Library·Mrgendratantra, Vidyapada 1 - 7.23·1·1.2·1.2.7
* प्रावृणोति प्रकर्षेणाच्छादयति आत्मनां दृक्क्रिये इति प्रावृतिः स्वाभाविक्य् अशुद्धिर् मल इत्य् अर्थः
* prāvṛṇoti prakarṣeṇācchādayati ātmanāṃ dṛkkriye iti prāvṛtiḥ svābhāviky aśuddhir mala ity arthaḥ
Sanskrit only: no published translation is held for this verse.
* ईष्टे स्वातन्त्र्येणेतीशः तदीयं बलं रोधशक्तिर् द्वितीयः पाशः
* īṣṭe svātantryeṇetīśaḥ tadīyaṃ balaṃ rodhaśaktir dvitīyaḥ pāśaḥ
Sanskrit only: no published translation is held for this verse.
* तथा ह्य् अग्रे वक्ष्यति तासां माहेश्वरी शक्तिः सर्वानुग्राहिका शिवा धर्मानुवर्तनाद् एव पाश इत्य् उपचर्यते इति
* tathā hy agre vakṣyati tāsāṃ māheśvarī śaktiḥ sarvānugrāhikā śivā dharmānuvartanād eva pāśa ity upacaryate iti
Sanskrit only: no published translation is held for this verse.
* क्रियते तत्तत्फलार्थिभिर् इति कर्म तस्य चानादित्वम् आद्यकोटेर् अनुपलभ्यमानत्वात् यतः
* kriyate tattatphalārthibhir iti karma tasya cānāditvam ādyakoṭer anupalabhyamānatvāt yataḥ
Sanskrit only: no published translation is held for this verse.
* शरीरवतः कर्म करणं तच् च शरीरं कर्मारब्धं तान्यपि शरीरान्तरेण कृतानि तच् च कर्मजम् इति सो ऽयं तृतीयः पाशः
* śarīravataḥ karma karaṇaṃ tac ca śarīraṃ karmārabdhaṃ tānyapi śarīrāntareṇa kṛtāni tac ca karmajam iti so 'yaṃ tṛtīyaḥ pāśaḥ
Sanskrit only: no published translation is held for this verse.
* मात्यस्यां शक्त्यात्मना प्रलये सर्वं जगत् सृष्टौ व्यक्तिं यातीति माया
* mātyasyāṃ śaktyātmanā pralaye sarvaṃ jagat sṛṣṭau vyaktiṃ yātīti māyā
Sanskrit only: no published translation is held for this verse.
* यथोक्तं श्रीमत्सौरभेये । * शक्तिरूपेण कार्याणि तल्लीनानि महाक्षये विकृतौ व्यक्तिम् आयान्ति इति
* yathoktaṃ śrīmatsaurabheye / * śaktirūpeṇa kāryāṇi tallīnāni mahākṣaye vikṛtau vyaktim āyānti iti
Sanskrit only: no published translation is held for this verse.
* स्वकार्येण कलादिना सहितेयम् अप्य् अनादिकालीना चतुर्थः पाश इति
* svakāryeṇa kalādinā sahiteyam apy anādikālīnā caturthaḥ pāśa iti
Sanskrit only: no published translation is held for this verse.
* एतद् आत्मनां सहजसामर्थ्यप्रतिबन्धकत्वात् पाशानां जालम् इव जालं समासतः संक्षेपाद् उक्तम्
* etad ātmanāṃ sahajasāmarthyapratibandhakatvāt pāśānāṃ jālam iva jālaṃ samāsataḥ saṃkṣepād uktam
Sanskrit only: no published translation is held for this verse.
* येषां च ये धर्मा व्यापारास् ते नाम्नैव प्रदर्शिताः अन्वर्थेन स्वाभिधानेन सूचितास् तथापि यथावसरं वक्ष्यन्ते
* yeṣāṃ ca ye dharmā vyāpārās te nāmnaiva pradarśitāḥ anvarthena svābhidhānena sūcitās tathāpi yathāvasaraṃ vakṣyante
Sanskrit only: no published translation is held for this verse.
* अथ पदार्थत्रयोपसंहारः
* atha padārthatrayopasaṃhāraḥ
Sanskrit only: no published translation is held for this verse.