Maitreya (attrib.): M 2

व्यापि प्रादेशिकोद्रिक्तसमादानविवर्जनम् । द्वयावरणमाख्यातं नवधा क्लेशलक्षणम्

vyāpi prādeśikodriktasamādānavivarjanam / dvayāvaraṇamākhyātaṃ navadhā kleśalakṣaṇam

Sanskrit only: no published translation is held for this verse.

संयोजनान्यावरणमुद्वेगसमुपेक्षयोः । तत्त्वदृष्टेश्च सत्कायदृष्टेस्तद्वस्तुनो ऽपि च

saṃyojanānyāvaraṇamudvegasamupekṣayoḥ / tattvadṛṣṭeśca satkāyadṛṣṭestadvastuno 'pi ca

Sanskrit only: no published translation is held for this verse.

निरोधमार्गरत्नेषु लाभसत्कार एव च । सङ्क्लेशस्य परिज्ञाने शुभादौ दशधापरम्

nirodhamārgaratneṣu lābhasatkāra eva ca / saṅkleśasya parijñāne śubhādau daśadhāparam

Sanskrit only: no published translation is held for this verse.

अप्रयोगो ऽनायतने ऽयोगविहितश्च यः । नोत्पत्तिरमनस्कारः सम्भारस्याप्रपूर्णता

aprayogo 'nāyatane 'yogavihitaśca yaḥ / notpattiramanaskāraḥ sambhārasyāprapūrṇatā

Sanskrit only: no published translation is held for this verse.

गोत्रमित्रस्य वैधुर्यं चित्तस्य परिखेदिता । प्रतिपत्तेश्च वैधुर्यं कुदुष्टजनवासता

gotramitrasya vaidhuryaṃ cittasya parikheditā / pratipatteśca vaidhuryaṃ kuduṣṭajanavāsatā

Sanskrit only: no published translation is held for this verse.

दौष्ठुल्यमवशिष्टत्वं त्रयात् प्रज्ञाविपक्वता । प्रकृत्या चैव दौष्ठुल्यं कौसीद्यं च प्रमादिता

dauṣṭhulyamavaśiṣṭatvaṃ trayāt prajñāvipakvatā / prakṛtyā caiva dauṣṭhulyaṃ kausīdyaṃ ca pramāditā

Sanskrit only: no published translation is held for this verse.

सक्तिर्भवे च भोगे च लीनचित्तत्वमेव च । अश्रद्धानधिमुक्तिश्च यथारुतविचारणा

saktirbhave ca bhoge ca līnacittatvameva ca / aśraddhānadhimuktiśca yathārutavicāraṇā

Sanskrit only: no published translation is held for this verse.

सद्धर्मे ऽगौरवं लाभे गुरुताकृपता तथा । श्रुतव्यसनमल्पत्वं समाध्यपरिकर्मिता

saddharme 'gauravaṃ lābhe gurutākṛpatā tathā / śrutavyasanamalpatvaṃ samādhyaparikarmitā

Sanskrit only: no published translation is held for this verse.

शुभं बोधिः समादानं धीमत्त्वाभ्रान्त्यनावृती । नृत्यत्रासो ऽमत्सरित्वं वशित्वञ्च शुभादयः

śubhaṃ bodhiḥ samādānaṃ dhīmattvābhrāntyanāvṛtī / nṛtyatrāso 'matsaritvaṃ vaśitvañca śubhādayaḥ

Sanskrit only: no published translation is held for this verse.

त्रीणि त्रीणि च एतेषां ज्ञेयान्यावरणानि हि । पक्ष्यपारमिताभूमिष्वन्यदावरणं पुनः

trīṇi trīṇi ca eteṣāṃ jñeyānyāvaraṇāni hi / pakṣyapāramitābhūmiṣvanyadāvaraṇaṃ punaḥ

Sanskrit only: no published translation is held for this verse.

वस्त्वकौशलकौसीद्यं समाधेर्द्वयहीनता । अरोपणाथ दौर्बल्यं दृष्टिदौष्ठुल्यदुष्टता

vastvakauśalakausīdyaṃ samādherdvayahīnatā / aropaṇātha daurbalyaṃ dṛṣṭidauṣṭhulyaduṣṭatā

Sanskrit only: no published translation is held for this verse.

ऐश्वर्यस्याथ सुगतेः सत्त्वात्यागस्य चावृतिः । हानिवृद्ध्योश्च दोषाणां गुणानामवतारणे

aiśvaryasyātha sugateḥ sattvātyāgasya cāvṛtiḥ / hānivṛddhyośca doṣāṇāṃ guṇānāmavatāraṇe

Sanskrit only: no published translation is held for this verse.

विमोचने ऽक्षयत्वे च नैरन्तर्ये शुभस्य च । नियतीकरणे धर्मसम्भोगपरिपाचने

vimocane 'kṣayatve ca nairantarye śubhasya ca / niyatīkaraṇe dharmasambhogaparipācane

Sanskrit only: no published translation is held for this verse.

सर्वत्रगार्थे अग्रार्थे निष्यन्दाग्रार्थ एव च । निष्परिग्रहतार्थ च सन्तानाभेद एव च

sarvatragārthe agrārthe niṣyandāgrārtha eva ca / niṣparigrahatārtha ca santānābheda eva ca

Sanskrit only: no published translation is held for this verse.

निस्सङ्क्लेशविशुद्ध्यर्थे ऽनानात्वार्थ एव च । अहीनानधिकार्थे च चतुर्धावशिताश्रये

nissaṅkleśaviśuddhyarthe 'nānātvārtha eva ca / ahīnānadhikārthe ca caturdhāvaśitāśraye

Sanskrit only: no published translation is held for this verse.

धर्मधातावविद्येयमक्लिष्टा दशधावृतिः । दशभूमिविपक्षेण प्रतिपक्षास्तु भूमयः

dharmadhātāvavidyeyamakliṣṭā daśadhāvṛtiḥ / daśabhūmivipakṣeṇa pratipakṣāstu bhūmayaḥ

Sanskrit only: no published translation is held for this verse.

क्लेशावरणमाख्यातं ज्ञेयावरणमेव च । सर्वाण्यावरणानीह यत्क्षयान्मुक्तिरिष्यते

kleśāvaraṇamākhyātaṃ jñeyāvaraṇameva ca / sarvāṇyāvaraṇānīha yatkṣayānmuktiriṣyate

Sanskrit only: no published translation is held for this verse.