* जगतो जन्मवज् जन्तुचक्रस्य भोगोपयोगिपरिकरसहितस्य पौनःपुन्येन तत्तद्विविधयोनिषु उद्भावनं जन्म स्थितिस् तदिच्छानिरुद्धस्य सर्वलोकस्य स्वगोचरे नियोगः स्थापनं ध्वंस आदानं जगद्योनाव् उपसंहारः तिरोभावो यथानुरूपाद् भोगाद् अप्रच्यावः संरक्षणाख्ययान्य् अत्रोक्तः
* jagato janmavaj jantucakrasya bhogopayogiparikarasahitasya paunaḥpunyena tattadvividhayoniṣu udbhāvanaṃ janma sthitis tadicchāniruddhasya sarvalokasya svagocare niyogaḥ sthāpanaṃ dhvaṃsa ādānaṃ jagadyonāv upasaṃhāraḥ tirobhāvo yathānurūpād bhogād apracyāvaḥ saṃrakṣaṇākhyayāny atroktaḥ
Sanskrit only: no published translation is held for this verse.
* यद् आह वार्त्तिककारः
* yad āha vārttikakāraḥ
Sanskrit only: no published translation is held for this verse.
* स्वसंस्कारोचिताद् भोगाद् अप्रच्यावः शरीरिणाम्
* svasaṃskārocitād bhogād apracyāvaḥ śarīriṇām
Sanskrit only: no published translation is held for this verse.
* प्रोक्तं संरक्षणं नाम न्यायेन परिकल्पनम् इति
* proktaṃ saṃrakṣaṇaṃ nāma nyāyena parikalpanam iti
Sanskrit only: no published translation is held for this verse.
* विमुक्तिशब्देनात्रानुध्यानरूपो ऽनुग्रह इत्य् एतत् परमेश्वरस्य संबन्धि पञ्चविधं कृत्यं कारकैः शक्त्यादिभिः फलेन च भुक्तिमुक्त्यात्मना सहितं ज्ञेयम् अवबोद्धव्यम्
* vimuktiśabdenātrānudhyānarūpo 'nugraha ity etat parameśvarasya saṃbandhi pañcavidhaṃ kṛtyaṃ kārakaiḥ śaktyādibhiḥ phalena ca bhuktimuktyātmanā sahitaṃ jñeyam avaboddhavyam
Sanskrit only: no published translation is held for this verse.
* एतच् च न मायादिभिः कर्मभिर् वा निर्वर्तयितुं शक्यम् आचैतन्यात् नापि पुरुषेणास्य मलनिरुद्धशक्तित्वात्
* etac ca na māyādibhiḥ karmabhir vā nirvartayituṃ śakyam ācaitanyāt nāpi puruṣeṇāsya malaniruddhaśaktitvāt
Sanskrit only: no published translation is held for this verse.
* न चानीश्वरो ऽत्र कर्ता युक्तः
* na cānīśvaro 'tra kartā yuktaḥ
Sanskrit only: no published translation is held for this verse.
* यश् चैतत् सृष्ट्यादि कर्तुं शक्नोति सो ऽवश्यं तद्विषयज्ञः चिकीर्षितकार्यविषयाणां ज्ञानविशेषाणाम् अंशेनापि वैकल्ये तत्तत्कार्यानिष्पत्तेः
* yaś caitat sṛṣṭyādi kartuṃ śaknoti so 'vaśyaṃ tadviṣayajñaḥ cikīrṣitakāryaviṣayāṇāṃ jñānaviśeṣāṇām aṃśenāpi vaikalye tattatkāryāniṣpatteḥ
Sanskrit only: no published translation is held for this verse.
* अतश् च सर्वकर्त्रा सर्वज्ञेन तेन च स्वभावसिद्धेन जगतः कर्त्रा भवितव्यम्
* ataś ca sarvakartrā sarvajñena tena ca svabhāvasiddhena jagataḥ kartrā bhavitavyam
Sanskrit only: no published translation is held for this verse.
* अर्वाग् इति आदिमत्त्वेन सिद्धे तस्मिन्न् अभ्युपगम्यमाने यदि कारणात् कुतश्चित् तस्यासाव् अनुग्रहस् तस्यापि कारणं तत्कारणस्यापि कारणान्तरं मृग्यम् इत्य् अनवस्था
* arvāg iti ādimattvena siddhe tasminn abhyupagamyamāne yadi kāraṇāt kutaścit tasyāsāv anugrahas tasyāpi kāraṇaṃ tatkāraṇasyāpi kāraṇāntaraṃ mṛgyam ity anavasthā
Sanskrit only: no published translation is held for this verse.
* अथास्य विनैव कारणं स्वत एव तथाविधम् ऐश्वर्यं तद् अकस्माज् जातं तर्ह्य् एष निर्हेतुको मोक्षो ऽन्यान् अपेक्षणात् सर्वस्यैव स्यात् तस्यापि वा न स्यात्
* athāsya vinaiva kāraṇaṃ svata eva tathāvidham aiśvaryaṃ tad akasmāj jātaṃ tarhy eṣa nirhetuko mokṣo 'nyān apekṣaṇāt sarvasyaiva syāt tasyāpi vā na syāt
Sanskrit only: no published translation is held for this verse.
* यद् आहुः । * नित्यं सत्त्वम् असत्त्वं वा हेतोर् अन्यान् अपेक्षणात् । * अपेक्षातो हि भावानां कादाचित्कत्वसंभवः इति
* yad āhuḥ / * nityaṃ sattvam asattvaṃ vā hetor anyān apekṣaṇāt / * apekṣāto hi bhāvānāṃ kādācitkatvasaṃbhavaḥ iti
Sanskrit only: no published translation is held for this verse.
* तस्मात् स्वभावसिद्धनित्यनिरतिशयनिर्मलसर्वार्थदृक्क्रियः पतिपदार्थः पूर्वम् उद्दिष्टो ऽनेन लक्षितः परीक्ष्यते पुरस्तात्
* tasmāt svabhāvasiddhanityaniratiśayanirmalasarvārthadṛkkriyaḥ patipadārthaḥ pūrvam uddiṣṭo 'nena lakṣitaḥ parīkṣyate purastāt
Sanskrit only: no published translation is held for this verse.
* इदानीं पशुपदार्थं लक्षयितुम् आह
* idānīṃ paśupadārthaṃ lakṣayitum āha
Sanskrit only: no published translation is held for this verse.