सर्वमुष्णीषतो ज्ञेया मुद्रा वै च असङ्ख्यका । तेषां पञ्च वरा प्रोक्ता सर्वमुष्णीषसाधनी
sarvamuṣṇīṣato jñeyā mudrā vai ca asaṅkhyakā / teṣāṃ pañca varā proktā sarvamuṣṇīṣasādhanī
Sanskrit only: no published translation is held for this verse.
Manjusrimulakalpa 45
अवलोकितमुद्रस्य पञ्च वैते सुमुद्रकाः । प्रकृष्टा पद्मकुले श्रेष्ठा मुद्रे ते भुवि मण्डले
avalokitamudrasya pañca vaite sumudrakāḥ / prakṛṣṭā padmakule śreṣṭhā mudre te bhuvi maṇḍale
Sanskrit only: no published translation is held for this verse.
उष्णीषं च शिरोवक्त्रपद्ममुद्रा च कथ्यते । महाकरुणजा देवी तारा भवति पञ्चमी
uṣṇīṣaṃ ca śirovaktrapadmamudrā ca kathyate / mahākaruṇajā devī tārā bhavati pañcamī
Sanskrit only: no published translation is held for this verse.
पूर्व चौक्षसमाचारः धौतवस्त्र सुजप्तधीः । पाणिना शिरसा मृश्य ऊर्ध्वहस्तो भवेन्नरः
pūrva caukṣasamācāraḥ dhautavastra sujaptadhīḥ / pāṇinā śirasā mṛśya ūrdhvahasto bhavennaraḥ
Sanskrit only: no published translation is held for this verse.
वामपाणितले लेख्यां मुष्टियोगेन वेष्टयेत् । एष उष्णीषमुद्रो ऽयं अवलोकितमूर्धजाम्
vāmapāṇitale lekhyāṃ muṣṭiyogena veṣṭayet / eṣa uṣṇīṣamudro 'yaṃ avalokitamūrdhajām
Sanskrit only: no published translation is held for this verse.
तदेव शिरवरे दत्त्वा शिरमुद्रा प्रगीयते । तदेव सङ्कुचितौ चापि नाभिदेशे प्रतिष्ठितौ
tadeva śiravare dattvā śiramudrā pragīyate / tadeva saṅkucitau cāpi nābhideśe pratiṣṭhitau
Sanskrit only: no published translation is held for this verse.
विकास्य अङ्गुली सर्वां पद्ममुद्रेति सा विदोः । उपरिष्टादेव वक्त्रान्ते हस्तौ तौ न समाशृते
vikāsya aṅgulī sarvāṃ padmamudreti sā vidoḥ / upariṣṭādeva vaktrānte hastau tau na samāśṛte
Sanskrit only: no published translation is held for this verse.
अन्योन्यमिश्रितौ हस्तौ विरलाङ्गुलिमाश्रितौ । तदेव वक्त्रमुद्रा तु पद्मकेतो ऽथ गीयते
anyonyamiśritau hastau viralāṅgulimāśritau / tadeva vaktramudrā tu padmaketo 'tha gīyate
Sanskrit only: no published translation is held for this verse.
या तु पद्मध्वजे मुद्रा नागलोके प्रकथ्यते । स भवेन्मुष्टियोगेन उभौ हस्तौ समाश्रितौ
yā tu padmadhvaje mudrā nāgaloke prakathyate / sa bhavenmuṣṭiyogena ubhau hastau samāśritau
Sanskrit only: no published translation is held for this verse.
उभौ तर्जन्यतां चोर्ध्वौ सूचीभूतौ सुचिह्नितौ । अङ्गुष्ठपीडितौ श्रेष्ठौ तारामुद्रेति कथ्यते
ubhau tarjanyatāṃ cordhvau sūcībhūtau sucihnitau / aṅguṣṭhapīḍitau śreṣṭhau tārāmudreti kathyate
Sanskrit only: no published translation is held for this verse.
एषा मुद्रवरा श्रेष्ठा करुणा पद्मध्वजे विदोः । इत्येवं पञ्च महामुद्रा कथिता पद्मालये सदा
eṣā mudravarā śreṣṭhā karuṇā padmadhvaje vidoḥ / ityevaṃ pañca mahāmudrā kathitā padmālaye sadā
Sanskrit only: no published translation is held for this verse.
बोधिसत्त्वस्य मुख्ये ता लोकेशस्य महात्मने । अत्र पद्मकुले भवन्ति बन्धं सर्वकर्मसु
bodhisattvasya mukhye tā lokeśasya mahātmane / atra padmakule bhavanti bandhaṃ sarvakarmasu
Sanskrit only: no published translation is held for this verse.
मन्त्रनाथेश्वरो ये च विद्या देवतलौकिका । सर्वे ते अत्र वै मुद्रे मुद्रा यान्ति सुमुद्रिता
mantranātheśvaro ye ca vidyā devatalaukikā / sarve te atra vai mudre mudrā yānti sumudritā
Sanskrit only: no published translation is held for this verse.
ये च यक्षेश्वरा गीता वज्रपाणिमहर्द्धिका । महामन्त्रार्त्थरौद्राश्च क्रोधप्राणहरा तथा
ye ca yakṣeśvarā gītā vajrapāṇimaharddhikā / mahāmantrārttharaudrāśca krodhaprāṇaharā tathā
Sanskrit only: no published translation is held for this verse.
ये चान्ये लौकिका मुख्या मन्त्रयुक्ताश्च देवता । सर्वे ते च समायान्ति मुद्रैरेतैः सुमुद्रिता
ye cānye laukikā mukhyā mantrayuktāśca devatā / sarve te ca samāyānti mudrairetaiḥ sumudritā
Sanskrit only: no published translation is held for this verse.
एते मुद्रा महामुद्रा पवित्रा पापनाशना । यं बद्ध्वा जापिनः सर्वे क्षिप्रमायान्ति क्षिप्रतः
ete mudrā mahāmudrā pavitrā pāpanāśanā / yaṃ baddhvā jāpinaḥ sarve kṣipramāyānti kṣiprataḥ
Sanskrit only: no published translation is held for this verse.
मुक्ता ताथागती मुद्रा अन्येषां परमेश्वरी । अवलोकितनाथस्य सर्वव्याधिचिकित्सने
muktā tāthāgatī mudrā anyeṣāṃ parameśvarī / avalokitanāthasya sarvavyādhicikitsane
Sanskrit only: no published translation is held for this verse.
मुद्रै तो पञ्च महाभोगा विचरन्ति महीतले । स्त्रीरूपधारिणो भूत्वा सर्वसत्त्वार्थयोजिता
mudrai to pañca mahābhogā vicaranti mahītale / strīrūpadhāriṇo bhūtvā sarvasattvārthayojitā
Sanskrit only: no published translation is held for this verse.
यं बद्ध्वा पुरुषा प्राज्ञ नियतं बोधिपरायणा । अपरा पञ्च महामुद्रा वज्रपाणि महर्द्धिका
yaṃ baddhvā puruṣā prājña niyataṃ bodhiparāyaṇā / aparā pañca mahāmudrā vajrapāṇi maharddhikā
Sanskrit only: no published translation is held for this verse.
य एष वज्रेश्वरः श्रीमां सर्वमन्त्रेश्वरः प्रभुः । दशभूम्यपतिः श्रीमां सर्वानर्थनिवारकः
ya eṣa vajreśvaraḥ śrīmāṃ sarvamantreśvaraḥ prabhuḥ / daśabhūmyapatiḥ śrīmāṃ sarvānarthanivārakaḥ
Sanskrit only: no published translation is held for this verse.
महाभयप्रदो चण्डः दुष्टसत्त्वनिवारणः । दर्दान्तदमको धीमां दक्षः सत्त्वार्थसिद्धिषु
mahābhayaprado caṇḍaḥ duṣṭasattvanivāraṇaḥ / dardāntadamako dhīmāṃ dakṣaḥ sattvārthasiddhiṣu
Sanskrit only: no published translation is held for this verse.
यक्षरूपेण सत्त्वानां आत्मना चेष्टिने भुवि । सत्त्वार्थक्रियायुक्तः धर्मार्थमवतारयेत्
yakṣarūpeṇa sattvānāṃ ātmanā ceṣṭine bhuvi / sattvārthakriyāyuktaḥ dharmārthamavatārayet
Sanskrit only: no published translation is held for this verse.
बोधिसम्भारमर्थाय विचेरुर्यक्षरूपिणः । ये ते सत्त्वा हिता लोके यक्षिण्या सह मोहिता
bodhisambhāramarthāya viceruryakṣarūpiṇaḥ / ye te sattvā hitā loke yakṣiṇyā saha mohitā
Sanskrit only: no published translation is held for this verse.
तेषां सिद्धिर्न भवेन्मन्त्रां वाचा दुश्चरितेरिताम् । बोधिसत्त्वो महापुण्यः बहुरूपी महर्द्धिकः
teṣāṃ siddhirna bhavenmantrāṃ vācā duścariteritām / bodhisattvo mahāpuṇyaḥ bahurūpī maharddhikaḥ
Sanskrit only: no published translation is held for this verse.
प्रदोष्य चित्तं मन्त्रेशे कुतः सिद्ध्यन्ति मानवाः । मुद्रैता पञ्च वरा प्रोक्ता बुद्धैश्चापि महर्द्धिका
pradoṣya cittaṃ mantreśe kutaḥ siddhyanti mānavāḥ / mudraitā pañca varā proktā buddhaiścāpi maharddhikā
Sanskrit only: no published translation is held for this verse.
वज्रपाणिर्महापुण्या तां च क्षिप्र सुयोजयेत् । तथैव हस्तावुद्वर्त्य श्वेतचन्दनकुङ्कुमैः
vajrapāṇirmahāpuṇyā tāṃ ca kṣipra suyojayet / tathaiva hastāvudvartya śvetacandanakuṅkumaiḥ
Sanskrit only: no published translation is held for this verse.
तथैव सम्पुटाकारौ कुड्मलाकारवेष्टितौ । शिरःस्थाने तथान्यस्तौ ॥॥ चापि सुस्थितौ
tathaiva sampuṭākārau kuḍmalākāraveṣṭitau / śiraḥsthāne tathānyastau .... cāpi susthitau
Sanskrit only: no published translation is held for this verse.
सा तु वज्रशिरा ज्ञेया महामुद्रा हिता विदोः । यक्षसेनापतेर्मुद्रा द्वितीया भवति मूर्धजा
sā tu vajraśirā jñeyā mahāmudrā hitā vidoḥ / yakṣasenāpatermudrā dvitīyā bhavati mūrdhajā
Sanskrit only: no published translation is held for this verse.
उष्णीषमुद्रा हिता लोके उष्णीषं यक्षपतेर्हितम् । तदेव वज्रं शिरामुद्रा ऊर्ध्वमञ्जलिस्थापिताम् । एष मुद्रा महामुद्रा उष्णीषेति प्रगीयते
uṣṇīṣamudrā hitā loke uṣṇīṣaṃ yakṣapaterhitam / tadeva vajraṃ śirāmudrā ūrdhvamañjalisthāpitām / eṣa mudrā mahāmudrā uṣṇīṣeti pragīyate
Sanskrit only: no published translation is held for this verse.
तृतीया वज्रोद्भवा नाम ललाटस्थाने तु सा भवेत् । संन्यस्ताञ्जलिसम्पूर्णा ध्रुवौ मध्येष्वनामिकौ । एषा वज्रोद्भवा नाम वज्रपाणे ऽर्थसाधिका
tṛtīyā vajrodbhavā nāma lalāṭasthāne tu sā bhavet / saṃnyastāñjalisampūrṇā dhruvau madhyeṣvanāmikau / eṣā vajrodbhavā nāma vajrapāṇe 'rthasādhikā
Sanskrit only: no published translation is held for this verse.
चतुर्थी तु महामुद्रा वज्रवक्त्रेति गीयते । उत्तानौ हस्ततलौ न्यस्य वेणिकाकारसम्भवौ
caturthī tu mahāmudrā vajravaktreti gīyate / uttānau hastatalau nyasya veṇikākārasambhavau
Sanskrit only: no published translation is held for this verse.
वक्षःस्थाने तथा न्यस्य मध्याङ्गुल्यां सुसूचितौ । एषा मुद्रा महामुद्रा वरा यक्षवरे हिता
vakṣaḥsthāne tathā nyasya madhyāṅgulyāṃ susūcitau / eṣā mudrā mahāmudrā varā yakṣavare hitā
Sanskrit only: no published translation is held for this verse.
सर्ववज्रालया च सा ॥॥॥॥ । पञ्च मात्रा महामुद्रा वज्रपाणि महर्द्धिका
sarvavajrālayā ca sā ........ / pañca mātrā mahāmudrā vajrapāṇi maharddhikā
Sanskrit only: no published translation is held for this verse.
तथैव हस्तौ संन्यस्य नाभिस्थाने तु कारयेत् । तर्जन्या कुञ्चितौ कृत्वा अङ्गुष्ठाग्रे तु नामयेत्
tathaiva hastau saṃnyasya nābhisthāne tu kārayet / tarjanyā kuñcitau kṛtvā aṅguṣṭhāgre tu nāmayet
Sanskrit only: no published translation is held for this verse.
तृतीये पर्वमाश्लिष्य कन्यसौ च सुसंस्थितौ । बद्ध्वो च वेणिकाकारां शेषैरङ्गुलिभिस्तदा
tṛtīye parvamāśliṣya kanyasau ca susaṃsthitau / baddhvo ca veṇikākārāṃ śeṣairaṅgulibhistadā
Sanskrit only: no published translation is held for this verse.
एषा वज्रालया नाम महामुद्रा प्रगीयते । अत्रैव सर्वमुद्रा तु लौकिका ये च वज्रिणे
eṣā vajrālayā nāma mahāmudrā pragīyate / atraiva sarvamudrā tu laukikā ye ca vajriṇe
Sanskrit only: no published translation is held for this verse.
शैवाः शक्रकाश्चापि रिषीणां च महर्द्धिका हिता । सा वरा मतङ्गिनो ह्यग्रा मुद्रा प्रोक्ता महात्मभिः
śaivāḥ śakrakāścāpi riṣīṇāṃ ca maharddhikā hitā / sā varā mataṅgino hyagrā mudrā proktā mahātmabhiḥ
Sanskrit only: no published translation is held for this verse.
यक्षराक्षसप्रेतैश्च कूष्माण्डैः कटपुतनैः । ये तु मुद्रा वरा प्रोक्ता विष्ण्वीन्द्रैश्च वनाह्वयैः
yakṣarākṣasapretaiśca kūṣmāṇḍaiḥ kaṭaputanaiḥ / ye tu mudrā varā proktā viṣṇvīndraiśca vanāhvayaiḥ
Sanskrit only: no published translation is held for this verse.
ईशानमातरैर्लोकग्रहैश्चापि + + + + + + । भास्करेन्दुविवस्वाक्षैर्वसवश्चापि सुपूजितैः रक्षात्मकैः
īśānamātarairlokagrahaiścāpi + + + + + + / bhāskarenduvivasvākṣairvasavaścāpi supūjitaiḥ rakṣātmakaiḥ
Sanskrit only: no published translation is held for this verse.
सृष्टा मुद्रवरा ये तु सर्वभूतगणैः सदा । सर्वे चैव समायान्ति मुद्रे ऽस्मिं वज्रमालये
sṛṣṭā mudravarā ye tu sarvabhūtagaṇaiḥ sadā / sarve caiva samāyānti mudre 'smiṃ vajramālaye
Sanskrit only: no published translation is held for this verse.
प्रथिता मुद्रवरा ह्यग्रा कुले ऽस्मिं वज्रमाह्वये । मुक्ता तथागतीं मुद्रां अवलोकीशस्यापि महात्मनः
prathitā mudravarā hyagrā kule 'smiṃ vajramāhvaye / muktā tathāgatīṃ mudrāṃ avalokīśasyāpi mahātmanaḥ
Sanskrit only: no published translation is held for this verse.
मुद्रा ह्येके ते वै अन्येषां प्रभुरिष्यते । एषा मुद्रा महामुद्रा यक्षसेनापतेर्विदोः
mudrā hyeke te vai anyeṣāṃ prabhuriṣyate / eṣā mudrā mahāmudrā yakṣasenāpatervidoḥ
Sanskrit only: no published translation is held for this verse.
यं बद्ध्वा पुरुषा नियतं सर्वे बोधिपरायणाः । एषा मुद्रा वरः श्रेष्ठः परमाहुस्तथागताः
yaṃ baddhvā puruṣā niyataṃ sarve bodhiparāyaṇāḥ / eṣā mudrā varaḥ śreṣṭhaḥ paramāhustathāgatāḥ
Sanskrit only: no published translation is held for this verse.
हत्येता पञ्च महामुद्रा वज्रपाणे यशस्विनः । जापिभिः सर्वकालं तु स्मर्तव्या च महाभये
hatyetā pañca mahāmudrā vajrapāṇe yaśasvinaḥ / jāpibhiḥ sarvakālaṃ tu smartavyā ca mahābhaye
Sanskrit only: no published translation is held for this verse.
आशु नश्यन्ति भूता वै क्रव्यादा पिशिताशिना । यक्षराक्षसप्रेतांसि कूष्माण्डाः कटपूतना
āśu naśyanti bhūtā vai kravyādā piśitāśinā / yakṣarākṣasapretāṃsi kūṣmāṇḍāḥ kaṭapūtanā
Sanskrit only: no published translation is held for this verse.
देवगन्धर्वमनुजाः किन्नराश्च ससिद्धकाः । ग्रहमुख्यवरा गरुडा मातराश्च महर्द्धिकाः
devagandharvamanujāḥ kinnarāśca sasiddhakāḥ / grahamukhyavarā garuḍā mātarāśca maharddhikāḥ
Sanskrit only: no published translation is held for this verse.
ये ऽपि ते लोकमुख्याश्च ब्रह्माविष्णुमहेश्वराः । सर्वसत्त्वाश्च वै लोके येषु सवर्त्र माशृताः
ye 'pi te lokamukhyāśca brahmāviṣṇumaheśvarāḥ / sarvasattvāśca vai loke yeṣu savartra māśṛtāḥ
Sanskrit only: no published translation is held for this verse.
सर्वे ते दृष्टमात्रं वै विद्रवन्ति न संशयः । एते मुद्रा जिनैह्यासी वज्रधृते प्रभोः । मन्त्रनाथस्य यक्षेशे लोकीशस्यापि महात्मने
sarve te dṛṣṭamātraṃ vai vidravanti na saṃśayaḥ / ete mudrā jinaihyāsī vajradhṛte prabhoḥ / mantranāthasya yakṣeśe lokīśasyāpi mahātmane
Sanskrit only: no published translation is held for this verse.
तस्माच्च जापिभिः सर्वैः नियतं सिद्धिलिप्सुभिः । स्मर्तव्या जपकाले तु सर्वमन्त्रेषु सिद्धिदा । यो ऽसौ किसलयेत्याहुः मुद्रामादौ प्रगीतवाम्
tasmācca jāpibhiḥ sarvaiḥ niyataṃ siddhilipsubhiḥ / smartavyā japakāle tu sarvamantreṣu siddhidā / yo 'sau kisalayetyāhuḥ mudrāmādau pragītavām
Sanskrit only: no published translation is held for this verse.
तथैव हस्तौ संन्यस्य उरःस्थाने न्यसेद् बुधः । तामादौ वेणिकां कृत्वा अङ्गुलीभिः समन्ततः
tathaiva hastau saṃnyasya uraḥsthāne nyased budhaḥ / tāmādau veṇikāṃ kṛtvā aṅgulībhiḥ samantataḥ
Sanskrit only: no published translation is held for this verse.
सा विद्या किसलये मुद्रा लौकिकां मन्त्रदेवताम् । तामादौ योजयेत् क्षिप्रं क्षुद्रकर्मेषु धीमताम्
sā vidyā kisalaye mudrā laukikāṃ mantradevatām / tāmādau yojayet kṣipraṃ kṣudrakarmeṣu dhīmatām
Sanskrit only: no published translation is held for this verse.
ज्वररोगगता सर्वान् नाशयेन्नात्र संशयः । सैव सुमनसा ज्ञेया कन्यसाङ्गुलिनामितौ
jvararogagatā sarvān nāśayennātra saṃśayaḥ / saiva sumanasā jñeyā kanyasāṅgulināmitau
Sanskrit only: no published translation is held for this verse.
पटही तु भवेत् सा तु मध्यमाङ्गुलिनामितौ । कन्दर्पी च भवेत् सा च उभौ अङ्गुष्ठमुच्छ्रितौ । घटखर्परिका ज्ञेया अनामिकाग्रसुनामितौ
paṭahī tu bhavet sā tu madhyamāṅgulināmitau / kandarpī ca bhavet sā ca ubhau aṅguṣṭhamucchritau / ghaṭakharparikā jñeyā anāmikāgrasunāmitau
Sanskrit only: no published translation is held for this verse.
तथैव कुड्मलं कृत्वा हस्ताग्रौ च सुभूषितौ । उत्पलाकारचिह्नं तु मुद्रमुत्पलमुच्यते
tathaiva kuḍmalaṃ kṛtvā hastāgrau ca subhūṣitau / utpalākāracihnaṃ tu mudramutpalamucyate
Sanskrit only: no published translation is held for this verse.
विकासितोभयौ हस्तौ अङ्गुलीभिः समन्ततः । एषा वै पद्ममुद्रा तु भवे ज्योत्स्ना सनामितौ
vikāsitobhayau hastau aṅgulībhiḥ samantataḥ / eṣā vai padmamudrā tu bhave jyotsnā sanāmitau
Sanskrit only: no published translation is held for this verse.
तथैव योजितां सर्वां अङ्गुल्याग्राग्रकारिता । एषा सुपर्णिने मुद्रा सुपर्णीति प्रगीयते
tathaiva yojitāṃ sarvāṃ aṅgulyāgrāgrakāritā / eṣā suparṇine mudrā suparṇīti pragīyate
Sanskrit only: no published translation is held for this verse.
तदेव लम्पुटाकारं विपर्यस्ताकारचेष्टितम् । सा भवेद् यमलमुद्रा तु गरुत्मस्यापि महात्मने
tadeva lampuṭākāraṃ viparyastākāraceṣṭitam / sā bhaved yamalamudrā tu garutmasyāpi mahātmane
Sanskrit only: no published translation is held for this verse.
तथैव हस्तौ संन्यस्य मुष्टियोगेन योजितौ । उभयाङ्गुष्ठमध्यस्थौ लिङ्ग मुद्रेति गीयते
tathaiva hastau saṃnyasya muṣṭiyogena yojitau / ubhayāṅguṣṭhamadhyasthau liṅga mudreti gīyate
Sanskrit only: no published translation is held for this verse.
उत्थिताङ्गुष्ठमध्यस्थौ तदेवं शङ्खमिष्यते । तदेव हस्तौ विस्रज्य जया भवति विश्रुता
utthitāṅguṣṭhamadhyasthau tadevaṃ śaṅkhamiṣyate / tadeva hastau visrajya jayā bhavati viśrutā
Sanskrit only: no published translation is held for this verse.
विजया भवते मुद्रा कन्यसाङ्गुलिवेष्टितौ । अनामिकाभिः समायुक्ता अजिता भवति पूरणी
vijayā bhavate mudrā kanyasāṅguliveṣṭitau / anāmikābhiḥ samāyuktā ajitā bhavati pūraṇī
Sanskrit only: no published translation is held for this verse.
विसृज्य हस्तौ संयुक्तौ वामहस्तेन मीलयेत् । अङ्गुष्ठाग्रमधो नाम्य मुष्टिं बद्ध्वेह पण्डितः । एषापराजिता ज्ञेया मुद्रेयं च सुपूजिता
visṛjya hastau saṃyuktau vāmahastena mīlayet / aṅguṣṭhāgramadho nāmya muṣṭiṃ baddhveha paṇḍitaḥ / eṣāparājitā jñeyā mudreyaṃ ca supūjitā
Sanskrit only: no published translation is held for this verse.
चतुःकुमार्यो विधि ज्ञेया भगिन्येषु प्रकीर्तिता । तुम्बुरुस्त्वेष विख्यातः ज्येष्ठभ्राता प्रकल्प्यते
catuḥkumāryo vidhi jñeyā bhaginyeṣu prakīrtitā / tumburustveṣa vikhyātaḥ jyeṣṭhabhrātā prakalpyate
Sanskrit only: no published translation is held for this verse.
नौयानसमाश्रिता ह्येते अम्भोधेस्तु निवासिनः । विचरन्ति इमं स्थाने महापुण्यमहर्द्धिकाः
nauyānasamāśritā hyete ambhodhestu nivāsinaḥ / vicaranti imaṃ sthāne mahāpuṇyamaharddhikāḥ
Sanskrit only: no published translation is held for this verse.
वश्यार्थं सर्वभूतानां सृष्ट्वा ब्रह्मविदो विदे । सर्वत्र पूजिता ह्येता गुह्यमन्त्रैस्तु योजिता
vaśyārthaṃ sarvabhūtānāṃ sṛṣṭvā brahmavido vide / sarvatra pūjitā hyetā guhyamantraistu yojitā
Sanskrit only: no published translation is held for this verse.
अमोघा सिद्धिमेतांसि सर्वकर्मेषु योजिता । क्षिप्रमर्थकराः सिद्धा मङ्गल्या मघनाशनाः
amoghā siddhimetāṃsi sarvakarmeṣu yojitā / kṣipramarthakarāḥ siddhā maṅgalyā maghanāśanāḥ
Sanskrit only: no published translation is held for this verse.
शुचिना शुचिकर्मेषु साधनीया तथोत्तमैः । उत्थितं ज्वलनं शान्तं खचरं कायि सिद्धये । मध्यं समध्यकर्मेषु अशौचं कश्मलादिषु
śucinā śucikarmeṣu sādhanīyā tathottamaiḥ / utthitaṃ jvalanaṃ śāntaṃ khacaraṃ kāyi siddhaye / madhyaṃ samadhyakarmeṣu aśaucaṃ kaśmalādiṣu
Sanskrit only: no published translation is held for this verse.
ये चापि पापकर्मा वै नित्योच्छिष्टाश्च देहिनाम् । तेषां सिद्ध्यन्त्ययत्नेन क्षुद्रकर्माणि वै सदा
ye cāpi pāpakarmā vai nityocchiṣṭāśca dehinām / teṣāṃ siddhyantyayatnena kṣudrakarmāṇi vai sadā
Sanskrit only: no published translation is held for this verse.
तथैव हस्तौ संयम्य नाभिदेशे समानयेत् । मध्यमाङ्गुल्यतः सूच्या वेणिकाकार वेष्टयेत् । सुमेखला च सा मुद्रा उद्वेष्टा भवति मेखला
tathaiva hastau saṃyamya nābhideśe samānayet / madhyamāṅgulyataḥ sūcyā veṇikākāra veṣṭayet / sumekhalā ca sā mudrā udveṣṭā bhavati mekhalā
Sanskrit only: no published translation is held for this verse.
तमेव मधतलौ न्यस्तौ मुद्रा भवति सम्पुटा । सैवमुच्छ्रिता ग्रीवे श्रीसम्पुटमुच्यते
tameva madhatalau nyastau mudrā bhavati sampuṭā / saivamucchritā grīve śrīsampuṭamucyate
Sanskrit only: no published translation is held for this verse.
नाभिस्थाने तदा न्यस्य अपसव्येन भ्रामयेत् । रजनी मुद्रवरा ह्येषा दुष्टसत्त्वनिवारणी
nābhisthāne tadā nyasya apasavyena bhrāmayet / rajanī mudravarā hyeṣā duṣṭasattvanivāraṇī
Sanskrit only: no published translation is held for this verse.
दक्षिणे करमुद्यम्य मुष्टियोगेन माश्रयेत् । मुद्रामुष्टिवरेत्याहुः सर्वमन्त्राणि चूर्णनी
dakṣiṇe karamudyamya muṣṭiyogena māśrayet / mudrāmuṣṭivaretyāhuḥ sarvamantrāṇi cūrṇanī
Sanskrit only: no published translation is held for this verse.
सैवाङ्गुलिमुत्सृज्य उभौ हस्तौ प्रयोजिता । मुष्टिमुद्रा वरेत्याहुः पिशिताशननाशनी
saivāṅgulimutsṛjya ubhau hastau prayojitā / muṣṭimudrā varetyāhuḥ piśitāśananāśanī
Sanskrit only: no published translation is held for this verse.
सा तु सङ्कुचिता ज्ञेया अङ्गुल्याग्रौ सुकुञ्चितौ । मुद्रा सुकुन्ता विज्ञेया कुन्ता चैव प्रसारितैः
sā tu saṅkucitā jñeyā aṅgulyāgrau sukuñcitau / mudrā sukuntā vijñeyā kuntā caiva prasāritaiḥ
Sanskrit only: no published translation is held for this verse.
तारा सुतारा विधिज्ञेया एकरूपौ उभौ भवेत् । उत्पलाकारसंन्यस्ता तर्जनीभिः सुसंहता
tārā sutārā vidhijñeyā ekarūpau ubhau bhavet / utpalākārasaṃnyastā tarjanībhiḥ susaṃhatā
Sanskrit only: no published translation is held for this verse.
एकसूचिकमित्येव सम्पुटाकारवेष्टितौ । तदेव प्रसारिता हस्तौ तारा भवति घुष्यते
ekasūcikamityeva sampuṭākāraveṣṭitau / tadeva prasāritā hastau tārā bhavati ghuṣyate
Sanskrit only: no published translation is held for this verse.
तदेव हस्तौ संन्यस्य अञ्जल्याकारकारितौ । तर्जन्या मिश्रितौ श्रेष्ठौ तृतीये पर्वणि स्थिते
tadeva hastau saṃnyasya añjalyākārakāritau / tarjanyā miśritau śreṣṭhau tṛtīye parvaṇi sthite
Sanskrit only: no published translation is held for this verse.
अङ्गुष्ठौ चान्ते मुद्रा भवति लोचना । तदेवाङ्गुलिमुत्सृज्य तर्जन्यौ सम्प्रयोजितौ
aṅguṣṭhau cānte mudrā bhavati locanā / tadevāṅgulimutsṛjya tarjanyau samprayojitau
Sanskrit only: no published translation is held for this verse.
तदेव विहिता मुद्रा मुद्रा मामक्या सम्प्रयोजिता । एवला मुद्रवरेत्याहु मध्यमाङ्गुल्यैः सुनामितैः
tadeva vihitā mudrā mudrā māmakyā samprayojitā / evalā mudravaretyāhu madhyamāṅgulyaiḥ sunāmitaiḥ
Sanskrit only: no published translation is held for this verse.
श्वेता याभ्रमुद्रा वै करैश्चात्र प्रसारितैः । पण्डरा तु भवेन्मुद्रा मुष्टिभिः सम्प्रपीडितैः । महाप्रभावा महापुण्या तर्जन्यावुच्छ्रितावुभौ
śvetā yābhramudrā vai karaiścātra prasāritaiḥ / paṇḍarā tu bhavenmudrā muṣṭibhiḥ samprapīḍitaiḥ / mahāprabhāvā mahāpuṇyā tarjanyāvucchritāvubhau
Sanskrit only: no published translation is held for this verse.
तदेव हस्तौ सम्मिश्र सम्पुटाकारवेष्टितौ । तर्जनीभिः ततो कृत्वा नेत्राकारं तु पीडयेत् । भ्रुकुटी मुद्रवरा ख्याता महाभयहरी सदा
tadeva hastau sammiśra sampuṭākāraveṣṭitau / tarjanībhiḥ tato kṛtvā netrākāraṃ tu pīḍayet / bhrukuṭī mudravarā khyātā mahābhayaharī sadā
Sanskrit only: no published translation is held for this verse.
इत्येते चाष्ट मुद्रा वै कथिता जिनवरैः पुरा । महाप्रभावा महापुण्या महेशाख्या महर्द्धिका
ityete cāṣṭa mudrā vai kathitā jinavaraiḥ purā / mahāprabhāvā mahāpuṇyā maheśākhyā maharddhikā
Sanskrit only: no published translation is held for this verse.
सर्वमुद्रेषु सर्वत्र मन्त्रैश्चापि विशेषतः । सर्वत्र पूजिता ह्येते स्मर्तव्यार्थफलप्रदा
sarvamudreṣu sarvatra mantraiścāpi viśeṣataḥ / sarvatra pūjitā hyete smartavyārthaphalapradā
Sanskrit only: no published translation is held for this verse.
महारक्षा पवित्राश्च मङ्गल्यमघनाशनाः । सर्वत्र पूजिता बुद्धैः सर्वमन्त्रांश्च साधयेत्
mahārakṣā pavitrāśca maṅgalyamaghanāśanāḥ / sarvatra pūjitā buddhaiḥ sarvamantrāṃśca sādhayet
Sanskrit only: no published translation is held for this verse.
तारा भृकुटी चैव श्वेता पण्डरवासिनी । मामकी लोचना चैव सुतारा तारवर्तिनी
tārā bhṛkuṭī caiva śvetā paṇḍaravāsinī / māmakī locanā caiva sutārā tāravartinī
Sanskrit only: no published translation is held for this verse.
इत्येते च महामुद्रा पठिता लोकतत्त्विभिः । एष रक्षाविधिः प्रोक्तः महारक्षेषु कथ्यते
ityete ca mahāmudrā paṭhitā lokatattvibhiḥ / eṣa rakṣāvidhiḥ proktaḥ mahārakṣeṣu kathyate
Sanskrit only: no published translation is held for this verse.
महापापहरी ह्येता महामुद्रा स्वयम्भुवे । लोकीशस्य च वीरस्य महायक्षपतेस्तथा
mahāpāpaharī hyetā mahāmudrā svayambhuve / lokīśasya ca vīrasya mahāyakṣapatestathā
Sanskrit only: no published translation is held for this verse.
एते मुद्रा महापुण्या नियता सिद्धिहेतवः । कथिता लोकमुख्यैश्च सम्बुद्धैश्च यशस्विभिः
ete mudrā mahāpuṇyā niyatā siddhihetavaḥ / kathitā lokamukhyaiśca sambuddhaiśca yaśasvibhiḥ
Sanskrit only: no published translation is held for this verse.
तथैव हस्तौ संन्यस्य वैणिकाकारसम्भवौ । सम्पीडितौ विपर्यस्तौ मुद्रा भवति सङ्कुला
tathaiva hastau saṃnyasya vaiṇikākārasambhavau / sampīḍitau viparyastau mudrā bhavati saṅkulā
Sanskrit only: no published translation is held for this verse.
तथैव सूचिकाग्रं तु अङ्कुशस्याहु वर्णितः । तथैव करपुटो ऽग्रं वै उन्ननाम्यो शिरःस्थितौ
tathaiva sūcikāgraṃ tu aṅkuśasyāhu varṇitaḥ / tathaiva karapuṭo 'graṃ vai unnanāmyo śiraḥsthitau
Sanskrit only: no published translation is held for this verse.
विकास्य अङ्गुलीं सर्वां छत्रा भवति शोभना । संयम्य मुष्टिकामारौ रात्री भवति देवता
vikāsya aṅgulīṃ sarvāṃ chatrā bhavati śobhanā / saṃyamya muṣṭikāmārau rātrī bhavati devatā
Sanskrit only: no published translation is held for this verse.
तामसी विसृतैर्नित्यं मुद्रा भवति तत्त्वतः । तथैव अङ्गुलां वेष्टौ ऊर्ध्वमङ्गुष्ठनामितौ
tāmasī visṛtairnityaṃ mudrā bhavati tattvataḥ / tathaiva aṅgulāṃ veṣṭau ūrdhvamaṅguṣṭhanāmitau
Sanskrit only: no published translation is held for this verse.
विषनिनीशना सृष्टा रेखमुद्रा यशस्विभिः । मनसा नामितौ ज्ञेया महामानसमुद्रितैः
viṣaninīśanā sṛṣṭā rekhamudrā yaśasvibhiḥ / manasā nāmitau jñeyā mahāmānasamudritaiḥ
Sanskrit only: no published translation is held for this verse.
तथैव हस्तावुत्सृज्य एकहस्तेन मीलयेत् । तर्जन्यौ वेष्टयेन्मध्यां एषा सा गरुडध्वजा
tathaiva hastāvutsṛjya ekahastena mīlayet / tarjanyau veṣṭayenmadhyāṃ eṣā sā garuḍadhvajā
Sanskrit only: no published translation is held for this verse.
उभौ हस्तौ समायुक्तौ वेणिमाशृत्य मध्यजौ । हंसमालेति मुद्रेयं नाम्ना सर्वत्र गीयते
ubhau hastau samāyuktau veṇimāśṛtya madhyajau / haṃsamāleti mudreyaṃ nāmnā sarvatra gīyate
Sanskrit only: no published translation is held for this verse.
तदेव विसृतौ हस्तौ तृसूच्याकारवेष्टितौ । सा भवेत् वज्रमुद्रा तु मुद्रा श्रेष्ठतमा हिता
tadeva visṛtau hastau tṛsūcyākāraveṣṭitau / sā bhavet vajramudrā tu mudrā śreṣṭhatamā hitā
Sanskrit only: no published translation is held for this verse.
प्रकृष्टा सर्वमुद्राणां वज्रपाणेः समाहिता । तदेव विसृताङ्गुल्यौ पद्ममाला तु सा भवेत् । ज्येष्ठा मुद्रवरा ख्याता पद्मकेतोः समा भवेत्
prakṛṣṭā sarvamudrāṇāṃ vajrapāṇeḥ samāhitā / tadeva visṛtāṅgulyau padmamālā tu sā bhavet / jyeṣṭhā mudravarā khyātā padmaketoḥ samā bhavet
Sanskrit only: no published translation is held for this verse.
एषा मुद्रवरा दिव्या महापुण्या महोद्भवा । प्रयुक्ता सर्वकर्मेषु सिद्धिमायान्ति देहिनाम् । भुवि मण्डलविख्याता प्रसिद्धा सर्वकर्मसु
eṣā mudravarā divyā mahāpuṇyā mahodbhavā / prayuktā sarvakarmeṣu siddhimāyānti dehinām / bhuvi maṇḍalavikhyātā prasiddhā sarvakarmasu
Sanskrit only: no published translation is held for this verse.
वक्त्रार्थवक्रिता ज्ञेया उभौ पाणितले समे । सन्यस्ताङ्गुलिमग्रे तु तर्जन्याङ्गुलिमुच्छ्रिता
vaktrārthavakritā jñeyā ubhau pāṇitale same / sanyastāṅgulimagre tu tarjanyāṅgulimucchritā
Sanskrit only: no published translation is held for this verse.
मुद्रा वक्त्रमिति ज्ञेया अर्द्धवक्त्रा तु कन्यसैः । समौ मुष्टितलौ ज्ञेयौ अङ्गुष्ठोत्तमनामितौ
mudrā vaktramiti jñeyā arddhavaktrā tu kanyasaiḥ / samau muṣṭitalau jñeyau aṅguṣṭhottamanāmitau
Sanskrit only: no published translation is held for this verse.
लोहितामुद्रमित्याहुः मध्यमानामितसुलोहिता । नीललोहितिका ज्ञेया मुद्रा रुद्रस्य मूर्ध्नजा
lohitāmudramityāhuḥ madhyamānāmitasulohitā / nīlalohitikā jñeyā mudrā rudrasya mūrdhnajā
Sanskrit only: no published translation is held for this verse.
महाप्रभावा विख्याता या मुद्रा भुविमण्डले । सर्वबिघ्नहरी देवी दुष्टसत्त्वनिवारणी
mahāprabhāvā vikhyātā yā mudrā bhuvimaṇḍale / sarvabighnaharī devī duṣṭasattvanivāraṇī
Sanskrit only: no published translation is held for this verse.
सा मुद्रा कथ्यते लोके शृणुध्वं भूतिकांक्षिणः । तथैव हस्तौ संयम्य मुष्टिमादौ प्रकल्पयेत्
sā mudrā kathyate loke śṛṇudhvaṃ bhūtikāṃkṣiṇaḥ / tathaiva hastau saṃyamya muṣṭimādau prakalpayet
Sanskrit only: no published translation is held for this verse.
विसृतौ मध्यमौ ज्ञेयौ ईषित् सङ्कुचिताथ सूचितौ । महामुद्रा इति ख्याता मुद्रा सा भयसूदनी
visṛtau madhyamau jñeyau īṣit saṅkucitātha sūcitau / mahāmudrā iti khyātā mudrā sā bhayasūdanī
Sanskrit only: no published translation is held for this verse.
तथैव सूच्याग्रौ तौ हस्तौ सुव्यक्तमीलितौ । एषा विष्णुमिति ख्याता मुद्रा सर्वत्र पूजिता
tathaiva sūcyāgrau tau hastau suvyaktamīlitau / eṣā viṣṇumiti khyātā mudrā sarvatra pūjitā
Sanskrit only: no published translation is held for this verse.
ब्राह्मी तु भवे उभौ अङ्गुष्ठमिश्रितौ । तथैव कुड्मलाकारा मुद्रा वैन्द्रीति उच्यते
brāhmī tu bhave ubhau aṅguṣṭhamiśritau / tathaiva kuḍmalākārā mudrā vaindrīti ucyate
Sanskrit only: no published translation is held for this verse.
सा भवेन्माहेश्वरी मुद्रा उभौ कन्यसमुच्छ्रितौ । तदेव हस्तावुत्सृज्य नृत्ययोगेन माश्रयेत्
sā bhavenmāheśvarī mudrā ubhau kanyasamucchritau / tadeva hastāvutsṛjya nṛtyayogena māśrayet
Sanskrit only: no published translation is held for this verse.
वामबाहुस्तदा नित्यं उभयाग्रं प्रकल्प्यते । दक्षिणं भुजमाश्लिष्य तर्जन्याकारवेष्टितम्
vāmabāhustadā nityaṃ ubhayāgraṃ prakalpyate / dakṣiṇaṃ bhujamāśliṣya tarjanyākāraveṣṭitam
Sanskrit only: no published translation is held for this verse.
एषा वज्रधरा नित्यं वराहीति प्रकल्प्यते । तदेव विसृतौ बाहू नृत्ययोगेन कल्पितौ
eṣā vajradharā nityaṃ varāhīti prakalpyate / tadeva visṛtau bāhū nṛtyayogena kalpitau
Sanskrit only: no published translation is held for this verse.
उभौ तर्जन्याकारतः क्षिप्रौ वज्रचामुण्डि मुच्यते । स एव विसृताकारौ उभौ पाणौ समाशृतौ
ubhau tarjanyākārataḥ kṣiprau vajracāmuṇḍi mucyate / sa eva visṛtākārau ubhau pāṇau samāśṛtau
Sanskrit only: no published translation is held for this verse.
ऊर्ध्वमाशृत्य गता दृष्टिः घोरा चामुण्डि मुच्यते । कौमारी तु भवेन्मुद्रा कार्त्तिकेयस्य महामही
ūrdhvamāśṛtya gatā dṛṣṭiḥ ghorā cāmuṇḍi mucyate / kaumārī tu bhavenmudrā kārttikeyasya mahāmahī
Sanskrit only: no published translation is held for this verse.
तदेव हस्तौ विन्यस्य सूच्याग्रं तु मीलयेत् । विसृतैरङ्गुलीभिश्च इयं मुद्रा सर्वमातरी
tadeva hastau vinyasya sūcyāgraṃ tu mīlayet / visṛtairaṅgulībhiśca iyaṃ mudrā sarvamātarī
Sanskrit only: no published translation is held for this verse.
एषा सर्वमुद्राणां मातराणां तु महर्द्धिका । एतेन सर्वकर्मा वै बालिशानां तु कल्पयेतु
eṣā sarvamudrāṇāṃ mātarāṇāṃ tu maharddhikā / etena sarvakarmā vai bāliśānāṃ tu kalpayetu
Sanskrit only: no published translation is held for this verse.
सूतिकानां च नारीणां गर्भस्थानं च देहिनाम् । रक्षमोक्षणमुद्रेषु प्रेतव्यन्तरकश्मलैः
sūtikānāṃ ca nārīṇāṃ garbhasthānaṃ ca dehinām / rakṣamokṣaṇamudreṣu pretavyantarakaśmalaiḥ
Sanskrit only: no published translation is held for this verse.
मोक्षणार्थं तु कल्पीत ग्रहमातरनैरृताम् । हितार्थं प्राणिनां लोके मुद्रा भवति सुखावहा
mokṣaṇārthaṃ tu kalpīta grahamātaranairṛtām / hitārthaṃ prāṇināṃ loke mudrā bhavati sukhāvahā
Sanskrit only: no published translation is held for this verse.
श्रेयसः सर्वमन्त्राणां भूतानां प्रयुक्ता सुखदा हिता । क्षुद्रकर्मेषु सर्वत्र योजयेत् सर्वत्र जापिनः
śreyasaḥ sarvamantrāṇāṃ bhūtānāṃ prayuktā sukhadā hitā / kṣudrakarmeṣu sarvatra yojayet sarvatra jāpinaḥ
Sanskrit only: no published translation is held for this verse.
एते मुद्रा सदा मन्त्रैरेतैरेव प्रयोजयेत् । तथैव हस्तौ संन्यस्य स्वकुण्डलाभोगवेष्टितौ
ete mudrā sadā mantrairetaireva prayojayet / tathaiva hastau saṃnyasya svakuṇḍalābhogaveṣṭitau
Sanskrit only: no published translation is held for this verse.
अङ्गुलीभिः समन्ताद् वै मुद्रा नागीति गीयते । तथैव मङ्गुलिमध्यस्थौ सूच्याग्रं तु मीलितौ
aṅgulībhiḥ samantād vai mudrā nāgīti gīyate / tathaiva maṅgulimadhyasthau sūcyāgraṃ tu mīlitau
Sanskrit only: no published translation is held for this verse.
भवेन्नागमूखी मुद्रा प्रकृष्टा सर्वकर्मसु । या सा मुद्रवरा ज्ञेया माला लोके प्रकल्पते
bhavennāgamūkhī mudrā prakṛṣṭā sarvakarmasu / yā sā mudravarā jñeyā mālā loke prakalpate
Sanskrit only: no published translation is held for this verse.
तथैव हस्तौ संन्यस्य अङ्गुलीभिः समन्ततः । वेणिकाकार वद्ध्वा वै मुष्ट्याकारं तु कारयेत्
tathaiva hastau saṃnyasya aṅgulībhiḥ samantataḥ / veṇikākāra vaddhvā vai muṣṭyākāraṃ tu kārayet
Sanskrit only: no published translation is held for this verse.
तथैव सम्पुटाकारौ अङ्गुष्ठौ मध्यनामितौ । सा भवेन्मालमुद्रा तु सर्वकर्मार्थसाधनी
tathaiva sampuṭākārau aṅguṣṭhau madhyanāmitau / sā bhavenmālamudrā tu sarvakarmārthasādhanī
Sanskrit only: no published translation is held for this verse.