Library·Mrgendratantra, Vidyapada 1 - 7.23·1·1.2·1.2.6
* ज्ञानक्रियात्मकं यच् चैतन्यं तद् आत्मन्य् अस्ति न तु शरीरसमवेतम् इति चार्वाकनिराकरणे वक्ष्यामः
* jñānakriyātmakaṃ yac caitanyaṃ tad ātmany asti na tu śarīrasamavetam iti cārvākanirākaraṇe vakṣyāmaḥ
Sanskrit only: no published translation is held for this verse.
* तच् च सर्वदैवास्ति न तु मुक्ताव् एव
* tac ca sarvadaivāsti na tu muktāv eva
Sanskrit only: no published translation is held for this verse.
* मुक्तौ तु संवित्त्यभावो यथा वैशेषिकैर् इष्टः तथाविधाया मोहरूपाया मुक्तेर् निराकरिष्यमाणत्वात्
* muktau tu saṃvittyabhāvo yathā vaiśeṣikair iṣṭaḥ tathāvidhāyā moharūpāyā mukter nirākariṣyamāṇatvāt
Sanskrit only: no published translation is held for this verse.
* तच् चात्मनश् चैतन्यं ज्ञानक्रियात्मकं सर्वतोमुखम् अस्ति न तु क्षपणकानाम् इव देहप्रमाणकत्वनियमाद् अव्यापि पशुपदार्थप्रकरणे व्यापकत्वस्य वक्ष्यमाणत्वात्
* tac cātmanaś caitanyaṃ jñānakriyātmakaṃ sarvatomukham asti na tu kṣapaṇakānām iva dehapramāṇakatvaniyamād avyāpi paśupadārthaprakaraṇe vyāpakatvasya vakṣyamāṇatvāt
Sanskrit only: no published translation is held for this verse.
* अत्र हेतुम् आह यतो मुक्तौ श्रूयते सर्वतोमुखं मुक्तात्मनां सर्वतोमुखस्य चैतन्यस्य श्रवणाद् इत्य् अर्थः
* atra hetum āha yato muktau śrūyate sarvatomukhaṃ muktātmanāṃ sarvatomukhasya caitanyasya śravaṇād ity arthaḥ
Sanskrit only: no published translation is held for this verse.
* न च तेषां तदानीम् एव तद् उत्पद्यते इति वाच्यं सदुत्पत्तेः सत्कार्यवादप्रकरणे ऽभिधास्यमानत्वात्
* na ca teṣāṃ tadānīm eva tad utpadyate iti vācyaṃ sadutpatteḥ satkāryavādaprakaraṇe 'bhidhāsyamānatvāt
Sanskrit only: no published translation is held for this verse.
* अथ मुक्ताव् एव तथाविधचैतन्यश्रुतेः पूर्वं च तदनुपलम्भाद् अन्वयव्यतिरेकाभ्यां संसारावस्थायां सर्वतोमुखत्वं चैतन्यस्य कुत इत्य् आशङ्कानिरासायाह सद् अप्य् अभासमानत्वाद् इत्यादि
* atha muktāv eva tathāvidhacaitanyaśruteḥ pūrvaṃ ca tadanupalambhād anvayavyatirekābhyāṃ saṃsārāvasthāyāṃ sarvatomukhatvaṃ caitanyasya kuta ity āśaṅkānirāsāyāha sad apy abhāsamānatvād ityādi
Sanskrit only: no published translation is held for this verse.
* सत्यम् अनुपलम्भः संसारावस्थायां तथाविधस्य चैतन्यस्य
* satyam anupalambhaḥ saṃsārāvasthāyāṃ tathāvidhasya caitanyasya
Sanskrit only: no published translation is held for this verse.
* स त्व् अन्यथासिद्धः
* sa tv anyathāsiddhaḥ
Sanskrit only: no published translation is held for this verse.
* व्यञ्चकाभावकृतो हि यो ऽनुपलम्भः स नाभावसाधकः अपि तु असति व्यञ्जके यश् चायम् अनुपलम्भः स व्यञ्जकाभावकृतः अतश् च नासत्त्वं साधयति
* vyañcakābhāvakṛto hi yo 'nupalambhaḥ sa nābhāvasādhakaḥ api tu asati vyañjake yaś cāyam anupalambhaḥ sa vyañjakābhāvakṛtaḥ ataś ca nāsattvaṃ sādhayati
Sanskrit only: no published translation is held for this verse.
* तच् च सर्वतोमुखत्वं सद् अपि यस्मान् न प्रथते ततः केनापि प्रतिबद्धम् इत्य् अवसीयते
* tac ca sarvatomukhatvaṃ sad api yasmān na prathate tataḥ kenāpi pratibaddham ity avasīyate
Sanskrit only: no published translation is held for this verse.
* अस्माच् च हेतोर् अनावृतनिजसामर्थ्यस्य मुक्तेः पुरा स आत्मा वश्य इति
* asmāc ca hetor anāvṛtanijasāmarthyasya mukteḥ purā sa ātmā vaśya iti
Sanskrit only: no published translation is held for this verse.