आदौरिकमाकारकवडीकाहारश्च कीर्तिताः । सूक्ष्माहारिकसत्त्वा वै इत्युवाच तथागतः
ādaurikamākārakavaḍīkāhāraśca kīrtitāḥ / sūkṣmāhārikasattvā vai ityuvāca tathāgataḥ
Sanskrit only: no published translation is held for this verse.
Manjusrimulakalpa 11
ध्यानाहारिणो दिव्याः रूपावचरचेष्टिता । आरूप्याश्च देवा वै समाधिफलभोजिनः
dhyānāhāriṇo divyāḥ rūpāvacaraceṣṭitā / ārūpyāśca devā vai samādhiphalabhojinaḥ
Sanskrit only: no published translation is held for this verse.
अन्तराभवसत्त्वाश्च गत्वाहाराः प्रकीर्तिताः । कामधातौ तथा सत्त्वा विचित्राहारभोजनाः
antarābhavasattvāśca gatvāhārāḥ prakīrtitāḥ / kāmadhātau tathā sattvā vicitrāhārabhojanāḥ
Sanskrit only: no published translation is held for this verse.
कामिको ऽसुरमर्त्यानां कबलिकाहारभोजनाः । अत एव जिनेन्द्रैस्तु कथितं धर्महेतुभिः
kāmiko 'suramartyānāṃ kabalikāhārabhojanāḥ / ata eva jinendraistu kathitaṃ dharmahetubhiḥ
Sanskrit only: no published translation is held for this verse.
आहारस्थिति सत्त्वानां सर्वेषां च प्रकीर्तिता । जापिनो नित्ययुक्तस्तु मात्रा एव भुजक्रिया
āhārasthiti sattvānāṃ sarveṣāṃ ca prakīrtitā / jāpino nityayuktastu mātrā eva bhujakriyā
Sanskrit only: no published translation is held for this verse.
शक्तो हि सेवितुं मन्त्रा भोजने ऽस्मिं प्रतिष्ठितः । आचारपरिशुद्धस्तु कुशलो ब्रह्मचारिणः
śakto hi sevituṃ mantrā bhojane 'smiṃ pratiṣṭhitaḥ / ācārapariśuddhastu kuśalo brahmacāriṇaḥ
Sanskrit only: no published translation is held for this verse.
मात्रज्ञता च भुक्तेस्मिं सिद्धिस्तस्य न दुर्लभा । यथैवाक्षपभ्यज्य शाकटी शकटस्य तु
mātrajñatā ca bhuktesmiṃ siddhistasya na durlabhā / yathaivākṣapabhyajya śākaṭī śakaṭasya tu
Sanskrit only: no published translation is held for this verse.
चिरकालाभिस्थित्यर्त्थं भारोद्वहनहेतवः । तथैव मन्त्री मन्त्रज्ञो आहारं स्थितये ददौ
cirakālābhisthityartthaṃ bhārodvahanahetavaḥ / tathaiva mantrī mantrajño āhāraṃ sthitaye dadau
Sanskrit only: no published translation is held for this verse.
कलेवरस्य याप्ययाव्यर्त्थं पोषयेत सदा जपी । मन्त्राणां साधनार्थाय बोधिसम्भारकारणा
kalevarasya yāpyayāvyartthaṃ poṣayeta sadā japī / mantrāṇāṃ sādhanārthāya bodhisambhārakāraṇā
Sanskrit only: no published translation is held for this verse.
जपेन्मन्त्रं तथा मर्त्ये लोकानुग्रहकारणात् । अत एव मुनिः श्रेष्ठो इत्युवाच महाद्युतिः
japenmantraṃ tathā martye lokānugrahakāraṇāt / ata eva muniḥ śreṣṭho ityuvāca mahādyutiḥ
Sanskrit only: no published translation is held for this verse.
काश्यपो नाम नामेन पुरा तस्मिं सदा भुवि । श्रेयसार्त्थं हि भूतानां इदं मन्त्रं प्रभाषत
kāśyapo nāma nāmena purā tasmiṃ sadā bhuvi / śreyasārtthaṃ hi bhūtānāṃ idaṃ mantraṃ prabhāṣata
Sanskrit only: no published translation is held for this verse.
दुःखिनां सर्वलोकानां दीनां दारिद्र्यखेदिनाम् । आयासोपरतां क्लिष्टां तेषामर्थाय भाषितम्
duḥkhināṃ sarvalokānāṃ dīnāṃ dāridryakhedinām / āyāsoparatāṃ kliṣṭāṃ teṣāmarthāya bhāṣitam
Sanskrit only: no published translation is held for this verse.
श्रेयसायैव भूतानां संसृतानां तथा पुनः । आहारार्त्थं तु भूतानां इदं मन्त्रवरं वदेत्
śreyasāyaiva bhūtānāṃ saṃsṛtānāṃ tathā punaḥ / āhārārtthaṃ tu bhūtānāṃ idaṃ mantravaraṃ vadet
Sanskrit only: no published translation is held for this verse.
शृण्वन्तु श्रावकाः सर्वे बोधिसनिश्रिताश्च ये । मह्येदं वचनं मन्त्रं गृह्ण त्वं व्याधिनाशनम्
śṛṇvantu śrāvakāḥ sarve bodhisaniśritāśca ye / mahyedaṃ vacanaṃ mantraṃ gṛhṇa tvaṃ vyādhināśanam
Sanskrit only: no published translation is held for this verse.
क्षुद्व्याधिपीडिता ये तु ये तु सत्त्वा पिपासिताः । सर्वदुःखोपशान्त्यर्थं शृण्वध्वं भूमिकांक्षिणः
kṣudvyādhipīḍitā ye tu ye tu sattvā pipāsitāḥ / sarvaduḥkhopaśāntyarthaṃ śṛṇvadhvaṃ bhūmikāṃkṣiṇaḥ
Sanskrit only: no published translation is held for this verse.
इत्येवमुक्त्वा मुनिप्रख्ये काश्यपो ऽसौ महाद्युतिः । श्रावका तुष्टमनसो प्रार्त्थयामास तं विभुम्
ityevamuktvā muniprakhye kāśyapo 'sau mahādyutiḥ / śrāvakā tuṣṭamanaso prārtthayāmāsa taṃ vibhum
Sanskrit only: no published translation is held for this verse.
वदस्व मन्त्रं धर्मज्ञो धर्मराजा महामुनिः । सत्त्वानुकम्पकः अग्रो समयो प्रत्युपस्थितः
vadasva mantraṃ dharmajño dharmarājā mahāmuniḥ / sattvānukampakaḥ agro samayo pratyupasthitaḥ
Sanskrit only: no published translation is held for this verse.
इत्युक्त्वा मुनिभिः अग्रो मन्त्रं भाषेत विस्तरम् । कलविङ्करुताघोषा दुन्दुभीमेघनिस्वनः
ityuktvā munibhiḥ agro mantraṃ bhāṣeta vistaram / kalaviṅkarutāghoṣā dundubhīmeghanisvanaḥ
Sanskrit only: no published translation is held for this verse.
ब्रह्मस्वरो महावीर्यो ब्रह्मणो ह्यग्रणी जिनः । शृण्वन्तु भूतसङ्घा वै ये केचिदिहागताः
brahmasvaro mahāvīryo brahmaṇo hyagraṇī jinaḥ / śṛṇvantu bhūtasaṅghā vai ye kecidihāgatāḥ
Sanskrit only: no published translation is held for this verse.
अपदा बहुपदा चापि द्विपदा चापि चतुष्पदाः । संक्षेपतो सर्वसत्त्वार्थं मन्त्रं भाषे सुखोदयम्
apadā bahupadā cāpi dvipadā cāpi catuṣpadāḥ / saṃkṣepato sarvasattvārthaṃ mantraṃ bhāṣe sukhodayam
Sanskrit only: no published translation is held for this verse.
अतीतानागता सत्त्वा वर्तमाना इहागताः । संक्षेपतो नु वक्ष्यामि शृण्वध्वं भूतकांक्षिणम्
atītānāgatā sattvā vartamānā ihāgatāḥ / saṃkṣepato nu vakṣyāmi śṛṇvadhvaṃ bhūtakāṃkṣiṇam
Sanskrit only: no published translation is held for this verse.
ततो ऽर्धरात्रकालसमये होमान्ते आर्यमञ्जुश्रियं साक्षात् पश्यति । ईप्सितं वरं ददाति । आकाशगमनमन्तर्धानबोधिसत्त्वभूमिप्रत्येकबुद्धत्वं श्रावकत्वं पञ्चाभिज्ञत्वं वा दीर्घायुष्कत्वं वा महाराज्यमहाभोगतायैर्वा नृपप्रियत्वं वा । आर्यमञ्जुश्रिया सार्धमन्त्रविचरता संक्षेपतो वा यन्मनीषितं तत् सर्वं ददाति । यं वा याचते तमनुप्रयच्छति । सिद्ध्यद्रव्याणि वा सर्वाणि लभते । आकर्षणं च महासत्त्वानां च करोति । संक्षेपतो यथा यथा उच्यते तत् सर्वं करोति । प्राक्तनं वा कर्मापराधं वा संशोधयतीत्याह भगवां शाक्यमुनिः ॥ अपरमपि कर्मोपयिकमध्यमसाधनं भवति । आदो तावद् तथा विशिष्टे स्थाने शुचौ देशे नद्याः पुलिनकूले वा पूर्ववत् सर्वं कृत्वा पञ्चान्मुखं पटं प्रतिष्ठाप्य आत्मनश्च पूर्वाभिमुखो भूत्वा कुशविण्डकोपविष्टः पेयालं विस्तरेण कर्तव्यम् । त्रिसन्ध्यं षड् लक्षाणि जपेत् । जपपरिसमाप्ते च कर्णिकारपुष्पाणां शुक्लचन्दनमिश्राणां कुङ्कुममिश्राणां वा शतसहस्राणि जुहुयात् । पूर्ववत् तथैवाग्निं प्रज्वाल्य होमपर्यवसाने च पटप्रकम्पने मन्त्रित्वं पटरश्म्यवभासे निश्चरिते च रश्मौ राज्यं पटसमन्तज्वालमालाकुले चतुर्महाराजकायिकराज्यत्वं वाक्निश्चरणे पटे त्रयः त्रिदशेश्वरत्वं शक्रत्वं पटधर्मदेशननिश्चरणे बोधिसत्त्वत्रिभूमेश्वरत्वं पटबाहुमूर्ध्निं स्पर्शने पञ्चाभिज्ञासप्तभूमिमनुप्रापणदशबलनियतमनुपूर्वप्रापणमिति ॥ अथ साधकेन भगवां काश्यपभाषितेन मन्त्रे साधिते क्षुत्पिपासाप्रतिघातार्थमनुप्राप्ते तेनैव विधिना तेनैवोपकरणेन मन्त्रचर्यार्थसाधनोपयिके धर्मे समनुष्ठेयम् । नान्यथा सिद्धिरिति ॥ एवमनुपूर्वमन्त्रचर्यामनुवृत्तिः समतोरनुष्ठेया नियतं सिद्ध्यति । द्रव्योपकरणोषध्यपि शेषाणि मणिरत्नानि यथापूर्वनिर्दिष्टानीति ॥ मन्त्रज्ञो मन्त्रजापी च विधिराख्यातमानसः । तस्मिं देशे तदा मन्त्री शुचिजश्वेतदोदनम्
tato 'rdharātrakālasamaye homānte āryamañjuśriyaṃ sākṣāt paśyati / īpsitaṃ varaṃ dadāti / ākāśagamanamantardhānabodhisattvabhūmipratyekabuddhatvaṃ śrāvakatvaṃ pañcābhijñatvaṃ vā dīrghāyuṣkatvaṃ vā mahārājyamahābhogatāyairvā nṛpapriyatvaṃ vā / āryamañjuśriyā sārdhamantravicaratā saṃkṣepato vā yanmanīṣitaṃ tat sarvaṃ dadāti / yaṃ vā yācate tamanuprayacchati / siddhyadravyāṇi vā sarvāṇi labhate / ākarṣaṇaṃ ca mahāsattvānāṃ ca karoti / saṃkṣepato yathā yathā ucyate tat sarvaṃ karoti / prāktanaṃ vā karmāparādhaṃ vā saṃśodhayatītyāha bhagavāṃ śākyamuniḥ // aparamapi karmopayikamadhyamasādhanaṃ bhavati / ādo tāvad tathā viśiṣṭe sthāne śucau deśe nadyāḥ pulinakūle vā pūrvavat sarvaṃ kṛtvā pañcānmukhaṃ paṭaṃ pratiṣṭhāpya ātmanaśca pūrvābhimukho bhūtvā kuśaviṇḍakopaviṣṭaḥ peyālaṃ vistareṇa kartavyam / trisandhyaṃ ṣaḍ lakṣāṇi japet / japaparisamāpte ca karṇikārapuṣpāṇāṃ śuklacandanamiśrāṇāṃ kuṅkumamiśrāṇāṃ vā śatasahasrāṇi juhuyāt / pūrvavat tathaivāgniṃ prajvālya homaparyavasāne ca paṭaprakampane mantritvaṃ paṭaraśmyavabhāse niścarite ca raśmau rājyaṃ paṭasamantajvālamālākule caturmahārājakāyikarājyatvaṃ vākniścaraṇe paṭe trayaḥ tridaśeśvaratvaṃ śakratvaṃ paṭadharmadeśananiścaraṇe bodhisattvatribhūmeśvaratvaṃ paṭabāhumūrdhniṃ sparśane pañcābhijñāsaptabhūmimanuprāpaṇadaśabalaniyatamanupūrvaprāpaṇamiti // atha sādhakena bhagavāṃ kāśyapabhāṣitena mantre sādhite kṣutpipāsāpratighātārthamanuprāpte tenaiva vidhinā tenaivopakaraṇena mantracaryārthasādhanopayike dharme samanuṣṭheyam / nānyathā siddhiriti // evamanupūrvamantracaryāmanuvṛttiḥ samatoranuṣṭheyā niyataṃ siddhyati / dravyopakaraṇoṣadhyapi śeṣāṇi maṇiratnāni yathāpūrvanirdiṣṭānīti // mantrajño mantrajāpī ca vidhirākhyātamānasaḥ / tasmiṃ deśe tadā mantrī śucijaśvetadodanam
Sanskrit only: no published translation is held for this verse.
भुक्त्वा तु तुष्टमनसो परिपुष्टेन्द्रियः सदा । गुह्य तं पात्रशेषं तु सरिद् गच्छे शुभोदके
bhuktvā tu tuṣṭamanaso paripuṣṭendriyaḥ sadā / guhya taṃ pātraśeṣaṃ tu sarid gacche śubhodake
Sanskrit only: no published translation is held for this verse.
एकान्ते छोरयित्वा तु तिर्येभ्यो ददौ व्रती । तिर्येभ्यो तु दत्वा वै पात्रं प्रक्षाल्य यत्नतः
ekānte chorayitvā tu tiryebhyo dadau vratī / tiryebhyo tu datvā vai pātraṃ prakṣālya yatnataḥ
Sanskrit only: no published translation is held for this verse.
मृन्मयं तु पुनः पाकं ततः कुर्वत यत्नतः । शेषपात्रं तु कुर्वीत निस्नेहं निरामिषम्
mṛnmayaṃ tu punaḥ pākaṃ tataḥ kurvata yatnataḥ / śeṣapātraṃ tu kurvīta nisnehaṃ nirāmiṣam
Sanskrit only: no published translation is held for this verse.
गन्धं चैव सन्त्याज्य शेषपात्रं मुनिर्वरः । यस्मिन् पात्रे अटे भिक्षां न जग्धे तत्र भोजनम्
gandhaṃ caiva santyājya śeṣapātraṃ munirvaraḥ / yasmin pātre aṭe bhikṣāṃ na jagdhe tatra bhojanam
Sanskrit only: no published translation is held for this verse.
न भक्षे तत्र भक्षाणि फलद्रव्याणि तु सदा । न भुञ्जेत् पद्मपत्रेण न चापि कुवलयोद्भवैः
na bhakṣe tatra bhakṣāṇi phaladravyāṇi tu sadā / na bhuñjet padmapatreṇa na cāpi kuvalayodbhavaiḥ
Sanskrit only: no published translation is held for this verse.
सौगन्धिकेषु वर्जीत न भुङ्क्ते तत्र मन्त्रिणः । कौमुदा ये च पत्रा वै प्लक्षोदुम्बरसम्भवा
saugandhikeṣu varjīta na bhuṅkte tatra mantriṇaḥ / kaumudā ye ca patrā vai plakṣodumbarasambhavā
Sanskrit only: no published translation is held for this verse.
न चापि वटपत्रैस्तु कर्णशाकोगौल्मिणाम् । न चापि आम्रपत्रेषु तथा पालाशमुद्भवैः
na cāpi vaṭapatraistu karṇaśākogaulmiṇām / na cāpi āmrapatreṣu tathā pālāśamudbhavaiḥ
Sanskrit only: no published translation is held for this verse.
शालपत्रैः शिरीषैश्च बोधिवृक्षसमुद्भवैः । यत्रासौ भगवां बुद्धः शाक्यसिंहो निषण्णवां
śālapatraiḥ śirīṣaiśca bodhivṛkṣasamudbhavaiḥ / yatrāsau bhagavāṃ buddhaḥ śākyasiṃho niṣaṇṇavāṃ
Sanskrit only: no published translation is held for this verse.
तं वृक्षं वर्जयेद् यत्नात् तत्काष्ठं चापि न खनेत् । नागकेसरवृक्षेषु न कुर्यात्पत्रशातनम्
taṃ vṛkṣaṃ varjayed yatnāt tatkāṣṭhaṃ cāpi na khanet / nāgakesaravṛkṣeṣu na kuryātpatraśātanam
Sanskrit only: no published translation is held for this verse.
नापि भुङ्क्ते कदा कस्मिं सर्वे ते वर्जिता बुधैः । नापि लङ्घेत् कदा मोहा मुनीनां पर्णशालिनाम्
nāpi bhuṅkte kadā kasmiṃ sarve te varjitā budhaiḥ / nāpi laṅghet kadā mohā munīnāṃ parṇaśālinām
Sanskrit only: no published translation is held for this verse.
समयाद् भ्रश्यते मन्त्री तेषां पर्णेषु भोजने । अन्यपर्णैर्न भुञ्जीत भोजनं तत्र मन्त्रिणः
samayād bhraśyate mantrī teṣāṃ parṇeṣu bhojane / anyaparṇairna bhuñjīta bhojanaṃ tatra mantriṇaḥ
Sanskrit only: no published translation is held for this verse.
मृन्मये ताम्रनिर्दिष्टैः तथा रूप्यैः सातमुद्भवैः । स्फटिकैः शैलमयैर्नित्यं तथा भोजनमाददे
mṛnmaye tāmranirdiṣṭaiḥ tathā rūpyaiḥ sātamudbhavaiḥ / sphaṭikaiḥ śailamayairnityaṃ tathā bhojanamādade
Sanskrit only: no published translation is held for this verse.
न भुङ्क्ते पर्णपृष्ठैस्तु तथा हस्ततले तथा । निवेद्यसम्भवा ये पर्णा मारारेर्दशबलात्मजां
na bhuṅkte parṇapṛṣṭhaistu tathā hastatale tathā / nivedyasambhavā ye parṇā mārārerdaśabalātmajāṃ
Sanskrit only: no published translation is held for this verse.
प्रत्येकखड्गिणां ये च तथा श्रावकपुड्गलाम् । वर्जये तं जपी पर्णं पद्भ्यां चैव न लङ्घयेत्
pratyekakhaḍgiṇāṃ ye ca tathā śrāvakapuḍgalām / varjaye taṃ japī parṇaṃ padbhyāṃ caiva na laṅghayet
Sanskrit only: no published translation is held for this verse.
विविधां भक्षपूपां तु तथा पानं च भोजनम् । न मन्त्री आददे यत्नात् सर्वं चैव निवेदितम्
vividhāṃ bhakṣapūpāṃ tu tathā pānaṃ ca bhojanam / na mantrī ādade yatnāt sarvaṃ caiva niveditam
Sanskrit only: no published translation is held for this verse.
जिनानां जिनचाराणां च तथा श्रावकपुड्गलाम् । रत्नत्रये ऽपि दत्तं वै तं जापी वर्जयेत् सदा
jinānāṃ jinacārāṇāṃ ca tathā śrāvakapuḍgalām / ratnatraye 'pi dattaṃ vai taṃ jāpī varjayet sadā
Sanskrit only: no published translation is held for this verse.
मन्त्रास्तस्य न सिद्ध्यन्ते स्वल्पमात्रापि देहिनाम् । कः पुनः श्रेयसा दिव्यं सर्वमङ्गलसम्मताम्
mantrāstasya na siddhyante svalpamātrāpi dehinām / kaḥ punaḥ śreyasā divyaṃ sarvamaṅgalasammatām
Sanskrit only: no published translation is held for this verse.
पौष्टिकं शान्तिकं चैव सर्वाशापरिपूरिणम् । पौष्टिकं शान्तिकं चैव सर्वाशापरिपूरिणम् । न सिद्ध्यन्ति तदा तस्य निवेद्य बलिभोजिनः
pauṣṭikaṃ śāntikaṃ caiva sarvāśāparipūriṇam / pauṣṭikaṃ śāntikaṃ caiva sarvāśāparipūriṇam / na siddhyanti tadā tasya nivedya balibhojinaḥ
Sanskrit only: no published translation is held for this verse.
शुचिनो दक्षशीलस्य घृणिनो धार्मिणस्तथा । सिद्ध्यन्ति मन्त्राः सर्वत्र शौचाचाररतस्य वै
śucino dakṣaśīlasya ghṛṇino dhārmiṇastathā / siddhyanti mantrāḥ sarvatra śaucācāraratasya vai
Sanskrit only: no published translation is held for this verse.
अन्न सर्वेषु दत्त्वाद्यं न भुङ्क्ते तत्र जापिनः । अन्यमन्नं न भुञ्जीत भुञ्जीतान्येभ्यो प्रतिपादितम्
anna sarveṣu dattvādyaṃ na bhuṅkte tatra jāpinaḥ / anyamannaṃ na bhuñjīta bhuñjītānyebhyo pratipāditam
Sanskrit only: no published translation is held for this verse.
भोजनं स्वल्पमात्र तु स्वदत्तं चापि आददे । य एव प्रवृत्तो मन्त्रज्ञो तस्य सिद्धि करे स्थिता
bhojanaṃ svalpamātra tu svadattaṃ cāpi ādade / ya eva pravṛtto mantrajño tasya siddhi kare sthitā
Sanskrit only: no published translation is held for this verse.
अनेन विधिना तं जापी भोजनं आददेद् व्रती । मुनिभिः सम्प्रशस्तं तु सर्वमन्त्रेषु साधने । विधिदृष्टां समासेन सर्वभोजनकर्मसु
anena vidhinā taṃ jāpī bhojanaṃ ādaded vratī / munibhiḥ sampraśastaṃ tu sarvamantreṣu sādhane / vidhidṛṣṭāṃ samāsena sarvabhojanakarmasu
Sanskrit only: no published translation is held for this verse.
अतः परं प्रवक्ष्यामि मन्त्रं सर्वशोधने । उपस्पृश्य ततो जापी इदं मन्त्रं पठेत् सदा । सप्तबारां ततो मन्त्री जपित्वा कायशोधनम्
ataḥ paraṃ pravakṣyāmi mantraṃ sarvaśodhane / upaspṛśya tato jāpī idaṃ mantraṃ paṭhet sadā / saptabārāṃ tato mantrī japitvā kāyaśodhanam
Sanskrit only: no published translation is held for this verse.
शृणु तस्यार्थविस्तारं भूतसङ्घानुदेवता । सर्वकायं परामृश्य इदं मन्त्रं वदेन्मुनी
śṛṇu tasyārthavistāraṃ bhūtasaṅghānudevatā / sarvakāyaṃ parāmṛśya idaṃ mantraṃ vadenmunī
Sanskrit only: no published translation is held for this verse.
प्रथमं तावन्महापद्मविटपं महापद्मपुष्पोपेतं महापद्मपत्रोपशोभितं चारुदर्शनरत्नमयं वैदूर्यकृतगण्डं मरकतपत्रं पद्मकेसरं स्फटिकसहस्रपत्रं अतिविकसितं तदा न जातस्फटिकपद्मरागपुष्पोपशोभितं तत्रस्थं सिंहासनं रत्नमयमनेकरत्नोपशोभितं दुष्पयुगप्रतिच्छन्नं तत्रस्थं बुद्धं भगवन्तं ध्यायीत धर्मं देशयमानं कनकावदातं समन्तज्वालमालिनं ध्याय प्रभामण्डलमण्डितं महाप्रमाणं व्योम्निरिव उल्लिखमानं पर्यङ्कोपनिषण्णम् । दक्षिणतश्च आर्यमञ्जुश्रीः सर्वालङ्कारवरोपेतं पद्मासनस्थं चामरग्राही भगवतः स्थितको नो निषण्णः रक्तगौराङ्गः पिष्टकुङ्कुमवर्णो वा वामतश्च आर्यावलोकितेश्वरः शरत्काण्डगौरः चमरव्यग्रहस्तः । एवमष्टौ बोधिसत्त्वाः आर्यमैत्रेयः समन्तभद्रः क्षितिगर्भः गगनगञ्जः सर्वनीवरणविष्कम्भी अपायजह आर्यवज्रपाणि सुधनश्चेत्येते दश बोधिसत्त्वाः दक्षिणतो प्रत्येकबुद्धाः अष्टौ ध्यायीत । चन्दनः गन्धमादनः केतुः सुकेतु सितकेतु ऋष्टौपारिष्टनेमिश्चेति । अष्टौ महाश्रावकाः तत्रैव स्थाने । तद्यथा - आर्यमहामौद्गल्यायन शारिपुत्र गवाम्पति पिण्डोल भरद्वाज पिलिन्दवत्सः आर्यराहुलः महाकाश्यप आर्यानन्दश्चेति । इत्येषां महाश्रावकाणां समीपे अनन्तं भिक्षुसङ्घं ध्यायीत । प्रत्येकबुद्धानां समीपे अनन्तां प्रत्येकबुद्धां ध्यायीतं । महाबोधिसत्त्वानां चाष्टासु स्थानेषु अनन्तं बोधिसत्त्वसङ्घं ध्यायीत । एवं शस्तं नभस्तलं महापर्षन्मण्डलोपेतं ध्यायीत । आत्मनश्च नाभिमात्रोदकस्थो नानाविधैः पुष्पैः दिव्यमानुष्यकैः मान्दारवमहामान्दारव पद्ममहापद्मधातुः कारिकैन्दीवरकुसुमैश्च नानाविधैः महाप्रमाणैः महाकूटस्थैः पुष्पपुटैः भगवतः पूजां कुर्या । सर्वश्रावकप्रत्येकबुद्धबोधिसत्त्वानां चूर्णच्छत्रध्वजपताकैः दिव्यमानुष्यकैः प्रभूतैः प्रदीपकोटीनयुतशतसहस्रैश्च पूजां कुर्यान्मनोरमाम् ॥ एवं च बलिधूपनिवेद्यादिसर्वपूजोपस्थानान्युपकरणानि दिव्यमानुष्यकान्युपहर्तव्यानि । भगवतश्च शाक्यमुने ऊर्णकोशाद्रश्मिंमभिनिश्चरन्तं चात्मानमवभास्यमानं सर्वासां ध्यायीत । समनन्तरध्यानगतस्य जापिनः ब्राह्मपुण्यफलावाप्तिः नियतं बोधिपरायणो भवतीति ॥ इत्येवमादयो ध्यानाः कथिता लोकपुङ्गवैः । श्रेयसः सर्वभूतानां हितार्थं चैव मन्त्रिणाम्
prathamaṃ tāvanmahāpadmaviṭapaṃ mahāpadmapuṣpopetaṃ mahāpadmapatropaśobhitaṃ cārudarśanaratnamayaṃ vaidūryakṛtagaṇḍaṃ marakatapatraṃ padmakesaraṃ sphaṭikasahasrapatraṃ ativikasitaṃ tadā na jātasphaṭikapadmarāgapuṣpopaśobhitaṃ tatrasthaṃ siṃhāsanaṃ ratnamayamanekaratnopaśobhitaṃ duṣpayugapraticchannaṃ tatrasthaṃ buddhaṃ bhagavantaṃ dhyāyīta dharmaṃ deśayamānaṃ kanakāvadātaṃ samantajvālamālinaṃ dhyāya prabhāmaṇḍalamaṇḍitaṃ mahāpramāṇaṃ vyomniriva ullikhamānaṃ paryaṅkopaniṣaṇṇam / dakṣiṇataśca āryamañjuśrīḥ sarvālaṅkāravaropetaṃ padmāsanasthaṃ cāmaragrāhī bhagavataḥ sthitako no niṣaṇṇaḥ raktagaurāṅgaḥ piṣṭakuṅkumavarṇo vā vāmataśca āryāvalokiteśvaraḥ śaratkāṇḍagauraḥ camaravyagrahastaḥ / evamaṣṭau bodhisattvāḥ āryamaitreyaḥ samantabhadraḥ kṣitigarbhaḥ gaganagañjaḥ sarvanīvaraṇaviṣkambhī apāyajaha āryavajrapāṇi sudhanaścetyete daśa bodhisattvāḥ dakṣiṇato pratyekabuddhāḥ aṣṭau dhyāyīta / candanaḥ gandhamādanaḥ ketuḥ suketu sitaketu ṛṣṭaupāriṣṭanemiśceti / aṣṭau mahāśrāvakāḥ tatraiva sthāne / tadyathā - āryamahāmaudgalyāyana śāriputra gavāmpati piṇḍola bharadvāja pilindavatsaḥ āryarāhulaḥ mahākāśyapa āryānandaśceti / ityeṣāṃ mahāśrāvakāṇāṃ samīpe anantaṃ bhikṣusaṅghaṃ dhyāyīta / pratyekabuddhānāṃ samīpe anantāṃ pratyekabuddhāṃ dhyāyītaṃ / mahābodhisattvānāṃ cāṣṭāsu sthāneṣu anantaṃ bodhisattvasaṅghaṃ dhyāyīta / evaṃ śastaṃ nabhastalaṃ mahāparṣanmaṇḍalopetaṃ dhyāyīta / ātmanaśca nābhimātrodakastho nānāvidhaiḥ puṣpaiḥ divyamānuṣyakaiḥ māndāravamahāmāndārava padmamahāpadmadhātuḥ kārikaindīvarakusumaiśca nānāvidhaiḥ mahāpramāṇaiḥ mahākūṭasthaiḥ puṣpapuṭaiḥ bhagavataḥ pūjāṃ kuryā / sarvaśrāvakapratyekabuddhabodhisattvānāṃ cūrṇacchatradhvajapatākaiḥ divyamānuṣyakaiḥ prabhūtaiḥ pradīpakoṭīnayutaśatasahasraiśca pūjāṃ kuryānmanoramām // evaṃ ca balidhūpanivedyādisarvapūjopasthānānyupakaraṇāni divyamānuṣyakānyupahartavyāni / bhagavataśca śākyamune ūrṇakośādraśmiṃmabhiniścarantaṃ cātmānamavabhāsyamānaṃ sarvāsāṃ dhyāyīta / samanantaradhyānagatasya jāpinaḥ brāhmapuṇyaphalāvāptiḥ niyataṃ bodhiparāyaṇo bhavatīti // ityevamādayo dhyānāḥ kathitā lokapuṅgavaiḥ / śreyasaḥ sarvabhūtānāṃ hitārthaṃ caiva mantriṇām
Sanskrit only: no published translation is held for this verse.
आदिमुख्यो तदा ध्यानो हितार्थं सर्वमन्त्रिणाम् । कथयामास सत्त्वेभ्यो मुनिः श्रेष्ठो ऽथ सत्तमः
ādimukhyo tadā dhyāno hitārthaṃ sarvamantriṇām / kathayāmāsa sattvebhyo muniḥ śreṣṭho 'tha sattamaḥ
Sanskrit only: no published translation is held for this verse.
मण्डलाकारतद्वेषप्रथमे मुनिभाषिते । द्वितीयं मण्डलं चापि तृतीयं मन्त्रमतः परम्
maṇḍalākāratadveṣaprathame munibhāṣite / dvitīyaṃ maṇḍalaṃ cāpi tṛtīyaṃ mantramataḥ param
Sanskrit only: no published translation is held for this verse.
प्रथमे उत्तमा सिद्धिः मध्यमे तु तथा परम् । कन्यसे क्षुद्रसिद्धिस्तु निगम्य मुनिपुङ्गवः
prathame uttamā siddhiḥ madhyame tu tathā param / kanyase kṣudrasiddhistu nigamya munipuṅgavaḥ
Sanskrit only: no published translation is held for this verse.
पटाकारं तथा ध्यानं ज्येष्ठमध्यमकन्यसाम् । समासेन तु तद्ध्यानं सर्वकिल्विषनाशनम्
paṭākāraṃ tathā dhyānaṃ jyeṣṭhamadhyamakanyasām / samāsena tu taddhyānaṃ sarvakilviṣanāśanam
Sanskrit only: no published translation is held for this verse.