṣarasakṛt aṣṭākṣara ekākṣaraṃ vā krodhadūtīdūta aparā vā anyataraṃ vā mantraṃ gṛhītvā jyeṣṭhaṃ paṭaṃ tatraiva aścānmukhaṃ pratiṣṭhāpya ātmanaśca pūrvāmukhaṃ prathamataḥ paścād yatheṣṭaṃ bhavati kṣīrayāvakaphalāhāro vā udakakandamūlaphalāhāro vā maunī triḥ kālasnāyī tricelaparivartī śuklakarmasamācārī suśuklabuddhiḥ / prathamaṃ tāvat paṭasyāgrataḥ yathopadiṣṭapūrvadṛṣṭavidhiḥ vidyāṃ ṣaṣṭilakṣāṇi japet / tato japānte naurmahāsamudrābhigāminī bhavati // tato sādhakenopakaraṇāni saṅgṛhya pūrvasthāpitakāni kuryāt tatraiva nauyāne / tato mahāsamudraṃ gacchatā na bhetavyam / nāpi nivārayitavyā / na ca śakyante nivarttāpayituṃ varjayitvā sādhakaśāt // tato muhūrtamātreṇaiva mahāsamudraṃ praviśati yojanasahasrasthitāpi, kiṃ punaḥ svalpamadhvānam / tatra praviṣṭaḥ saritālaye sādhanakarmamārabhet / khadirakāṣṭhairagniṃ prajvālya pūrvakāritāgnikuṇḍe kumbhakārakārite vā mṛdbhāṇḍe nāgakesarakiñjalkāhutīnāṃ śvetacandanakarpūravyāmiśrāṇāṃ svalpatarāṇāṃ prabhūtatarapramāṇānāṃ vā ṣaṣṭilakṣāṇi juhuyāt // juhvataśca laṅkāpurivāsino rākṣasā bahurūpadhāriṇaḥ hāhākāraṃ kurvantāḥ nāgapuribhogavatīvāsināśca nāgarājānaḥ uttiṣṭhante vividharūpadhāriṇo krūratarāḥ saumyatarāśca / te nāgarākṣasāśca evamāhuḥ - uttiṣṭhatu bhagavānuttiṣṭhatu bhagavāniti / asmākaṃ svāmī bhavat / evaṃ asurāḥ yakṣāḥ devāḥ mahoragāḥ siddhāḥ sarvamānuṣāśca pralobhayanti / notthātavyaṃ (Vaidya 61) na bhetavyaṃ ca / tato vidyādhareṇa mantraṃ japatā vāmahaste tarjanyā tarjayitavyā / tato vidravanti itaścāmutaśca prapalāyante naśyanti ca / tato homāvasāne sā nautaṃ sādhakaṃ gṛhītvā kṣaṇenākaniṣṭhabhavanaṃ gacchanti / aparāṇyapi lokadhātuṃ gacchatyāgacchati ca bodhisattvacittavido bhavati pañcābhijñaḥ maharddhiko bhavati mahānubhāvaḥ / āryamañjuśriyaṃ cāsya satataṃ paśyati / sarvanāgāḥ sarvarākṣasāḥ sarvadevāḥ sarvāsurāḥ sarvasattvā cāsya vaśyā bhavanti / ājñākarāḥ sthāpayitvā sarvabuddhabodhisattva pratyekabuddhāryaśrāvakānāmiha mantrasiddhānāṃ ca / te cāsya maitrātmakā bhavanti anumantāraḥ yāvatsarvasattvānāmadhṛṣyo bhavati // aparamapi karmopayikottamasādhanaṃ bhavati / bilvakāṣṭhairmahatā nauyānaṃ kārāpaye / ekakāṣṭhadārusaṅghātairvā mahatāvasthānaṃ ca kuryāt / gaṅgāmadhyasthe dvīpakaṃ tatrasthaṃ nauyānaṃ kuryā / tasmiṃśca nauyāne viṃśottaraśataṃ puṣpāṇāṃ pradīpavyagrahastānāṃ nauyānamabhirūḍhānāṃ śuklāmbaravasanānāṃ kṛtarakṣāṇāṃ jyeṣṭhapaṭapūrvavidhisaṃsthāpitakasyāgrataḥ saṃsthāpayet / tato paṭasya mahatīṃ pūjāṃ kṛtvā nāgakesaracūrṇānāṃ kuṅkumaśvetacandanakarpūravyāmiśrāṇāṃ khadirānale āhūtīsahasrāṇi ṣaṭtriṃśa juhuyāt // tato homāvasāne sā nau kṣaṇamātreṇa brahmalokaṃ gacchati / āgacchati ca / yatheṣṭaṃ vicarate / āryamañjuśriyaṃ sākṣāt paśyati / dṛṣṭamātraśca bhūmiprāpto bhavati pañcābhijñaḥ cirakālajīvī mahākalpasthāyī mahāvidyādharacakravartirājā bhavati / te cāsya pradīpadharā siddhavidyādharā bhavanti / sahāyakā taiḥ sārddhaṃ yatheṣṭaṃ vicarate svacchandagāmī bhavati / buddhānyaṃ bhagavatāṃ pūjābhirato bhavati / ante ca buddhatvaṃ niyataṃ bhavati / aparamapi karmopayikasādhanottamo bhavati // nadīkūle samudrakūle vā himavantagirau tathā / parvate vinghyarāje 'smiṃ sādhayet karmamuttamam
Sanskrit only: no published translation is held for this verse.
सह्ये मलये चैव अर्बुदे गन्धमादने । तृकूटे पर्वतराजे ऽस्मिं शाधयेत् कर्ममुत्तमम्
sahye malaye caiva arbude gandhamādane / tṛkūṭe parvatarāje 'smiṃ śādhayet karmamuttamam
Sanskrit only: no published translation is held for this verse.
महासमुद्रे तथा शैले वृक्षाढ्ये पुष्पसम्भवे । एते देशेषु सिध्यन्ते मन्त्रा वै जिनभाषिता
mahāsamudre tathā śaile vṛkṣāḍhye puṣpasambhave / ete deśeṣu sidhyante mantrā vai jinabhāṣitā
Sanskrit only: no published translation is held for this verse.
विविक्तदेशे शुचौ प्रान्ते ग्राम्यधर्मविवर्जिते । सिध्यन्ते मन्त्रराट् सर्वे तथैव गिरिगह्वरे
viviktadeśe śucau prānte grāmyadharmavivarjite / sidhyante mantrarāṭ sarve tathaiva girigahvare
Sanskrit only: no published translation is held for this verse.
प्रान्तशय्यासने रम्ये तथैव जिनवर्णिते । दुष्टसत्त्वविनिर्मुक्ते सिध्यन्ते सर्वमन्त्रराट्
prāntaśayyāsane ramye tathaiva jinavarṇite / duṣṭasattvavinirmukte sidhyante sarvamantrarāṭ
Sanskrit only: no published translation is held for this verse.
धार्मिके नृपे देशे शौचाचाररते जने । मातपितृभक्ते च द्विजवर्णाविवर्जिते । देवता सिद्धिमायान्ति तस्मिं स्थाने तु नान्यथा
dhārmike nṛpe deśe śaucācārarate jane / mātapitṛbhakte ca dvijavarṇāvivarjite / devatā siddhimāyānti tasmiṃ sthāne tu nānyathā
Sanskrit only: no published translation is held for this verse.
भागीरथीतटे रम्ये युमने चैव सुशोभने । सिन्धुनर्मदवक्षे च चन्द्रभागे शुचौ तटे
bhāgīrathītaṭe ramye yumane caiva suśobhane / sindhunarmadavakṣe ca candrabhāge śucau taṭe
Sanskrit only: no published translation is held for this verse.
कावेरी सरस्वती चैव सिता देवमहानदी । सिद्धिक्षेत्राण्येतानि उक्ता दशबलात्मजैः
kāverī sarasvatī caiva sitā devamahānadī / siddhikṣetrāṇyetāni uktā daśabalātmajaiḥ
Sanskrit only: no published translation is held for this verse.
दशबलैः कथिताः क्षेत्राः उत्तरापथपर्वताः । कश्मीरे चीनदेशे च नेपाले काविशे तथा
daśabalaiḥ kathitāḥ kṣetrāḥ uttarāpathaparvatāḥ / kaśmīre cīnadeśe ca nepāle kāviśe tathā
Sanskrit only: no published translation is held for this verse.
महाचीने तु वै सिद्धि सिद्धिक्षेत्राण्यशेषतः । उत्तरां दिशिमाश्रित्य पर्वताः सरिताश्च ये
mahācīne tu vai siddhi siddhikṣetrāṇyaśeṣataḥ / uttarāṃ diśimāśritya parvatāḥ saritāśca ye
Sanskrit only: no published translation is held for this verse.
पुण्यदेशाश्च ये प्रोक्ता यवगोधूमभोजिनः । सत्त्वा दयालवो यत्र सिद्धिस्तेषु ध्रुवा भवेत्
puṇyadeśāśca ye proktā yavagodhūmabhojinaḥ / sattvā dayālavo yatra siddhisteṣu dhruvā bhavet
Sanskrit only: no published translation is held for this verse.
श्रीपर्वते महाशैले दक्षिणापथसंज्ञिके । श्रीधान्यकटके चैत्ये जिनधातुधरे भुवि
śrīparvate mahāśaile dakṣiṇāpathasaṃjñike / śrīdhānyakaṭake caitye jinadhātudhare bhuvi
Sanskrit only: no published translation is held for this verse.
सिद्ध्यन्ते तत्र मन्त्रा वै क्षिप्रः सर्वार्थकर्मसु । वज्रासने महाचैत्ये धर्मचक्रे तु शोभने
siddhyante tatra mantrā vai kṣipraḥ sarvārthakarmasu / vajrāsane mahācaitye dharmacakre tu śobhane
Sanskrit only: no published translation is held for this verse.
शान्तिं गतः मुनिः श्रेष्ठो तत्रापिः सिद्धि दृश्यते । देवावतारे महाचैत्ये सङ्कश्ये महाप्रातिहारिके
śāntiṃ gataḥ muniḥ śreṣṭho tatrāpiḥ siddhi dṛśyate / devāvatāre mahācaitye saṅkaśye mahāprātihārike
Sanskrit only: no published translation is held for this verse.
कपिलाह्वये महानगरे वरे वने लुम्बिनि पुङ्गवे । सिद्ध्यन्ते मन्त्रराट् तत्र प्रशस्तजिनवर्णिते
kapilāhvaye mahānagare vare vane lumbini puṅgave / siddhyante mantrarāṭ tatra praśastajinavarṇite
Sanskrit only: no published translation is held for this verse.
गृध्रकूटे तथा शैले सदा सीतवने भुवि । कुसुमाह्वये पुरधरे रम्ये तथा काशीपुरी सदा
gṛdhrakūṭe tathā śaile sadā sītavane bhuvi / kusumāhvaye puradhare ramye tathā kāśīpurī sadā
Sanskrit only: no published translation is held for this verse.
मधुरे कन्यकुब्जे तु उज्जयनी च पुरी भुवि । वैशाल्यां तथा चैत्ये मिथिलायां च सदा भुवि
madhure kanyakubje tu ujjayanī ca purī bhuvi / vaiśālyāṃ tathā caitye mithilāyāṃ ca sadā bhuvi
Sanskrit only: no published translation is held for this verse.
पुरीनगरमुख्यास्तु ये वान्ये जनसम्भवा । प्रशस्तपुण्यदेशे तु सिद्धिस्तेषु विधीयते
purīnagaramukhyāstu ye vānye janasambhavā / praśastapuṇyadeśe tu siddhisteṣu vidhīyate
Sanskrit only: no published translation is held for this verse.
एते चान्ये च देशा वै ग्रामजनपदकर्वटा । पत्तना पुरवरा श्रेष्ठा पुण्या वा सरिताश्रिता
ete cānye ca deśā vai grāmajanapadakarvaṭā / pattanā puravarā śreṣṭhā puṇyā vā saritāśritā
Sanskrit only: no published translation is held for this verse.
तत्र भिक्षानुवर्ती च जपहोमरतो भवेत् । लपने चाभ्यवकाशे च शून्यमायतने सदा
tatra bhikṣānuvartī ca japahomarato bhavet / lapane cābhyavakāśe ca śūnyamāyatane sadā
Sanskrit only: no published translation is held for this verse.
पूर्वसेवां तु कुर्वीत मन्त्राणां सर्वकर्मसु । मध्यदेशे सदा मन्त्री जपेन्मन्त्रं समन्ततः
pūrvasevāṃ tu kurvīta mantrāṇāṃ sarvakarmasu / madhyadeśe sadā mantrī japenmantraṃ samantataḥ
Sanskrit only: no published translation is held for this verse.
जापप्रवृत्तो सदायुक्तंः त्यागाभ्यासात् मन्त्रवित् । शीलाचारसुसत्यश्च सर्वभूतहिते रतः
jāpapravṛtto sadāyuktaṃḥ tyāgābhyāsāt mantravit / śīlācārasusatyaśca sarvabhūtahite rataḥ
Sanskrit only: no published translation is held for this verse.
श्राद्धो मन्त्रचर्यायां पूर्वमेव जपे व्रती । शुचौ देशे सुक्षेत्रे म्लेच्छतस्करवर्जिते
śrāddho mantracaryāyāṃ pūrvameva jape vratī / śucau deśe sukṣetre mlecchataskaravarjite
Sanskrit only: no published translation is held for this verse.
सरीसृपादिषु सर्वेषु वर्जितं च विरिष्यते । फलपुष्पसमोपेते प्रशस्ते निर्मलोदके
sarīsṛpādiṣu sarveṣu varjitaṃ ca viriṣyate / phalapuṣpasamopete praśaste nirmalodake
Sanskrit only: no published translation is held for this verse.
सर्वे मन्त्रविन्मन्त्रं नान्यदेशेषु कीर्त्यते । देवालये श्मशाने वा एकस्थावरलक्षिते
sarve mantravinmantraṃ nānyadeśeṣu kīrtyate / devālaye śmaśāne vā ekasthāvaralakṣite
Sanskrit only: no published translation is held for this verse.
एकलिङ्गे तथा प्रान्ते सर्वे मन्त्रं तु मन्त्रवित् । आत्मरक्षां सखायां तु कृत्वा वै स पुरश्चरी
ekaliṅge tathā prānte sarve mantraṃ tu mantravit / ātmarakṣāṃ sakhāyāṃ tu kṛtvā vai sa puraścarī
Sanskrit only: no published translation is held for this verse.
मन्त्रयुक्तो सदा मन्त्री सेवेन्मन्त्रमुत्तमम् । महारण्ये महावृक्षे कुसुमाढ्ये फलोद्भवे
mantrayukto sadā mantrī sevenmantramuttamam / mahāraṇye mahāvṛkṣe kusumāḍhye phalodbhave
Sanskrit only: no published translation is held for this verse.
+ + + + + + + + + + + + + + पर्वताग्रे तु निम्नगे । उदकस्थाने शुचौक्षे च महासरित्तटे वरे
+ + + + + + + + + + + + + + parvatāgre tu nimnage / udakasthāne śucaukṣe ca mahāsarittaṭe vare
Sanskrit only: no published translation is held for this verse.
सेवेत मन्त्रं मन्त्रज्ञो स्थानेष्वेह + + + + । प्राग्देशे च लौहित्ये महानद्ये नदीशुभे
seveta mantraṃ mantrajño sthāneṣveha + + + + / prāgdeśe ca lauhitye mahānadye nadīśubhe
Sanskrit only: no published translation is held for this verse.
कामरूपे तथा देशे वर्धमाने पुरोत्तमे । यत्रासौ निम्नागा श्लिष्टातिपुण्याग्रसरिद्वरा
kāmarūpe tathā deśe vardhamāne purottame / yatrāsau nimnāgā śliṣṭātipuṇyāgrasaridvarā
Sanskrit only: no published translation is held for this verse.
तस्मिं स्थाने सदाजापी भजेत सुविगां शुचिः । पूर्वसेवं तु तस्माद्वै कुर्यात्सर्वकर्मसु
tasmiṃ sthāne sadājāpī bhajeta suvigāṃ śuciḥ / pūrvasevaṃ tu tasmādvai kuryātsarvakarmasu
Sanskrit only: no published translation is held for this verse.
गङ्गाद्वारे तथा नित्यं गङ्गासागरसङ्गमे । शुचिर्जपेत् मन्त्रं वै प्रयोगे चैव सव्रतः
gaṅgādvāre tathā nityaṃ gaṅgāsāgarasaṅgame / śucirjapet mantraṃ vai prayoge caiva savrataḥ
Sanskrit only: no published translation is held for this verse.
महाश्मशानान्येतानि जापी तत्र सदा जपेत् । विमलोदकानि सरितानि कृमिभिर्वर्जितानि च
mahāśmaśānānyetāni jāpī tatra sadā japet / vimalodakāni saritāni kṛmibhirvarjitāni ca
Sanskrit only: no published translation is held for this verse.
अतएव जपी तत्र जपेन्मन्त्रं समाहितः । न पुण्यं तत्र वै किञ्चिद् दृश्यते लोकचेष्टितम्
ataeva japī tatra japenmantraṃ samāhitaḥ / na puṇyaṃ tatra vai kiñcid dṛśyate lokaceṣṭitam
Sanskrit only: no published translation is held for this verse.
किन्तु मन्त्रापदेशेन किञ्चित्कालं वसेत वै । अन्यत्र वा ततो गच्छे समये सोमग्रहे त्रवत्
kintu mantrāpadeśena kiñcitkālaṃ vaseta vai / anyatra vā tato gacche samaye somagrahe travat
Sanskrit only: no published translation is held for this verse.
समयप्राप्तो वसत्तत्र किञ्चित्कालं तु नान्यथा । अन्यत्र वा ततो क्षिप्रं गच्छे शक्ता तु मन्त्रवित्
samayaprāpto vasattatra kiñcitkālaṃ tu nānyathā / anyatra vā tato kṣipraṃ gacche śaktā tu mantravit
Sanskrit only: no published translation is held for this verse.
सुगतध्युषितचैत्येषु भूतलेषु सदा वसेत् । लोकतीर्थानि सर्वाणि कुदृष्टिपतितानि च
sugatadhyuṣitacaityeṣu bhūtaleṣu sadā vaset / lokatīrthāni sarvāṇi kudṛṣṭipatitāni ca
Sanskrit only: no published translation is held for this verse.
अन्यानि तीर्थस्थानानि मन्त्रविद् वर्जये सदा । न वसेत् तत्र मन्त्रज्ञो कुहेतुगतिमुद्भवाम्
anyāni tīrthasthānāni mantravid varjaye sadā / na vaset tatra mantrajño kuhetugatimudbhavām
Sanskrit only: no published translation is held for this verse.
आक्रान्तं जिनवरैर्यस्तु भूतलं प्रत्येकखड्गिभिः । बोधिसत्त्वैर्महासत्त्वैः श्रावकैर्जिनवरात्मजैः
ākrāntaṃ jinavarairyastu bhūtalaṃ pratyekakhaḍgibhiḥ / bodhisattvairmahāsattvaiḥ śrāvakairjinavarātmajaiḥ
Sanskrit only: no published translation is held for this verse.
तानि सर्वाणि देशानि सेवेन्मन्त्रविन्मन्त्रजापी । पूर्वमेवं प्रयत्नेन तस्मिं स्थाने सदाचरे
tāni sarvāṇi deśāni sevenmantravinmantrajāpī / pūrvamevaṃ prayatnena tasmiṃ sthāne sadācare
Sanskrit only: no published translation is held for this verse.
विधिदृष्टेन मन्त्रज्ञो जपेन्मन्त्रं पुनः पुनः । पापं ह्यशेषं नाशयति जपहोमैश्च देहिनाम् । तस्मात् सर्वप्रयत्नेन जपेन्मन्त्रं सुसमाहितमिति
vidhidṛṣṭena mantrajño japenmantraṃ punaḥ punaḥ / pāpaṃ hyaśeṣaṃ nāśayati japahomaiśca dehinām / tasmāt sarvaprayatnena japenmantraṃ susamāhitamiti
Sanskrit only: no published translation is held for this verse.