* द्रव्यगुणकर्मसामान्यविशेषसमवायानां षण्णां पदार्थानां साधर्म्यवैधर्म्यतत्त्वज्ञानं निःश्रेयसहेतुर् इत्य् अभ्युपगमात् द्रव्यादिपदार्थषट्कस्य यथावज् ज्ञानाद् अज्ञाननिवृत्तौ रगादिदोषोपशमे बुद्धिसुखदुःखेच्छाद्वेषप्रयत्नधर्माधर्मसंस्काराणां नवानाम् आत्मगुणानां देहसंयोगजत्वात् क्रमेण निवृत्तौ या मुक्तिः सा बुद्ध्याद्युपरमे सति आत्मनस् तद्विनाकृतस्य किंचिज्ज्ञत्वोपरमाज् जडतारूपाङ्गीक्रियते ततः शवो ऽपि किं न मुक्तः कल्प्यते तस्यापि बुद्ध्यादिगुणाविरहेणेच्छाज्ञानादिविनाकृतत्वाद् इति भावः
* dravyaguṇakarmasāmānyaviśeṣasamavāyānāṃ ṣaṇṇāṃ padārthānāṃ sādharmyavaidharmyatattvajñānaṃ niḥśreyasahetur ity abhyupagamāt dravyādipadārthaṣaṭkasya yathāvaj jñānād ajñānanivṛttau ragādidoṣopaśame buddhisukhaduḥkhecchādveṣaprayatnadharmādharmasaṃskārāṇāṃ navānām ātmaguṇānāṃ dehasaṃyogajatvāt krameṇa nivṛttau yā muktiḥ sā buddhyādyuparame sati ātmanas tadvinākṛtasya kiṃcijjñatvoparamāj jaḍatārūpāṅgīkriyate tataḥ śavo 'pi kiṃ na muktaḥ kalpyate tasyāpi buddhyādiguṇāviraheṇecchājñānādivinākṛtatvād iti bhāvaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.