Library·Mrgendratantra, Vidyapada 1 - 7.23·1·1.2·1.2.13
* यदि प्रमाणम् असत्यरूपं परमार्थतः परमात्मन एव सत्यत्वात् तथाविधेन प्रमाणेनैतत् प्रमीयमाणं मनोर् निमितेन प्रदीपेन सन् तमसावस्थितपदार्थप्रविवेचनप्रायम्
* yadi pramāṇam asatyarūpaṃ paramārthataḥ paramātmana eva satyatvāt tathāvidhena pramāṇenaitat pramīyamāṇaṃ manor nimitena pradīpena san tamasāvasthitapadārthapravivecanaprāyam
Sanskrit only: no published translation is held for this verse.
* अथ सत्यम् एव प्रमाणम् एवं तर्हि स परमात्मा प्रमेयत्वेन स्थितः
* atha satyam eva pramāṇam evaṃ tarhi sa paramātmā prameyatvena sthitaḥ
Sanskrit only: no published translation is held for this verse.
* प्रमाणं हि प्रमेयं परिच्छिन्दत् प्रमाणताम् आसादयति इतरथा प्रमाणतैवास्य न स्यात्
* pramāṇaṃ hi prameyaṃ paricchindat pramāṇatām āsādayati itarathā pramāṇataivāsya na syāt
Sanskrit only: no published translation is held for this verse.
* किंच अतः
* kiṃca ataḥ
Sanskrit only: no published translation is held for this verse.
* किम् अन्यद् यत्रैतद् द्वितयं प्रमाणप्रमेयलक्षणं तत्र प्रमातृप्रमित्यात्मकम् अन्यद् अपि द्वयम् अन्योन्यसत्त्वव्यपेक्षत्वात् स्थितम् एव
* kim anyad yatraitad dvitayaṃ pramāṇaprameyalakṣaṇaṃ tatra pramātṛpramityātmakam anyad api dvayam anyonyasattvavyapekṣatvāt sthitam eva
Sanskrit only: no published translation is held for this verse.
* न हि प्रमातारं कर्तारम् अन्तरेण प्रमाणप्रमेययोः क्वचित् किंचित्करत्वं करणकर्मणोः क्रियासिद्धौ कर्त्राश्रयत्वात्
* na hi pramātāraṃ kartāram antareṇa pramāṇaprameyayoḥ kvacit kiṃcitkaratvaṃ karaṇakarmaṇoḥ kriyāsiddhau kartrāśrayatvāt
Sanskrit only: no published translation is held for this verse.
* प्रमितिर् अपि क्रियारूपो व्यापारस् तेभ्यः पृथग् एवान्वयव्यतिरेकाभ्याम् उपलभ्यत इति चतुष्टयम् अवश्यंभावि
* pramitir api kriyārūpo vyāpāras tebhyaḥ pṛthag evānvayavyatirekābhyām upalabhyata iti catuṣṭayam avaśyaṃbhāvi
Sanskrit only: no published translation is held for this verse.
* यद् आह आक्षपादः । * चतसृषु चैवंविधासु सर्वो ऽपि व्यवहारः परिसमाप्यत इति
* yad āha ākṣapādaḥ / * catasṛṣu caivaṃvidhāsu sarvo 'pi vyavahāraḥ parisamāpyata iti
Sanskrit only: no published translation is held for this verse.
* किं चात इत्य् अत आह
* kiṃ cāta ity ata āha
Sanskrit only: no published translation is held for this verse.
* इत्यादीनाम् आनर्थक्यम्
* ityādīnām ānarthakyam
Sanskrit only: no published translation is held for this verse.
* अपि चास्य परमात्मनश् चेतनाचेतनविश्वोत्पत्तिहेतुत्वे चेतनाचेतनत्वं प्राप्तं कार्याणां कारणस्वभावान्वयात्
* api cāsya paramātmanaś cetanācetanaviśvotpattihetutve cetanācetanatvaṃ prāptaṃ kāryāṇāṃ kāraṇasvabhāvānvayāt
Sanskrit only: no published translation is held for this verse.
* यद् आहुः । * तदतद्रूपिणो भावास् तदतद्रूपहेतुजाः इति
* yad āhuḥ / * tadatadrūpiṇo bhāvās tadatadrūpahetujāḥ iti
Sanskrit only: no published translation is held for this verse.
* ततश् च विरुद्धयोर् अन्योन्याभिभवेनैवात्मलाभाद् भावाभावयोर् इवैकस्मिन् काले चेतनाचेतनस्वभावयोः परमात्मनि अवस्थानं नोपपद्यते
* tataś ca viruddhayor anyonyābhibhavenaivātmalābhād bhāvābhāvayor ivaikasmin kāle cetanācetanasvabhāvayoḥ paramātmani avasthānaṃ nopapadyate
Sanskrit only: no published translation is held for this verse.
* यथाह तत्रभवान् खेटकनन्दनः । * विरुद्धाव् एककालस्थौ धर्माव् एकाश्रयं गतौ
* yathāha tatrabhavān kheṭakanandanaḥ / * viruddhāv ekakālasthau dharmāv ekāśrayaṃ gatau
Sanskrit only: no published translation is held for this verse.
* इतरेतरनाशात् तौ कुरुतो लोपम् आत्मनः इति
* itaretaranāśāt tau kuruto lopam ātmanaḥ iti
Sanskrit only: no published translation is held for this verse.
* न चास्यानङ्गत्वात् केनचिद् अङ्गेन चेतनत्वं केनचिच् चाचेतनत्वं युक्तं साङ्गत्वाभ्युपगमे तु कुसूलादिवत् कार्यत्वात् परमकारणताहानिः
* na cāsyānaṅgatvāt kenacid aṅgena cetanatvaṃ kenacic cācetanatvaṃ yuktaṃ sāṅgatvābhyupagame tu kusūlādivat kāryatvāt paramakāraṇatāhāniḥ
Sanskrit only: no published translation is held for this verse.
* यथा किंच यद् यद् उपादानकारणं तत् तद् अचेतनं यथा मृदादि अचेतनश् चायं तत्तद् अचेतनं परमात्मोपादानकारणत्वात् चेतनत्वे नास्योपादानकारणत्वम्
* yathā kiṃca yad yad upādānakāraṇaṃ tat tad acetanaṃ yathā mṛdādi acetanaś cāyaṃ tattad acetanaṃ paramātmopādānakāraṇatvāt cetanatve nāsyopādānakāraṇatvam
Sanskrit only: no published translation is held for this verse.
* अस्त्व् अचेतनः को दोष इति चेत् चेतनानां कारणं स्वयम् अचेतन इति विचित्रेयम् उक्तिः
* astv acetanaḥ ko doṣa iti cet cetanānāṃ kāraṇaṃ svayam acetana iti vicitreyam uktiḥ
Sanskrit only: no published translation is held for this verse.
* आचैतन्याभ्युपगमे चास्य बुद्धिमत्कर्त्रनधिष्ठितस्य मृत्पिण्डादेर् इव न स्वकार्यजनने सामर्थ्यम्
* ācaitanyābhyupagame cāsya buddhimatkartranadhiṣṭhitasya mṛtpiṇḍāder iva na svakāryajanane sāmarthyam
Sanskrit only: no published translation is held for this verse.
* ये ऽपि च ग्राहकत्वेन स्वसंवेदनसिद्धा आत्मानो भोक्तारस् तत उत्पन्ना इत्य् उच्यन्ते ते ऽप्य् उत्पाद्यत्वात् घटादिवद् अचेतनाः प्रसज्यन्त इत्य् अनेकदोषाश्रयस्य परमात्माद्वैतस्यानुपपत्तिः
* ye 'pi ca grāhakatvena svasaṃvedanasiddhā ātmāno bhoktāras tata utpannā ity ucyante te 'py utpādyatvāt ghaṭādivad acetanāḥ prasajyanta ity anekadoṣāśrayasya paramātmādvaitasyānupapattiḥ
Sanskrit only: no published translation is held for this verse.
* अथैवं वेदान्तवादिनां मते निराकृते कापिलोक्तात् प्रकृतिपुरुषविवेकज्ञानान् निःश्रेयसावाप्तिर् भविष्यति
* athaivaṃ vedāntavādināṃ mate nirākṛte kāpiloktāt prakṛtipuruṣavivekajñānān niḥśreyasāvāptir bhaviṣyati
Sanskrit only: no published translation is held for this verse.
* यथा चाहुः
* yathā cāhuḥ
Sanskrit only: no published translation is held for this verse.
* एवं तत्त्वाभ्यासान् नास्मि न मे नाहम् इत्य् अपरिशेषात्
* evaṃ tattvābhyāsān nāsmi na me nāham ity apariśeṣāt
Sanskrit only: no published translation is held for this verse.
* एकान्तिकम् आत्यन्तिकम् उभयं कैवल्यम् आप्नोतीति
* ekāntikam ātyantikam ubhayaṃ kaivalyam āpnotīti
Sanskrit only: no published translation is held for this verse.
* श्रुतिर् अप्य् आह अजाम् एकां लोहितशुक्लकृष्णां बह्वीः प्रजा जनयन्तीं सरूपाः । * अजो ह्य् एको जुषमाणो ऽनुशेते जहात्य् एनां भुक्तभोगाम् अजो ऽन्य इति
* śrutir apy āha ajām ekāṃ lohitaśuklakṛṣṇāṃ bahvīḥ prajā janayantīṃ sarūpāḥ / * ajo hy eko juṣamāṇo 'nuśete jahāty enāṃ bhuktabhogām ajo 'nya iti
Sanskrit only: no published translation is held for this verse.
* एतद् अपि निराकर्तुम् आह
* etad api nirākartum āha
Sanskrit only: no published translation is held for this verse.