Maitreya (attrib.): M 3

मूललक्षणतत्त्वमविपर्यासलक्षणम् । फलहेतुमयं तत्त्वं सूक्ष्मौदारिकमेव च

mūlalakṣaṇatattvamaviparyāsalakṣaṇam / phalahetumayaṃ tattvaṃ sūkṣmaudārikameva ca

Sanskrit only: no published translation is held for this verse.

प्रसिद्धं शुद्धिविषयं सङ्ग्राह्यं भेदलक्षणम् । कौशल्यतत्त्वं दशधा आत्मदृष्टिविपक्षतः

prasiddhaṃ śuddhiviṣayaṃ saṅgrāhyaṃ bhedalakṣaṇam / kauśalyatattvaṃ daśadhā ātmadṛṣṭivipakṣataḥ

Sanskrit only: no published translation is held for this verse.

स्वभावस्त्रिविधो ऽसच्च नित्यं सच्चाप्यतत्त्वतः । सदसत्तत्त्वतश्चेति स्वभावत्रयमिष्यते

svabhāvastrividho 'sacca nityaṃ saccāpyatattvataḥ / sadasattattvataśceti svabhāvatrayamiṣyate

Sanskrit only: no published translation is held for this verse.

समारोपापवादस्य धर्मपुद्गलयोरिह । ग्राह्यग्राहकयोश्चापि भावाभावे च दर्शनम्

samāropāpavādasya dharmapudgalayoriha / grāhyagrāhakayoścāpi bhāvābhāve ca darśanam

Sanskrit only: no published translation is held for this verse.

यज्ज्ञानान्न प्रवर्तेत तद्धि तत्त्वस्य लक्षणम् । असदर्थो ह्यनित्यार्थ उत्पाददव्ययलक्षणः

yajjñānānna pravarteta taddhi tattvasya lakṣaṇam / asadartho hyanityārtha utpādadavyayalakṣaṇaḥ

Sanskrit only: no published translation is held for this verse.

समलामलभावेन मूलतत्त्वे यथाक्रमम् । दुःखमादानलक्ष्माख्यं सम्बन्धेनापरं मतम्

samalāmalabhāvena mūlatattve yathākramam / duḥkhamādānalakṣmākhyaṃ sambandhenāparaṃ matam

Sanskrit only: no published translation is held for this verse.

अभावश्चाप्यतद्भावः प्रकृतिः शून्यता मता । अलक्षणञ्च नैरात्म्यं तद्विलक्षणमेव च

abhāvaścāpyatadbhāvaḥ prakṛtiḥ śūnyatā matā / alakṣaṇañca nairātmyaṃ tadvilakṣaṇameva ca

Sanskrit only: no published translation is held for this verse.

स्वलक्षणञ्च निर्दिष्टं दुःखसत्यमतो मतम् । वासनाथ समुत्थानमविसंयोग एव च

svalakṣaṇañca nirdiṣṭaṃ duḥkhasatyamato matam / vāsanātha samutthānamavisaṃyoga eva ca

Sanskrit only: no published translation is held for this verse.

स्वभावद्वयनोत्पत्तिर्मलशान्तिद्वयं मतम् । परिज्ञायां प्रहाणे च प्राप्तिसाक्षात्कृतावयम्

svabhāvadvayanotpattirmalaśāntidvayaṃ matam / parijñāyāṃ prahāṇe ca prāptisākṣātkṛtāvayam

Sanskrit only: no published translation is held for this verse.

मार्गसत्यं समाख्यातं प्रज्ञप्तिप्रतिपत्तितः । तथोद्भावनयौदारं परमार्थन्तु एकतः

mārgasatyaṃ samākhyātaṃ prajñaptipratipattitaḥ / tathodbhāvanayaudāraṃ paramārthantu ekataḥ

Sanskrit only: no published translation is held for this verse.

अर्थप्राप्तिप्रपत्त्या हि परमार्थस्त्रिधा मतः । निर्विकाराविपर्यासपरिनिष्पत्तितो द्वयम्

arthaprāptiprapattyā hi paramārthastridhā mataḥ / nirvikārāviparyāsapariniṣpattito dvayam

Sanskrit only: no published translation is held for this verse.

लोकप्रसिद्धमेकस्मात् त्रयाद् युक्तिप्रसिद्धकम् । विशुद्धगोचरं द्वेधा एकस्मादेव कीर्तितम्

lokaprasiddhamekasmāt trayād yuktiprasiddhakam / viśuddhagocaraṃ dvedhā ekasmādeva kīrtitam

Sanskrit only: no published translation is held for this verse.

निमित्तस्य विकल्पस्य नाम्नश्च द्वयसङ्ग्रहः । सम्यग्ज्ञानसतत्त्वस्य एकेनैव च सङ्ग्रहः

nimittasya vikalpasya nāmnaśca dvayasaṅgrahaḥ / samyagjñānasatattvasya ekenaiva ca saṅgrahaḥ

Sanskrit only: no published translation is held for this verse.

प्रवृत्तितत्त्वं द्विविधं सन्निवेशकुपन्नता । एकं लक्षणविज्ञप्तिशुद्धिसम्यक्प्रपन्नता

pravṛttitattvaṃ dvividhaṃ sanniveśakupannatā / ekaṃ lakṣaṇavijñaptiśuddhisamyakprapannatā

Sanskrit only: no published translation is held for this verse.

एकहेतुत्वभोक्तृत्वकर्तृत्ववशवर्तने । आधिपत्यार्थनित्यत्वे क्लेशशुद्ध्याश्रये ऽपि च

ekahetutvabhoktṛtvakartṛtvavaśavartane / ādhipatyārthanityatve kleśaśuddhyāśraye 'pi ca

Sanskrit only: no published translation is held for this verse.

योगित्वामुक्तमुक्तत्वे आत्मदर्शनमेषु हि । परिकल्पविकल्पार्थधर्मतार्थेन तेषु ते

yogitvāmuktamuktatve ātmadarśanameṣu hi / parikalpavikalpārthadharmatārthena teṣu te

Sanskrit only: no published translation is held for this verse.

अनेकत्वाभिसङ्क्षेपपरिच्छेदार्थ आदितः । ग्राहकग्राह्यतद्ग्राहबीजार्थश्चापरो मतः

anekatvābhisaṅkṣepaparicchedārtha āditaḥ / grāhakagrāhyatadgrāhabījārthaścāparo mataḥ

Sanskrit only: no published translation is held for this verse.

वेदितार्थपरिच्छेदभोगायद्वारतो ऽपरम् । पुनर्हेतुफलायासानारोपानपवादतः

veditārthaparicchedabhogāyadvārato 'param / punarhetuphalāyāsānāropānapavādataḥ

Sanskrit only: no published translation is held for this verse.

अनिष्टेष्टविशुद्धीनां समोत्पत्त्याधिपत्ययोः । सम्प्राप्तिसमुदाचारपारतन्त्र्यार्थतो ऽपरम्

aniṣṭeṣṭaviśuddhīnāṃ samotpattyādhipatyayoḥ / samprāptisamudācārapāratantryārthato 'param

Sanskrit only: no published translation is held for this verse.

ग्रहणस्थानसन्धानभोगशुद्धिद्वयार्थतः । फलहेतूपयोगार्थनोपयोगात्तथापरम्

grahaṇasthānasandhānabhogaśuddhidvayārthataḥ / phalahetūpayogārthanopayogāttathāparam

Sanskrit only: no published translation is held for this verse.

वेदनासनिमित्तार्थतन्निमित्तप्रपत्तितः । तच्छमप्रतिपक्षार्थयोगादपरमिष्यते

vedanāsanimittārthatannimittaprapattitaḥ / tacchamapratipakṣārthayogādaparamiṣyate

Sanskrit only: no published translation is held for this verse.

गुणदोषाविकल्पेन ज्ञानेन परतः स्वयम् । निर्याणादपरं ज्ञेयं सप्रज्ञप्तिसहेतुकात्

guṇadoṣāvikalpena jñānena parataḥ svayam / niryāṇādaparaṃ jñeyaṃ saprajñaptisahetukāt

Sanskrit only: no published translation is held for this verse.