Mrgendratantra, Vidyapada 1 - 7.23 1.2.20

* तस्य देहात् पूर्वं सदसत्त्वेनाभिमतस्य व्यापकत्वात् पुद्गलान्तरैः सह कर्मसंकरः शङ्क्यते

* tasya dehāt pūrvaṃ sadasattvenābhimatasya vyāpakatvāt pudgalāntaraiḥ saha karmasaṃkaraḥ śaṅkyate

Sanskrit only: no published translation is held for this verse.

* व्यापकत्वे हि विप्रकीर्णानां कर्मणां भोक्तृन् प्रति नियमः किंकृतः अव्यापकानां तु तेषां प्रत्येकं व्यवस्थितो मोहादिबन्धपदार्थ एव तन्नियामक इति कर्मसंकरभयाद् अव्यापकत्वम् अचेतसः दुर्बुद्धयः जगुर् ऊचुः

* vyāpakatve hi viprakīrṇānāṃ karmaṇāṃ bhoktṛn prati niyamaḥ kiṃkṛtaḥ avyāpakānāṃ tu teṣāṃ pratyekaṃ vyavasthito mohādibandhapadārtha eva tanniyāmaka iti karmasaṃkarabhayād avyāpakatvam acetasaḥ durbuddhayaḥ jagur ūcuḥ

Sanskrit only: no published translation is held for this verse.

* कुत एषां मन्दबुद्धित्वम् इत्य् आह सामान्येतरसंबन्धज्ञानाभावात् समान्येनानादिकालीनेनात्मनो व्यापकत्वेन यः संबन्धः सर्वकालभावित्वेन साधारण्यम् अस्य इतरेण च मुक्ताव् एव संजातत्वात् तथारूपेण तयोर् ज्ञानं सम्यगवबोधस् तेषां पुद्गलवादिनां नास्ति

* kuta eṣāṃ mandabuddhitvam ity āha sāmānyetarasaṃbandhajñānābhāvāt samānyenānādikālīnenātmano vyāpakatvena yaḥ saṃbandhaḥ sarvakālabhāvitvena sādhāraṇyam asya itareṇa ca muktāv eva saṃjātatvāt tathārūpeṇa tayor jñānaṃ samyagavabodhas teṣāṃ pudgalavādināṃ nāsti

Sanskrit only: no published translation is held for this verse.

* यदि हि तदवबोध एषां स्यात् तदा नैवम् अयुक्तम् एव कल्पयेयुर् मोहादिपाशावरुद्धसहजव्यापकस्वभावस्यात्मनः स्वभावत एवाव्यापकत्वाभ्युपगमो यस् तस्य विरुद्धत्वात्

* yadi hi tadavabodha eṣāṃ syāt tadā naivam ayuktam eva kalpayeyur mohādipāśāvaruddhasahajavyāpakasvabhāvasyātmanaḥ svabhāvata evāvyāpakatvābhyupagamo yas tasya viruddhatvāt

Sanskrit only: no published translation is held for this verse.