Mrgendratantra, Vidyapada 1 - 7.23 1.2.29

* इह शास्त्रे यः सिद्धः स विविधभुवनोपपन्नविचित्रैश्वर्यसंपादिततत्तद्भोगभाक् सर्वोत्त्कर्षशाली भवति

* iha śāstre yaḥ siddhaḥ sa vividhabhuvanopapannavicitraiśvaryasaṃpāditatattadbhogabhāk sarvottkarṣaśālī bhavati

Sanskrit only: no published translation is held for this verse.

* तथा चोक्तं बृहस्पतिपादैः यन् माहात्म्यं भगवति परमशिवे ऽनुपमम् अव्ययम् अचिन्त्यम्

* tathā coktaṃ bṛhaspatipādaiḥ yan māhātmyaṃ bhagavati paramaśive 'nupamam avyayam acintyam

Sanskrit only: no published translation is held for this verse.

* तन् माहात्म्यं सिद्धे हतबन्धनमण्डले भवतीति

* tan māhātmyaṃ siddhe hatabandhanamaṇḍale bhavatīti

Sanskrit only: no published translation is held for this verse.

* न च दर्शनान्तरप्रतिपन्नब्रह्मलयसंविद्विनाशप्रकृतिपुरुषविवेकाद्यात्मनो मोक्षस्यैवंगुणत्वम् इत्य् उक्तम्

* na ca darśanāntarapratipannabrahmalayasaṃvidvināśaprakṛtipuruṣavivekādyātmano mokṣasyaivaṃguṇatvam ity uktam

Sanskrit only: no published translation is held for this verse.

* यस् त्व् अस्मिन् दर्शने मुक्तः स बन्धकारणानां मलकर्ममायापरमेश्वरनिरोधशक्तीनाम् उपरताधिकारत्वात् पुनः सर्गप्रारम्भे नाधो ऽभ्येति न संसारी भवतीत्य् अर्थः

* yas tv asmin darśane muktaḥ sa bandhakāraṇānāṃ malakarmamāyāparameśvaranirodhaśaktīnām uparatādhikāratvāt punaḥ sargaprārambhe nādho 'bhyeti na saṃsārī bhavatīty arthaḥ

Sanskrit only: no published translation is held for this verse.

* किं तर्हि स करोतीत्य् आह विश्वान् अर्थान् इति आविर्भूतनिरतिशयसर्वार्थज्ञत्वकर्तृत्वतः शिवसमानमहिमत्वात् स्वतेजसा समधिष्ठितसर्वार्थो ऽपि सन् मुक्तात्मा न किंचित् करोति करणीयाभावात्

* kiṃ tarhi sa karotīty āha viśvān arthān iti āvirbhūtaniratiśayasarvārthajñatvakartṛtvataḥ śivasamānamahimatvāt svatejasā samadhiṣṭhitasarvārtho 'pi san muktātmā na kiṃcit karoti karaṇīyābhāvāt

Sanskrit only: no published translation is held for this verse.

* एवं चेन् मुक्तेः पूर्वम् अकिंचित्करो ऽभूत् मुक्तश् च तद्रूप एवेति को ऽस्य मुक्तौ विशेषः

* evaṃ cen mukteḥ pūrvam akiṃcitkaro 'bhūt muktaś ca tadrūpa eveti ko 'sya muktau viśeṣaḥ

Sanskrit only: no published translation is held for this verse.

* अयं विशेषः यत् सर्वेशानेन परमेश्वरेणानीशितः अप्रेरितस् तदानीम् असौ भवति

* ayaṃ viśeṣaḥ yat sarveśānena parameśvareṇānīśitaḥ apreritas tadānīm asau bhavati

Sanskrit only: no published translation is held for this verse.

* किं किंचिद् एव कालम् अप्रेर्यः

* kiṃ kiṃcid eva kālam apreryaḥ

Sanskrit only: no published translation is held for this verse.

* नेत्य् आह सर्वदेति सर्वकालं तं प्रत्यप्रेरकः शिवभट्टारको भवतीत्य् अर्थः

* nety āha sarvadeti sarvakālaṃ taṃ pratyaprerakaḥ śivabhaṭṭārako bhavatīty arthaḥ

Sanskrit only: no published translation is held for this verse.