Mrgendragama 1.7

अथाविद्यादयः पाशाः कथ्यन्ते लेशतो ऽधुना । येषामपाये पतयो भवन्ति जगतो ऽणवः

athāvidyādayaḥ pāśāḥ kathyante leśato 'dhunā / yeṣāmapāye patayo bhavanti jagato 'ṇavaḥ

Sanskrit only: no published translation is held for this verse.

पाशाभावे पारतन्त्र्यं वक्तव्यं किन्निबन्धनम् । स्वाभाविकं चेन्मुक्तेषु मुक्तशब्दो निवर्तते

pāśābhāve pāratantryaṃ vaktavyaṃ kinnibandhanam / svābhāvikaṃ cenmukteṣu muktaśabdo nivartate

Sanskrit only: no published translation is held for this verse.

बन्धशून्यस्य वशिता दृष्टा बद्धस्य वश्यता । एतावती ते बद्धत्व- मुक्तत्वे बद्धमुक्तयोः

bandhaśūnyasya vaśitā dṛṣṭā baddhasya vaśyatā / etāvatī te baddhatva- muktatve baddhamuktayoḥ

Sanskrit only: no published translation is held for this verse.

तत्पारतन्त्र्यं बद्धत्वं तस्मिन्नित्ये चिदादिवत् । मुक्तिसाधनसंदोहो व्यर्थो ऽलमनया धिया

tatpāratantryaṃ baddhatvaṃ tasminnitye cidādivat / muktisādhanasaṃdoho vyartho 'lamanayā dhiyā

Sanskrit only: no published translation is held for this verse.

नित्यव्यापकचिच्छक्ति- निधिरप्यर्थसिद्धये । पाशवं शाम्भवं वापि नान्विष्यत्यन्यथा बलम्

nityavyāpakacicchakti- nidhirapyarthasiddhaye / pāśavaṃ śāmbhavaṃ vāpi nānviṣyatyanyathā balam

Sanskrit only: no published translation is held for this verse.

तदावरणमस्याणोः पञ्चस्रोतसि शाङ्करे । पर्यायैर्बहुभिर्गीतम् अदृष्टं पशुभिः सदा

tadāvaraṇamasyāṇoḥ pañcasrotasi śāṅkare / paryāyairbahubhirgītam adṛṣṭaṃ paśubhiḥ sadā

Sanskrit only: no published translation is held for this verse.

पशुत्वपशुनीहार- मृत्युमूर्च्छामलाञ्जनैः । अविद्यावृतिरुग्ग्लानि- पापमूलक्षपादिभिः

paśutvapaśunīhāra- mṛtyumūrcchāmalāñjanaiḥ / avidyāvṛtirugglāni- pāpamūlakṣapādibhiḥ

Sanskrit only: no published translation is held for this verse.

तदेकं सर्वभूतानाम् अनादि निबिडं महत् । प्रत्यात्मस्थस्वकालान्ता- पायिशक्तिसमूहवत्

tadekaṃ sarvabhūtānām anādi nibiḍaṃ mahat / pratyātmasthasvakālāntā- pāyiśaktisamūhavat

Sanskrit only: no published translation is held for this verse.

तदनादिस्थमर्वाग्वा तद्धेतुस्तदतो ऽन्यथा । रुणद्धि मुक्तानेवं चेन् मोक्षे यत्नस्ततो मृषा

tadanādisthamarvāgvā taddhetustadato 'nyathā / ruṇaddhi muktānevaṃ cen mokṣe yatnastato mṛṣā

Sanskrit only: no published translation is held for this verse.

तदेकं बहुसंख्यं तु तादृगुत्पत्तिमद्यतः । किन्तु तच्छक्तयो ऽनेका युगपन्मुक्त्यदर्शनात्

tadekaṃ bahusaṃkhyaṃ tu tādṛgutpattimadyataḥ / kintu tacchaktayo 'nekā yugapanmuktyadarśanāt

Sanskrit only: no published translation is held for this verse.

तासां माहेश्वरी शक्तिः सर्वानुग्राहिका शिवा । धर्मानुवर्तनादेव पाश इत्युपचर्यते

tāsāṃ māheśvarī śaktiḥ sarvānugrāhikā śivā / dharmānuvartanādeva pāśa ityupacaryate

Sanskrit only: no published translation is held for this verse.

परिणामयत्येताश्च रोधान्तं कार्कचित्त्विषा । यदोन्मीलनमाधत्ते तदानुग्राहिकोच्यते

pariṇāmayatyetāśca rodhāntaṃ kārkacittviṣā / yadonmīlanamādhatte tadānugrāhikocyate

Sanskrit only: no published translation is held for this verse.

शम्भोश्चिदाद्यनुग्राह्यं तद्विरोधितया मिथः । युगपन्न क्षमं शक्तिः सर्वानुग्राहिका कथम्

śambhościdādyanugrāhyaṃ tadvirodhitayā mithaḥ / yugapanna kṣamaṃ śaktiḥ sarvānugrāhikā katham

Sanskrit only: no published translation is held for this verse.

कथं भूतोपकारार्थं प्रवृत्तस्य जगत्प्रभोः । अपकारकमाविश्य युज्यते तुन्नतोदनम्

kathaṃ bhūtopakārārthaṃ pravṛttasya jagatprabhoḥ / apakārakamāviśya yujyate tunnatodanam

Sanskrit only: no published translation is held for this verse.

न तोदनाय कुरुते मलस्याणोरनुग्रहम् । किन्तु यत्क्रियते किञ्चित् तदुपायेन नान्यथा

na todanāya kurute malasyāṇoranugraham / kintu yatkriyate kiñcit tadupāyena nānyathā

Sanskrit only: no published translation is held for this verse.

न साधिकारे तमसि मुक्तिर्भवति कस्यचित् । अधिकारो ऽपि तच्छक्तेः परिणामान्निवर्तते

na sādhikāre tamasi muktirbhavati kasyacit / adhikāro 'pi tacchakteḥ pariṇāmānnivartate

Sanskrit only: no published translation is held for this verse.

सो ऽपि न स्वत एव स्याद् अपि योग्यस्य वस्तुनः । सर्वथा सर्वदा यस्माच् चित्प्रयोज्यमचेतनम्

so 'pi na svata eva syād api yogyasya vastunaḥ / sarvathā sarvadā yasmāc citprayojyamacetanam

Sanskrit only: no published translation is held for this verse.

यथा क्षारादिना वैद्यस् तुदन्नपि न रोगिणम् । कोटाविष्टार्थदायित्वाद् दुःखहेतुः प्रतीयते

yathā kṣārādinā vaidyas tudannapi na rogiṇam / koṭāviṣṭārthadāyitvād duḥkhahetuḥ pratīyate

Sanskrit only: no published translation is held for this verse.

सर्वगत्वान्महेशस्य नाधिष्ठानं विहन्यते । न च यत्रास्ति कर्तव्यं तस्मिन्नौदास्यमेति सः

sarvagatvānmaheśasya nādhiṣṭhānaṃ vihanyate / na ca yatrāsti kartavyaṃ tasminnaudāsyameti saḥ

Sanskrit only: no published translation is held for this verse.

धर्मिणो ऽनुग्रहो नाम यत्तद्धर्मानुवर्तनम् । न सो ऽस्ति कस्यचिज्जातु यः पत्या नानुवर्तते

dharmiṇo 'nugraho nāma yattaddharmānuvartanam / na so 'sti kasyacijjātu yaḥ patyā nānuvartate

Sanskrit only: no published translation is held for this verse.

गताधिकारनीहार- वीर्यस्य सत एधते । पशोरनुग्रहो ऽन्यस्य तादर्थ्यादस्ति कर्मणः

gatādhikāranīhāra- vīryasya sata edhate / paśoranugraho 'nyasya tādarthyādasti karmaṇaḥ

Sanskrit only: no published translation is held for this verse.

बोद्धृत्वपरिणामित्व- धर्मयोरनुवर्तनम् । मलस्य साधिकारस्य निवृत्तेस्तत्परिच्युतौ

boddhṛtvapariṇāmitva- dharmayoranuvartanam / malasya sādhikārasya nivṛttestatparicyutau

Sanskrit only: no published translation is held for this verse.

इत्येवं यौगपद्येन क्रमात्सुघत एव हि । मायायाः साधिकारायाः कर्मणश्चोक्त एव सः

ityevaṃ yaugapadyena kramātsughata eva hi / māyāyāḥ sādhikārāyāḥ karmaṇaścokta eva saḥ

Sanskrit only: no published translation is held for this verse.