जपेद्दशगुणं प्राण- संयमी फलमूलभुक् । तत्समेष्वेवमेव स्यात् किं तु प्राणायतिं विना
japeddaśaguṇaṃ prāṇa- saṃyamī phalamūlabhuk / tatsameṣvevameva syāt kiṃ tu prāṇāyatiṃ vinā
Sanskrit only: no published translation is held for this verse.
Mrgendragama 3
पातकेषु तदन्येषु क्रियाव्यतिकरेषु च । जपेदेकादशाजातम् एकं वा ब्रह्ममध्यगम्
pātakeṣu tadanyeṣu kriyāvyatikareṣu ca / japedekādaśājātam ekaṃ vā brahmamadhyagam
Sanskrit only: no published translation is held for this verse.
न ग्राह्यं कारकं किंचित् सख्या जातांहसाहृतम् । आददानो ऽपरिज्ञानात् पूर्वोक्तादर्धमाचरेत्
na grāhyaṃ kārakaṃ kiṃcit sakhyā jātāṃhasāhṛtam / ādadāno 'parijñānāt pūrvoktādardhamācaret
Sanskrit only: no published translation is held for this verse.
बहुदैवसिके योगे तुल्यं साधर्म्ययोगतः । ज्ञात्वैवं साधको विद्वान् सहायं सद्गुणं भजेत्
bahudaivasike yoge tulyaṃ sādharmyayogataḥ / jñātvaivaṃ sādhako vidvān sahāyaṃ sadguṇaṃ bhajet
Sanskrit only: no published translation is held for this verse.
सजात्यभिजनोपेतं यवीयांसं गुणाधिकम् । पुत्रकं समयस्थं वा सुस्निग्धमपरं ततः
sajātyabhijanopetaṃ yavīyāṃsaṃ guṇādhikam / putrakaṃ samayasthaṃ vā susnigdhamaparaṃ tataḥ
Sanskrit only: no published translation is held for this verse.
साधकोक्तं व्रतं कुर्याद् गुरुरस्ववशो व्रती । द्विगुणं स्ववशस्ताव च्चरेदस्ववशो व्रती
sādhakoktaṃ vrataṃ kuryād gururasvavaśo vratī / dviguṇaṃ svavaśastāva ccaredasvavaśo vratī
Sanskrit only: no published translation is held for this verse.
स्ववशस्त्रिगुणं त्र्यंशं विना तत्पुत्रकश्चरेत् । पुत्रकार्धं तु समयी पूर्वोक्तानुक्तपाप्मनाम्
svavaśastriguṇaṃ tryaṃśaṃ vinā tatputrakaścaret / putrakārdhaṃ tu samayī pūrvoktānuktapāpmanām
Sanskrit only: no published translation is held for this verse.
कृच्छ्रं वा प्रतिषण्मासं प्रत्यब्दमथवैन्दवम् । पराकं तप्तकृच्छ्रं वा मन्त्री सानुचरश्चरेत्
kṛcchraṃ vā pratiṣaṇmāsaṃ pratyabdamathavaindavam / parākaṃ taptakṛcchraṃ vā mantrī sānucaraścaret
Sanskrit only: no published translation is held for this verse.
निर्विघ्नसिद्धिमन्विच्छन् मुक्त्यर्थमितरे त्रयः । सर्वच्छिद्रहरश्चान्यो विधिरेषां निगद्यते
nirvighnasiddhimanvicchan muktyarthamitare trayaḥ / sarvacchidraharaścānyo vidhireṣāṃ nigadyate
Sanskrit only: no published translation is held for this verse.
यः प्राप्तस्तपसा देवैर् हरात्स्वविधिपुष्टये । श्रावणे तदुपान्ते वा नभस्ये वोच्यमानवत्
yaḥ prāptastapasā devair harātsvavidhipuṣṭaye / śrāvaṇe tadupānte vā nabhasye vocyamānavat
Sanskrit only: no published translation is held for this verse.
शम्भोः पवित्रमापाद्य पूरयेद्वार्षिकं विधिम्
śambhoḥ pavitramāpādya pūrayedvārṣikaṃ vidhim
Sanskrit only: no published translation is held for this verse.