Mrgendratantra, Vidyapada 1 - 7.23 1.2.26

* शुद्धचित्संततिसमुत्पादो भवतां मोक्षः स्यात् यदि वा प्रदीपनिर्वाणरूपः

* śuddhacitsaṃtatisamutpādo bhavatāṃ mokṣaḥ syāt yadi vā pradīpanirvāṇarūpaḥ

Sanskrit only: no published translation is held for this verse.

* आद्ये पक्षे स्वपरिकल्पितस्य प्रतिक्षणविनाशित्वलक्षणस्योपप्लवस्य मुक्ताव् अप्य् अनुपशमः

* ādye pakṣe svaparikalpitasya pratikṣaṇavināśitvalakṣaṇasyopaplavasya muktāv apy anupaśamaḥ

Sanskrit only: no published translation is held for this verse.

* द्वितीये तु प्रदीपनिर्वाणरूपत्वात् संवेदनासंभवतः कश्चिद् अप्य् अनुभवो नास्तीति तथाविधात् संवेदनविनाशात्मकात् काष्ठकुड्यादीनाम् अपि सुलभान् मोक्षात् संसारावस्था वरं सौगतानाम् इति कृतम् एवंविधमोक्षलिप्सया

* dvitīye tu pradīpanirvāṇarūpatvāt saṃvedanāsaṃbhavataḥ kaścid apy anubhavo nāstīti tathāvidhāt saṃvedanavināśātmakāt kāṣṭhakuḍyādīnām api sulabhān mokṣāt saṃsārāvasthā varaṃ saugatānām iti kṛtam evaṃvidhamokṣalipsayā

Sanskrit only: no published translation is held for this verse.

* तदियता वेदान्तसांख्यसदसत्पादार्थिकादिमतेषु असर्वदर्शिप्रणेतृत्वाद् वस्तुसंग्रहस्यास्फुटत्वम् असंबद्धतां चोद्भाव्य दर्शनान्तराणाम् अप्य् एषैव वार्तेति तत्तदभिनिवेशिनां न निरतिशयनिःश्रेयसयोग इति वक्तुम् आह

* tadiyatā vedāntasāṃkhyasadasatpādārthikādimateṣu asarvadarśipraṇetṛtvād vastusaṃgrahasyāsphuṭatvam asaṃbaddhatāṃ codbhāvya darśanāntarāṇām apy eṣaiva vārteti tattadabhiniveśināṃ na niratiśayaniḥśreyasayoga iti vaktum āha

Sanskrit only: no published translation is held for this verse.