Maitreya (attrib.): M 4

दौष्ठुल्यात् तर्षहेतुत्वाद् वस्तुत्वादविमोहतः । चतुस्सत्यावताराय स्मृत्युपस्थानभावना

dauṣṭhulyāt tarṣahetutvād vastutvādavimohataḥ / catussatyāvatārāya smṛtyupasthānabhāvanā

Sanskrit only: no published translation is held for this verse.

परिज्ञाते विपक्षे च प्रतिपक्षे च सर्वथा । तदपायाय वीर्यं हि चतुर्धा सम्प्रवर्तते

parijñāte vipakṣe ca pratipakṣe ca sarvathā / tadapāyāya vīryaṃ hi caturdhā sampravartate

Sanskrit only: no published translation is held for this verse.

कर्मण्यता स्थितेस्तत्र सर्वार्थानां समृद्धये । पञ्चदोषप्रहाणाष्टसंस्कारासेवनान्वया

karmaṇyatā sthitestatra sarvārthānāṃ samṛddhaye / pañcadoṣaprahāṇāṣṭasaṃskārāsevanānvayā

Sanskrit only: no published translation is held for this verse.

कौसीद्यमववादस्य सम्मोषो लय उद्धवः । असंस्कारो ऽथ संस्कारः पञ्च दोषा इमे मताः

kausīdyamavavādasya sammoṣo laya uddhavaḥ / asaṃskāro 'tha saṃskāraḥ pañca doṣā ime matāḥ

Sanskrit only: no published translation is held for this verse.

आश्रयो ऽथाश्रितस्तस्य निमित्तं फलमेव च । आलम्बने ऽसम्मोषो लयौद्धत्यानुबुद्ध्यना

āśrayo 'thāśritastasya nimittaṃ phalameva ca / ālambane 'sammoṣo layauddhatyānubuddhyanā

Sanskrit only: no published translation is held for this verse.

तदपायाभिसंस्कारः शान्तौ प्रशठवाहिता । रोपिते मोक्षभागीये च्छन्दयोगाधिपत्यतः

tadapāyābhisaṃskāraḥ śāntau praśaṭhavāhitā / ropite mokṣabhāgīye cchandayogādhipatyataḥ

Sanskrit only: no published translation is held for this verse.

आलम्बने ऽसम्मोषाविसारविचयस्य च । विपक्षस्य हि संलेखात् पूर्वस्य फलमुत्तरम्

ālambane 'sammoṣāvisāravicayasya ca / vipakṣasya hi saṃlekhāt pūrvasya phalamuttaram

Sanskrit only: no published translation is held for this verse.

द्वौ द्वौ निर्वेधभागीयाविन्द्रियाणि बलानि च । आश्रयाङ्गं स्वभावाङ्गं निर्याणाङ्गं तृतीयकम्

dvau dvau nirvedhabhāgīyāvindriyāṇi balāni ca / āśrayāṅgaṃ svabhāvāṅgaṃ niryāṇāṅgaṃ tṛtīyakam

Sanskrit only: no published translation is held for this verse.

चतुर्थमनुशंसाङ्गं निःक्लेशाङ्गं त्रिधा मतम् । निदानेनाश्रयेणेह स्वभावेन च देशितम्

caturthamanuśaṃsāṅgaṃ niḥkleśāṅgaṃ tridhā matam / nidānenāśrayeṇeha svabhāvena ca deśitam

Sanskrit only: no published translation is held for this verse.

परिच्छेदो ऽथ सम्प्राप्तिः परसम्भावना त्रिधा । विपक्षप्रतिपक्षश्च मार्गस्याङ्गं तदष्टधा

paricchedo 'tha samprāptiḥ parasambhāvanā tridhā / vipakṣapratipakṣaśca mārgasyāṅgaṃ tadaṣṭadhā

Sanskrit only: no published translation is held for this verse.

दृष्टौ शीले ऽथ संलेखे परविज्ञप्तिरिष्यते । क्लेशोपक्लेशवैभुत्वविपक्षप्रतिपक्षता

dṛṣṭau śīle 'tha saṃlekhe paravijñaptiriṣyate / kleśopakleśavaibhutvavipakṣapratipakṣatā

Sanskrit only: no published translation is held for this verse.

अनुकूला विपर्यस्ता सानुबन्धा विपर्यया । अविपर्यस्तविपर्यासाननुबन्ध च भावना

anukūlā viparyastā sānubandhā viparyayā / aviparyastaviparyāsānanubandha ca bhāvanā

Sanskrit only: no published translation is held for this verse.

आलम्बनमनस्कारप्राप्तितस्तद् विशिष्टता । हेत्ववस्थावताराख्या प्रयोगफलसंज्ञिता

ālambanamanaskāraprāptitastad viśiṣṭatā / hetvavasthāvatārākhyā prayogaphalasaṃjñitā

Sanskrit only: no published translation is held for this verse.

कार्याकार्यविशिष्टा च उत्तरानुत्तरा च सा । अधिमुक्तौ प्रवेशे च निर्याणे व्याकृतावपि

kāryākāryaviśiṣṭā ca uttarānuttarā ca sā / adhimuktau praveśe ca niryāṇe vyākṛtāvapi

Sanskrit only: no published translation is held for this verse.

कथिकत्वे ऽभिषेके च सम्प्राप्तावनुशंसने । कृत्यानुष्ठान उद्दिष्टा धर्माधातौ त्रिधा पुनः

kathikatve 'bhiṣeke ca samprāptāvanuśaṃsane / kṛtyānuṣṭhāna uddiṣṭā dharmādhātau tridhā punaḥ

Sanskrit only: no published translation is held for this verse.

अशुद्धाशुद्धशुद्धा च विशुद्धा च यथार्थतः । पुद्गलानां व्यवस्थानं यथायोगमतो मतम्

aśuddhāśuddhaśuddhā ca viśuddhā ca yathārthataḥ / pudgalānāṃ vyavasthānaṃ yathāyogamato matam

Sanskrit only: no published translation is held for this verse.

भाजनत्वं विपाकाख्यं बलन्तस्याधिपत्यतः । रुचिर्वृद्धिर्विशुद्धिश्च फलमेतद् यथाक्रमम्

bhājanatvaṃ vipākākhyaṃ balantasyādhipatyataḥ / rucirvṛddhirviśuddhiśca phalametad yathākramam

Sanskrit only: no published translation is held for this verse.

उत्तरोत्तरमाद्यञ्च तदभ्यासत् समाप्तितः । आनुकूल्याद् विपक्षाच्च विसंयोगाद् विशेषतः

uttarottaramādyañca tadabhyāsat samāptitaḥ / ānukūlyād vipakṣācca visaṃyogād viśeṣataḥ

Sanskrit only: no published translation is held for this verse.