अथ खलु भगवान् शाक्यमुनिः पुनरपि शुद्धावासभवनमवलोक्य मञ्जुश्रियं कुमारभूतमामन्त्रयते स्म । अस्ति मञ्जुश्रीः त्वदीयविद्यारहस्यसाधनोपयिकसर्वमन्त्राणां समनुज्ञः तथागतधर्मकोशविसृतधर्ममेघानुप्रविष्टगगनस्वभावसर्वमन्त्राणां लौकिकलोकोत्तराणां प्रभुः ज्येष्ठतमः, यथा कुमारः सर्वसत्त्वानाम् । तथागतो अत्र आख्यायते ज्येष्ठतमः श्रेष्ठो देवमनुष्याणां पुरुषऋषभः बुद्धो भगवां । एवं हि कुमार सर्वमन्त्राणामयं विद्याराजा अग्रमाख्यायते श्रेष्ठतमः पूर्वनिर्दिष्टं तथागतैः अनभिलाप्यैर्गङ्गानदीसिकतपुण्यैर्बुद्धिअर्भगवद्भिः रत्नकेतोस्तथागतस्य परमहृदयं परमगुह्यं सर्वमङ्गलसम्मतसर्वबुद्धसंस्तुतप्रशस्तं सर्वबुद्धसत्त्वसमाश्वासकं सर्वपापप्रणाशकं सर्वकामदं सर्वाशापरिपूरकम् । कतमं च तत् । अत्रान्तरे भगवतः शाक्यमुनेः ऊर्णाकोशात् सर्वबुद्धसञ्चोदनी नाम रश्मिः निश्चरति स्म । येयं दशदिक्षूर्ध्वमधः सर्वावन्तं बुद्धक्षेत्राण्यवभास्य सर्वसत्त्वां मनांसि चाह्लाद्य उपरि भगवतः शाक्यमुनिः उष्णीषा अन्तर्धीयते स्म । उष्णीषाच्च भगवतः समन्तज्वालार्चितमूर्तिः अनवलोकनीयो सर्वसत्त्वैः दुर्धर्षः महाप्रभावसमुद्गतः प्रभामण्डलालङ्कृतदेहः विविधाकाररूपी महाचक्रवर्तिरूपी विद्याराजा एकाक्षरो नाम निश्चरति स्म । निश्चरित्त्वा सर्वं गगनतलमवभास्य सर्वविद्याराजपरिवृतः अनेकविद्याकोटीनयुतशतसहस्रपुरस्कृतः पूज्यमानो सर्वलोकोत्तरैः विद्याचक्रवर्त्तिराजानैः अभिष्टूयमानो सर्वमन्त्रैः प्रभाव्यमानो सर्वबुद्धबोधिसत्त्वैः दशभूमिप्रतिलब्धैः महात्मभिः सर्वगगनतलमापूर्य दिव्यरत्नोपशोभितमहामणिरत्नालङ्कृतदेहः चारुरूपी प्रभास्वरतरः विविधरूपनिर्माणकोटीनयुतशतसहस्रमुत्सृजमानः एकाक्षरं शब्दमुदीरयमानः महारश्मिजालं प्रमुञ्चमानः अन्तरिक्षे स्थितो ऽभूत् भगवतः शाक्यमुनिरुपरिष्टात् सम्मुखमवलोकयमानः सर्वावन्तं शुद्धावासभवनं महापर्षन्मण्डलञ्चावभास्यमानः ॥ अथ भगवान् शाक्यमुनिः एकाक्षरं विद्याचक्रवर्त्तिनं सर्वतथागतहृदयं रत्नकेतुर्नाम तथागतस्य परमहृदयपरमगुह्यतमं सर्वतथागतैर्भगवतः रत्नकेतोः सन्निविष्टं सालेन्द्रराज अमिताभ दुःप्रसह सुनेत्र सुकेतु पुष्पेन्द्र सुपिनान्तलोकमुनिः कनकाद्यैस्तथागतैर्भाषितं चानुभ्यमोदितं च सर्वैश्चातीतैः सम्यक् सम्बुद्धैः लपितं चानुमन्यं च । कतमं च तत् । तद्यथा - भ्रूं । एष स मञ्जुश्रीः परमहृदयः सर्वतथागतानां असर्वगुणां विद्याचक्रवर्तिनः एकाक्षरं नाम महापवित्रम् । अनेन साध्यमानः सर्वमन्त्रा सिद्ध्यन्ते । त्वदीयं ये कुमारकल्पराजवरे सर्वमन्त्रानुकूलं परमरहस्य अग्रः समनुज्ञः सर्वकर्मावरणविशोधकः अवश्यं तावत् साध + + + + + + + + + + + + + कर्माणि सर्वमन्त्रेषु अस्मिं कुमार त्वदीयकल्पराजे सर्वलौकिकलोकोत्तराणि च मन्त्रतन्त्राणि साधयितव्यानि । अनेन कृतरक्षः, अधृष्यो भवति सर्वभूतानामिति । सर्वविघ्नैश्च लौकिकलोकोत्तरैर्नाभिभूयत इति ॥ समन्तरत्नभापिते च भगवता शाक्यमुनिना सर्वो ऽपि त्रिसाहस्रमहासाहस्रो लोकधातुः षड्विकारं प्रकम्पिता अभूवं । सर्वाणि च बुद्धक्षेत्राणि अवभासितानि सर्वश्च बुद्धा भगवन्तः (वैद्य ९६) सन्निपतिता भवेयुः । तस्मिं पर्षन्मण्डले शुद्धावासभवनोपनिषण्ण सर्वे च बोधिसत्त्वा दशभूमिप्रतिलब्धा अवैवर्तिका ह्यनुत्तरायां सम्यक् सम्बोधौ सर्वश्रावकप्रत्येकबुद्धाश्च सर्वसत्त्वा महर्द्धिका विद्याराजरश्मिसञ्चोदिता आगच्छेयुर्वशीभूताः । अन्ये च सत्त्वा वहवः अनन्तापर्यन्तलोकधातुव्यवस्थिता नरकतिर्यकप्रेतदुःखगतिसन्निश्रिताः तेन महता रश्म्यवभासेन स्पृष्टा अवभासिता दुःखप्रतिप्रबुद्धवेदनासन्नस्थः सुखह्लादितमनसः नियतं त्रिधायानसन्निश्रिता भवेयुरिति ॥ अथ भगवान् शाक्यमुनिः तं महापर्षन्मण्डलमलोक्य मञ्जुश्रियं कुमारभूतमामन्त्रयते स्म - शृणु मञ्जुश्रीः इमं विद्याराजं महर्द्धिकमेकवीरं सर्वकर्मिकं सर्वविद्याराजचक्रवर्त्तिनं सर्वसत्त्वानामाशापारिपूरकं सर्वकल्पविस्तरे त्वदीयमन्त्रतन्त्रकल्पविस्तरसमनुप्रविष्टं सर्वमन्त्राणां साधकः साधारणभूतं महेशाख्य महोत्साहसत्त्वसाधकविशेषप्रज्ञोपायकौशलसर्वबोधिमार्गसंशोधकनिर्वाणप्रतिष्ठापनाक्रमणबोधिमण्डनिषदनाक्रमणकुशलसम्भारभूतं अस्यैवं समासतः कल्पविस्तरं पटविधानमण्डलं संसाधनोपयिकं पूर्वमन्त्रचर्यानुचरितं यत्र प्रतिष्ठिताः सत्त्वाः साधयिष्यन्ति महाचक्रवर्तिनं विद्याराजं महद्भूतं सर्वमन्त्राणां परमेश्वरं प्रभङ्करं सर्वाशापारिपूरकं विनायकं सर्वजगद्धितं बुद्धमिव साक्षात् प्रत्युपस्थितं स्वयम्भुवं उत्तमोत्तिष्ठमध्यमकन्यससर्वकर्मिकम् । क्षेमङ्गमं शिवं शान्तं सर्वपापप्रनाशनम् । देवानामपि तं देवं मुनीनां मुनिपुङ्गवम्
atha khalu bhagavān śākyamuniḥ punarapi śuddhāvāsabhavanamavalokya mañjuśriyaṃ kumārabhūtamāmantrayate sma / asti mañjuśrīḥ tvadīyavidyārahasyasādhanopayikasarvamantrāṇāṃ samanujñaḥ tathāgatadharmakośavisṛtadharmameghānupraviṣṭagaganasvabhāvasarvamantrāṇāṃ laukikalokottarāṇāṃ prabhuḥ jyeṣṭhatamaḥ, yathā kumāraḥ sarvasattvānām / tathāgato atra ākhyāyate jyeṣṭhatamaḥ śreṣṭho devamanuṣyāṇāṃ puruṣaṛṣabhaḥ buddho bhagavāṃ / evaṃ hi kumāra sarvamantrāṇāmayaṃ vidyārājā agramākhyāyate śreṣṭhatamaḥ pūrvanirdiṣṭaṃ tathāgataiḥ anabhilāpyairgaṅgānadīsikatapuṇyairbuddhiarbhagavadbhiḥ ratnaketostathāgatasya paramahṛdayaṃ paramaguhyaṃ sarvamaṅgalasammatasarvabuddhasaṃstutapraśastaṃ sarvabuddhasattvasamāśvāsakaṃ sarvapāpapraṇāśakaṃ sarvakāmadaṃ sarvāśāparipūrakam / katamaṃ ca tat / atrāntare bhagavataḥ śākyamuneḥ ūrṇākośāt sarvabuddhasañcodanī nāma raśmiḥ niścarati sma / yeyaṃ daśadikṣūrdhvamadhaḥ sarvāvantaṃ buddhakṣetrāṇyavabhāsya sarvasattvāṃ manāṃsi cāhlādya upari bhagavataḥ śākyamuniḥ uṣṇīṣā antardhīyate sma / uṣṇīṣācca bhagavataḥ samantajvālārcitamūrtiḥ anavalokanīyo sarvasattvaiḥ durdharṣaḥ mahāprabhāvasamudgataḥ prabhāmaṇḍalālaṅkṛtadehaḥ vividhākārarūpī mahācakravartirūpī vidyārājā ekākṣaro nāma niścarati sma / niścarittvā sarvaṃ gaganatalamavabhāsya sarvavidyārājaparivṛtaḥ anekavidyākoṭīnayutaśatasahasrapuraskṛtaḥ pūjyamāno sarvalokottaraiḥ vidyācakravarttirājānaiḥ abhiṣṭūyamāno sarvamantraiḥ prabhāvyamāno sarvabuddhabodhisattvaiḥ daśabhūmipratilabdhaiḥ mahātmabhiḥ sarvagaganatalamāpūrya divyaratnopaśobhitamahāmaṇiratnālaṅkṛtadehaḥ cārurūpī prabhāsvarataraḥ vividharūpanirmāṇakoṭīnayutaśatasahasramutsṛjamānaḥ ekākṣaraṃ śabdamudīrayamānaḥ mahāraśmijālaṃ pramuñcamānaḥ antarikṣe sthito 'bhūt bhagavataḥ śākyamunirupariṣṭāt sammukhamavalokayamānaḥ sarvāvantaṃ śuddhāvāsabhavanaṃ mahāparṣanmaṇḍalañcāvabhāsyamānaḥ // atha bhagavān śākyamuniḥ ekākṣaraṃ vidyācakravarttinaṃ sarvatathāgatahṛdayaṃ ratnaketurnāma tathāgatasya paramahṛdayaparamaguhyatamaṃ sarvatathāgatairbhagavataḥ ratnaketoḥ sanniviṣṭaṃ sālendrarāja amitābha duḥprasaha sunetra suketu puṣpendra supināntalokamuniḥ kanakādyaistathāgatairbhāṣitaṃ cānubhyamoditaṃ ca sarvaiścātītaiḥ samyak sambuddhaiḥ lapitaṃ cānumanyaṃ ca / katamaṃ ca tat / tadyathā - bhrūṃ / eṣa sa mañjuśrīḥ paramahṛdayaḥ sarvatathāgatānāṃ asarvaguṇāṃ vidyācakravartinaḥ ekākṣaraṃ nāma mahāpavitram / anena sādhyamānaḥ sarvamantrā siddhyante / tvadīyaṃ ye kumārakalparājavare sarvamantrānukūlaṃ paramarahasya agraḥ samanujñaḥ sarvakarmāvaraṇaviśodhakaḥ avaśyaṃ tāvat sādha + + + + + + + + + + + + + karmāṇi sarvamantreṣu asmiṃ kumāra tvadīyakalparāje sarvalaukikalokottarāṇi ca mantratantrāṇi sādhayitavyāni / anena kṛtarakṣaḥ, adhṛṣyo bhavati sarvabhūtānāmiti / sarvavighnaiśca laukikalokottarairnābhibhūyata iti // samantaratnabhāpite ca bhagavatā śākyamuninā sarvo 'pi trisāhasramahāsāhasro lokadhātuḥ ṣaḍvikāraṃ prakampitā abhūvaṃ / sarvāṇi ca buddhakṣetrāṇi avabhāsitāni sarvaśca buddhā bhagavantaḥ (Vaidya 96) sannipatitā bhaveyuḥ / tasmiṃ parṣanmaṇḍale śuddhāvāsabhavanopaniṣaṇṇa sarve ca bodhisattvā daśabhūmipratilabdhā avaivartikā hyanuttarāyāṃ samyak sambodhau sarvaśrāvakapratyekabuddhāśca sarvasattvā maharddhikā vidyārājaraśmisañcoditā āgaccheyurvaśībhūtāḥ / anye ca sattvā vahavaḥ anantāparyantalokadhātuvyavasthitā narakatiryakapretaduḥkhagatisanniśritāḥ tena mahatā raśmyavabhāsena spṛṣṭā avabhāsitā duḥkhapratiprabuddhavedanāsannasthaḥ sukhahlāditamanasaḥ niyataṃ tridhāyānasanniśritā bhaveyuriti // atha bhagavān śākyamuniḥ taṃ mahāparṣanmaṇḍalamalokya mañjuśriyaṃ kumārabhūtamāmantrayate sma - śṛṇu mañjuśrīḥ imaṃ vidyārājaṃ maharddhikamekavīraṃ sarvakarmikaṃ sarvavidyārājacakravarttinaṃ sarvasattvānāmāśāpāripūrakaṃ sarvakalpavistare tvadīyamantratantrakalpavistarasamanupraviṣṭaṃ sarvamantrāṇāṃ sādhakaḥ sādhāraṇabhūtaṃ maheśākhya mahotsāhasattvasādhakaviśeṣaprajñopāyakauśalasarvabodhimārgasaṃśodhakanirvāṇapratiṣṭhāpanākramaṇabodhimaṇḍaniṣadanākramaṇakuśalasambhārabhūtaṃ asyaivaṃ samāsataḥ kalpavistaraṃ paṭavidhānamaṇḍalaṃ saṃsādhanopayikaṃ pūrvamantracaryānucaritaṃ yatra pratiṣṭhitāḥ sattvāḥ sādhayiṣyanti mahācakravartinaṃ vidyārājaṃ mahadbhūtaṃ sarvamantrāṇāṃ parameśvaraṃ prabhaṅkaraṃ sarvāśāpāripūrakaṃ vināyakaṃ sarvajagaddhitaṃ buddhamiva sākṣāt pratyupasthitaṃ svayambhuvaṃ uttamottiṣṭhamadhyamakanyasasarvakarmikam / kṣemaṅgamaṃ śivaṃ śāntaṃ sarvapāpapranāśanam / devānāmapi taṃ devaṃ munīnāṃ munipuṅgavam
Sanskrit only: no published translation is held for this verse.
बुद्धमादित्यतं बद्धं विशुद्धं लोकविश्रुतम् । सर्वकर्मस्वभावज्ञं भूतकोटिरनाविलम् । वक्ष्ये कल्पवरं तस्य शृणुध्वं भूतिकांक्षिणाम्
buddhamādityataṃ baddhaṃ viśuddhaṃ lokaviśrutam / sarvakarmasvabhāvajñaṃ bhūtakoṭiranāvilam / vakṣye kalpavaraṃ tasya śṛṇudhvaṃ bhūtikāṃkṣiṇām
Sanskrit only: no published translation is held for this verse.
आदौ तावत् पटो दिव्ये विकेशे श्लेषवर्जिते । नवे शुक्ले विशेषेण सदशे चैवमालिखेत् । द्विहस्तमात्रप्रमाणेन हस्तमात्रं च तिर्यक्
ādau tāvat paṭo divye vikeśe śleṣavarjite / nave śukle viśeṣeṇa sadaśe caivamālikhet / dvihastamātrapramāṇena hastamātraṃ ca tiryak
Sanskrit only: no published translation is held for this verse.
तथाविधे शुभे चैव निर्मले चारुदर्शने । सिते दौम्ये तथा शुक्ले सुव्रते पिचिवर्जिते
tathāvidhe śubhe caiva nirmale cārudarśane / site daumye tathā śukle suvrate picivarjite
Sanskrit only: no published translation is held for this verse.
शङ्कारापकरे शुक्लं पटे चैव दुकूलके । आतस्ये वाल्कलै चैव शुद्धे तन्तुविवर्जिते
śaṅkārāpakare śuklaṃ paṭe caiva dukūlake / ātasye vālkalai caiva śuddhe tantuvivarjite
Sanskrit only: no published translation is held for this verse.
क्रिमानिलअसम्भूते जन्तूनां चानुपापने । अकौशेये तथा चान्ये यत्किञ्चित् साधुवर्णिते
krimānilaasambhūte jantūnāṃ cānupāpane / akauśeye tathā cānye yatkiñcit sādhuvarṇite
Sanskrit only: no published translation is held for this verse.
तादृशे च पटे श्रेष्ठे कुर्यादालेख्यमालयम् । शास्तुबिम्बमालिख्य प्रभामण्डलमालिनम्
tādṛśe ca paṭe śreṣṭhe kuryādālekhyamālayam / śāstubimbamālikhya prabhāmaṇḍalamālinam
Sanskrit only: no published translation is held for this verse.
हेमवर्णं तदालिख्य ज्वालामालिनं विदुम् । एकाकिनं गुह्यलीनं पर्वतस्थं महायसम्
hemavarṇaṃ tadālikhya jvālāmālinaṃ vidum / ekākinaṃ guhyalīnaṃ parvatasthaṃ mahāyasam
Sanskrit only: no published translation is held for this verse.
रत्नमालावनद्धं वै कुर्यात्पट्टवितानकम् । उपरिष्टादुभौ देवौ धार्यमाणौ नु मालिखेत्
ratnamālāvanaddhaṃ vai kuryātpaṭṭavitānakam / upariṣṭādubhau devau dhāryamāṇau nu mālikhet
Sanskrit only: no published translation is held for this verse.
पर्वतस्योपरिष्टा वै कुर्याद् रत्नमालकाम् । समन्ततश्च वितानस्य मुक्ताहारार्द्धभूषितम्
parvatasyopariṣṭā vai kuryād ratnamālakām / samantataśca vitānasya muktāhārārddhabhūṣitam
Sanskrit only: no published translation is held for this verse.
उपरिष्टाच्छैलराजस्य सर्वमालिख्य यत्नतः । अधश्चैव तथा शैले महोदधिसमप्लुतम्
upariṣṭācchailarājasya sarvamālikhya yatnataḥ / adhaścaiva tathā śaile mahodadhisamaplutam
Sanskrit only: no published translation is held for this verse.
पटान्ते चैव पुष्पाणि समन्ताच्चैवमालिखेत् । नागकेसरपुन्नागवकुलं चैव यूथिकाम्
paṭānte caiva puṣpāṇi samantāccaivamālikhet / nāgakesarapunnāgavakulaṃ caiva yūthikām
Sanskrit only: no published translation is held for this verse.
मालतीकुसुमं चैव प्रियङ्गुकुरबकं सदा । इन्दीवरं च सौगन्धी पुण्डरीकमतःपरम्
mālatīkusumaṃ caiva priyaṅgukurabakaṃ sadā / indīvaraṃ ca saugandhī puṇḍarīkamataḥparam
Sanskrit only: no published translation is held for this verse.
विविधानि पुष्पजातीनि तथान्यां गन्धमाश्रिताम् । एतेषामेव पुष्पाणि + + + + + + + + + +
vividhāni puṣpajātīni tathānyāṃ gandhamāśritām / eteṣāmeva puṣpāṇi + + + + + + + + + +
Sanskrit only: no published translation is held for this verse.
+ + चैव पूजार्थं दद्युः शास्तुर्मनोरमम् । पूर्वनिर्दिष्टविधिना पटे ज्येष्ठे तथा पटे
+ + caiva pūjārthaṃ dadyuḥ śāsturmanoramam / pūrvanirdiṣṭavidhinā paṭe jyeṣṭhe tathā paṭe
Sanskrit only: no published translation is held for this verse.
सूत्रं तन्तुवायं च तथा चित्रकरं मतम् । प्रातिहारकपक्षे च आलिखेच्छुद्धतमे ऽहनि
sūtraṃ tantuvāyaṃ ca tathā citrakaraṃ matam / prātihārakapakṣe ca ālikhecchuddhatame 'hani
Sanskrit only: no published translation is held for this verse.
तथाप्रवृत्ते च काले च जापे चैव विधीयते । सर्वं सर्वमेवास्य पूर्वमुक्तं समाचरेत्
tathāpravṛtte ca kāle ca jāpe caiva vidhīyate / sarvaṃ sarvamevāsya pūrvamuktaṃ samācaret
Sanskrit only: no published translation is held for this verse.
रङ्गोज्ज्वलं विचित्राढ्यं शास्तुविश्व समालिखेत् । अनेकाकारसम्पन्नं कर्णिकारसमप्रभम्
raṅgojjvalaṃ vicitrāḍhyaṃ śāstuviśva samālikhet / anekākārasampannaṃ karṇikārasamaprabham
Sanskrit only: no published translation is held for this verse.
चम्पकाभासमाभासं आलिखेद्धेमवर्णितम् । एभिराकारसम्पन्नं मुनिंमालिख्य रत्नजम्
campakābhāsamābhāsaṃ ālikheddhemavarṇitam / ebhirākārasampannaṃ muniṃmālikhya ratnajam
Sanskrit only: no published translation is held for this verse.
रत्नकेतुं महाभागं श्रेष्ठं वै मुनिपुङ्गवम् । सर्वधर्मवशिप्राप्तं बुद्धरत्नं तमालिखेत्
ratnaketuṃ mahābhāgaṃ śreṣṭhaṃ vai munipuṅgavam / sarvadharmavaśiprāptaṃ buddharatnaṃ tamālikhet
Sanskrit only: no published translation is held for this verse.
रत्नपर्वतमासीनं गुहारत्नोपशोभितम् । पर्यङ्कोपरिविष्टं तु दत्तधर्मानुदेशनम्
ratnaparvatamāsīnaṃ guhāratnopaśobhitam / paryaṅkopariviṣṭaṃ tu dattadharmānudeśanam
Sanskrit only: no published translation is held for this verse.
ईषिस्मितमुखं वीरं ध्यानालम्बनचेतसः । गुहाबहिः समालिख्य अधश्चैव समन्ततः
īṣismitamukhaṃ vīraṃ dhyānālambanacetasaḥ / guhābahiḥ samālikhya adhaścaiva samantataḥ
Sanskrit only: no published translation is held for this verse.
पटान्तकोणे सन्निविष्टं साधकं जानुकर्पूरम् । धूपव्यग्रकरं चैव ईषित्कायावनामितम्
paṭāntakoṇe sanniviṣṭaṃ sādhakaṃ jānukarpūram / dhūpavyagrakaraṃ caiva īṣitkāyāvanāmitam
Sanskrit only: no published translation is held for this verse.
उत्तरासङ्गिनं कुर्याद् यथावेषानुलिङ्गिनम् । दक्षिणे भगवतस्याधः महोदधितलादपि
uttarāsaṅginaṃ kuryād yathāveṣānuliṅginam / dakṣiṇe bhagavatasyādhaḥ mahodadhitalādapi
Sanskrit only: no published translation is held for this verse.
आलिखेन्नित्ययुक्तात्मा मन्त्रिणं श्रेयसार्थिनम् । एतत् पटविधानं तु कथितं लोकपूजितैः
ālikhennityayuktātmā mantriṇaṃ śreyasārthinam / etat paṭavidhānaṃ tu kathitaṃ lokapūjitaiḥ
Sanskrit only: no published translation is held for this verse.
मण्डलं तस्य देवस्य साम्प्रतं तु प्रवक्ष्यते । युक्तमन्त्रस्तदा मन्त्री तस्मिन् काले सुमन्त्रवित्
maṇḍalaṃ tasya devasya sāmprataṃ tu pravakṣyate / yuktamantrastadā mantrī tasmin kāle sumantravit
Sanskrit only: no published translation is held for this verse.
कृतसेवः सदामन्त्रे अभ्यस्ता जापसम्पदे । अभिषिक्तस्तदा मन्त्रे कल्पे ऽस्मिन् मञ्जुभाणिते
kṛtasevaḥ sadāmantre abhyastā jāpasampade / abhiṣiktastadā mantre kalpe 'smin mañjubhāṇite
Sanskrit only: no published translation is held for this verse.
मण्डलाचारसम्पन्ने नित्यं चाभिषेचिते । अभिषिक्तः सर्वमन्त्राणां मण्डले ऽस्मिं विशारदः
maṇḍalācārasampanne nityaṃ cābhiṣecite / abhiṣiktaḥ sarvamantrāṇāṃ maṇḍale 'smiṃ viśāradaḥ
Sanskrit only: no published translation is held for this verse.
युक्तिमन्तः सदा तन्त्रे आत्मरक्षे हिते मतः । सहायांश्चैव रक्षघ्नैः सुपरीक्ष्य महाद्युतिः
yuktimantaḥ sadā tantre ātmarakṣe hite mataḥ / sahāyāṃścaiva rakṣaghnaiḥ suparīkṣya mahādyutiḥ
Sanskrit only: no published translation is held for this verse.
आचार्यः सुसंरब्धः आरब्धाव्रतसेविनः । महाप्रज्ञो ऽथ सुस्निग्धः श्रीमान् कारुणिकः सदा
ācāryaḥ susaṃrabdhaḥ ārabdhāvratasevinaḥ / mahāprajño 'tha susnigdhaḥ śrīmān kāruṇikaḥ sadā
Sanskrit only: no published translation is held for this verse.
सहायानां च सर्वेषां तथा लक्षणमादिशेत् । एकद्वौ त्रयो वापि तथाचाष्टमथापराम्
sahāyānāṃ ca sarveṣāṃ tathā lakṣaṇamādiśet / ekadvau trayo vāpi tathācāṣṭamathāparām
Sanskrit only: no published translation is held for this verse.
कुर्याच्छिष्यां सुसम्पन्नां प्रभूतांश्चापि वर्जयेत् । पूर्वदृष्टविधानं तु मण्डले ऽस्मिं सदा चरेत्
kuryācchiṣyāṃ susampannāṃ prabhūtāṃścāpi varjayet / pūrvadṛṣṭavidhānaṃ tu maṇḍale 'smiṃ sadā caret
Sanskrit only: no published translation is held for this verse.
प्रथमा ये तु निर्दिष्टा मण्डला दशवलोदिता । मञ्जुघोषस्य नान्यं तु आलिग्वे नान्यकर्मणा
prathamā ye tu nirdiṣṭā maṇḍalā daśavaloditā / mañjughoṣasya nānyaṃ tu āligve nānyakarmaṇā
Sanskrit only: no published translation is held for this verse.
प्रमाणं तु प्रवक्ष्यामि मण्डलस्य महाद्युतेः । चतुर्हस्तं द्विहस्तं वा तथाचाष्टमतःपराम्
pramāṇaṃ tu pravakṣyāmi maṇḍalasya mahādyuteḥ / caturhastaṃ dvihastaṃ vā tathācāṣṭamataḥparām
Sanskrit only: no published translation is held for this verse.
शुचौ देशे नदीकूले पर्वताग्रे विशेषतः । पञ्चरङ्गिकचूर्णेन पूर्वदृष्टेन कर्मणा
śucau deśe nadīkūle parvatāgre viśeṣataḥ / pañcaraṅgikacūrṇena pūrvadṛṣṭena karmaṇā
Sanskrit only: no published translation is held for this verse.
चतुरश्रं चतुर्द्वारं चतुस्तोरणभूपितम् । चतुःकोणं समं दिव्यं दिव्याचारसमप्रभम्
caturaśraṃ caturdvāraṃ catustoraṇabhūpitam / catuḥkoṇaṃ samaṃ divyaṃ divyācārasamaprabham
Sanskrit only: no published translation is held for this verse.
रङ्गोज्ज्वलं विचित्रं च चारुवर्णं सुशोभनम् । ससुगन्धं सरूपं च सुसहायः समारभेत्
raṅgojjvalaṃ vicitraṃ ca cāruvarṇaṃ suśobhanam / sasugandhaṃ sarūpaṃ ca susahāyaḥ samārabhet
Sanskrit only: no published translation is held for this verse.
मौनी व्रतसमाचारः अष्टङ्गोपसेविनः । अक्लिष्टचिअत्तो मात्रज्ञः धार्मिको ऽथ जपी सदा
maunī vratasamācāraḥ aṣṭaṅgopasevinaḥ / akliṣṭaciatto mātrajñaḥ dhārmiko 'tha japī sadā
Sanskrit only: no published translation is held for this verse.
अपापकर्मसमारब्धः शान्तिकपौष्टिक । मध्यस्था ते ततो विश्य आलिखेत् शास्तु वर्णिभिः
apāpakarmasamārabdhaḥ śāntikapauṣṭika / madhyasthā te tato viśya ālikhet śāstu varṇibhiḥ
Sanskrit only: no published translation is held for this verse.
प्रथमं सर्वं तं लेख्यं नानारत्नविभूषितम् । गुहासीनं महातेजं रत्नकेतुं तथागतम्
prathamaṃ sarvaṃ taṃ lekhyaṃ nānāratnavibhūṣitam / guhāsīnaṃ mahātejaṃ ratnaketuṃ tathāgatam
Sanskrit only: no published translation is held for this verse.
पर्यङ्कोपविष्टं तु धर्मचक्रानुवर्तकम् । पटे यथैव तत् सर्वं आलिखेच्छास्तुपूजितम्
paryaṅkopaviṣṭaṃ tu dharmacakrānuvartakam / paṭe yathaiva tat sarvaṃ ālikhecchāstupūjitam
Sanskrit only: no published translation is held for this verse.
त्रिपङ्क्तिभिस्तथा रेखैः मुद्रैश्चाप्यलङ्कृतम् । कुर्यात् सञ्छादितां सर्वां पङ्क्तिश्चैव समन्ततः
tripaṅktibhistathā rekhaiḥ mudraiścāpyalaṅkṛtam / kuryāt sañchāditāṃ sarvāṃ paṅktiścaiva samantataḥ
Sanskrit only: no published translation is held for this verse.
अव्यस्तां समस्तां च अनाकुलिततद्भताम् । तेषां तु मध्ये कुर्वीत चक्रवर्ती महाप्रभुम्
avyastāṃ samastāṃ ca anākulitatadbhatām / teṣāṃ tu madhye kurvīta cakravartī mahāprabhum
Sanskrit only: no published translation is held for this verse.
उदितादित्यसङ्काशं कुमाराकारमर्चिषम् । आलिखेद् यत्नमास्थाय महाचक्रानुवर्तिनम्
uditādityasaṅkāśaṃ kumārākāramarciṣam / ālikhed yatnamāsthāya mahācakrānuvartinam
Sanskrit only: no published translation is held for this verse.
महाराजसमाकारं मुकुटालङ्कारभूषितम् । किरीटिनं महासत्त्वं सर्वालङ्कारभूषितम्
mahārājasamākāraṃ mukuṭālaṅkārabhūṣitam / kirīṭinaṃ mahāsattvaṃ sarvālaṅkārabhūṣitam
Sanskrit only: no published translation is held for this verse.
चारुपट्टार्द्धसंवीतं चित्रपट्टनिवासिनम् । स्रग्मिणं सौम्यवर्णाभं माल्याम्बरविभूषितम्
cārupaṭṭārddhasaṃvītaṃ citrapaṭṭanivāsinam / sragmiṇaṃ saumyavarṇābhaṃ mālyāmbaravibhūṣitam
Sanskrit only: no published translation is held for this verse.
जिघ्रन्तो दक्षिणेनैव करेण वकुलमालकम् । ईषिस्मितमुखं देवं महावीर्यं प्रभविष्णुवम्
jighranto dakṣiṇenaiva kareṇa vakulamālakam / īṣismitamukhaṃ devaṃ mahāvīryaṃ prabhaviṣṇuvam
Sanskrit only: no published translation is held for this verse.
सुरूपं चारुरूपं वै बालवृद्धविवर्जितम् । वामहस्तसदाचक्रं दीप्तमालिन परामृष्यन्तम्
surūpaṃ cārurūpaṃ vai bālavṛddhavivarjitam / vāmahastasadācakraṃ dīptamālina parāmṛṣyantam
Sanskrit only: no published translation is held for this verse.
तदालेख्यं अर्द्धपर्यङ्क सुनिविष्टमर्द्धेन भुजसंनिश्रितम् । आलिखेद् दिव्यवर्णाभं सुरूपं रूपमाश्रितम्
tadālekhyaṃ arddhaparyaṅka suniviṣṭamarddhena bhujasaṃniśritam / ālikhed divyavarṇābhaṃ surūpaṃ rūpamāśritam
Sanskrit only: no published translation is held for this verse.
निषण्णं रत्नखण्डे ऽस्मिन् सर्वतानो महाद्युतेः । श्रेयसः सर्वमन्त्राणां प्रवृत्तो वरदः सदा
niṣaṇṇaṃ ratnakhaṇḍe 'smin sarvatāno mahādyuteḥ / śreyasaḥ sarvamantrāṇāṃ pravṛtto varadaḥ sadā
Sanskrit only: no published translation is held for this verse.
ज्वलन्तं वह्निराकारं + + + मण्डलशोभिनम् । समन्तज्वालामालोपज्य ज्वलते वायुमीरितः
jvalantaṃ vahnirākāraṃ + + + maṇḍalaśobhinam / samantajvālāmālopajya jvalate vāyumīritaḥ
Sanskrit only: no published translation is held for this verse.
एवं मन्त्रप्रयोगैस्तु ज्वाल्यन्ते मानुषं भुवि । तथाविधं महावीर्यं सर्वमन्त्रप्रसाधकम्
evaṃ mantraprayogaistu jvālyante mānuṣaṃ bhuvi / tathāvidhaṃ mahāvīryaṃ sarvamantraprasādhakam
Sanskrit only: no published translation is held for this verse.
पश्येद् यो हि स धर्मात्मा मुच्यते सर्वकिल्विषात् । पञ्चानन्तर्यकारीपि दुःशीलो मन्दमेधसः
paśyed yo hi sa dharmātmā mucyate sarvakilviṣāt / pañcānantaryakārīpi duḥśīlo mandamedhasaḥ
Sanskrit only: no published translation is held for this verse.
सर्वपापप्रशान्ता वै मुच्यते दर्शनाद् विभोः । मण्डलं दृष्टमात्रं तु देवदेवस्य चक्रिणे
sarvapāpapraśāntā vai mucyate darśanād vibhoḥ / maṇḍalaṃ dṛṣṭamātraṃ tu devadevasya cakriṇe
Sanskrit only: no published translation is held for this verse.
तत्क्षणा मुच्यते पापा ये ऽन्ये परिकीर्तिताः । ततः पूर्वद्वारं संशोध्य मन्त्रेणैव समं विभोः
tatkṣaṇā mucyate pāpā ye 'nye parikīrtitāḥ / tataḥ pūrvadvāraṃ saṃśodhya mantreṇaiva samaṃ vibhoḥ
Sanskrit only: no published translation is held for this verse.
परिक्षिप्तं तोरणैः सर्वं कदल्याभिश्चोपशोभितम् । परिस्फुटं मण्डलं कृत्वा अशेषं चारुरूपिणम्
parikṣiptaṃ toraṇaiḥ sarvaṃ kadalyābhiścopaśobhitam / parisphuṭaṃ maṇḍalaṃ kṛtvā aśeṣaṃ cārurūpiṇam
Sanskrit only: no published translation is held for this verse.
बलिं धूपं प्रदीपं च गन्धमाल्यं सदाशुभम् । पूर्वेणैव विधानेन कुर्यात् सर्वमादरात्
baliṃ dhūpaṃ pradīpaṃ ca gandhamālyaṃ sadāśubham / pūrveṇaiva vidhānena kuryāt sarvamādarāt
Sanskrit only: no published translation is held for this verse.
मध्यस्थं पूर्णकुम्भं तु चक्रिणस्याग्रतो न्यसेत् । तत्कुम्भं विजयेत्वाख्या मन्त्रज्ञस्तं न चालयेत्
madhyasthaṃ pūrṇakumbhaṃ tu cakriṇasyāgrato nyaset / tatkumbhaṃ vijayetvākhyā mantrajñastaṃ na cālayet
Sanskrit only: no published translation is held for this verse.
तथाग्निकुण्डं पूर्वं तु विधिदृष्टेन कर्मणा । होमकर्मसमारम्भो विभुमन्त्रेण नान्य वै
tathāgnikuṇḍaṃ pūrvaṃ tu vidhidṛṣṭena karmaṇā / homakarmasamārambho vibhumantreṇa nānya vai
Sanskrit only: no published translation is held for this verse.
होमं चाष्टसहस्रं तु खदिरेन्धनवह्निना । पालाशं चापि श्रीकण्ठं बिल्वोदुम्वरचाक्षकम्
homaṃ cāṣṭasahasraṃ tu khadirendhanavahninā / pālāśaṃ cāpi śrīkaṇṭhaṃ bilvodumvaracākṣakam
Sanskrit only: no published translation is held for this verse.
अपामार्गं तथा जुहुयात् सर्वकर्मेषु यत्नतः । तिलं वा आज्यसंपृक्तं दग्धगन्धसमप्लुतम्
apāmārgaṃ tathā juhuyāt sarvakarmeṣu yatnataḥ / tilaṃ vā ājyasaṃpṛktaṃ dagdhagandhasamaplutam
Sanskrit only: no published translation is held for this verse.
जुहुयात् सर्वकर्मेषु सहस्रं साष्टकं सदा । त्रिसन्ध्यं पूर्वनिर्दिष्टं स्नानं चेलावधारणम्
juhuyāt sarvakarmeṣu sahasraṃ sāṣṭakaṃ sadā / trisandhyaṃ pūrvanirdiṣṭaṃ snānaṃ celāvadhāraṇam
Sanskrit only: no published translation is held for this verse.
त्रिशूलं शुभनक्षत्रं कथितं च मनीषिभिः । पूर्वनिर्दिष्टकर्माणि जापं होमं तथापरम्
triśūlaṃ śubhanakṣatraṃ kathitaṃ ca manīṣibhiḥ / pūrvanirdiṣṭakarmāṇi jāpaṃ homaṃ tathāparam
Sanskrit only: no published translation is held for this verse.
कुर्यान्मन्त्रयुक्तेन चक्रवर्तिकुलेन वा । एकाक्षरेणेव सर्वाणि कुर्यात् सर्वकर्मसु
kuryānmantrayuktena cakravartikulena vā / ekākṣareṇeva sarvāṇi kuryāt sarvakarmasu
Sanskrit only: no published translation is held for this verse.
महाप्रभावार्थयुक्तो ऽसौ एकवीर सदापरम् । आचरेत् सर्वमन्त्राणां कल्पं तेषु सदा जपी
mahāprabhāvārthayukto 'sau ekavīra sadāparam / ācaret sarvamantrāṇāṃ kalpaṃ teṣu sadā japī
Sanskrit only: no published translation is held for this verse.
सिद्ध्यन्ते सर्वकल्पानि लौकिका लोकसम्मता । लोकोत्तराश्च महावीर्या विद्याराजाश्च महातपाः
siddhyante sarvakalpāni laukikā lokasammatā / lokottarāśca mahāvīryā vidyārājāśca mahātapāḥ
Sanskrit only: no published translation is held for this verse.
सिद्ध्यन्ते सर्वमन्त्रा वै अस्मिन् कल्पे तु तान्यतः । मुनिभिः कथितं ये वै मन्त्रं तथा दशबलात्मजैः
siddhyante sarvamantrā vai asmin kalpe tu tānyataḥ / munibhiḥ kathitaṃ ye vai mantraṃ tathā daśabalātmajaiḥ
Sanskrit only: no published translation is held for this verse.
शक्राद्यैर्लोकपालैस्तु विष्णुरीशानब्रह्मणैः । चन्द्रसूर्यैस्तथान्यैर्वा यक्षेन्द्रैराक्षसैस्तथा
śakrādyairlokapālaistu viṣṇurīśānabrahmaṇaiḥ / candrasūryaistathānyairvā yakṣendrairākṣasaistathā
Sanskrit only: no published translation is held for this verse.
महोरगैः किन्नरैश्चापि तथा ऋषिवरैर्भुवि । गरुडैर्मातरैर्लोकैः तथान्यैः सत्त्वसंज्ञिभिः
mahoragaiḥ kinnaraiścāpi tathā ṛṣivarairbhuvi / garuḍairmātarairlokaiḥ tathānyaiḥ sattvasaṃjñibhiḥ
Sanskrit only: no published translation is held for this verse.
भाषिता ये तु मन्त्रा वै सिद्धिं गच्छन्ति ते इह । आकृष्टाः सर्वमन्त्राणां प्रणेता सर्वकर्मणाम्
bhāṣitā ye tu mantrā vai siddhiṃ gacchanti te iha / ākṛṣṭāḥ sarvamantrāṇāṃ praṇetā sarvakarmaṇām
Sanskrit only: no published translation is held for this verse.
वशिता सर्वमन्त्राणां प्रणेता सर्वकर्मणाम् । वशिता सर्वभूतानां तन्त्रमन्त्रसविस्तराम्
vaśitā sarvamantrāṇāṃ praṇetā sarvakarmaṇām / vaśitā sarvabhūtānāṃ tantramantrasavistarām
Sanskrit only: no published translation is held for this verse.
एष एकाक्षरो मन्त्रः करोति सर्वमन्त्रिणाम् । सफलं जप्तमात्रस्तु आकृष्टा सर्वदेवताम्
eṣa ekākṣaro mantraḥ karoti sarvamantriṇām / saphalaṃ japtamātrastu ākṛṣṭā sarvadevatām
Sanskrit only: no published translation is held for this verse.
वशिता सर्वकल्पानांश्चमी एकाक्षरो महाम् । करोति विविधाकारां विचित्रां साधुवर्णिताम्
vaśitā sarvakalpānāṃścamī ekākṣaro mahām / karoti vividhākārāṃ vicitrāṃ sādhuvarṇitām
Sanskrit only: no published translation is held for this verse.
लौकिकां लोकमन्त्रा तु साधयेत्सम्यक् प्रयोजितः । परिस्फुटं तु पटं कृत्वा अशेषं चारुदर्शनम्
laukikāṃ lokamantrā tu sādhayetsamyak prayojitaḥ / parisphuṭaṃ tu paṭaṃ kṛtvā aśeṣaṃ cārudarśanam
Sanskrit only: no published translation is held for this verse.
शुचौ देशे नदीकूले पर्वताग्रे च तं न्यसेत् । पूर्वकर्मप्रयोगेण कुर्यात् पश्चान्मुखं सदा
śucau deśe nadīkūle parvatāgre ca taṃ nyaset / pūrvakarmaprayogeṇa kuryāt paścānmukhaṃ sadā
Sanskrit only: no published translation is held for this verse.
साधकः प्राङ्मुखो भूत्वा विधिदृष्टेन कर्मणा । दर्भविण्डोपविष्टस्तु कुर्याज्जपमनाकुलम्
sādhakaḥ prāṅmukho bhūtvā vidhidṛṣṭena karmaṇā / darbhaviṇḍopaviṣṭastu kuryājjapamanākulam
Sanskrit only: no published translation is held for this verse.
नोच्चशब्दो न मृदुः नापि चित्तपरस्य तु । दूषयं सर्वभूतानां क्षिप्रसिद्धिर्भवेदिह
noccaśabdo na mṛduḥ nāpi cittaparasya tu / dūṣayaṃ sarvabhūtānāṃ kṣiprasiddhirbhavediha
Sanskrit only: no published translation is held for this verse.
मैत्रचित्तः सदा लोके दुःखितां कृपणां सदा । अनाथां दीनमनसां व्यसनार्त्तां सुदुर्बलाम्
maitracittaḥ sadā loke duḥkhitāṃ kṛpaṇāṃ sadā / anāthāṃ dīnamanasāṃ vyasanārttāṃ sudurbalām
Sanskrit only: no published translation is held for this verse.
पतितां संसारघोरे ऽस्मिं कृपाविष्टो ऽथ सिद्ध्यति । पटस्याग्रत यत्नेन महापूजां न्यसेत् सदा
patitāṃ saṃsāraghore 'smiṃ kṛpāviṣṭo 'tha siddhyati / paṭasyāgrata yatnena mahāpūjāṃ nyaset sadā
Sanskrit only: no published translation is held for this verse.
मानसी मानुषींश्चापि दिव्यां हृदयमुद्भवाम् । चिन्तयेत् कुर्याद्वापि जिनेन्द्रविश्वपटस्य तु
mānasī mānuṣīṃścāpi divyāṃ hṛdayamudbhavām / cintayet kuryādvāpi jinendraviśvapaṭasya tu
Sanskrit only: no published translation is held for this verse.
तत्रैवाग्निकुण्डं कुर्या तत्त्वविधानतः । सुसमृद्धं साधको ह्यग्नि जुहुयात्तत्र माहुतिः
tatraivāgnikuṇḍaṃ kuryā tattvavidhānataḥ / susamṛddhaṃ sādhako hyagni juhuyāttatra māhutiḥ
Sanskrit only: no published translation is held for this verse.
श्वेतचन्दनकर्पूरं कुङ्कुमं मिश्रपूजितः । शताष्टं आहुतिं जुह्वं षड्भौ दीप्तितुमन्त्रवितु
śvetacandanakarpūraṃ kuṅkumaṃ miśrapūjitaḥ / śatāṣṭaṃ āhutiṃ juhvaṃ ṣaḍbhau dīptitumantravitu
Sanskrit only: no published translation is held for this verse.
खदिरे प्लक्ष्यन्यग्रोधे पालाशे चापि नित्यतः । एषा समुद्भवे काष्ठे ज्वालयेद् वह्निमूर्जितः
khadire plakṣyanyagrodhe pālāśe cāpi nityataḥ / eṣā samudbhave kāṣṭhe jvālayed vahnimūrjitaḥ
Sanskrit only: no published translation is held for this verse.
एषामभावे काष्ठानामन्यं काष्ठं समाहरेत् । पिचुमर्दं कद्वमम्लं च तथैव मदनोद्भवम्
eṣāmabhāve kāṣṭhānāmanyaṃ kāṣṭhaṃ samāharet / picumardaṃ kadvamamlaṃ ca tathaiva madanodbhavam
Sanskrit only: no published translation is held for this verse.
सर्वकण्टकिनः वर्ज्याः पापकर्मेषु कीर्त्तिताः । एकाक्षरेणैव मन्त्रेण कुर्याच्छान्तिकपौष्टिकम् । आशु सिद्धिर्भवेत् तस्य पापं कर्म समाचरेत्
sarvakaṇṭakinaḥ varjyāḥ pāpakarmeṣu kīrttitāḥ / ekākṣareṇaiva mantreṇa kuryācchāntikapauṣṭikam / āśu siddhirbhavet tasya pāpaṃ karma samācaret
Sanskrit only: no published translation is held for this verse.
सर्वमन्त्रधरा ह्यत्र सकर्मा कल्पविस्तरा । प्रयोक्तव्या निर्विकल्पेन सिद्धिं गच्छन्ति ते सदा । आकृष्यन्ते तदा मन्त्रा वरदा चैव भवन्ति ह
sarvamantradharā hyatra sakarmā kalpavistarā / prayoktavyā nirvikalpena siddhiṃ gacchanti te sadā / ākṛṣyante tadā mantrā varadā caiva bhavanti ha
Sanskrit only: no published translation is held for this verse.
पलाशोदुम्बरसमिधानां प्लक्षन्यग्रोध एव वा । घृताक्तानां दध्नसंयुक्तां मध्वोपेतां समाहिताम्
palāśodumbarasamidhānāṃ plakṣanyagrodha eva vā / ghṛtāktānāṃ dadhnasaṃyuktāṃ madhvopetāṃ samāhitām
Sanskrit only: no published translation is held for this verse.
जुहुयात् सर्वतो मन्त्री राज्यकामो महीतले । देवीं राज्यमाकांक्षं जुहुयात् कुङ्कुमचन्दनम्
juhuyāt sarvato mantrī rājyakāmo mahītale / devīṃ rājyamākāṃkṣaṃ juhuyāt kuṅkumacandanam
Sanskrit only: no published translation is held for this verse.
विद्याधराणां देवानां अधिपत्यमकांक्षयम् । जुहुयात् पद्मलक्षाणि षट्त्रिंशत् सकेसराम्
vidyādharāṇāṃ devānāṃ adhipatyamakāṃkṣayam / juhuyāt padmalakṣāṇi ṣaṭtriṃśat sakesarām
Sanskrit only: no published translation is held for this verse.
होमान्ते वै तत्र कुर्वीत अर्घ्यं शास्तुनिवेदनम् । समन्ता ज्वलते तत्र पटश्रेष्ठो जिनाङ्कितः
homānte vai tatra kurvīta arghyaṃ śāstunivedanam / samantā jvalate tatra paṭaśreṣṭho jināṅkitaḥ
Sanskrit only: no published translation is held for this verse.
तं च स्पृष्टमात्रं तु उत्पतेद् ब्रह्ममालयम् । अकनिष्ठा यावदेवास्तु यावाच्चापातालसञ्चयम्
taṃ ca spṛṣṭamātraṃ tu utpated brahmamālayam / akaniṣṭhā yāvadevāstu yāvāccāpātālasañcayam
Sanskrit only: no published translation is held for this verse.
अत्रान्तरे सर्वसिद्धानां राजासौ भवते सदा । विद्रापयति भूतानि महावीर्यो दृढव्रतः
atrāntare sarvasiddhānāṃ rājāsau bhavate sadā / vidrāpayati bhūtāni mahāvīryo dṛḍhavrataḥ
Sanskrit only: no published translation is held for this verse.
क्रमः विद्याधराणां सदा राजा भविता कर्मसाधने । पुनश्च कल्पमात्रं तु स जीवेद् दीर्घमध्वनम्
kramaḥ vidyādharāṇāṃ sadā rājā bhavitā karmasādhane / punaśca kalpamātraṃ tu sa jīved dīrghamadhvanam
Sanskrit only: no published translation is held for this verse.
च्युतस्तस्मिं महाकाले नियतो बोधिपरायणः । अपरं कर्मनित्येष कथितं संक्षेपविस्तरम्
cyutastasmiṃ mahākāle niyato bodhiparāyaṇaḥ / aparaṃ karmanityeṣa kathitaṃ saṃkṣepavistaram
Sanskrit only: no published translation is held for this verse.
श्वेतपद्मां समाहृत्य श्वेतचन्दनसंयुताम् । जुहुयाच्छतलक्षाणि रत्नकेतुं स पश्यति
śvetapadmāṃ samāhṛtya śvetacandanasaṃyutām / juhuyācchatalakṣāṇi ratnaketuṃ sa paśyati
Sanskrit only: no published translation is held for this verse.
दृष्ट्वा तं जिनं श्रेष्ठं पञ्चाभिज्ञो भवेत् तदा । महाकल्पं चिरं जीवेद् बुद्धस्यानुचरो भवेत्
dṛṣṭvā taṃ jinaṃ śreṣṭhaṃ pañcābhijño bhavet tadā / mahākalpaṃ ciraṃ jīved buddhasyānucaro bhavet
Sanskrit only: no published translation is held for this verse.
पश्यते च तदा बुद्धां अनन्तां दिशि संस्थिताम् । तेषां पूजयेन्नित्यं तयैरेव च संवसेत्
paśyate ca tadā buddhāṃ anantāṃ diśi saṃsthitām / teṣāṃ pūjayennityaṃ tayaireva ca saṃvaset
Sanskrit only: no published translation is held for this verse.
रत्नावती नाम धात्वैक यत्रासौ भगवां वसेत् । मुनिः श्रेष्ठो वरः अग्रो रत्नकेतुस्तथागतः
ratnāvatī nāma dhātvaika yatrāsau bhagavāṃ vaset / muniḥ śreṣṭho varaḥ agro ratnaketustathāgataḥ
Sanskrit only: no published translation is held for this verse.
तत्रासौ वसते नित्यं मन्त्रपूतो न संशयः । अपरं कर्ममिष्टं च कथितं ह्यग्रपुद्गलैः
tatrāsau vasate nityaṃ mantrapūto na saṃśayaḥ / aparaṃ karmamiṣṭaṃ ca kathitaṃ hyagrapudgalaiḥ
Sanskrit only: no published translation is held for this verse.
नागकेसरकर्पूरं चन्दनं कुङ्कुमं समम् । एकीकृत्य तदा मन्त्री जुहुयाल्लक्षाष्टसप्तति
nāgakesarakarpūraṃ candanaṃ kuṅkumaṃ samam / ekīkṛtya tadā mantrī juhuyāllakṣāṣṭasaptati
Sanskrit only: no published translation is held for this verse.
होमावसाने तदा देव आयातीह सचक्रिणः । तुष्टो वरदो नित्यं मूर्ध्नि स्पृशति साधकम्
homāvasāne tadā deva āyātīha sacakriṇaḥ / tuṣṭo varado nityaṃ mūrdhni spṛśati sādhakam
Sanskrit only: no published translation is held for this verse.
स्पृष्टमात्रस्तदा मन्त्री सप्तभूम्याधिपो भवेत् । जिनानामौरसः पुत्रो बोधिसत्त्वः स उच्यते
spṛṣṭamātrastadā mantrī saptabhūmyādhipo bhavet / jinānāmaurasaḥ putro bodhisattvaḥ sa ucyate
Sanskrit only: no published translation is held for this verse.
नियतं बोधिनिष्टस्तु व्याकृतो ऽसौ भविष्यति । ततः प्रभृति यत्किञ्चिद् ज्ञानं ज्ञेयं जिनात्मजम्
niyataṃ bodhiniṣṭastu vyākṛto 'sau bhaviṣyati / tataḥ prabhṛti yatkiñcid jñānaṃ jñeyaṃ jinātmajam
Sanskrit only: no published translation is held for this verse.
जानामि सर्वमन्त्राणां गतिमाहात्ममूर्जितम् । पञ्चाभिज्ञो भवेत् तस्मिन् दृष्टमात्रेण मन्त्रराट्
jānāmi sarvamantrāṇāṃ gatimāhātmamūrjitam / pañcābhijño bhavet tasmin dṛṣṭamātreṇa mantrarāṭ
Sanskrit only: no published translation is held for this verse.
करोति विविधाकारामात्मभावं सदा यदा । सर्वाकारवरोपेतां पूजाकर्मि सदा रतः
karoti vividhākārāmātmabhāvaṃ sadā yadā / sarvākāravaropetāṃ pūjākarmi sadā rataḥ
Sanskrit only: no published translation is held for this verse.
भवते तत्क्षणादेव उद्युक्तो बोधिकर्मणि । क्षणमात्रे तदा लोकां बुद्धक्षेलां स गच्छति
bhavate tatkṣaṇādeva udyukto bodhikarmaṇi / kṣaṇamātre tadā lokāṃ buddhakṣelāṃ sa gacchati
Sanskrit only: no published translation is held for this verse.
लोकधातुसहस्राणि अण्डा हिण्डन्ति सर्वतः । बुद्धानां बोधिसत्त्वानां पश्यन्ते चरितां तदा
lokadhātusahasrāṇi aṇḍā hiṇḍanti sarvataḥ / buddhānāṃ bodhisattvānāṃ paśyante caritāṃ tadā
Sanskrit only: no published translation is held for this verse.
धर्मं शृणोति तत्तेषां पूजां कर्मे समुद्यतः । अपरं कर्ममस्तीह चक्रवर्तिजिनोद्भवे
dharmaṃ śṛṇoti tatteṣāṃ pūjāṃ karme samudyataḥ / aparaṃ karmamastīha cakravartijinodbhave
Sanskrit only: no published translation is held for this verse.
प्रदीपलक्षणं दद्याच्छुचिवर्तिर्घृतः समे । सौवर्णे भाजने रौप्ये ताम्रे मृत्तिकमे ऽपि वा
pradīpalakṣaṇaṃ dadyācchucivartirghṛtaḥ same / sauvarṇe bhājane raupye tāmre mṛttikame 'pi vā
Sanskrit only: no published translation is held for this verse.
ते तु प्रज्वलिते दीपे पुरुषैर्लक्षप्रमाणिभिः । गणमात्रसंन्यस्ते शतसाहस्रनाविकैः
te tu prajvalite dīpe puruṣairlakṣapramāṇibhiḥ / gaṇamātrasaṃnyaste śatasāhasranāvikaiḥ
Sanskrit only: no published translation is held for this verse.
स्त्रीवर्जैः पुरुषैश्चापि प्रदीपहस्तैः समन्ततः । पटं शास्तु विम्वाख्ये दद्यात् पूजा च कर्मणि
strīvarjaiḥ puruṣaiścāpi pradīpahastaiḥ samantataḥ / paṭaṃ śāstu vimvākhye dadyāt pūjā ca karmaṇi
Sanskrit only: no published translation is held for this verse.
समं सर्वप्रवृत्तास्तु मन्त्रे कैकसमन्त्रिते । दद्याच्छास्तुनो मन्त्रैस्तत्क्षणात् सिद्धिमादिशेत्
samaṃ sarvapravṛttāstu mantre kaikasamantrite / dadyācchāstuno mantraistatkṣaṇāt siddhimādiśet
Sanskrit only: no published translation is held for this verse.
समन्ताद् गर्जितनिर्घोषं दुन्दुभीनां च निःस्वनम् । देवसङ्घा ह्यनेका वै साधुकारं प्रमुञ्चयेत्
samantād garjitanirghoṣaṃ dundubhīnāṃ ca niḥsvanam / devasaṅghā hyanekā vai sādhukāraṃ pramuñcayet
Sanskrit only: no published translation is held for this verse.
बुद्धा बोधिसत्त्वाश्च गगनस्थं तस्थुरे तदा । साधु साधु त्वया प्राज्ञ सुकृतं कर्म कारितम्
buddhā bodhisattvāśca gaganasthaṃ tasthure tadā / sādhu sādhu tvayā prājña sukṛtaṃ karma kāritam
Sanskrit only: no published translation is held for this verse.
न पश्यसि पुनर्दुःखं संसारार्णवसंप्लुतम् । क्षेमे शिवे च निर्वाणे अभये बुद्धत्वमाश्रितः
na paśyasi punarduḥkhaṃ saṃsārārṇavasaṃplutam / kṣeme śive ca nirvāṇe abhaye buddhatvamāśritaḥ
Sanskrit only: no published translation is held for this verse.
मार्गे शुभे च विमले अष्टाङ्गे साधुचेष्टिते । प्रपन्नस्त्वं मन्त्ररूपेणम् चक्रिमेकाक्षराक्षिते
mārge śubhe ca vimale aṣṭāṅge sādhuceṣṭite / prapannastvaṃ mantrarūpeṇam cakrimekākṣarākṣite
Sanskrit only: no published translation is held for this verse.
अपरं कर्ममेवास्ति उत्तमां गतिनिश्रितः । महाप्रभावार्थविज्ञातं सर्वबुद्धैः सम्प्रकाशितम्
aparaṃ karmamevāsti uttamāṃ gatiniśritaḥ / mahāprabhāvārthavijñātaṃ sarvabuddhaiḥ samprakāśitam
Sanskrit only: no published translation is held for this verse.
गृह्य निम्बमयं काष्ठं कुर्याद् वज्रं त्रिशूचिकम् । उभयाग्रं मध्यपार्श्वं तु कुर्यात् कुलिशसम्भवम्
gṛhya nimbamayaṃ kāṣṭhaṃ kuryād vajraṃ triśūcikam / ubhayāgraṃ madhyapārśvaṃ tu kuryāt kuliśasambhavam
Sanskrit only: no published translation is held for this verse.
मन्त्रपूतं ततः कृत्वा पटस्याग्रतः कन्यसे । परामृश्य ततो मन्त्री जपेन्मन्त्रां समाहितः
mantrapūtaṃ tataḥ kṛtvā paṭasyāgrataḥ kanyase / parāmṛśya tato mantrī japenmantrāṃ samāhitaḥ
Sanskrit only: no published translation is held for this verse.
लक्षषोडशकाष्ठं च समाप्ते सिद्धिरिष्यते । एकज्वाली ततो वज्रः समन्तात् प्रज्वलते हि सः
lakṣaṣoḍaśakāṣṭhaṃ ca samāpte siddhiriṣyate / ekajvālī tato vajraḥ samantāt prajvalate hi saḥ
Sanskrit only: no published translation is held for this verse.