Mrgendragama 1.4

स इत्थंविग्रहो ऽनेन करणेनाहतौजसा । करोति सर्वदा कृत्यं यदा यदुपपद्यते

sa itthaṃvigraho 'nena karaṇenāhataujasā / karoti sarvadā kṛtyaṃ yadā yadupapadyate

Sanskrit only: no published translation is held for this verse.

तत्रादौ केवलाणूनां योग्यानां कुरुते ऽष्टकम् । वामादिशक्तिभिर्युक्तं सप्तकोटिपरिच्छदम्

tatrādau kevalāṇūnāṃ yogyānāṃ kurute 'ṣṭakam / vāmādiśaktibhiryuktaṃ saptakoṭiparicchadam

Sanskrit only: no published translation is held for this verse.

तेषामनन्तः सूक्ष्मश्च तथा चैव शिवोत्तमः । एकनेत्रैकरुद्रौ च त्रिमूर्तिश्चामितद्युतिः

teṣāmanantaḥ sūkṣmaśca tathā caiva śivottamaḥ / ekanetraikarudrau ca trimūrtiścāmitadyutiḥ

Sanskrit only: no published translation is held for this verse.

श्रीकण्ठश्च शिखण्डी च राजराजेश्वरेश्वराः । ईषदप्राप्तयोगत्वान् नियोज्याः परमेष्ठिनः

śrīkaṇṭhaśca śikhaṇḍī ca rājarājeśvareśvarāḥ / īṣadaprāptayogatvān niyojyāḥ parameṣṭhinaḥ

Sanskrit only: no published translation is held for this verse.

सर्वज्ञत्वादियोगे ऽपि नियोज्यत्वं मलांशतः । परस्परं विशिष्यन्ते मन्त्राश्चैवमधः स्थिताः

sarvajñatvādiyoge 'pi niyojyatvaṃ malāṃśataḥ / parasparaṃ viśiṣyante mantrāścaivamadhaḥ sthitāḥ

Sanskrit only: no published translation is held for this verse.

ते च मन्त्रेश्वरव्यक्त- शिवशक्तिप्रचोदिताः । कुर्वन्त्यनुग्रहं पुंसां यदा येषां स युज्यते

te ca mantreśvaravyakta- śivaśaktipracoditāḥ / kurvantyanugrahaṃ puṃsāṃ yadā yeṣāṃ sa yujyate

Sanskrit only: no published translation is held for this verse.

प्रयोक्तृदेहसापेक्षं तदर्धमखिले ऽध्वनि । कृत्वाधिकारं स्थित्यन्ते शिवं विशति सेश्वरम्

prayoktṛdehasāpekṣaṃ tadardhamakhile 'dhvani / kṛtvādhikāraṃ sthityante śivaṃ viśati seśvaram

Sanskrit only: no published translation is held for this verse.

विनाधिकरणेनान्यत् प्रधानविकृतेरधः । कृत्वाधिकारमीशेष्टम् अपैति स्वाध्वसंहृतौ

vinādhikaraṇenānyat pradhānavikṛteradhaḥ / kṛtvādhikāramīśeṣṭam apaiti svādhvasaṃhṛtau

Sanskrit only: no published translation is held for this verse.

ततो ऽनन्ताद्यभिव्यक्तः पतीनां ग्रन्थितत्त्वतः । कलाद्यारब्धदेहानां करोत्यष्टादशं शतम्

tato 'nantādyabhivyaktaḥ patīnāṃ granthitattvataḥ / kalādyārabdhadehānāṃ karotyaṣṭādaśaṃ śatam

Sanskrit only: no published translation is held for this verse.

तानप्याविश्य भगवान् साञ्जनान् भुवनाधिपान् । येभ्यः सर्वमिदं येषां शक्तिः कर्मनिबन्धना

tānapyāviśya bhagavān sāñjanān bhuvanādhipān / yebhyaḥ sarvamidaṃ yeṣāṃ śaktiḥ karmanibandhanā

Sanskrit only: no published translation is held for this verse.

प्रणेतॄण् पशुशास्त्राणां पशूंस्तदनुवर्तकान् । स्वसाध्यकारकोपेतान् कालधामावधिस्थितान्

praṇetṝṇ paśuśāstrāṇāṃ paśūṃstadanuvartakān / svasādhyakārakopetān kāladhāmāvadhisthitān

Sanskrit only: no published translation is held for this verse.

स्थितौ सकारकानेतान् समाक्रम्य स्वतेजसा । युनक्ति स्वार्थसिद्ध्यर्थं भूतैरनभिलक्षितः

sthitau sakārakānetān samākramya svatejasā / yunakti svārthasiddhyarthaṃ bhūtairanabhilakṣitaḥ

Sanskrit only: no published translation is held for this verse.

भोगसाधनमाक्षिप्य कृत्वा कारणसंश्रयम् । तच्च सात्मकमाक्रम्य विश्रमायावतिष्ठते

bhogasādhanamākṣipya kṛtvā kāraṇasaṃśrayam / tacca sātmakamākramya viśramāyāvatiṣṭhate

Sanskrit only: no published translation is held for this verse.

भविनां भवखिन्नानां सर्वभूतहितो यतः । स्वापावसानमासाद्य पुनः प्राग्वत्प्रवर्तते

bhavināṃ bhavakhinnānāṃ sarvabhūtahito yataḥ / svāpāvasānamāsādya punaḥ prāgvatpravartate

Sanskrit only: no published translation is held for this verse.

स्वापे ऽप्यास्ते बोधयन्बोधयोग्यान् रोध्यान्रुन्धन्पाचयन् कर्मिकर्म । मायाशक्तीर्व्यक्तियोग्याः प्रकुर्वन् पश्यन्सर्वं यद्यथा वस्तुजातम्

svāpe 'pyāste bodhayanbodhayogyān rodhyānrundhanpācayan karmikarma / māyāśaktīrvyaktiyogyāḥ prakurvan paśyansarvaṃ yadyathā vastujātam

Sanskrit only: no published translation is held for this verse.