Library·Mrgendratantra, Vidyapada 1 - 7.23·1·1.2·1.2.9
* तस्य च विनियोगस्य विभजनस्य मुक्तिः फलम् अनुषङ्गतः अनुनिष्पन्नतया मुक्तिर् अपि वक्ष्यमाणा भौतिकदीक्षादिभिः समभिलषितभोगोपभोगात् परतः परकैवल्याविर्भावः
* tasya ca viniyogasya vibhajanasya muktiḥ phalam anuṣaṅgataḥ anuniṣpannatayā muktir api vakṣyamāṇā bhautikadīkṣādibhiḥ samabhilaṣitabhogopabhogāt parataḥ parakaivalyāvirbhāvaḥ
Sanskrit only: no published translation is held for this verse.
* तथा चोक्तं रुरुसंहितायाम्
* tathā coktaṃ rurusaṃhitāyām
Sanskrit only: no published translation is held for this verse.
* दीक्षापूता गणपतिगुरोर् मण्डले जन्मवन्तः सिद्धा मन्त्रैस् तरुणदिनकृन्मण्डलोद्भासिदेहाः
* dīkṣāpūtā gaṇapatiguror maṇḍale janmavantaḥ siddhā mantrais taruṇadinakṛnmaṇḍalodbhāsidehāḥ
Sanskrit only: no published translation is held for this verse.
* भुक्त्वा भोगान् सुचिरम् अमरस्त्रीनिकायैर् उपेताः स्रस्तोत्कण्ठाः शिवपदपरैश्वर्यभाजो भवन्तीति
* bhuktvā bhogān suciram amarastrīnikāyair upetāḥ srastotkaṇṭhāḥ śivapadaparaiśvaryabhājo bhavantīti
Sanskrit only: no published translation is held for this verse.
* तेन भुक्तिमुक्ती परापरविभागेन बहुधा भिद्येते
* tena bhuktimuktī parāparavibhāgena bahudhā bhidyete
Sanskrit only: no published translation is held for this verse.
* तत्र परा मुक्तिः पातालादिकलान्ताध्ववर्तिविचित्रैश्वर्यसम्पन्नतत्तद्भुवनाधिपत्यं तत्तद्भुवनवासित्वमात्रं चापरा
* tatra parā muktiḥ pātālādikalāntādhvavartivicitraiśvaryasampannatattadbhuvanādhipatyaṃ tattadbhuvanavāsitvamātraṃ cāparā
Sanskrit only: no published translation is held for this verse.
* एवं परा मुक्तिः परमेश्वरसाम्यम् अपरा तु मन्त्रमन्त्रेश्वरत्वम्
* evaṃ parā muktiḥ parameśvarasāmyam aparā tu mantramantreśvaratvam
Sanskrit only: no published translation is held for this verse.
* आसां च यथा बहुभेदत्वं तथाग्रे वक्ष्यामः
* āsāṃ ca yathā bahubhedatvaṃ tathāgre vakṣyāmaḥ
Sanskrit only: no published translation is held for this verse.
* अथान्येभ्यो दर्शनेभ्यः को ऽस्य पारमेश्वरस्य ज्ञानस्य विशेष इति मुनिः प्रष्टुम् आह
* athānyebhyo darśanebhyaḥ ko 'sya pārameśvarasya jñānasya viśeṣa iti muniḥ praṣṭum āha
Sanskrit only: no published translation is held for this verse.