अथ खलु वज्रपाणिर्गुह्यकाधिपतिः सर्वावन्तं महापर्षन्मण्डल मवलोक्य सर्वांस्तां शुद्धावासोपरिनिषण्णां भूतसङ्घानामन्त्रयते स्म । शृण्वन्तु भवन्तो मार्षा यमान्तकस्य क्रोधराजस्यापरिमितबलपराक्रमस्य दुर्दान्तदमकस्य वैवस्वतजीवितान्तकरस्य दुष्टसत्त्वनिग्रहतत्परस्य महाबोधिसत्त्वस्य मञ्जुश्रियभाषितस्य महाबोधिसत्त्वस्यादौ तावत् पटविधानं भवति ॥ न तिथिर्न च नक्षत्रं नोपवासो विधीयते । अरीणां भयमुत्पन्ने पटमेतं लिखापयेत्
atha khalu vajrapāṇirguhyakādhipatiḥ sarvāvantaṃ mahāparṣanmaṇḍala mavalokya sarvāṃstāṃ śuddhāvāsopariniṣaṇṇāṃ bhūtasaṅghānāmantrayate sma / śṛṇvantu bhavanto mārṣā yamāntakasya krodharājasyāparimitabalaparākramasya durdāntadamakasya vaivasvatajīvitāntakarasya duṣṭasattvanigrahatatparasya mahābodhisattvasya mañjuśriyabhāṣitasya mahābodhisattvasyādau tāvat paṭavidhānaṃ bhavati // na tithirna ca nakṣatraṃ nopavāso vidhīyate / arīṇāṃ bhayamutpanne paṭametaṃ likhāpayet
Sanskrit only: no published translation is held for this verse.
गृह्य कृष्णे निशापक्षे चतुर्दश्याष्टमौ तिथौ । श्मशाने मृतकं प्राप्य ब्राह्मणस्य अम्बरं तम्
gṛhya kṛṣṇe niśāpakṣe caturdaśyāṣṭamau tithau / śmaśāne mṛtakaṃ prāpya brāhmaṇasya ambaraṃ tam
Sanskrit only: no published translation is held for this verse.
गृह्य ततो रात्रौ असृणां रङ्गयेत् ततः । भूयो जलशौचं तु सुशुष्कं कारयेत्ततः
gṛhya tato rātrau asṛṇāṃ raṅgayet tataḥ / bhūyo jalaśaucaṃ tu suśuṣkaṃ kārayettataḥ
Sanskrit only: no published translation is held for this verse.
क्रूरं चित्रकरं क्रुद्धं भीषणे चापि लेखयेत् । श्मशाने कृष्णपक्षे च त्रिरात्रेणैव समापयेत्
krūraṃ citrakaraṃ kruddhaṃ bhīṣaṇe cāpi lekhayet / śmaśāne kṛṣṇapakṣe ca trirātreṇaiva samāpayet
Sanskrit only: no published translation is held for this verse.
अष्टमीं चतुर्दशीरात्रौ महावसादीपदीपितः । तत्र स्थितः चित्रकरः दक्षिणाभिमुखः सदा
aṣṭamīṃ caturdaśīrātrau mahāvasādīpadīpitaḥ / tatra sthitaḥ citrakaraḥ dakṣiṇābhimukhaḥ sadā
Sanskrit only: no published translation is held for this verse.
कपाले मानुषासीने कृतरक्षः समाहिते । स्वयं वा आलिखेन्मन्त्री अरिदुःखभयार्दितः
kapāle mānuṣāsīne kṛtarakṣaḥ samāhite / svayaṃ vā ālikhenmantrī ariduḥkhabhayārditaḥ
Sanskrit only: no published translation is held for this verse.
प्रथमे रात्रिमारब्धे अरीणो ऽपि महद् भयम् । द्वितीये महाज्वरेणापि आविष्टः शत्रुमूर्च्छितः
prathame rātrimārabdhe arīṇo 'pi mahad bhayam / dvitīye mahājvareṇāpi āviṣṭaḥ śatrumūrcchitaḥ
Sanskrit only: no published translation is held for this verse.
तृतीये मुञ्चते प्राणां परलोकगतो भवेत् । कुतस्तस्य भवेच्छान्ति अप्रसन्नेन मन्त्रिणा
tṛtīye muñcate prāṇāṃ paralokagato bhavet / kutastasya bhavecchānti aprasannena mantriṇā
Sanskrit only: no published translation is held for this verse.
देहं शुष्यति शत्रोर्वै गृहभङ्गोपजायते । लिखनात् पटमेवं तु यमान्तस्य महाभये
dehaṃ śuṣyati śatrorvai gṛhabhaṅgopajāyate / likhanāt paṭamevaṃ tu yamāntasya mahābhaye
Sanskrit only: no published translation is held for this verse.
पण्मुखं षट्चरणं लेख्यं कृष्णवर्णं वृकोदरम् । ॥॥॥। क्रुद्धं व्याघ्रचर्मनिवसनम्
paṇmukhaṃ ṣaṭcaraṇaṃ lekhyaṃ kṛṣṇavarṇaṃ vṛkodaram / ....... kruddhaṃ vyāghracarmanivasanam
Sanskrit only: no published translation is held for this verse.
नानाप्रहरणं घोरं दण्डहस्तं भयानकम् । रक्तनेत्रं सरोषं च त्रिनेत्रगतिचिह्नितम्
nānāpraharaṇaṃ ghoraṃ daṇḍahastaṃ bhayānakam / raktanetraṃ saroṣaṃ ca trinetragaticihnitam
Sanskrit only: no published translation is held for this verse.
ऊर्ध्वकेशं सजालं वै धूम्रवर्णं क्वचित् तथा । कृष्णाञ्जननिभं घोरं प्रावृण्मेधसमप्रभम्
ūrdhvakeśaṃ sajālaṃ vai dhūmravarṇaṃ kvacit tathā / kṛṣṇāñjananibhaṃ ghoraṃ prāvṛṇmedhasamaprabham
Sanskrit only: no published translation is held for this verse.
कृतान्तरूपसङ्काशं महिषारूढं तु आलिखेत् । क्रूरकर्मं महाभीमं रौद्रं रुद्रघातकम्
kṛtāntarūpasaṅkāśaṃ mahiṣārūḍhaṃ tu ālikhet / krūrakarmaṃ mahābhīmaṃ raudraṃ rudraghātakam
Sanskrit only: no published translation is held for this verse.
यमजीवितनाशं वै उद्यन्तं सत्त्वघातकम् । क्रूरं भृशं सर्वकर्माणं भीषणापतिदारुणम्
yamajīvitanāśaṃ vai udyantaṃ sattvaghātakam / krūraṃ bhṛśaṃ sarvakarmāṇaṃ bhīṣaṇāpatidāruṇam
Sanskrit only: no published translation is held for this verse.
भयस्यापि भयत्रासं मारकं सर्वदेहिनाम् । एतत् क्रुद्धवरं लिख्य आत्मशोणितवर्णकैः
bhayasyāpi bhayatrāsaṃ mārakaṃ sarvadehinām / etat kruddhavaraṃ likhya ātmaśoṇitavarṇakaiḥ
Sanskrit only: no published translation is held for this verse.
व्यतिमिश्रमुज्ज्वलैर्लेख्य महावसागव्यमिश्रितैः । कपालभाजनैश्चापि मानुषास्थिसुसम्भवैः
vyatimiśramujjvalairlekhya mahāvasāgavyamiśritaiḥ / kapālabhājanaiścāpi mānuṣāsthisusambhavaiḥ
Sanskrit only: no published translation is held for this verse.
कूर्चकैर्वर्किकैर्मुक्तो मृतकेशसुसम्भवैः । अभुञ्जानस्तथालिख्य स्वयं वा चित्रकरेण वा
kūrcakairvarkikairmukto mṛtakeśasusambhavaiḥ / abhuñjānastathālikhya svayaṃ vā citrakareṇa vā
Sanskrit only: no published translation is held for this verse.
प्रभूतबलिपुष्पाद्यैः रक्तमाल्यैर्वरचन्दनैः । महामांसवसाधूपैर्वसादीपैश्च भूषितम् । कारयेत् पटवरमादौ अन्ते मध्ये च पूजना
prabhūtabalipuṣpādyaiḥ raktamālyairvaracandanaiḥ / mahāmāṃsavasādhūpairvasādīpaiśca bhūṣitam / kārayet paṭavaramādau ante madhye ca pūjanā
Sanskrit only: no published translation is held for this verse.
परिस्फुटं तु फटं कृत्वा वित्तं दत्त्वा तु शिल्पिने । प्रभूतं चापि मूल्यं वै येन वा तुष्यते सदा । अवध्यं तस्य कर्तव्यं धर्मं चापि सहाभयम्
parisphuṭaṃ tu phaṭaṃ kṛtvā vittaṃ dattvā tu śilpine / prabhūtaṃ cāpi mūlyaṃ vai yena vā tuṣyate sadā / avadhyaṃ tasya kartavyaṃ dharmaṃ cāpi sahābhayam
Sanskrit only: no published translation is held for this verse.
यथेप्सितं तस्य कुर्वीत वीरमूल्यं समासतः । सफलं शिल्पिने कर्म निरामिषं चापि वर्जयेत्
yathepsitaṃ tasya kurvīta vīramūlyaṃ samāsataḥ / saphalaṃ śilpine karma nirāmiṣaṃ cāpi varjayet
Sanskrit only: no published translation is held for this verse.
तथा तथा प्रयुञ्जीत यथासौ सम्प्रतुष्यते । महारक्षा च कर्तव्या अन्यथा मृयते ह्यसौ
tathā tathā prayuñjīta yathāsau sampratuṣyate / mahārakṣā ca kartavyā anyathā mṛyate hyasau
Sanskrit only: no published translation is held for this verse.
सकुटुम्बो नश्यते कर्मी आत्मनश्चापि रक्षयेत् । जप्तविद्येन कर्त्तव्यं नान्येषां विधिरुच्यते
sakuṭumbo naśyate karmī ātmanaścāpi rakṣayet / japtavidyena karttavyaṃ nānyeṣāṃ vidhirucyate
Sanskrit only: no published translation is held for this verse.
परिस्फुटं तु पटं कृत्वा दृष्ट्वा वा मनसेप्सितम् । सर्वां च कारयेत् कर्मां रौद्रां शत्रूपघातकाम्
parisphuṭaṃ tu paṭaṃ kṛtvā dṛṣṭvā vā manasepsitam / sarvāṃ ca kārayet karmāṃ raudrāṃ śatrūpaghātakām
Sanskrit only: no published translation is held for this verse.
गृह्य पटवरं गच्छेद् यथेष्टं यत्र वाञ्छितम् । महायक्षां महाराज्ञां महावित्तसगर्विताम्
gṛhya paṭavaraṃ gacched yatheṣṭaṃ yatra vāñchitam / mahāyakṣāṃ mahārājñāṃ mahāvittasagarvitām
Sanskrit only: no published translation is held for this verse.
महामानातिमानानां क्रूरां क्रूरकर्मिणाम् । रत्नत्रयापकारीणां नास्तिक्यां मन्त्रवर्जिताम् । अपूजकानां तु मन्त्राणां तद्भक्तासृतनिन्दकाम्
mahāmānātimānānāṃ krūrāṃ krūrakarmiṇām / ratnatrayāpakārīṇāṃ nāstikyāṃ mantravarjitām / apūjakānāṃ tu mantrāṇāṃ tadbhaktāsṛtanindakām
Sanskrit only: no published translation is held for this verse.
जापिनां निन्दका ये च तेषां चैव पराभवा । तेषां प्रयोगः कर्त्तव्यः विधिदृष्टेन कर्मणा
jāpināṃ nindakā ye ca teṣāṃ caiva parābhavā / teṣāṃ prayogaḥ karttavyaḥ vidhidṛṣṭena karmaṇā
Sanskrit only: no published translation is held for this verse.
अधर्मिष्ठां तथा नित्यां सर्वसत्त्वानुतापिनाम् । तेषां तु कर्म प्रयुञ्जीत सद्यः प्राणोपरोधिनम्
adharmiṣṭhāṃ tathā nityāṃ sarvasattvānutāpinām / teṣāṃ tu karma prayuñjīta sadyaḥ prāṇoparodhinam
Sanskrit only: no published translation is held for this verse.
गृह्यारिष्टफलं पत्रं त्वचं चापि समूलतः । काञ्जिकं आम्लसंयुक्तं मानुषास्थिसचूर्णितम्
gṛhyāriṣṭaphalaṃ patraṃ tvacaṃ cāpi samūlataḥ / kāñjikaṃ āmlasaṃyuktaṃ mānuṣāsthisacūrṇitam
Sanskrit only: no published translation is held for this verse.
कटुतैलविषं चैव अम्लवेतसमार्द्रकम् । राजिकं रुधिरं चैव मानुषोद्भवसम्भवम्
kaṭutailaviṣaṃ caiva amlavetasamārdrakam / rājikaṃ rudhiraṃ caiva mānuṣodbhavasambhavam
Sanskrit only: no published translation is held for this verse.
गृह्य सर्वं समायुक्तं पटं स्थाप्य विवेकतः । दक्षिणाभिमुखो भूत्वा पटश्चापि उदङ्मुखः
gṛhya sarvaṃ samāyuktaṃ paṭaṃ sthāpya vivekataḥ / dakṣiṇābhimukho bhūtvā paṭaścāpi udaṅmukhaḥ
Sanskrit only: no published translation is held for this verse.
कृत्वाग्निकुण्डं यथेष्टं वै शुक्लकाष्ठैः कटुमुद्भवैः । ज्वालयं कटकैश्चापि तस्मिं कुण्डे समाहितः । पुह्यात् सर्वसमायुक्तं विधिनिर्दिष्टहौमिकम्
kṛtvāgnikuṇḍaṃ yatheṣṭaṃ vai śuklakāṣṭhaiḥ kaṭumudbhavaiḥ / jvālayaṃ kaṭakaiścāpi tasmiṃ kuṇḍe samāhitaḥ / puhyāt sarvasamāyuktaṃ vidhinirdiṣṭahaumikam
Sanskrit only: no published translation is held for this verse.
अग्निराहूय मन्त्रैस्तु क्रोधराजस्य वै पुनः । बद्ध्वा शूलमुद्रं तु सर्वकर्मेषु वा इह
agnirāhūya mantraistu krodharājasya vai punaḥ / baddhvā śūlamudraṃ tu sarvakarmeṣu vā iha
Sanskrit only: no published translation is held for this verse.
सहस्राष्टमाहुतिं दद्यादग्निकुण्डे सरोषतः । प्रथमे पुत्रमरणं सत्त्वे प्राप्ते तु तं भवेत्
sahasrāṣṭamāhutiṃ dadyādagnikuṇḍe saroṣataḥ / prathame putramaraṇaṃ sattve prāpte tu taṃ bhavet
Sanskrit only: no published translation is held for this verse.
द्वितीये चापि भार्या वै पार्षद्याः सनायकाः । तृतीये मरणं तस्य यस्योद्दिश्यं हि तत् कृतम्
dvitīye cāpi bhāryā vai pārṣadyāḥ sanāyakāḥ / tṛtīye maraṇaṃ tasya yasyoddiśyaṃ hi tat kṛtam
Sanskrit only: no published translation is held for this verse.
अर्धरात्रे यदा जापः क्रियते पटसन्निधौ । शत्रूणां च वधार्थाय तत् तथैवानुवर्तते
ardharātre yadā jāpaḥ kriyate paṭasannidhau / śatrūṇāṃ ca vadhārthāya tat tathaivānuvartate
Sanskrit only: no published translation is held for this verse.
राष्ट्रभङ्गं भवेत् तस्य सेनायां मारिसम्भवम् । अग्निदाहं महावातं महावृष्टिश्च जायते
rāṣṭrabhaṅgaṃ bhavet tasya senāyāṃ mārisambhavam / agnidāhaṃ mahāvātaṃ mahāvṛṣṭiśca jāyate
Sanskrit only: no published translation is held for this verse.
समस्तं सर्वतश्चक्रं परचक्रेण हन्यते । विविधोपद्रवा तस्य महाव्याधिसमाकुलम्
samastaṃ sarvataścakraṃ paracakreṇa hanyate / vividhopadravā tasya mahāvyādhisamākulam
Sanskrit only: no published translation is held for this verse.
देहं शुष्यति सर्वं वै तस्य राज्ञो न संशयः । अमानुषाकीर्ण सर्वन्तं गृहं तस्य समाकुलम्
dehaṃ śuṣyati sarvaṃ vai tasya rājño na saṃśayaḥ / amānuṣākīrṇa sarvantaṃ gṛhaṃ tasya samākulam
Sanskrit only: no published translation is held for this verse.
धृतिं न लभते शय्यां आवर्तं च महीतले । राक्षसैः प्रेतक्रव्यादैः गृहं तस्य समावृतम्
dhṛtiṃ na labhate śayyāṃ āvartaṃ ca mahītale / rākṣasaiḥ pretakravyādaiḥ gṛhaṃ tasya samāvṛtam
Sanskrit only: no published translation is held for this verse.
आर्त्तो बिभेति सर्वत्र तीव्रदुःखैः सुदुःखितः । अशक्ता रक्षितुं तस्य महेश्वराद्या भुवि देवता
ārtto bibheti sarvatra tīvraduḥkhaiḥ suduḥkhitaḥ / aśaktā rakṣituṃ tasya maheśvarādyā bhuvi devatā
Sanskrit only: no published translation is held for this verse.
ब्रह्माद्या लोकपालाश्च शक्राद्या त्रिदशेश्वराः । सर्वमन्त्राः सर्वदेवाश्च सर्वलौकिकसम्भवा
brahmādyā lokapālāśca śakrādyā tridaśeśvarāḥ / sarvamantrāḥ sarvadevāśca sarvalaukikasambhavā
Sanskrit only: no published translation is held for this verse.
दुष्टारे मानिने क्रुद्धे तदन्तं तस्य जीवितम् । अर्धरात्रे तु मध्याह्ने भाषितो यत्र जापिनः । क्रुद्धो वेवस्वतः साक्षाद् यमराजावकल्पते
duṣṭāre mānine kruddhe tadantaṃ tasya jīvitam / ardharātre tu madhyāhne bhāṣito yatra jāpinaḥ / kruddho vevasvataḥ sākṣād yamarājāvakalpate
Sanskrit only: no published translation is held for this verse.
यथेष्टं कृष्णपक्षे च पटं संस्थाप्य महीतले । महतिं पूजां बलिं कृत्वा श्मशानारण्यसम्भवे
yatheṣṭaṃ kṛṣṇapakṣe ca paṭaṃ saṃsthāpya mahītale / mahatiṃ pūjāṃ baliṃ kṛtvā śmaśānāraṇyasambhave
Sanskrit only: no published translation is held for this verse.
एकवृक्षे तथा लिङ्गे शैले प्रान्ते गुहासु वा । एकाकी अद्वितीयश्च सदा कर्म समारभेत्
ekavṛkṣe tathā liṅge śaile prānte guhāsu vā / ekākī advitīyaśca sadā karma samārabhet
Sanskrit only: no published translation is held for this verse.
महारण्ये विविक्ते च शून्ये देवकुलेषु च । शून्ये मन्दिरे नद्यां अम्बुधेः तटमाश्रिते
mahāraṇye vivikte ca śūnye devakuleṣu ca / śūnye mandire nadyāṃ ambudheḥ taṭamāśrite
Sanskrit only: no published translation is held for this verse.
तत्र देशे समीपे वा तत्रस्थे वा यथेप्सितम् । योजनाशतमभ्यन्तर सदा कर्माणि कारयेत्
tatra deśe samīpe vā tatrasthe vā yathepsitam / yojanāśatamabhyantara sadā karmāṇi kārayet
Sanskrit only: no published translation is held for this verse.
एतत् प्रमाणकर्माणि कारयेच्छुचिना सदा । अप्रमेयस्थितो वापि गतदेशामितः शुचिः
etat pramāṇakarmāṇi kārayecchucinā sadā / aprameyasthito vāpi gatadeśāmitaḥ śuciḥ
Sanskrit only: no published translation is held for this verse.
अचिन्त्यमन्त्रविषये अचिन्त्यं मन्त्रगोचरम् । अचिन्त्यो ऋद्धिमन्त्राणां अचिन्त्यं सिद्धिजापिनाम् । अचिन्त्यं दृश्यते कर्म फलं चापि अचिन्त्यकम्
acintyamantraviṣaye acintyaṃ mantragocaram / acintyo ṛddhimantrāṇāṃ acintyaṃ siddhijāpinām / acintyaṃ dṛśyate karma phalaṃ cāpi acintyakam
Sanskrit only: no published translation is held for this verse.
क्रोधराजस्य यमान्तकस्य महात्मने । कर्मं ऋद्धिविषयं विकुर्वणं च महोदयम् । अचिन्त्यं रूपिणां सिद्धि दृश्यते ह महीतले
krodharājasya yamāntakasya mahātmane / karmaṃ ṛddhiviṣayaṃ vikurvaṇaṃ ca mahodayam / acintyaṃ rūpiṇāṃ siddhi dṛśyate ha mahītale
Sanskrit only: no published translation is held for this verse.
अशक्ता रक्षयितुं सर्वे बोधिसत्त्वा महर्द्धिकाः । किं पुनर्लोकिका मन्त्राः सग्रहा मातराश्च ताः
aśaktā rakṣayituṃ sarve bodhisattvā maharddhikāḥ / kiṃ punarlokikā mantrāḥ sagrahā mātarāśca tāḥ
Sanskrit only: no published translation is held for this verse.
ईशानश्च सविष्णुर्वा स च स्कन्दो पुरन्दरः । समये धारिता ते ऽपि सजिना जिनपुत्रकाः
īśānaśca saviṣṇurvā sa ca skando purandaraḥ / samaye dhāritā te 'pi sajinā jinaputrakāḥ
Sanskrit only: no published translation is held for this verse.
बोधिसत्त्वा महात्मानो दशभूमिसमासृताः । प्रत्येकबुद्धा ह्यर्हन्त वीतरागा महर्द्धिकाः । अशक्ता रक्षयितुं ते ऽपि समयं तैः पुरा कृतम्
bodhisattvā mahātmāno daśabhūmisamāsṛtāḥ / pratyekabuddhā hyarhanta vītarāgā maharddhikāḥ / aśaktā rakṣayituṃ te 'pi samayaṃ taiḥ purā kṛtam
Sanskrit only: no published translation is held for this verse.
संक्षेपेण तु वक्ष्यामि शृणुध्वं भूतकांक्षिणा । नान्यो निवर्त्तने शक्तः अप्रसन्नेन जापिने । कुतस्तस्य भवेच्छान्तिरतुष्टे मन्त्रवरे इह
saṃkṣepeṇa tu vakṣyāmi śṛṇudhvaṃ bhūtakāṃkṣiṇā / nānyo nivarttane śaktaḥ aprasannena jāpine / kutastasya bhavecchāntiratuṣṭe mantravare iha
Sanskrit only: no published translation is held for this verse.
यदा प्रसन्नमनसः करुणार्द्रा व भवेत् कदा । जापिनः क्रोधराजस्य यमान्तस्य महात्मने । तदादौ लभते शान्तिं धृतिं वा जीवधारणम्
yadā prasannamanasaḥ karuṇārdrā va bhavet kadā / jāpinaḥ krodharājasya yamāntasya mahātmane / tadādau labhate śāntiṃ dhṛtiṃ vā jīvadhāraṇam
Sanskrit only: no published translation is held for this verse.
पिचुमन्दं कटुतैलं च काञ्जिकं विषपञ्चमम् । रुधिरं मानुषं मांसं लवणं त्रिकटुकं पुनः
picumandaṃ kaṭutailaṃ ca kāñjikaṃ viṣapañcamam / rudhiraṃ mānuṣaṃ māṃsaṃ lavaṇaṃ trikaṭukaṃ punaḥ
Sanskrit only: no published translation is held for this verse.
राजिकं शङ्खचूर्णं च अम्लवेतसमार्द्रकम् । धुर्धूरकस्य तु मूलानि कोशातक्या तथैव च
rājikaṃ śaṅkhacūrṇaṃ ca amlavetasamārdrakam / dhurdhūrakasya tu mūlāni kośātakyā tathaiva ca
Sanskrit only: no published translation is held for this verse.
एरण्डमूलं यवक्षारं कुसुम्भं चापि कण्टकम् । मदनोद्भवमूलं च लशुनं गृञ्जनकं तथा
eraṇḍamūlaṃ yavakṣāraṃ kusumbhaṃ cāpi kaṇṭakam / madanodbhavamūlaṃ ca laśunaṃ gṛñjanakaṃ tathā
Sanskrit only: no published translation is held for this verse.
पलाशशाखोटकं चैव ससुरासवा । सर्वान्येतानि समं कृत्वा जुहुयात् अग्नौ पटसन्निधौ
palāśaśākhoṭakaṃ caiva sasurāsavā / sarvānyetāni samaṃ kṛtvā juhuyāt agnau paṭasannidhau
Sanskrit only: no published translation is held for this verse.
हुते सहस्रमष्टे तु शत्रुनाशः समूलतः । सर्वां वा राजिकां हन्या पारिषद्यां शुभाशुभाम्
hute sahasramaṣṭe tu śatrunāśaḥ samūlataḥ / sarvāṃ vā rājikāṃ hanyā pāriṣadyāṃ śubhāśubhām
Sanskrit only: no published translation is held for this verse.
समूलोद्धरणं तस्य द्वितीये सन्ध्ये तु जुह्वता । तृतीये समनुप्राप्ते सन्ध्ये जुह्वत जापिना
samūloddharaṇaṃ tasya dvitīye sandhye tu juhvatā / tṛtīye samanuprāpte sandhye juhvata jāpinā
Sanskrit only: no published translation is held for this verse.
दुर्भिक्षं भवते तस्य जने चापि सनैगमे । अनावृष्टिमहामार्यः राक्षसाकीर्णसर्वतः
durbhikṣaṃ bhavate tasya jane cāpi sanaigame / anāvṛṣṭimahāmāryaḥ rākṣasākīrṇasarvataḥ
Sanskrit only: no published translation is held for this verse.
अग्निदाहं शिलापातं वज्रनिर्घातसाशनिः । जनपदं देशविषयं वा यवाः तस्य नराधिपे
agnidāhaṃ śilāpātaṃ vajranirghātasāśaniḥ / janapadaṃ deśaviṣayaṃ vā yavāḥ tasya narādhipe
Sanskrit only: no published translation is held for this verse.
बह्नोपद्रवसम्पातं वरचक्रागमं तथा । अनेकधा बहुधाश्चापि तस्य देशे उपद्रवाः । जायन्ते विविधाकाराः महालक्ष्मीप्रणाशनैः
bahnopadravasampātaṃ varacakrāgamaṃ tathā / anekadhā bahudhāścāpi tasya deśe upadravāḥ / jāyante vividhākārāḥ mahālakṣmīpraṇāśanaiḥ
Sanskrit only: no published translation is held for this verse.
धुर्धूरकमूलं जुहुयादेकं उन्मत्तिस्तस्य जायते । कटुकं जुह्वतो नित्यं महादाहेन गृह्यते । अत्यम्लं जुह्वतो मग्नौ महाज्वरं शीतसम्भवम्
dhurdhūrakamūlaṃ juhuyādekaṃ unmattistasya jāyate / kaṭukaṃ juhvato nityaṃ mahādāhena gṛhyate / atyamlaṃ juhvato magnau mahājvaraṃ śītasambhavam
Sanskrit only: no published translation is held for this verse.
सम्भवेत् तस्य देहस्थः दुष्टराज्ञां बलगर्विताम् । महायक्षां धनिनां क्रूरां महासैन्यसमासृताम् । द्विरात्रे सप्तरात्रे वा मरणं तस्य जीवितम्
sambhavet tasya dehasthaḥ duṣṭarājñāṃ balagarvitām / mahāyakṣāṃ dhanināṃ krūrāṃ mahāsainyasamāsṛtām / dvirātre saptarātre vā maraṇaṃ tasya jīvitam
Sanskrit only: no published translation is held for this verse.
यो यस्य देवताभक्तः नक्षत्रो वा नामतो लिखेत् । श्मशानाङ्गारैः कृतिं कृत्वा पटस्याग्रतभूसृतम् । आक्रम्य पादतो मूर्ध्ना सङ्क्रुद्धो जपमाचरेत्
yo yasya devatābhaktaḥ nakṣatro vā nāmato likhet / śmaśānāṅgāraiḥ kṛtiṃ kṛtvā paṭasyāgratabhūsṛtam / ākramya pādato mūrdhnā saṅkruddho japamācaret
Sanskrit only: no published translation is held for this verse.
अकस्माद् विविधैः शूलैः गृह्यते ऽसौ नराधिपः । महाव्याधिसमाक्रान्तः मृयते वापि तत्क्षणात्
akasmād vividhaiḥ śūlaiḥ gṛhyate 'sau narādhipaḥ / mahāvyādhisamākrāntaḥ mṛyate vāpi tatkṣaṇāt
Sanskrit only: no published translation is held for this verse.
पशुना हन्यते चापि व्यङ्गो वा भवते पुनः । भक्ष्यते राक्षसै क्रूरैः कश्मलामानुषोद्भवैः
paśunā hanyate cāpi vyaṅgo vā bhavate punaḥ / bhakṣyate rākṣasai krūraiḥ kaśmalāmānuṣodbhavaiḥ
Sanskrit only: no published translation is held for this verse.
क्रव्यादैः पूतनैश्चापि पिशाचैः प्रेतमातरैः । तत्क्षणाद्धन्यते चापि आत्मनश्चापि सेवकैः
kravyādaiḥ pūtanaiścāpi piśācaiḥ pretamātaraiḥ / tatkṣaṇāddhanyate cāpi ātmanaścāpi sevakaiḥ
Sanskrit only: no published translation is held for this verse.
अथ वज्रधरः श्रीमां इत्युक्त्वा परिषेत्तदा । सर्वबुद्धां नमस्कृत्य तूष्णीम्भूतो ततः स्थिरे
atha vajradharaḥ śrīmāṃ ityuktvā pariṣettadā / sarvabuddhāṃ namaskṛtya tūṣṇīmbhūto tataḥ sthire
Sanskrit only: no published translation is held for this verse.
लोकानां हितकाम्यार्थं पुनरेवमुमूचत । सर्वां यक्षगणां मन्त्रः यक्षीणां च स सर्वतः
lokānāṃ hitakāmyārthaṃ punarevamumūcata / sarvāṃ yakṣagaṇāṃ mantraḥ yakṣīṇāṃ ca sa sarvataḥ
Sanskrit only: no published translation is held for this verse.
उवाच बोधिसत्त्वो वै यक्षसेनापतिस्तदा । यक्षीणां पटलं वव्रे सर्वकर्मोपसंहितम् । सर्वाकर्षं वशं चैव सर्वशल्याननुद्धरम्
uvāca bodhisattvo vai yakṣasenāpatistadā / yakṣīṇāṃ paṭalaṃ vavre sarvakarmopasaṃhitam / sarvākarṣaṃ vaśaṃ caiva sarvaśalyānanuddharam
Sanskrit only: no published translation is held for this verse.
मैथुनार्थी यदा मन्त्री रागान्धो वाथ मूढधीः । न शक्य प्रतिपक्षेण सुगताज्ञैर्निवारितुम्
maithunārthī yadā mantrī rāgāndho vātha mūḍhadhīḥ / na śakya pratipakṣeṇa sugatājñairnivāritum
Sanskrit only: no published translation is held for this verse.
अनादिमति संसारे पुराभ्यस्तं सुदुःखितैः । दुःखा दुःखतरं तेषां गतिरुक्ता तथागतैः
anādimati saṃsāre purābhyastaṃ suduḥkhitaiḥ / duḥkhā duḥkhataraṃ teṣāṃ gatiruktā tathāgataiḥ
Sanskrit only: no published translation is held for this verse.
शोभनां गतिमाप्नोति ब्रह्मचारी जितेन्द्रियः । भद्रं शिवं च निर्दिष्टमन्त्रे शान्तिमवाप्नुयात्
śobhanāṃ gatimāpnoti brahmacārī jitendriyaḥ / bhadraṃ śivaṃ ca nirdiṣṭamantre śāntimavāpnuyāt
Sanskrit only: no published translation is held for this verse.
त्रियानसमतारूढः माप्नुयान्ते सुनिर्वृतिम् । विपरीताः कुगतिग्रस्ता ये रागान्धा तपस्विनाम् । संसारगहने घोरे भ्रमन्ति गतिपञ्चके
triyānasamatārūḍhaḥ māpnuyānte sunirvṛtim / viparītāḥ kugatigrastā ye rāgāndhā tapasvinām / saṃsāragahane ghore bhramanti gatipañcake
Sanskrit only: no published translation is held for this verse.
तेषां दुःखितामर्थे कामभोगं तु वर्ण्यते । ते निर्वृता सर्वपापा तु त्रिधा दोषनिवर्तिता । शास्तुराज्ञासमाविष्टा मुच्यन्ते सर्वबन्धना इति
teṣāṃ duḥkhitāmarthe kāmabhogaṃ tu varṇyate / te nirvṛtā sarvapāpā tu tridhā doṣanivartitā / śāsturājñāsamāviṣṭā mucyante sarvabandhanā iti
Sanskrit only: no published translation is held for this verse.