Mrgendragama 1.13

तस्य प्राचीं दिशं शक्रः पात्यग्निः पूर्वदक्षिणाम् । दक्षिणां भूतसंहर्ता राक्षसो दक्षणापराम्

tasya prācīṃ diśaṃ śakraḥ pātyagniḥ pūrvadakṣiṇām / dakṣiṇāṃ bhūtasaṃhartā rākṣaso dakṣaṇāparām

Sanskrit only: no published translation is held for this verse.

पश्चिमां वरुणो देवो नभस्वान् पश्चिमोत्तराम् । उदीचीं सोमयक्षेशाव् ईशः प्रागुत्तरां दिशम्

paścimāṃ varuṇo devo nabhasvān paścimottarām / udīcīṃ somayakṣeśāv īśaḥ prāguttarāṃ diśam

Sanskrit only: no published translation is held for this verse.

ऊर्ध्वे ब्रह्मा हरिरधः सर्वार्थावहिताः सदा । एषामपि नियन्तारो रुद्रा दश दश स्थिताः

ūrdhve brahmā hariradhaḥ sarvārthāvahitāḥ sadā / eṣāmapi niyantāro rudrā daśa daśa sthitāḥ

Sanskrit only: no published translation is held for this verse.

भूमिमन्तो ऽप्यमी येषां नोत्क्रामन्ति भयात्पदम् । नानारूपैर्महावीर्यैस् तरुणार्कसमप्रभैः

bhūmimanto 'pyamī yeṣāṃ notkrāmanti bhayātpadam / nānārūpairmahāvīryais taruṇārkasamaprabhaiḥ

Sanskrit only: no published translation is held for this verse.

वृता नानायुधधरैर् नामभिस्तान्निबोध मे । बुध्नवज्रशरीराज- कपालीशप्रमर्दनाः

vṛtā nānāyudhadharair nāmabhistānnibodha me / budhnavajraśarīrāja- kapālīśapramardanāḥ

Sanskrit only: no published translation is held for this verse.

प्राग्विभूत्यव्ययौ शास्त पिनाकी त्रिदशाधिपः । भस्मक्षयान्तकहर- ज्वलनाग्निहुताशनाः

prāgvibhūtyavyayau śāsta pinākī tridaśādhipaḥ / bhasmakṣayāntakahara- jvalanāgnihutāśanāḥ

Sanskrit only: no published translation is held for this verse.

पिङ्गलः खादको बभ्रुर् दहनश्चाग्निदिग्गताः । विधातृधातृकर्त्रीश- कालमृत्युवियोजकाः

piṅgalaḥ khādako babhrur dahanaścāgnidiggatāḥ / vidhātṛdhātṛkartrīśa- kālamṛtyuviyojakāḥ

Sanskrit only: no published translation is held for this verse.

याम्यधर्मेशसंयोक्तृ- हराश्च यमनायकाः । निरृतिर्मारणक्रोध- हन्तृधूम्रविलोहिताः

yāmyadharmeśasaṃyoktṛ- harāśca yamanāyakāḥ / nirṛtirmāraṇakrodha- hantṛdhūmravilohitāḥ

Sanskrit only: no published translation is held for this verse.

ऊर्ध्वलिङ्गविरूपाक्ष- दंष्ट्रिभीमाः पलादपाः । बलातिबलपाशाङ्ग- श्वेतभूतजलान्तकाः

ūrdhvaliṅgavirūpākṣa- daṃṣṭribhīmāḥ palādapāḥ / balātibalapāśāṅga- śvetabhūtajalāntakāḥ

Sanskrit only: no published translation is held for this verse.

महाबलमहाबाहु- सुनाद्यब्दरवाः कपाः । लघुशीघ्रमहद्वेग- सूक्ष्मतीक्ष्णक्षयान्तकाः

mahābalamahābāhu- sunādyabdaravāḥ kapāḥ / laghuśīghramahadvega- sūkṣmatīkṣṇakṣayāntakāḥ

Sanskrit only: no published translation is held for this verse.

कपर्द्यब्देशपञ्चान्त- पञ्चचूडाश्च वायुपाः । निधीशो रूपवान् धन्य- सौम्यशान्तजटाधराः

kapardyabdeśapañcānta- pañcacūḍāśca vāyupāḥ / nidhīśo rūpavān dhanya- saumyaśāntajaṭādharāḥ

Sanskrit only: no published translation is held for this verse.

कामप्रसादलक्ष्मीश- प्रकाशाश्चेन्दुयक्षपाः । विद्येशसर्वविज्ज्ञान- वेदविज्ज्येष्ठवेदगाः

kāmaprasādalakṣmīśa- prakāśāścenduyakṣapāḥ / vidyeśasarvavijjñāna- vedavijjyeṣṭhavedagāḥ

Sanskrit only: no published translation is held for this verse.

विद्याविधातृभूतेश- बलिप्रियसुखाधिपाः । शम्भुर्गणाध्यक्षविभु- त्र्यक्षचण्डामरस्तुताः

vidyāvidhātṛbhūteśa- balipriyasukhādhipāḥ / śambhurgaṇādhyakṣavibhu- tryakṣacaṇḍāmarastutāḥ

Sanskrit only: no published translation is held for this verse.

विचक्षणनभोलिप्सु- संविवाहाश्च मूर्धनि । क्रोधनानिलभुग्भोगि- ग्रसनोदुम्बरेश्वराः

vicakṣaṇanabholipsu- saṃvivāhāśca mūrdhani / krodhanānilabhugbhogi- grasanodumbareśvarāḥ

Sanskrit only: no published translation is held for this verse.

वृषो विषधरो ऽनन्तो वज्रो दंष्ट्री च विष्णुपाः । ततो ऽम्भःप्रमुखा भोग- भूमयस्तासु संस्थिताः

vṛṣo viṣadharo 'nanto vajro daṃṣṭrī ca viṣṇupāḥ / tato 'mbhaḥpramukhā bhoga- bhūmayastāsu saṃsthitāḥ

Sanskrit only: no published translation is held for this verse.

पञ्चाष्टका नियोक्तॄणां क्षेत्रावाप्तफलश्रियः । भारभूत्याषाढिडिण्डि- लाकुल्यमरपुष्कराः

pañcāṣṭakā niyoktṝṇāṃ kṣetrāvāptaphalaśriyaḥ / bhārabhūtyāṣāḍhiḍiṇḍi- lākulyamarapuṣkarāḥ

Sanskrit only: no published translation is held for this verse.

प्रभासनैमिषौ चेति गुह्याष्टकमिदं जले । श्रीशालजल्पकेदार- भैरवाम्रातकेश्वराः

prabhāsanaimiṣau ceti guhyāṣṭakamidaṃ jale / śrīśālajalpakedāra- bhairavāmrātakeśvarāḥ

Sanskrit only: no published translation is held for this verse.

हरिश्चन्द्रमहाकालम् अध्याः सातिपदा रुचौ । महेन्द्रभीमविमल- कुरुक्षेत्रगयाखलाः

hariścandramahākālam adhyāḥ sātipadā rucau / mahendrabhīmavimala- kurukṣetragayākhalāḥ

Sanskrit only: no published translation is held for this verse.

सनापदोत्तराः साट्ट- हासाः सनाखलाः खगे । स्थाणुस्वर्णाक्षगोकर्ण- भद्रकर्णमहालयाः

sanāpadottarāḥ sāṭṭa- hāsāḥ sanākhalāḥ khage / sthāṇusvarṇākṣagokarṇa- bhadrakarṇamahālayāḥ

Sanskrit only: no published translation is held for this verse.

वस्त्रपदाविमुखाह्व- रुद्रकोट्यः खमण्डले । पवित्राष्टकमित्याहुर् गर्वे मात्रेन्द्रियगोचरे

vastrapadāvimukhāhva- rudrakoṭyaḥ khamaṇḍale / pavitrāṣṭakamityāhur garve mātrendriyagocare

Sanskrit only: no published translation is held for this verse.

स्थाण्वष्टकं द्विजश्रेष्ठ नामतः कथयामि ते । माकोटमण्डलेशान- द्विरण्डछगलाण्डकाः

sthāṇvaṣṭakaṃ dvijaśreṣṭha nāmataḥ kathayāmi te / mākoṭamaṇḍaleśāna- dviraṇḍachagalāṇḍakāḥ

Sanskrit only: no published translation is held for this verse.

स्थूलस्थूलेश्वरौ शङ्कु- कर्णकालञ्जरावपि । सूक्ष्मामरपुराण्यष्टौ बुद्धौ पैशाचमादितः

sthūlasthūleśvarau śaṅku- karṇakālañjarāvapi / sūkṣmāmarapurāṇyaṣṭau buddhau paiśācamāditaḥ

Sanskrit only: no published translation is held for this verse.

राक्षसं याक्षगान्धर्वं माहेन्द्रं च महर्द्धिमत् । सौम्यं प्राजेश्वरं ब्राह्मं दीप्तं परमया श्रिया

rākṣasaṃ yākṣagāndharvaṃ māhendraṃ ca maharddhimat / saumyaṃ prājeśvaraṃ brāhmaṃ dīptaṃ paramayā śriyā

Sanskrit only: no published translation is held for this verse.

गौणे योगीशधामानि त्वकृतं कृतरैभवम् । कृतभैरवम् क्स्त्स् ब्राह्मवैष्णवकौमारम् औमं श्रैकण्ठमन्ततः

gauṇe yogīśadhāmāni tvakṛtaṃ kṛtaraibhavam / kṛtabhairavam KSTS brāhmavaiṣṇavakaumāram aumaṃ śraikaṇṭhamantataḥ

Sanskrit only: no published translation is held for this verse.

वीरभद्रस्य रुचिमद् द्धाम योगिवरस्तुतम् । स्वपदाधो ऽधिकारस्थ- सर्वरुद्राधिकश्रियः

vīrabhadrasya rucimad ddhāma yogivarastutam / svapadādho 'dhikārastha- sarvarudrādhikaśriyaḥ

Sanskrit only: no published translation is held for this verse.

वामदेवभवानन्त- भीमोमापत्यजेश्वराः । सर्वेशानेश्वरावेक- वीरैकशिवसंज्ञितौ

vāmadevabhavānanta- bhīmomāpatyajeśvarāḥ / sarveśāneśvarāveka- vīraikaśivasaṃjñitau

Sanskrit only: no published translation is held for this verse.

उग्रः प्रचण्डदृक् चेशो गुणानां मूर्ध्नि संस्थिताः । तपसा गुरुणोपास्य क्रोधादीन् गुरुतां मताः

ugraḥ pracaṇḍadṛk ceśo guṇānāṃ mūrdhni saṃsthitāḥ / tapasā guruṇopāsya krodhādīn gurutāṃ matāḥ

Sanskrit only: no published translation is held for this verse.

स्वाधिकारविधौ तीक्ष्णा रुद्राः सर्वार्थदृक्क्रियाः । तेभ्यो दशगुणश्रीकान् प्रधानाधिपतीञ्छृणु

svādhikāravidhau tīkṣṇā rudrāḥ sarvārthadṛkkriyāḥ / tebhyo daśaguṇaśrīkān pradhānādhipatīñchṛṇu

Sanskrit only: no published translation is held for this verse.

क्रोधेशचण्डसंवर्त- ज्योतिःपिङ्गलसूरगाः । पञ्चान्तकैकवीरौ च शिखेद इति ते स्मृताः

krodheśacaṇḍasaṃvarta- jyotiḥpiṅgalasūragāḥ / pañcāntakaikavīrau ca śikheda iti te smṛtāḥ

Sanskrit only: no published translation is held for this verse.

सर्वेन्द्रियः सर्वतनुः सर्वान्तःकरणाश्रयः । पुरुषे नियतौ यन्ता काले कलनशक्तिमान्

sarvendriyaḥ sarvatanuḥ sarvāntaḥkaraṇāśrayaḥ / puruṣe niyatau yantā kāle kalanaśaktimān

Sanskrit only: no published translation is held for this verse.

भुवनेशमहादेव- वामदेवभवोद्भवाः । एकपिङ्गेक्षणेशाना- -ङ्गुष्ठमात्राश्च भास्वराः

bhuvaneśamahādeva- vāmadevabhavodbhavāḥ / ekapiṅgekṣaṇeśānā- -ṅguṣṭhamātrāśca bhāsvarāḥ

Sanskrit only: no published translation is held for this verse.

परमेशोपमा राग- विद्यागर्भे कलापदे । महापुरचतुःषष्टि- मण्डले मण्डलाधिपाः

parameśopamā rāga- vidyāgarbhe kalāpade / mahāpuracatuḥṣaṣṭi- maṇḍale maṇḍalādhipāḥ

Sanskrit only: no published translation is held for this verse.

अनन्तस्त्रिकलो गोप्ता क्षेमीशो ब्रह्मणः पतिः । ध्रुवतेजोधिषौ रुद्रौ गहनेशश्च विश्वराट्

anantastrikalo goptā kṣemīśo brahmaṇaḥ patiḥ / dhruvatejodhiṣau rudrau gahaneśaśca viśvarāṭ

Sanskrit only: no published translation is held for this verse.

मायाधिकारिणो रुद्रा मण्डलाधिपतीश्वराः । संसारचक्रकारूढ- भूतग्रामविवर्तकाः

māyādhikāriṇo rudrā maṇḍalādhipatīśvarāḥ / saṃsāracakrakārūḍha- bhūtagrāmavivartakāḥ

Sanskrit only: no published translation is held for this verse.

एतावत्येव घोरेयं सर्वभूतभवावनिः । सीदन्त्यज्ञानिनो यस्यां पङ्के गाव इवाचलाः

etāvatyeva ghoreyaṃ sarvabhūtabhavāvaniḥ / sīdantyajñānino yasyāṃ paṅke gāva ivācalāḥ

Sanskrit only: no published translation is held for this verse.

भृगुणी ब्रह्मवेताली स्थाणुमत्यम्बिका परा । रूपिणी नन्दिनी ज्वाला सप्तसप्तार्बुदेश्वराः

bhṛguṇī brahmavetālī sthāṇumatyambikā parā / rūpiṇī nandinī jvālā saptasaptārbudeśvarāḥ

Sanskrit only: no published translation is held for this verse.

विद्याराज्ञ्यस्तु कथिता विद्यायां रुद्रसंस्तुताः । तासामुपरि दीप्तश्रीर् देवो विद्याधिपः स्थितः

vidyārājñyastu kathitā vidyāyāṃ rudrasaṃstutāḥ / tāsāmupari dīptaśrīr devo vidyādhipaḥ sthitaḥ

Sanskrit only: no published translation is held for this verse.

मन्त्रेशेशचिदाविष्ट- रुद्रव्यूहाष्टकानुगः । उच्छुष्माः शम्बराश्चण्डा महावीर्याः पदद्रुहः

mantreśeśacidāviṣṭa- rudravyūhāṣṭakānugaḥ / ucchuṣmāḥ śambarāścaṇḍā mahāvīryāḥ padadruhaḥ

Sanskrit only: no published translation is held for this verse.

रुद्रा गणाः सदिक्पालाः शास्त्राणि पतयस्ततः । ते चानन्तप्रभृतयो गदिता एव नामतः

rudrā gaṇāḥ sadikpālāḥ śāstrāṇi patayastataḥ / te cānantaprabhṛtayo gaditā eva nāmataḥ

Sanskrit only: no published translation is held for this verse.

स्वस्वरूपाश्च ते विप्र पूर्वं प्रश्नानुषङ्गतः । सादाशिवे पवित्राङ्ग- सकलादिपरिच्छदः

svasvarūpāśca te vipra pūrvaṃ praśnānuṣaṅgataḥ / sādāśive pavitrāṅga- sakalādiparicchadaḥ

Sanskrit only: no published translation is held for this verse.

देवः सदाशिवो बिन्दौ निवृत्त्यादिकलेश्वराः । नादे ध्वनिपतिः शक्तौ सर्वशक्तिमतां वरः

devaḥ sadāśivo bindau nivṛttyādikaleśvarāḥ / nāde dhvanipatiḥ śaktau sarvaśaktimatāṃ varaḥ

Sanskrit only: no published translation is held for this verse.

योनिर्विश्वस्य वागीशाः पतयः परतः शिवः । सदाशिवशिवान्ताध्व- कल्पिताणुवपुःस्थितिः

yonirviśvasya vāgīśāḥ patayaḥ parataḥ śivaḥ / sadāśivaśivāntādhva- kalpitāṇuvapuḥsthitiḥ

Sanskrit only: no published translation is held for this verse.

सर्वातिशयविश्रामस् तदूर्ध्वं पतयः कथम् । ईशानतीत्य शान्तान्तं तत्त्वं सादाशिवं स्मृतम्

sarvātiśayaviśrāmas tadūrdhvaṃ patayaḥ katham / īśānatītya śāntāntaṃ tattvaṃ sādāśivaṃ smṛtam

Sanskrit only: no published translation is held for this verse.

भुवनान्यपि नादादि- कला नान्यः पतिः शिवात् । किंतु यः पतिभेदो ऽस्मिन् स शास्त्रे शक्तिभेदवत्

bhuvanānyapi nādādi- kalā nānyaḥ patiḥ śivāt / kiṃtu yaḥ patibhedo 'smin sa śāstre śaktibhedavat

Sanskrit only: no published translation is held for this verse.

कृत्यभेदोपचारेण तद्भेदस्थानभेदजः । करोत्युन्मीलनं याभिः शक्तिभिर्नरतेजसः

kṛtyabhedopacāreṇa tadbhedasthānabhedajaḥ / karotyunmīlanaṃ yābhiḥ śaktibhirnaratejasaḥ

Sanskrit only: no published translation is held for this verse.

ता निवृत्त्यादिसंज्ञानां भुवनानामधीश्वराः । निवर्तयति भूतानि यया सास्य निवर्तिका

tā nivṛttyādisaṃjñānāṃ bhuvanānāmadhīśvarāḥ / nivartayati bhūtāni yayā sāsya nivartikā

Sanskrit only: no published translation is held for this verse.

निवृत्तिरिति तत्स्थानं तत्रेशो ऽपि निवृत्तिमान् । निवृत्तस्य गतिर्भूयो यया प्राच्यावलक्षणा

nivṛttiriti tatsthānaṃ tatreśo 'pi nivṛttimān / nivṛttasya gatirbhūyo yayā prācyāvalakṣaṇā

Sanskrit only: no published translation is held for this verse.

निषिध्यते प्रतिष्ठा सा स्थानं तवांश्च तत्पतिः । त्यक्त्वाप्तगम्यविषयं यया ज्ञानं ददात्यणोः

niṣidhyate pratiṣṭhā sā sthānaṃ tavāṃśca tatpatiḥ / tyaktvāptagamyaviṣayaṃ yayā jñānaṃ dadātyaṇoḥ

Sanskrit only: no published translation is held for this verse.

सा विद्या स्थानमप्यस्या विद्येशश्च तदीश्वरः । सर्वदुःखप्रशमनं ययास्य कुरुते हरः

sā vidyā sthānamapyasyā vidyeśaśca tadīśvaraḥ / sarvaduḥkhapraśamanaṃ yayāsya kurute haraḥ

Sanskrit only: no published translation is held for this verse.

सा शान्तिस्तत्पदं चेति तत्कुर्वन् सो ऽपि शान्तिमान् । ऊर्ध्वाधोविषयालोको महान्यश्च महत्तरः

sā śāntistatpadaṃ ceti tatkurvan so 'pi śāntimān / ūrdhvādhoviṣayāloko mahānyaśca mahattaraḥ

Sanskrit only: no published translation is held for this verse.

महत्तमश्च क्रियते चितो याभिर्विमुच्यतः । ता इन्धिकाद्यास्तत्स्थानं तद्वानीशस्तिसृष्वपि

mahattamaśca kriyate cito yābhirvimucyataḥ / tā indhikādyāstatsthānaṃ tadvānīśastisṛṣvapi

Sanskrit only: no published translation is held for this verse.

सर्वज्ञत्वादियोगे ऽपि नियोज्यत्वं मलांशतः । प्रमार्ष्टि तद्यया सास्य मोचिका तत्पदं च यत्

sarvajñatvādiyoge 'pi niyojyatvaṃ malāṃśataḥ / pramārṣṭi tadyayā sāsya mocikā tatpadaṃ ca yat

Sanskrit only: no published translation is held for this verse.

मोचकस्तत्क्रियाकृच्च ययेशानं करोति तम् । सोर्ध्वगा तत्पदं चेति तदीशश्चोर्ध्वगापतिः

mocakastatkriyākṛcca yayeśānaṃ karoti tam / sordhvagā tatpadaṃ ceti tadīśaścordhvagāpatiḥ

Sanskrit only: no published translation is held for this verse.

ये ऽपि तत्पदमापन्नाः शैवसाधनयोगतः । ते तत्स्थित्यन्तमाह्लादं प्राप्य यान्ति परं पदम्

ye 'pi tatpadamāpannāḥ śaivasādhanayogataḥ / te tatsthityantamāhlādaṃ prāpya yānti paraṃ padam

Sanskrit only: no published translation is held for this verse.

न च सृष्ट्यादि कुर्वन्ति स्वार्थनिष्ठा हि ते यतः । इति सादाशिवं तत्त्वं व्याख्यातं लेशतस्तव

na ca sṛṣṭyādi kurvanti svārthaniṣṭhā hi te yataḥ / iti sādāśivaṃ tattvaṃ vyākhyātaṃ leśatastava

Sanskrit only: no published translation is held for this verse.

शक्तावप्येवमित्येष सकलः कृत्ययोगतः । कृत्यं तदादिविषयं निष्कलो ऽन्यत्र सर्वदा

śaktāvapyevamityeṣa sakalaḥ kṛtyayogataḥ / kṛtyaṃ tadādiviṣayaṃ niṣkalo 'nyatra sarvadā

Sanskrit only: no published translation is held for this verse.

भूमिप्राधानिकग्रन्थि- विद्याबिन्दुकलादिषु । गुणकाराः दशाद्याः स्युर् नादकोटेरधो मुने

bhūmiprādhānikagranthi- vidyābindukalādiṣu / guṇakārāḥ daśādyāḥ syur nādakoṭeradho mune

Sanskrit only: no published translation is held for this verse.

ऊर्ध्वं कलाया विद्याधः श्रूयन्ते गहनाधिपाः । तदन्तरालमेतावद् इति धीजात्र लक्षणा

ūrdhvaṃ kalāyā vidyādhaḥ śrūyante gahanādhipāḥ / tadantarālametāvad iti dhījātra lakṣaṇā

Sanskrit only: no published translation is held for this verse.

द्वयोरप्यध्वनोरेवं क्रमप्रसवयोगिनोः । विलयः प्रातिलोम्येन शक्तितत्त्वद्वयावधिः

dvayorapyadhvanorevaṃ kramaprasavayoginoḥ / vilayaḥ prātilomyena śaktitattvadvayāvadhiḥ

Sanskrit only: no published translation is held for this verse.

व्यस्तस्याथ समस्तस्य विलयः स कथं कियान् । तत्त्वमार्गस्य भगवन् ब्रूहि सर्वार्थदर्श्यसि

vyastasyātha samastasya vilayaḥ sa kathaṃ kiyān / tattvamārgasya bhagavan brūhi sarvārthadarśyasi

Sanskrit only: no published translation is held for this verse.

महास्वापे समस्तस्य व्यस्तस्यावान्तरो लयः । सर्गो ऽप्येवं स्थितेः कालः कथ्यमानो ऽवधार्यताम्

mahāsvāpe samastasya vyastasyāvāntaro layaḥ / sargo 'pyevaṃ sthiteḥ kālaḥ kathyamāno 'vadhāryatām

Sanskrit only: no published translation is held for this verse.

चतुर्युगसहस्रान्तम् अहर्हेमाण्डजन्मनः । निशा तावत्यहोरात्र- मानेनाब्दपरार्धके

caturyugasahasrāntam aharhemāṇḍajanmanaḥ / niśā tāvatyahorātra- mānenābdaparārdhake

Sanskrit only: no published translation is held for this verse.

विलयो व्युत्क्रमेणैष प्रकृत्यादि निवार्यते । तदा रुद्रशतं वीर- श्रीकण्ठौ च प्रधानपाः

vilayo vyutkrameṇaiṣa prakṛtyādi nivāryate / tadā rudraśataṃ vīra- śrīkaṇṭhau ca pradhānapāḥ

Sanskrit only: no published translation is held for this verse.

शक्त्याक्रम्य जगत्सूक्ष्मं सूक्ष्मदेहांश्च चिद्वतः । प्रकृतिस्थाशयान् कालं तत्स्वापान्तमुपासते

śaktyākramya jagatsūkṣmaṃ sūkṣmadehāṃśca cidvataḥ / prakṛtisthāśayān kālaṃ tatsvāpāntamupāsate

Sanskrit only: no published translation is held for this verse.

शिवेष्टमन्त्रभृन्नुन्न- मण्डलाधिपतीरिताः । काले जगत्समुत्पाद्य स्वाधिकारं प्रकुर्वते

śiveṣṭamantrabhṛnnunna- maṇḍalādhipatīritāḥ / kāle jagatsamutpādya svādhikāraṃ prakurvate

Sanskrit only: no published translation is held for this verse.

कर्म धर्मादिकं तच्च गुणत्वेन मतौ स्थितम् । गुणिनो न गुणो ऽपैति प्रकृतावुच्यते कथम्

karma dharmādikaṃ tacca guṇatvena matau sthitam / guṇino na guṇo 'paiti prakṛtāvucyate katham

Sanskrit only: no published translation is held for this verse.

सत्यं बुद्धिगुणः कर्म नापैति गुणिनो गुणः । देहाक्षफलभूमीनां तात्स्थ्यात् तत्रोपचर्यते

satyaṃ buddhiguṇaḥ karma nāpaiti guṇino guṇaḥ / dehākṣaphalabhūmīnāṃ tātsthyāt tatropacaryate

Sanskrit only: no published translation is held for this verse.

आधारे कारणे कार्ये समीपे चोपकारके । धर्माद्यनुकृतौ चेति लक्षणां सूरयो जगुः

ādhāre kāraṇe kārye samīpe copakārake / dharmādyanukṛtau ceti lakṣaṇāṃ sūrayo jaguḥ

Sanskrit only: no published translation is held for this verse.

एवं गुणादिसर्गाणां परार्धे गुणकारणम् । कला लेढि कलां माया स्वाधिकारपराङ्मुखी

evaṃ guṇādisargāṇāṃ parārdhe guṇakāraṇam / kalā leḍhi kalāṃ māyā svādhikāraparāṅmukhī

Sanskrit only: no published translation is held for this verse.

तन्निवृत्तौ निवर्तन्ते देवास्तदधिकारिणः । सर्गस्थित्यादिको यस्माद् अधिकारस्तदाश्रयः

tannivṛttau nivartante devāstadadhikāriṇaḥ / sargasthityādiko yasmād adhikārastadāśrayaḥ

Sanskrit only: no published translation is held for this verse.

एवं मन्त्रेशमुख्येषु विशत्स्वभिमतं पदम् । विद्यामत्ति सदातत्त्वं तद्बिन्दुर्बैन्दवं ध्वनिः

evaṃ mantreśamukhyeṣu viśatsvabhimataṃ padam / vidyāmatti sadātattvaṃ tadbindurbaindavaṃ dhvaniḥ

Sanskrit only: no published translation is held for this verse.

नादमत्ति परा शक्तिः शक्तिमीष्टे स्वयं हरः । भविनां विश्रमायैवं मायायाश्च परः शिवः

nādamatti parā śaktiḥ śaktimīṣṭe svayaṃ haraḥ / bhavināṃ viśramāyaivaṃ māyāyāśca paraḥ śivaḥ

Sanskrit only: no published translation is held for this verse.

आकलय्य स्वदृक्शक्त्या स्वापं सृष्ट्यै प्रवर्तते । एवं तत्त्वानि भावाश्च भुवनानि वपूंषि च

ākalayya svadṛkśaktyā svāpaṃ sṛṣṭyai pravartate / evaṃ tattvāni bhāvāśca bhuvanāni vapūṃṣi ca

Sanskrit only: no published translation is held for this verse.

शुद्धाशुद्धाध्वनोर्विप्र व्याख्यातानि समासतः । विद्या पञ्चाणुदेहाश्च बिन्दुर्नादो ऽथ कारणम्

śuddhāśuddhādhvanorvipra vyākhyātāni samāsataḥ / vidyā pañcāṇudehāśca bindurnādo 'tha kāraṇam

Sanskrit only: no published translation is held for this verse.

पञ्चस्कन्धः परो मार्गः क्व भावाः प्रत्ययः स्थिताः । नादः सूक्ष्मः कला काल- रागयुग्मे सपूरुषे

pañcaskandhaḥ paro mārgaḥ kva bhāvāḥ pratyayaḥ sthitāḥ / nādaḥ sūkṣmaḥ kalā kāla- rāgayugme sapūruṣe

Sanskrit only: no published translation is held for this verse.

स्थूलः पञ्चकलो नादः पञ्चतत्त्वाश्रयो मुने । प्रधानादिचतुर्ग्रन्थि- निधिर्बिन्दुश्चतुष्कलः

sthūlaḥ pañcakalo nādaḥ pañcatattvāśrayo mune / pradhānādicaturgranthi- nidhirbinduścatuṣkalaḥ

Sanskrit only: no published translation is held for this verse.

गर्वे मनोमुखा देवा बुद्धौ भावादयः स्थिताः । पञ्चमन्त्रतनुर्देवः स्थितस्तन्मात्रपञ्चके । सूक्ष्मभूतेषु मन्त्रेशा मन्त्राः स्थूलेषु संस्थिताः

garve manomukhā devā buddhau bhāvādayaḥ sthitāḥ / pañcamantratanurdevaḥ sthitastanmātrapañcake / sūkṣmabhūteṣu mantreśā mantrāḥ sthūleṣu saṃsthitāḥ

Sanskrit only: no published translation is held for this verse.

इति यदणुनिरोधि ध्वान्तबीजाद्यदृष्टं पशुमतसृतदृग्भिः पाशजालं सुभूयः । तदुपशमनिमित्तं वक्ष्यमाणक्रियातो रुचदविहतशक्तिः शाम्भवी मन्त्रसम्पत्

iti yadaṇunirodhi dhvāntabījādyadṛṣṭaṃ paśumatasṛtadṛgbhiḥ pāśajālaṃ subhūyaḥ / tadupaśamanimittaṃ vakṣyamāṇakriyāto rucadavihataśaktiḥ śāmbhavī mantrasampat

Sanskrit only: no published translation is held for this verse.