अथखलु भगवां शाक्यमुनिः पुनरपि शुद्धावासभवनमवलोक्य सर्वांश्च लोकधातुं बुद्धचक्षुषा सर्वसत्त्वानामवलोक्य पुनरपि मञ्जुश्रियं कुमारभूतमामन्त्रयते स्म । अस्ति मञ्जुश्रीः त्वदीयमन्त्रतन्त्रमुद्रापटलविसरे सर्वलौकिकलोकोत्तरसमयमण्डलानुप्रविष्टे सामान्याविधानचर्यानिर्हारे समनुप्रवेशसत्त्वामाश्रये अचिन्त्याचेष्टित सर्वमन्त्राणां सर्वमुद्राणां सर्वमण्डलानां सर्वसत्त्वानां सर्वमन्त्रानुप्रविष्टानां निधाननिर्देशचर्या समासतो व्याचक्षते तच्छ्रूयताम् ॥ अथ खलु मञ्जुश्रीः कुमारभूतो बोधिसत्त्वो महासत्त्वः भगवतश्चरणयोर्निपत्य अध्येषयति स्म । अध्येषयतु मे सुगतः अस्माकमनुकम्पायै लोकस्यानुग्रहाय । तद् भविष्यति महतो जनकायस्यार्थाय हिताय सुखाय लोकानुकम्पायै । तद् वदतु मे सुगत सर्वमन्त्राणां जपहोमआप्यायनपूजननियमसर्वतन्त्रमुद्रेषु समयप्रवेशानुनिगमसाधनोपयिकविधानं सर्वमण्डलेषु सर्वलौकिकलोकोत्तरविधिविशेषणोपयिकपटलविसरम् ॥ एवमुक्ते भगवां मञ्जुभाणी तदन्तरमभूत् सर्वज्ञ वान्यं तूष्णीं तस्थौ तदन्तरम् ॥ तुष्टः मञ्जुरवो धीरः सुगतज्ञ प्रतीच्छयम् । सर्वबुद्धाश्च सर्वत्र सर्वधातुसमागता
athakhalu bhagavāṃ śākyamuniḥ punarapi śuddhāvāsabhavanamavalokya sarvāṃśca lokadhātuṃ buddhacakṣuṣā sarvasattvānāmavalokya punarapi mañjuśriyaṃ kumārabhūtamāmantrayate sma / asti mañjuśrīḥ tvadīyamantratantramudrāpaṭalavisare sarvalaukikalokottarasamayamaṇḍalānupraviṣṭe sāmānyāvidhānacaryānirhāre samanupraveśasattvāmāśraye acintyāceṣṭita sarvamantrāṇāṃ sarvamudrāṇāṃ sarvamaṇḍalānāṃ sarvasattvānāṃ sarvamantrānupraviṣṭānāṃ nidhānanirdeśacaryā samāsato vyācakṣate tacchrūyatām // atha khalu mañjuśrīḥ kumārabhūto bodhisattvo mahāsattvaḥ bhagavataścaraṇayornipatya adhyeṣayati sma / adhyeṣayatu me sugataḥ asmākamanukampāyai lokasyānugrahāya / tad bhaviṣyati mahato janakāyasyārthāya hitāya sukhāya lokānukampāyai / tad vadatu me sugata sarvamantrāṇāṃ japahomaāpyāyanapūjananiyamasarvatantramudreṣu samayapraveśānunigamasādhanopayikavidhānaṃ sarvamaṇḍaleṣu sarvalaukikalokottaravidhiviśeṣaṇopayikapaṭalavisaram // evamukte bhagavāṃ mañjubhāṇī tadantaramabhūt sarvajña vānyaṃ tūṣṇīṃ tasthau tadantaram // tuṣṭaḥ mañjuravo dhīraḥ sugatajña pratīcchayam / sarvabuddhāśca sarvatra sarvadhātusamāgatā
Sanskrit only: no published translation is held for this verse.
बोधिसत्त्वास्तु सर्वे वै सर्वश्रावकखड्गिणः । सर्वसत्त्वा त्रिधा ये च अनादिभवचक्रके
bodhisattvāstu sarve vai sarvaśrāvakakhaḍgiṇaḥ / sarvasattvā tridhā ye ca anādibhavacakrake
Sanskrit only: no published translation is held for this verse.
निबद्धा योनिजा ये च गतिपञ्चसुयोजिता । सर्वभूतगणाध्यक्षा राक्षसोरगमानुषा
nibaddhā yonijā ye ca gatipañcasuyojitā / sarvabhūtagaṇādhyakṣā rākṣasoragamānuṣā
Sanskrit only: no published translation is held for this verse.
दैत्यदानवयक्षाश्च कूष्माण्डकटपूतना । देवमुख्या गणाध्यक्षा मातराश्च महर्द्धिकाः
daityadānavayakṣāśca kūṣmāṇḍakaṭapūtanā / devamukhyā gaṇādhyakṣā mātarāśca maharddhikāḥ
Sanskrit only: no published translation is held for this verse.
सर्वे ग्रहगणा लोके चन्द्रसूर्या परेस्तथा । ब्रह्मेन्द्रधनदा रुद्रा विष्णुस्कन्दविरूढका
sarve grahagaṇā loke candrasūryā parestathā / brahmendradhanadā rudrā viṣṇuskandavirūḍhakā
Sanskrit only: no published translation is held for this verse.
धृतराष्ट्रकुबेराश्च सर्वे वै वसवस्तथा । सर्वभूताश्च सर्वत्र सत्त्वधातुसमाश्रिताः
dhṛtarāṣṭrakuberāśca sarve vai vasavastathā / sarvabhūtāśca sarvatra sattvadhātusamāśritāḥ
Sanskrit only: no published translation is held for this verse.
शुभाशुभफलै कर्मैः निबद्धा गतिसूत्रके । मुक्तामुक्तश्च सर्वत्र आगता समये स्थिताः
śubhāśubhaphalai karmaiḥ nibaddhā gatisūtrake / muktāmuktaśca sarvatra āgatā samaye sthitāḥ
Sanskrit only: no published translation is held for this verse.
बुद्धाधिष्ठानबला ऋद्ध्या शृण्वन्तेह त्रिधा स्थिताः । शुभयोनिजसम्भूता अशुभैश्चैव स्वकर्मभिः
buddhādhiṣṭhānabalā ṛddhyā śṛṇvanteha tridhā sthitāḥ / śubhayonijasambhūtā aśubhaiścaiva svakarmabhiḥ
Sanskrit only: no published translation is held for this verse.
शृण्वन्ते सर्वबुद्धा वै शुद्धावासपुरे तदा । तदा धर्मं सौगतं चार्यं अग्रधर्मशुभोदयम्
śṛṇvante sarvabuddhā vai śuddhāvāsapure tadā / tadā dharmaṃ saugataṃ cāryaṃ agradharmaśubhodayam
Sanskrit only: no published translation is held for this verse.
मन्त्रमुद्रत्रिधायुक्तं नियतं चापि कीर्तितम् । क्षेमं शिवतमं मार्गं आर्याष्टाङ्गिकं तदा
mantramudratridhāyuktaṃ niyataṃ cāpi kīrtitam / kṣemaṃ śivatamaṃ mārgaṃ āryāṣṭāṅgikaṃ tadā
Sanskrit only: no published translation is held for this verse.
त्रिधा कर्मपथं श्रेष्ठं निर्वाणपुरगामिनम् । दानशील तदा ध्यानं तृधा मार्गोपदेशितम्
tridhā karmapathaṃ śreṣṭhaṃ nirvāṇapuragāminam / dānaśīla tadā dhyānaṃ tṛdhā mārgopadeśitam
Sanskrit only: no published translation is held for this verse.
भगवानुवाच सर्वज्ञ मन्त्रमार्गाङ्गप्रवर्तनम् । ईषस्मितमुखो धीर मञ्जुघोषं निरीक्ष च
bhagavānuvāca sarvajña mantramārgāṅgapravartanam / īṣasmitamukho dhīra mañjughoṣaṃ nirīkṣa ca
Sanskrit only: no published translation is held for this verse.
वाक्यं च शुभया युक्तं इदं ब्रह्मरवो तदा । शृण्वन्तो भूतगणाः सर्वे स्थिता सौम्या विशारदाः
vākyaṃ ca śubhayā yuktaṃ idaṃ brahmaravo tadā / śṛṇvanto bhūtagaṇāḥ sarve sthitā saumyā viśāradāḥ
Sanskrit only: no published translation is held for this verse.
मा वो समयाद् भ्रंशो भविष्यति अनर्थकम् । अहितं दीर्घरात्रं वो बुद्धवाक्यमजानकाः
mā vo samayād bhraṃśo bhaviṣyati anarthakam / ahitaṃ dīrgharātraṃ vo buddhavākyamajānakāḥ
Sanskrit only: no published translation is held for this verse.
प्रतिष्यथ तमस्यन्धे वत्स दूरीभविष्यथ । इदं वः श्रेयसे युक्ता मन्त्रमुद्रा समीरिताः
pratiṣyatha tamasyandhe vatsa dūrībhaviṣyatha / idaṃ vaḥ śreyase yuktā mantramudrā samīritāḥ
Sanskrit only: no published translation is held for this verse.
करिष्यथा सदा लोका सदानुग्रहनिग्रहम् । मन्यथा मत्क्रियायुक्तं क्रोधो वै च यमान्तकः
kariṣyathā sadā lokā sadānugrahanigraham / manyathā matkriyāyuktaṃ krodho vai ca yamāntakaḥ
Sanskrit only: no published translation is held for this verse.
करिष्यति न सन्देहः सदा निग्रहतां युगे । आदौ पुष्पाभिकीर्णे वै विविक्ते विजने सदा
kariṣyati na sandehaḥ sadā nigrahatāṃ yuge / ādau puṣpābhikīrṇe vai vivikte vijane sadā
Sanskrit only: no published translation is held for this verse.
कर्तव्ये मण्डले बुद्ध्या ध्यानेनावर्ज्य सर्वतः । आदौ च सर्वबुद्धानां पद्मं ध्यायीत बुद्धिमाम्
kartavye maṇḍale buddhyā dhyānenāvarjya sarvataḥ / ādau ca sarvabuddhānāṃ padmaṃ dhyāyīta buddhimām
Sanskrit only: no published translation is held for this verse.
द्वितीयं पद्ममुद्यन्तं अर्कस्यैव महाद्युतिम् । तत्रस्थो मञ्जुवरः श्रीमां कुमाराकारचिह्नितः
dvitīyaṃ padmamudyantaṃ arkasyaiva mahādyutim / tatrastho mañjuvaraḥ śrīmāṃ kumārākāracihnitaḥ
Sanskrit only: no published translation is held for this verse.
पञ्चचीरकमूर्धानो जानुकर्णककोर्परः । फलितः कृताञ्जलिपुटो बालो पृच्छन्तं सुगतं विदुम्
pañcacīrakamūrdhāno jānukarṇakakorparaḥ / phalitaḥ kṛtāñjalipuṭo bālo pṛcchantaṃ sugataṃ vidum
Sanskrit only: no published translation is held for this verse.
वाचं च शुभया युक्तां वदन्तो सुगतालये । यो वै सर्वबुद्धानां महापद्मं स्फटिकोद्भवम्
vācaṃ ca śubhayā yuktāṃ vadanto sugatālaye / yo vai sarvabuddhānāṃ mahāpadmaṃ sphaṭikodbhavam
Sanskrit only: no published translation is held for this verse.
वैदूर्यमयं पद्मं किञ्जल्कं हेमजोद्भवम् । महामरकतीनालां कर्णिकां सह हेमजम्
vaidūryamayaṃ padmaṃ kiñjalkaṃ hemajodbhavam / mahāmarakatīnālāṃ karṇikāṃ saha hemajam
Sanskrit only: no published translation is held for this verse.
महाविटपसंघातं महारत्नविभूषितम् । पद्मरागमयैः कलिकैः अनेकाकारसुभूषितैः
mahāviṭapasaṃghātaṃ mahāratnavibhūṣitam / padmarāgamayaiḥ kalikaiḥ anekākārasubhūṣitaiḥ
Sanskrit only: no published translation is held for this verse.
अश्मगर्भमयैर्दिव्यैः अङ्कुरैश्च विभूषितम् । पद्मं मुनिवरे ध्यात्वा महोच्चं गगनाश्रितम्
aśmagarbhamayairdivyaiḥ aṅkuraiśca vibhūṣitam / padmaṃ munivare dhyātvā mahoccaṃ gaganāśritam
Sanskrit only: no published translation is held for this verse.
तस्मान्न्यूनतरं पद्मं समचिह्नं सुशोभनम् । तन्मनः धामतो ध्यायेन्मन्त्री प्रत्येकार्हश्रावकाम्
tasmānnyūnataraṃ padmaṃ samacihnaṃ suśobhanam / tanmanaḥ dhāmato dhyāyenmantrī pratyekārhaśrāvakām
Sanskrit only: no published translation is held for this verse.
तस्मान्न्यूनतरं पद्म तृतीयं चित्तेन यत्नधीः । चतुर्थं पद्ममावर्तं तस्माद्ध्रस्वतमं विदुः
tasmānnyūnataraṃ padma tṛtīyaṃ cittena yatnadhīḥ / caturthaṃ padmamāvartaṃ tasmāddhrasvatamaṃ viduḥ
Sanskrit only: no published translation is held for this verse.
ध्यायीत पञ्चमं पद्मं ह्रस्वाह्रस्वतमं सदा । समाकारसमोद्योतं व्योमं संस्थितसर्वतम्
dhyāyīta pañcamaṃ padmaṃ hrasvāhrasvatamaṃ sadā / samākārasamodyotaṃ vyomaṃ saṃsthitasarvatam
Sanskrit only: no published translation is held for this verse.
कुर्यात् तस्य विदो पद्मं चित्तया सप्तगे स्थितम् । वज्रपाणेः तथा पद्मं उदयन्तं रवेर्यथा
kuryāt tasya vido padmaṃ cittayā saptage sthitam / vajrapāṇeḥ tathā padmaṃ udayantaṃ raveryathā
Sanskrit only: no published translation is held for this verse.
दक्षिणेन विदोः पद्मे तथा मञ्जुरवः सदा । ततो ह्रस्वतरं पद्मं लोकीशस्य महात्मनः
dakṣiṇena vidoḥ padme tathā mañjuravaḥ sadā / tato hrasvataraṃ padmaṃ lokīśasya mahātmanaḥ
Sanskrit only: no published translation is held for this verse.
तृतीयं पद्ममित्येव समन्तद्योतिलाभिने । चतुर्थं पद्ममित्येव अक्षयप्रतिभानता
tṛtīyaṃ padmamityeva samantadyotilābhine / caturthaṃ padmamityeva akṣayapratibhānatā
Sanskrit only: no published translation is held for this verse.
ईषिद् विमलगते ह्रस्वं कमलं पञ्चमतत्त्विते । तस्मात् षष्ठतमो यो पद्मः आर्यं चाधर्मसंज्ञितम्
īṣid vimalagate hrasvaṃ kamalaṃ pañcamatattvite / tasmāt ṣaṣṭhatamo yo padmaḥ āryaṃ cādharmasaṃjñitam
Sanskrit only: no published translation is held for this verse.
अधश्चैव समन्ताद् वै उदधिं चापि चिन्तयेत् । महानागे ऽर्धनिर्यान्तो ऽनन्तः नन्दोपनन्दकौ
adhaścaiva samantād vai udadhiṃ cāpi cintayet / mahānāge 'rdhaniryānto 'nantaḥ nandopanandakau
Sanskrit only: no published translation is held for this verse.
सर्वश्वेता महानागाः सर्वालङ्कारभूषिताः । अब्धोर्जाता स्मितमुखो गगनालम्बनदृष्टयः
sarvaśvetā mahānāgāḥ sarvālaṅkārabhūṣitāḥ / abdhorjātā smitamukho gaganālambanadṛṣṭayaḥ
Sanskrit only: no published translation is held for this verse.
सप्तशीर्षमहाभोगो मणिकुण्डलभूषिता । पुरुषाकारदिव्यास्तु अर्धभोगोरगस्तथा
saptaśīrṣamahābhogo maṇikuṇḍalabhūṣitā / puruṣākāradivyāstu ardhabhogoragastathā
Sanskrit only: no published translation is held for this verse.
सप्तस्फटा ससौम्यास्तु अर्धचक्षुर्गतोर्ध्वार्मा । वामतो मुनिवरा पद्मे पञ्चमुष्णीषसंस्थिताम्
saptasphaṭā sasaumyāstu ardhacakṣurgatordhvārmā / vāmato munivarā padme pañcamuṣṇīṣasaṃsthitām
Sanskrit only: no published translation is held for this verse.
चक्रवर्ति तथाद्यन्तां शक्रायुधसुतेजिताम् । एकाक्षरश्चक्रवर्तिस्तेजोराशिः सितोन्नतः
cakravarti tathādyantāṃ śakrāyudhasutejitām / ekākṣaraścakravartistejorāśiḥ sitonnataḥ
Sanskrit only: no published translation is held for this verse.
अभ्युन्नतो जयोष्णीषविद्याराजमहर्द्धिकः । वज्रपाणिश्च यक्षेशः अधश्चैव सुचिन्तयेत्
abhyunnato jayoṣṇīṣavidyārājamaharddhikaḥ / vajrapāṇiśca yakṣeśaḥ adhaścaiva sucintayet
Sanskrit only: no published translation is held for this verse.
एतेषु चित्तं धीमां रूपिभिः सर्वदा सदा । आत्मनश्च धियो युक्तो मन्त्रविन्मन्त्रराड् जमे
eteṣu cittaṃ dhīmāṃ rūpibhiḥ sarvadā sadā / ātmanaśca dhiyo yukto mantravinmantrarāḍ jame
Sanskrit only: no published translation is held for this verse.
तत्रस्थं नियमस्थं वै पद्मपत्रोपविष्ट वै । ध्यायीत अधश्चात्मानं पर्यङ्केनोपविष्ट वै
tatrasthaṃ niyamasthaṃ vai padmapatropaviṣṭa vai / dhyāyīta adhaścātmānaṃ paryaṅkenopaviṣṭa vai
Sanskrit only: no published translation is held for this verse.
सर्वपापांश्च देशी मुनिनामन्तिके सदा । तत्रस्थो नियमजो रूषी अध्येष्य मुनिवरां वराम्
sarvapāpāṃśca deśī munināmantike sadā / tatrastho niyamajo rūṣī adhyeṣya munivarāṃ varām
Sanskrit only: no published translation is held for this verse.
धर्मचक्रानुवर्तन्तां तिष्ठन्तां सुगतात्मजाम् । तेषां पुण्यमतुलम् अनुमोद्येव जापधीः
dharmacakrānuvartantāṃ tiṣṭhantāṃ sugatātmajām / teṣāṃ puṇyamatulam anumodyeva jāpadhīḥ
Sanskrit only: no published translation is held for this verse.
सुशुक्लमालतीकुसुमां पुन्नागं नागकेसराम् । चम्पकाशोकतिलकां तगर्यांश्चैव समल्लिकाम्
suśuklamālatīkusumāṃ punnāgaṃ nāgakesarām / campakāśokatilakāṃ tagaryāṃścaiva samallikām
Sanskrit only: no published translation is held for this verse.
क्षिपेत् पुष्पाञ्जलिं दिव्यां सव्यांश्चैव सुशोभनाम् । सभूतामप्यभूतां वा धिया युक्तां सुशोभनाम्
kṣipet puṣpāñjaliṃ divyāṃ savyāṃścaiva suśobhanām / sabhūtāmapyabhūtāṃ vā dhiyā yuktāṃ suśobhanām
Sanskrit only: no published translation is held for this verse.
विविधां पूजावरां कुर्युर्विद्या च इव मनोरमाम् । विविधां धूपवरांश्चैव तथा गन्धानुलेपनाम्
vividhāṃ pūjāvarāṃ kuryurvidyā ca iva manoramām / vividhāṃ dhūpavarāṃścaiva tathā gandhānulepanām
Sanskrit only: no published translation is held for this verse.
चित्तेनेव तु तत् कुर्यात् सभूता मध्यभावतः । निवेद्य वलिमन्त्रैर्वै प्रदीपांश्चैव तदा न्यसेत्
citteneva tu tat kuryāt sabhūtā madhyabhāvataḥ / nivedya valimantrairvai pradīpāṃścaiva tadā nyaset
Sanskrit only: no published translation is held for this verse.
विविधाकारसम्पन्ना विचित्रश्चित्रभोजनाम् । अनेकाकारसम्पन्नां दध्योदनमशालिकाम्
vividhākārasampannā vicitraścitrabhojanām / anekākārasampannāṃ dadhyodanamaśālikām
Sanskrit only: no published translation is held for this verse.
यबगोधूममुद्गैश्च खाद्यभोज्यसुभूषितैः । निवेद्य सुगते भवत्या दद्याच्चात्मानमेव तु
yabagodhūmamudgaiśca khādyabhojyasubhūṣitaiḥ / nivedya sugate bhavatyā dadyāccātmānameva tu
Sanskrit only: no published translation is held for this verse.
तथ्येन नान्यथा चापि चित्त येनापि शिष्यते । एषा श्रद्धा मया पूजा सर्वपूजेषु शिष्यते
tathyena nānyathā cāpi citta yenāpi śiṣyate / eṣā śraddhā mayā pūjā sarvapūjeṣu śiṣyate
Sanskrit only: no published translation is held for this verse.
मं ध्यात्वा जापिनः सर्वे नियतं बोधिमवाप्नुयात् । सफला मन्त्रसिद्धिश्च जायते च न संशयः
maṃ dhyātvā jāpinaḥ sarve niyataṃ bodhimavāpnuyāt / saphalā mantrasiddhiśca jāyate ca na saṃśayaḥ
Sanskrit only: no published translation is held for this verse.
इहैव जन्म निःसत्त्वा सिध्यन्ते मन्त्रदेवता । अन्यजन्मान्तरे वापि केचित् सिद्ध्यन्ति मानवाः
ihaiva janma niḥsattvā sidhyante mantradevatā / anyajanmāntare vāpi kecit siddhyanti mānavāḥ
Sanskrit only: no published translation is held for this verse.
विचित्रां भोगसम्पत्तिं विशेषांश्चापि पुष्कलाम् । विविधा कालमनोवाग् ध्यानं चापि त्रिधा पुरा
vicitrāṃ bhogasampattiṃ viśeṣāṃścāpi puṣkalām / vividhā kālamanovāg dhyānaṃ cāpi tridhā purā
Sanskrit only: no published translation is held for this verse.
बुद्धैर्बुद्धशतैश्चापि प्रत्येकार्हश्रावकैः । त्रिःप्रकारा तथा बोधिः प्राप्नुवन्तो यशस्विनः
buddhairbuddhaśataiścāpi pratyekārhaśrāvakaiḥ / triḥprakārā tathā bodhiḥ prāpnuvanto yaśasvinaḥ
Sanskrit only: no published translation is held for this verse.
एतैस्त्रिप्रकारैस्तु मन्त्रसिद्धिरिहोदिता । त्रिप्रकारैस्तु सत्त्वाख्यै उत्तमाधममध्यमे
etaistriprakāraistu mantrasiddhirihoditā / triprakāraistu sattvākhyai uttamādhamamadhyame
Sanskrit only: no published translation is held for this verse.
त्रिधा कर्म समुद्दिष्टम् ॥॥॥॥॥ । प्रणीतं ध्यानतां प्रोक्तं मध्यमं शीलजं स्मृतम्
tridhā karma samuddiṣṭam .......... / praṇītaṃ dhyānatāṃ proktaṃ madhyamaṃ śīlajaṃ smṛtam
Sanskrit only: no published translation is held for this verse.
कन्यसं दानजं मुख्यं तच्चैव तु पुनस्त्रिधा । प्रणीतं धर्मदानं तु मध्यमं तु गतं तथा
kanyasaṃ dānajaṃ mukhyaṃ taccaiva tu punastridhā / praṇītaṃ dharmadānaṃ tu madhyamaṃ tu gataṃ tathā
Sanskrit only: no published translation is held for this verse.
वाक्यमामिपदानं तु कन्यसे व तु कीर्त्यते । शीलं चापि त्रिधा प्रोक्तमित्युवाच मुनिः पुरा
vākyamāmipadānaṃ tu kanyase va tu kīrtyate / śīlaṃ cāpi tridhā proktamityuvāca muniḥ purā
Sanskrit only: no published translation is held for this verse.
बुद्धत्वपरिणामाख्यं अग्र्यं शीलमिति स्मृतम् । प्रत्येकबोधो मध्यं तु कन्यसं श्रावकोद्भवम्
buddhatvapariṇāmākhyaṃ agryaṃ śīlamiti smṛtam / pratyekabodho madhyaṃ tu kanyasaṃ śrāvakodbhavam
Sanskrit only: no published translation is held for this verse.
एतल्लोकोत्तरं शीलं लौकिकं तु प्रकथ्यते । तच्चापि त्रिविधा ज्ञेयं सास्रवोत्पत्तिकारणम्
etallokottaraṃ śīlaṃ laukikaṃ tu prakathyate / taccāpi trividhā jñeyaṃ sāsravotpattikāraṇam
Sanskrit only: no published translation is held for this verse.
मुमुक्षुबुद्धिभिर्भक्त्याधिज्ञप्त्या अभिज्ञसम्भवा । श्रेष्ठा ज्येष्ठतमा लोके कथ्यन्ते ऋषिवरैः सदा
mumukṣubuddhibhirbhaktyādhijñaptyā abhijñasambhavā / śreṣṭhā jyeṣṭhatamā loke kathyante ṛṣivaraiḥ sadā
Sanskrit only: no published translation is held for this verse.
एतदग्रमयं लोके शीलमाहुर्मनीषिणः । मध्यमं देवज ज्ञेयं कन्यसं तु नृपद्वराम्
etadagramayaṃ loke śīlamāhurmanīṣiṇaḥ / madhyamaṃ devaja jñeyaṃ kanyasaṃ tu nṛpadvarām
Sanskrit only: no published translation is held for this verse.
तच्चापि त्रिप्रकारैस्तु त्रिधा कर्मेषु योजितैः । त्रिधा च त्रिविधैश्चैव पुनर्मुक्तं त्रिद्विसप्तपञ्चशः
taccāpi triprakāraistu tridhā karmeṣu yojitaiḥ / tridhā ca trividhaiścaiva punarmuktaṃ tridvisaptapañcaśaḥ
Sanskrit only: no published translation is held for this verse.
त्रिसप्तं सप्ततिं तच्चापि त्रिधा भिन्नम् । प्रादुर्भूतो ऽङ्कुरो ऽङ्कुराः ध्यानजं चैवमत्यन्तो
trisaptaṃ saptatiṃ taccāpi tridhā bhinnam / prādurbhūto 'ṅkuro 'ṅkurāḥ dhyānajaṃ caivamatyanto
Sanskrit only: no published translation is held for this verse.
सुरेश्वरौ पुनः त्रीणि पुनरष्टाष्टभूषितम् । यथैव पूर्वनिर्दिष्टं ध्यानेष्वेव च कथ्यते
sureśvarau punaḥ trīṇi punaraṣṭāṣṭabhūṣitam / yathaiva pūrvanirdiṣṭaṃ dhyāneṣveva ca kathyate
Sanskrit only: no published translation is held for this verse.
एवं तरङ्गवद् भिन्नं पुनर्ज्वालेव गच्छति । बुद्बुदाकारवद् ज्ञेयं क्षणोत्पत्तिप्रभङ्गुरम्
evaṃ taraṅgavad bhinnaṃ punarjvāleva gacchati / budbudākāravad jñeyaṃ kṣaṇotpattiprabhaṅguram
Sanskrit only: no published translation is held for this verse.
एवमेवाद्यप्रयोगेन शतधा भिद्यते पुनः । सहस्रशश्च सदा ज्ञेयमसंख्येयाद्यलक्षितम्
evamevādyaprayogena śatadhā bhidyate punaḥ / sahasraśaśca sadā jñeyamasaṃkhyeyādyalakṣitam
Sanskrit only: no published translation is held for this verse.
साध्यते ध्यानजं कर्म अग्र्यं मानसोद्भवम् । तस्माद् ध्यानवतं मन्त्रं चित्तं बोधाय नामितम्
sādhyate dhyānajaṃ karma agryaṃ mānasodbhavam / tasmād dhyānavataṃ mantraṃ cittaṃ bodhāya nāmitam
Sanskrit only: no published translation is held for this verse.
अयनेनैव ते सिद्धिं लप्स्यन्ते मन्त्रदेवताम् । तस्मात् सर्वप्रयत्नेन जापिभिः सिद्धिलिप्सुभिः
ayanenaiva te siddhiṃ lapsyante mantradevatām / tasmāt sarvaprayatnena jāpibhiḥ siddhilipsubhiḥ
Sanskrit only: no published translation is held for this verse.
कर्तव्या मानसी पूजा बुद्धानां सर्वतः सदा । इहैव जन्मनि सिद्धिं नित्यं ध्यानरतस्य तु
kartavyā mānasī pūjā buddhānāṃ sarvataḥ sadā / ihaiva janmani siddhiṃ nityaṃ dhyānaratasya tu
Sanskrit only: no published translation is held for this verse.
सर्वत्राप्रतिहतो ह्येष ध्यानजो शीलसंवरः । दानतो विभवो धर्मः शीलतो सुरवरोदयम्
sarvatrāpratihato hyeṣa dhyānajo śīlasaṃvaraḥ / dānato vibhavo dharmaḥ śīlato suravarodayam
Sanskrit only: no published translation is held for this verse.
उत्पत्तिध्यानादाना श्रवे ॥॥॥॥॥ । एतत् संक्षेपतो ह्युक्तं जापिनां मन्त्रसिद्धयै
utpattidhyānādānā śrave .......... / etat saṃkṣepato hyuktaṃ jāpināṃ mantrasiddhayai
Sanskrit only: no published translation is held for this verse.
यं बुध्वा मन्त्रिणः सर्वे क्षिप्रमन्त्रेषु सिद्धये । क्षिप्रं चानुत्तरां बोधिं प्राप्नुवन्ति न संशयमिति
yaṃ budhvā mantriṇaḥ sarve kṣipramantreṣu siddhaye / kṣipraṃ cānuttarāṃ bodhiṃ prāpnuvanti na saṃśayamiti
Sanskrit only: no published translation is held for this verse.