Mrgendragama 1.9

अथ सर्वज्ञवाक्येन प्रतिपन्नस्य लक्षणम् । कथ्यते ग्रन्थिपाशस्य किञ्चिद्युक्त्यापि लेशतः

atha sarvajñavākyena pratipannasya lakṣaṇam / kathyate granthipāśasya kiñcidyuktyāpi leśataḥ

Sanskrit only: no published translation is held for this verse.

तदेकमशिवं बीजं जगतश्चित्रशक्तिमत् । सहकार्यधिकारान्त- संरोधि व्याप्यनश्वरम्

tadekamaśivaṃ bījaṃ jagataścitraśaktimat / sahakāryadhikārānta- saṃrodhi vyāpyanaśvaram

Sanskrit only: no published translation is held for this verse.

कर्तानुमीयते येन जगद्धर्मेण हेतुना । तेनोपादानमप्यस्ति न पटस्तन्तुभिर्विना

kartānumīyate yena jagaddharmeṇa hetunā / tenopādānamapyasti na paṭastantubhirvinā

Sanskrit only: no published translation is held for this verse.

तदचेतनमेव स्यात् कार्यस्याचित्त्वदर्शनात् । प्राप्तः सर्वहरो दोषः कारणानियमो ऽन्यथा

tadacetanameva syāt kāryasyācittvadarśanāt / prāptaḥ sarvaharo doṣaḥ kāraṇāniyamo 'nyathā

Sanskrit only: no published translation is held for this verse.

यद्यनित्यमिदं कार्यं कस्मादुत्पद्यते पुनः । अव्यापि चेत्कुतस्तत्स्यात् सर्वेषां सर्वतोमुखम्

yadyanityamidaṃ kāryaṃ kasmādutpadyate punaḥ / avyāpi cetkutastatsyāt sarveṣāṃ sarvatomukham

Sanskrit only: no published translation is held for this verse.

यदनेकमचित्तत्तु दृष्टमुत्पत्तिधर्मकम् । न तदुत्पत्तिमत्तस्माद् एकमभ्युपगम्यताम्

yadanekamacittattu dṛṣṭamutpattidharmakam / na tadutpattimattasmād ekamabhyupagamyatām

Sanskrit only: no published translation is held for this verse.

पटस्तन्तुगणाद्दृष्टः सर्वमेकमनेकतः । तदप्यनेकमेकस्माद् एव बीजात्प्रजायते

paṭastantugaṇāddṛṣṭaḥ sarvamekamanekataḥ / tadapyanekamekasmād eva bījātprajāyate

Sanskrit only: no published translation is held for this verse.

येषां चिद्धर्मकाद्धेतोर् अचिदप्युपजायते । तेषां धूमेन लिङ्गेन जलं किं नानुमीयते

yeṣāṃ ciddharmakāddhetor acidapyupajāyate / teṣāṃ dhūmena liṅgena jalaṃ kiṃ nānumīyate

Sanskrit only: no published translation is held for this verse.

भूतावधि जगद्येषां कारणं परमाणवः । तेषां पूर्वोदिताद्धेतोर् ज्ञातैव ज्ञानसूक्ष्मता

bhūtāvadhi jagadyeṣāṃ kāraṇaṃ paramāṇavaḥ / teṣāṃ pūrvoditāddhetor jñātaiva jñānasūkṣmatā

Sanskrit only: no published translation is held for this verse.

शरीरादेः शरीरादि यदि तन्निखिलात्यये । का वार्ता नाखिलध्वंसो न सर्वज्ञो मृषा वदेत्

śarīrādeḥ śarīrādi yadi tannikhilātyaye / kā vārtā nākhiladhvaṃso na sarvajño mṛṣā vadet

Sanskrit only: no published translation is held for this verse.

एकदेशे ऽपि यो धर्मः प्रतीतो यस्य धर्मिणः । स तस्य सर्वतः केन जायमानो निवार्यते

ekadeśe 'pi yo dharmaḥ pratīto yasya dharmiṇaḥ / sa tasya sarvataḥ kena jāyamāno nivāryate

Sanskrit only: no published translation is held for this verse.

कोटिशो मरणं दृष्ट्वा संहतानां शरीरिणाम् । सो ऽपि प्रतीयते कालो यत्राशेषजनक्षयः

koṭiśo maraṇaṃ dṛṣṭvā saṃhatānāṃ śarīriṇām / so 'pi pratīyate kālo yatrāśeṣajanakṣayaḥ

Sanskrit only: no published translation is held for this verse.

तदाधाराणि कार्याणि शक्तिरूपाणि संहृतौ । विवृतौ व्यक्तिरूपाणि व्याप्रियन्ते ऽर्थसिद्धये

tadādhārāṇi kāryāṇi śaktirūpāṇi saṃhṛtau / vivṛtau vyaktirūpāṇi vyāpriyante 'rthasiddhaye

Sanskrit only: no published translation is held for this verse.

तन्त्वादिकारकादानं पटासत्त्वे पटार्थिनः । सत्त्वे कारकशब्दो ऽपि व्यपैतीति हतं जगत्

tantvādikārakādānaṃ paṭāsattve paṭārthinaḥ / sattve kārakaśabdo 'pi vyapaitīti hataṃ jagat

Sanskrit only: no published translation is held for this verse.

साफल्यमसदुत्पत्ताव् अस्तु कारकवस्तुनः । उत्पादयतु सर्वस्मात् सर्वः सर्वमभीप्सितम्

sāphalyamasadutpattāv astu kārakavastunaḥ / utpādayatu sarvasmāt sarvaḥ sarvamabhīpsitam

Sanskrit only: no published translation is held for this verse.

अथाशक्यं यतः शक्यम् अत्र वः किं नियामकम् । न च पश्यामि तत्किंचित् शक्तिश्चेत्सिद्धसाध्यता

athāśakyaṃ yataḥ śakyam atra vaḥ kiṃ niyāmakam / na ca paśyāmi tatkiṃcit śaktiścetsiddhasādhyatā

Sanskrit only: no published translation is held for this verse.

अन्यथा कारकव्रात- प्रवृत्त्यनुपपत्तितः । श्रुतिरादानमर्थश्च व्यपैतीत्यपि तद्धतम्

anyathā kārakavrāta- pravṛttyanupapattitaḥ / śrutirādānamarthaśca vyapaitītyapi taddhatam

Sanskrit only: no published translation is held for this verse.

अथास्त्युत्पादिका शक्तिर् न कार्यं शक्तिरूपकम् । तयोर्विशेषणं वाच्यं नैतत्पश्यामि किञ्चन

athāstyutpādikā śaktir na kāryaṃ śaktirūpakam / tayorviśeṣaṇaṃ vācyaṃ naitatpaśyāmi kiñcana

Sanskrit only: no published translation is held for this verse.

तस्मान्नियामिका जन्य- शक्तिः कार[ण]वस्तुनः । सान्वयव्यतिरेकाभ्यां रूढितो वावसीयते

tasmānniyāmikā janya- śaktiḥ kāra[ṇa]vastunaḥ / sānvayavyatirekābhyāṃ rūḍhito vāvasīyate

Sanskrit only: no published translation is held for this verse.

तद्व्यत्किर्जननं नाम तत्कारकसमाश्रयात् । तेन तन्तुगताकारं पटाकारावरोधकम्

tadvyatkirjananaṃ nāma tatkārakasamāśrayāt / tena tantugatākāraṃ paṭākārāvarodhakam

Sanskrit only: no published translation is held for this verse.

वेमादिनापनीयाथ पटव्यक्तिः प्रकाश्यते । यथा कटादिगूढस्य पटादेस्तद्व्युदासतः । नासतः क्रियते व्यक्तिः कलादेर्ग्रन्थितस्तथा

vemādināpanīyātha paṭavyaktiḥ prakāśyate / yathā kaṭādigūḍhasya paṭādestadvyudāsataḥ / nāsataḥ kriyate vyaktiḥ kalādergranthitastathā

Sanskrit only: no published translation is held for this verse.