Mrgendragama 1.8

अथेन्द्रियशरीरार्थैश् चिद्योगस्यानुमीयते । निमित्तमागामिभावाद् यतो नागाम्यहेतुमत्

athendriyaśarīrārthaiś cidyogasyānumīyate / nimittamāgāmibhāvād yato nāgāmyahetumat

Sanskrit only: no published translation is held for this verse.

तस्य प्रदेशवर्तित्वाद् वैचित्र्यात्क्षणिकत्वतः । प्रतिपुंनियतत्वाच्च सन्ततत्वाच्च तद्गुणम्

tasya pradeśavartitvād vaicitryātkṣaṇikatvataḥ / pratipuṃniyatatvācca santatatvācca tadguṇam

Sanskrit only: no published translation is held for this verse.

ईशाविद्याद्यपेक्षित्वात् सहकारि तदुच्यते । कर्म व्यापारजन्यत्वाद् अदृष्टं सूक्ष्मभावतः

īśāvidyādyapekṣitvāt sahakāri taducyate / karma vyāpārajanyatvād adṛṣṭaṃ sūkṣmabhāvataḥ

Sanskrit only: no published translation is held for this verse.

जनकं धारकं भोग्यम् अध्यात्मादित्रिसाधनम् । तत्सत्यानृतयोनित्वाद् धर्माधर्मस्वरूपकम्

janakaṃ dhārakaṃ bhogyam adhyātmāditrisādhanam / tatsatyānṛtayonitvād dharmādharmasvarūpakam

Sanskrit only: no published translation is held for this verse.

स्वापे विपाकमभ्येति तत्सृष्टावुपयुज्यते । मायायां वर्तते चान्ते नाभुक्तं लयमेति च

svāpe vipākamabhyeti tatsṛṣṭāvupayujyate / māyāyāṃ vartate cānte nābhuktaṃ layameti ca

Sanskrit only: no published translation is held for this verse.

इति मायादिकालान्त- प्रवर्तकमनादिमत् । कर्म व्यञ्जकमप्येतद् रोधि सद्यन्न मुक्तये

iti māyādikālānta- pravartakamanādimat / karma vyañjakamapyetad rodhi sadyanna muktaye

Sanskrit only: no published translation is held for this verse.