Maitreya (attrib.): M 1

लक्षणं ह्यावृतिस्तत्त्वं प्रतिपक्षस्य भावना । तत्रावस्था फलप्राप्तिर्यानानुत्तर्यमेव च

lakṣaṇaṃ hyāvṛtistattvaṃ pratipakṣasya bhāvanā / tatrāvasthā phalaprāptiryānānuttaryameva ca

Sanskrit only: no published translation is held for this verse.

अभूतपरिकल्पो ऽस्ति द्वयं तत्र न विद्यते । शून्यता विद्यते त्वत्र तस्यामपि स विद्यते

abhūtaparikalpo 'sti dvayaṃ tatra na vidyate / śūnyatā vidyate tvatra tasyāmapi sa vidyate

Sanskrit only: no published translation is held for this verse.

न शून्यं नापि चाशून्यं तस्मात् सर्वं विधीयते । सत्त्वादसत्त्वात् सत्त्वाच्च मध्यमा प्रतिपच्च सा

na śūnyaṃ nāpi cāśūnyaṃ tasmāt sarvaṃ vidhīyate / sattvādasattvāt sattvācca madhyamā pratipacca sā

Sanskrit only: no published translation is held for this verse.

अर्थसत्त्वात्मविज्ञप्तिप्रतिभासं प्रजायते । विज्ञानं नास्ति चास्यार्थस्तदभावात्तदप्यसत्

arthasattvātmavijñaptipratibhāsaṃ prajāyate / vijñānaṃ nāsti cāsyārthastadabhāvāttadapyasat

Sanskrit only: no published translation is held for this verse.

अभूतपरिकल्पत्वं सिद्धमस्य भवत्यतः । न तथा सर्वथाभावात् तत्क्षयान्मुक्तिरिष्यते

abhūtaparikalpatvaṃ siddhamasya bhavatyataḥ / na tathā sarvathābhāvāt tatkṣayānmuktiriṣyate

Sanskrit only: no published translation is held for this verse.

कल्पितः परतन्त्रश्च परिनिष्पन्न एव च । अर्थादभूतकल्पाच्च द्वयाभावाच्च देशितः

kalpitaḥ paratantraśca pariniṣpanna eva ca / arthādabhūtakalpācca dvayābhāvācca deśitaḥ

Sanskrit only: no published translation is held for this verse.

उपलब्धिं समाश्रित्य नोपलब्धिः प्रजायते । नोपलब्धिं समाश्रित्य नोपलब्धिः प्रजायते

upalabdhiṃ samāśritya nopalabdhiḥ prajāyate / nopalabdhiṃ samāśritya nopalabdhiḥ prajāyate

Sanskrit only: no published translation is held for this verse.

उपलब्धेस्ततः सिद्धा नोपलब्धिस्वभावता । तस्माच्च समता ज्ञेया नोपलम्भोपलम्भयोः

upalabdhestataḥ siddhā nopalabdhisvabhāvatā / tasmācca samatā jñeyā nopalambhopalambhayoḥ

Sanskrit only: no published translation is held for this verse.

अभूतपरिकल्पश्च चित्तचैत्तास्त्रिधातुकाः । तत्रार्थदृष्टिर्विज्ञानं तद्विशेषे तु चैतसाः

abhūtaparikalpaśca cittacaittāstridhātukāḥ / tatrārthadṛṣṭirvijñānaṃ tadviśeṣe tu caitasāḥ

Sanskrit only: no published translation is held for this verse.

एवं प्रत्ययविज्ञानं द्वितीयं चौपभोगिकम् । उपभोगपरिच्छेदप्रेरकास्तत्र चैतसाः

evaṃ pratyayavijñānaṃ dvitīyaṃ caupabhogikam / upabhogaparicchedaprerakāstatra caitasāḥ

Sanskrit only: no published translation is held for this verse.

छादनाद्रोपणाच्चैव नयनात्संपरिग्रहात् । पूरणात् त्रिपरिच्छेदादुपभोगाच्च कर्षणात्

chādanādropaṇāccaiva nayanātsaṃparigrahāt / pūraṇāt triparicchedādupabhogācca karṣaṇāt

Sanskrit only: no published translation is held for this verse.

निबन्धनादाभिमख्याद् दुःखनात् क्लिश्यते जगत् । त्रेधा द्वेधा च संक्लेशः सप्तधाभूतकल्पनात्

nibandhanādābhimakhyād duḥkhanāt kliśyate jagat / tredhā dvedhā ca saṃkleśaḥ saptadhābhūtakalpanāt

Sanskrit only: no published translation is held for this verse.

लक्षणं चाथ पर्यायस्तदर्थो भेद एव च । साधनञ्चेति विज्ञेयं शून्यतायाः समासतः

lakṣaṇaṃ cātha paryāyastadartho bheda eva ca / sādhanañceti vijñeyaṃ śūnyatāyāḥ samāsataḥ

Sanskrit only: no published translation is held for this verse.

द्वयाभावो ह्यभावस्य भावः शून्यस्य लक्षणम् । न भावो नापि चाभावओ न पृथक्त्वैकलक्षणम्

dvayābhāvo hyabhāvasya bhāvaḥ śūnyasya lakṣaṇam / na bhāvo nāpi cābhāvao na pṛthaktvaikalakṣaṇam

Sanskrit only: no published translation is held for this verse.

तथता भूतकोटिश्चानिमित्तं परमार्थता । धर्मधातुश्च पर्यायाः शून्यतायाः समासतः

tathatā bhūtakoṭiścānimittaṃ paramārthatā / dharmadhātuśca paryāyāḥ śūnyatāyāḥ samāsataḥ

Sanskrit only: no published translation is held for this verse.

अनन्यथाविपर्यासतन्निरोधार्यगोचरैः । हेतुत्वाच्चार्यधर्मणां पर्यायार्थो यथाक्रमम्

ananyathāviparyāsatannirodhāryagocaraiḥ / hetutvāccāryadharmaṇāṃ paryāyārtho yathākramam

Sanskrit only: no published translation is held for this verse.

संक्लिष्टा च विशुद्धा च समला निर्मला च सा । अब्धातुकनकाकाशशुद्धिवच्छुद्धिरिष्यते

saṃkliṣṭā ca viśuddhā ca samalā nirmalā ca sā / abdhātukanakākāśaśuddhivacchuddhiriṣyate

Sanskrit only: no published translation is held for this verse.

भोक्तृभोजनतद्धेहप्रतिष्ठावस्तुशून्यता । तच्च येन यथा दृष्टं यदर्थं तस्य शून्यता

bhoktṛbhojanataddhehapratiṣṭhāvastuśūnyatā / tacca yena yathā dṛṣṭaṃ yadarthaṃ tasya śūnyatā

Sanskrit only: no published translation is held for this verse.

शुभद्वयस्य प्राप्त्यर्थ सदा सत्त्वहिताय च । संसारात्यजनार्थं च कुशलस्याक्षयाय च

śubhadvayasya prāptyartha sadā sattvahitāya ca / saṃsārātyajanārthaṃ ca kuśalasyākṣayāya ca

Sanskrit only: no published translation is held for this verse.

गोत्रस्य च विशुद्धयर्थं लक्षणव्यञ्जनाप्तये । शुद्धये बु[द्ध]धर्माणां बोधिसत्त्वः प्रपद्यते

gotrasya ca viśuddhayarthaṃ lakṣaṇavyañjanāptaye / śuddhaye bu[ddha]dharmāṇāṃ bodhisattvaḥ prapadyate

Sanskrit only: no published translation is held for this verse.

पुद्गलस्याथ धर्माणामभावः शून्यतात्र हि । तदभावस्य सद्भावस्तस्मिन् सा शून्यतापरा

pudgalasyātha dharmāṇāmabhāvaḥ śūnyatātra hi / tadabhāvasya sadbhāvastasmin sā śūnyatāparā

Sanskrit only: no published translation is held for this verse.

संक्लिष्टा चेद्भवेन्नासौ मुक्तास्स्युः सर्वदेहिनः । विशुद्धा चेद्भवेन्नासौ व्यायामो निष्फलो भवेत्

saṃkliṣṭā cedbhavennāsau muktāssyuḥ sarvadehinaḥ / viśuddhā cedbhavennāsau vyāyāmo niṣphalo bhavet

Sanskrit only: no published translation is held for this verse.

न क्लिष्टा नापि व ऽआक्लिष्टा शुद्धाशुद्धा न चैव सा । प्रभास्वरत्वाच्चित्तस्य क्लेशस्यागन्तुकत्वतः

na kliṣṭā nāpi va 'ākliṣṭā śuddhāśuddhā na caiva sā / prabhāsvaratvāccittasya kleśasyāgantukatvataḥ

Sanskrit only: no published translation is held for this verse.